Cyfrifoldeb gyrru bws mini yn ddiogel ac effeithlon, gan ystyried iechyd, diogelwch a lles y teithwyr ac ystyriaethau rheolau’r ffordd fawr.
Cynnal gwiriad diogelwch cerbyd dyddiol, yn unol a pholisïau’r adran fflyd, gan adrodd nol i’r rheolwr llinell a swyddogion perthnasol yr adran fflyd.
Darparu gwasanaeth gyfeillgar a chynorthwyo dysgwyr i ddod i fewn ac allan o’r cerbyd yn ddiogel a sicrhau eu bod yn gwisgo gwregys diogelwch. Bydd angen ystyried nodweddion corfforol a meddyliol wrth lleoli seddi addas.
Bydd angen gweithredu ramp cadair olwyn yng nghefn y cerbyd a sicrhau fod y dysgwr yn ddiogel wrth gael ei symud a bod y gadair yn cael ei chlampio yn gywir yn y cerbyd – darperir hyfforddiant priodol i’r perwyl hyn.
Gwisgo dillad arbenigol a ddarperir gan y cyngor wrth ystyried nodweddion Iechyd a Diogelwch.
Hysbysu y rheolwr llinell o unrhyw broblemau neu rhwystredigaethau a all fodoli neu ddigwyddiadau ar y cludiant, gan lenwi’r ffurflen berthnasol fel bo’r angen.
Os bydd y cerbyd yn gorfod stopio yn annisgwyl, neu yn torri lawr, byddwch yn gyfrifol am drosglwyddo’r dysgwyr yn ddiogel i gerbyd arall.
Sicrhau fod y cerbydau yn cael eu cadw yn lan y tu allan a thu mewn, darperir offer i’r perwyl hwn.
Mynychu hyfforddiant yn berthnasol i’r swydd.
Ymgymryd a dyletswyddau yn unol a pholisïau a gweithdrefnau’r cyngor,
Chwarae rhan llawn wrth i’r gwasanaeth sefydlu yr hyn sy’n bwysig i bobl Gwynedd
Chwarae rhan llawn wrth ddatblygu egwyddorion gweithredu’r tim ynghyd a chyfrifoldeb personol dros gadw atynt.
Gweithredu’n hyblyg o fewn egwyddorion gweithredu’r Tim i gyflawni yr hyn sy’n bwysig i drigolion Gwynedd.
Edrych yn barhaus am gyfleoedd i wella’r gwasanaeth gan adnabod materion sy’n rhwystro’r tim rhag cyflawni yn effeithiol ac effeithlon a gweithredu er mwyn eu datrys.
Sicrhau fod y wybodaeth sydd ei angen er mwyn profi pa mor dda yr ydym yn cyflawni’r hyn sy’n bwysig yn cael ei gadw gan ddefnyddioi’r wybodaeth honno i wella gwasanaeth.
Cyfranu a chymryd penderfyniadau priodol er mwyn cyflawni’r hyn sy’n bwysig i bobl Gwynedd
Cynorthwyo timau eraill i gyflawni’r hyn sy’n bwysig i bobl Gwynedd
Gweithredu mewn ffordd rhagweithiol; bod yn agored i feddwl yn wahanol; yn egnïol ac ymroddedig gydag integriti personol er mwyn cyflawni’r swyddogaethau uchod.
Bod yn gyfrifol am ddatblygiad personol er mwyn medru cyflawni’r swydd
Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
Gweithredu o fewn polisïau’r Cyngor yng nghyswllt cyfle cyfartal a chydraddoldeb.
Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor.  Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor
Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin