Swyddi ar lein
Peiriannydd Cynnal a Chadw Strwythurau - Arolygydd Heb ei Ardystio
£37,280 - £39,152 y flwyddyn | Parhaol
- Cyfeirnod personel:
- 25-30256
- Teitl swydd:
- Peiriannydd Cynnal a Chadw Strwythurau - Arolygydd Heb ei Ardystio
- Adran:
- Asiant Cefnffyrdd Gogledd a Chanolbarth Cymru
- Gwasanaeth:
- Uned Twnelau a Technoleg
- Dyddiad cau:
- 19/02/2026 10:00
- Math Swydd/Oriau:
- Parhaol | 37 Awr
- Cyflog:
- £37,280 - £39,152 y flwyddyn
- Gradd tâl:
- S4
- Lleoliad(au):
- Gweler Hysbyseb Swydd
Manylion
Hysbyseb Swydd
Peiriannydd Cynnal a Chadw Strwythurau (Arolygydd Heb ei Ardystio)
Cyflog: S4 £37,280 – £39,152
Oriau: 37 awr (Gweithio’n Hybrid)
Lleoliad: Parc Menai / Conwy / St.Asaph / Llandrindod Wells / Newtown / Aberystwyth / Halkyn
Ydych chi’n barod i chwarae rhan allweddol wrth sicrhau diogelwch a dibynadwyedd seilwaith trafnidiaeth Cymru? Dyma gyfle cyffrous i ymuno â thîm proffesiynol yn Asiant Cefnffyrdd Gogledd a Chanolbarth Cymru, gan gyfrannu at waith arolygu a chynnal a chadw dros 2,000 o strwythurau ar y rhwydwaith ffyrdd strategol. Byddwch yn cefnogi’r gwaith o sicrhau bod pontydd, twneli, cwlfertau, waliau
cynnal a seilwaith cysylltiedig yn cael eu harchwilio a’u rheoli yn unol â safonau cenedlaethol ac arferion gorau’r diwydiant.
Yn y rôl hon, byddwch yn cynnal prif arolygiadau ac arolygiad cyffredinol, gan asesu cyflwr elfennau strwythurol, nodi diffygion a darparu adroddiadau clir a manwl i lywio rhaglenni cynnal a chadw. Byddwch yn gweithio’n agos gyda pheirianwyr, rheolwyr asedau, ymgynghorwyr ac asiantaethau partneriaid i sicrhau bod gwaith cynnal a chadw a gwella’n cael ei gynllunio a’i flaenoriaethu’n effeithiol. Byddwch hefyd yn datblygu eich arbenigedd wrth weithio tuag at achrediad BICS ac yn cyfrannu at wasanaeth arolygu sy’n chwarae rhan pwysig wrth gadw’r cyhoedd yn ddiogel ar ein rhwydwaith.
Os oes gennych unrhyw gwestiynau am y swydd uchod, cysylltwch â: Christopher Head (Rheolwr Strwythurau) - christopherhead@nmwtra.org.uk
Mae’r gallu i gyfathrebu yn y Gymraeg yn ddymunol ar gyfer y rol yma.
Dyddiad Cau: 10.00am, Dydd Iau, 19/02/26.
Os yn llwyddiannus i gyrraedd y rhestr fer, byddwn yn cysylltu â chwi drwy’r cyfeiriad e-bost a ddarparwyd gennych. Sicrhewch eich bod yn gwirio eich e-bost yn rheolaidd.
Manylion Person
Nodweddion personol
Hanfodol
Gallu gweithio dan bwysau. Gallu ysgogi staff ar bob lefel.
Sgiliau trefnu da
Y gallu i gymell chi eich hun, bod yn frwdfrydig ac yn ymroddedig
Y gallu i weithio a chyfrannu’n effeithiol fel rhan o dîm amlddisgyblaethol
Yn gallu gweithio gyda dim ond ychydig o oruchwyliaeth
Arddangos mentergarwch personol a’r gallu i ddelio â phobl ar bob lefel mewn modd cwrtais a phroffesiynol
Sgiliau rhyngbersonol da
Yn gallu blaenoriaethu a gweithio dan bwysau ac yn gallu delio â therfynau amser gwaith.
Dymunol
Gallu arwain a rheoli staff iau
Sgiliau datrys problemau
Cymwysterau a hyfforddiant perthnasol
Hanfodol
HNC ynghyd â 5 mlynedd o brofiad peirianneg NEU HNC ynghyd â 2 flynedd o
brofiad cynnal a chadw ac arolygu strwythurau priffyrdd NEU Radd mewn
Peirianneg Sifil/Strwythurol.
Parodrwydd i symud ymlaen tuag at Gynllun Sector Cenedlaethol 31 mewn
Arolygu Strwythurau Priffyrdd.
Dymunol
Gradd mewn Peirianneg Sifil/Strwythurol
Eng. Tech neu I Eng. neu gymhwyster proffesiynol cyffelyb
Cymhwyster City & Guilds, neu gyfwerth, mewn Archwiliadau Diogelwch Priffyrdd
Hyfforddiant Gofod Cyfyng
Cymhwyster Iechyd a Diogelwch
Cymhwyster TG
Y gallu i arddangos Datblygiad Proffesiynol Parhaus
Profiad perthnasol
Hanfodol
Profiad mewn arolygu, cynnal a chadw neu ddylunio strwythurau priffyrdd
Dymunol
Profiad o reoli cyllidebau
Goruchwylio contractwyr, yn cynnwys prisiadau a chymeradwyo taliadau
Profiad o wneud defnydd gweithredol o systemau rheoli data
Profiad o ddefnyddio amrywiaeth o raglenni caledwedd a meddalwedd TG
Profiad o reoli tîm
Profiad o ddarparu gwasanaethau i ISO 9001 neu systemau rheoli eraill
Sgiliau a gwybodaeth arbenigol
Hanfodol
Sgiliau TG, defnyddio rhaglenni Microsoft Office gan gynnwys Word ac Excel
Gwybodaeth am ddeddfwriaeth iechyd a diogelwch a gweithredu technegau rheoli risg
Trwydded Yrru Lawn gyfredol y DU
Dymunol
Profiad o weithio o fewn deddfwriaeth berthnasol. Nodi blaenoriaethau o fewn rhaglenni gwaith
Tystiolaeth o sgiliau trefnu a’r gallu i weithio gydag ychydig iawn o oruchwyliaeth, a’r gallu i flaenoriaethu llwythi gwaith sy’n cystadlu â'i gilydd
Sgiliau cyfathrebu datblygedig iawn, ar lafar ac yn ysgrifenedig
Y gallu i ddangos sgiliau rhyngbersonol o’r safon uchaf a’r gallu i ysgogi tîm
Y gallu i reoli newid ac i fynd â datblygiadau newydd yn eu blaen yn llwyddiannus
Profiad o gasglu ac asesu data
Profiad o ddylunio a chynnal a chadw strwythurau priffyrdd megis Llawlyfr Cynnal a Chadw Cefnffyrdd Llywodraeth Cymru (WGTRMM), y Llawlyfr Dylunio ar gyfer Ffyrdd a Phontydd (DMRB), system Rheoli Gwaith Cynnal a Chadw Arferol Asiantaethau Priffyrdd (RMMS).
Anghenion ieithyddol
Gwrando a Siarad - Mynediad
Gallu ynganu enwau llefydd a phobl yn gywir.Gallu dilyn cyfarwyddiadau a deall rhediad sgwrs syml drwy gyfrwng y Gymraeg a’r Saesneg ar faterion cyfarwydd ac ymateb i geisiadau syml am wybodaeth.
Darllen a Deall - Mynediad
Gallu darllen a deall llythyrau byr, syml, negeseuon ebost, taflenni, ac arwyddion syml drwy gyfrwng y Gymraeg a’r Saesneg ar faterion cyfarwydd bob dydd er mwyn eu trosglwyddo i berson arall.
Ysgrifennu - Mynediad
Gallu ysgrifennu nodyn syml yn gofyn am neu’n rhoi gwybodaeth am faterion cyfarwydd bob dydd yn y gweithle.
Swydd Ddisgrifiad
Pwrpas y swydd
•Mae'r Peiriannydd Cynnal a Chadw Strwythurau yn gyfrifol am gynnal archwiliadau statudol o strwythurau sy'n gysylltiedig â phriffyrdd, gan gynnwys pontydd, twneli, cwlfertau, waliau cynnal, ac asedau cysylltiedig eraill. Bydd arolygiadau'n cael eu cynnal yn unol â'r Llawlyfr Arolygu perthnasol a safonau achredu'r Cynllun Arolygu ac Ardystio Pontydd (BICS), gan sicrhau asesiadau cywir a chyson o gyflwr asedau.
•Bydd deiliad y swydd yn cynnal Prif Arolygiadau a Chyffredinol, gan nodi diffygion strwythurol, dirywiad, a risgiau diogelwch posibl. Byddant yn llunio adroddiadau arolygu clir, cynhwysfawr, gan ddarparu cofnodion ac argymhellion cywir i lywio strategaethau rheoli asedau, rhaglenni cynnal a chadw, a chydymffurfiaeth â gofynion statudol a diwydiant.
•Cynorthwyo'r Uwch Beiriannydd Cynnal a Chadw Strwythurau i reoli'r rhaglen cynnal a chadw strwythurau priffyrdd arferol ar gyfer dros 2000 o strwythurau. Datblygu arbenigedd arbenigol i sicrhau bod effeithlonrwydd gweithrediadau cynnal a chadw yn cael ei wneud i'r eithaf. Ymgymryd â rôl arweiniol a bod yn arloesol wrth gyflawni gwasanaeth cynnal a chadw ac arolygu cyffredinol o fewn yr Uned Rheoli Pontydd.
•Cymhwyso egwyddorion peirianneg i bennu cyfnodau arolygu yn y dyfodol.
•Adnabod strwythurau sy'n gofyn am fesurau ychwanegol i benderfynu ar eu defnydd parhaus diogel trwy ddilyn y Prif Adolygiad Asesiad Risg Cyfnodol (PIIRA).
•Rheoli aelodau tîm iau, o fewn yr Uned a'r Gwasanaeth yn ei gyfanrwydd, a darparu arweinyddiaeth i aelodau tîm iau.
•Cynorthwyo'r Uwch Beiriannydd Cynnal a Chadw Strwythurau i reoli comisiynu a rheoli ymgynghorwyr a chontractwyr. Cynorthwyo i ddatrys materion cytundebol gyda sefydliadau fel contractwyr ac ymgynghorwyr.
•Bod yn ymwybodol o weithdrefnau newydd a gyflwynwyd yn unol â pholisïau a gweithdrefnau NMWTRA yn ogystal â datblygiadau cenedlaethol a gweithredu arnynt.
•Cyflawni gofynion deddfwriaeth iechyd a diogelwch ac amgylcheddol.
•Caffael a chynnal gwybodaeth gyfredol am:
1.Yr arfer gorau mewn materion arolygu a chynnal a chadw strwythurau priffyrdd.
2.Dull caffael ar gyfer contractwyr ac ymgynghorwyr allanol sy'n angenrheidiol i fodloni gofynion darparu gwasanaethau.
3.Safonau a datblygiadau technegol (gan gynnwys systemau cyfrifiadurol sy'n cael eu defnyddio ar hyn o bryd), a chyfrifoldebau proffesiynol a statudol (gan gynnwys, e.e. y rhai o dan Ddeddf Iechyd a Diogelwch yn y Gwaith, 1974, Deddf Bywyd Gwyllt a Chefn Gwlad 1982, Rheoliadau Cynefinoedd 1994 a Rheoliadau priodol, e.e. Rheoliadau CDM) a'u gweithrediad sy'n berthnasol i'r gwaith a'r swyddogaethau sy'n cael eu cyflawni.
Cyfrifoldeb am adnoddau e.e. staff, cyllid, offer
•Cerbydau ac offer TG sy'n berthnasol i'r dyletswyddau.
•Yr holl offer arolygu a ddefnyddir yn y rôl gan gynnwys offer arbenigol ar log.
•Pob cyfarpar diogelu personol.
•Rheoli staff ar ran Technegwyr Cynnal a Chadw Strwythurau.
•Cynorthwyo wrth reoli gwaith arolygu a chyllidebau cynnal a chadw perthnasol.
•I ddirprwyo ar ran yr Uwch Beiriannydd Cynnal a Chadw yn ei absenoldeb.
•Cynorthwyo'r Uwch Beiriannydd Cynnal a Chadw Strwythurau i reoli’n ariannol y rhaglenni arolygu a’r ddarpariaeth gwasanaeth cynnal a chadw o fewn y cyllidebau sydd ar gael.
Prif ddyletswyddau
•Cynnal Prif Arolygiadau ac Arolygiadau Cyffredinol o strwythurau priffyrdd (gan gynnwys pontydd ffyrdd, croesfannau afonydd, cwlfertau, waliau cynnal, ac asedau cysylltiedig eraill) yn unol â'r Llawlyfr Dylunio ar gyfer Ffyrdd a Phontydd, safonau achredu BICS a Llawlyfr Arolygu Llywodraeth Cymru.
•Cofnodi ac asesu cyflwr elfennau strwythurol, gan nodi diffygion, dirywiad a pheryglon posibl.
•Llunio adroddiadau arolygu cywir, manwl, gan gynnwys graddfeydd cyflwr, ffotograffau ac argymhellion cynnal a chadw.
•Sicrhau bod cofnodion arolygu yn cael eu cwblhau yn unol â gofynion statudol, safonau'r diwydiant, a gweithdrefnau awdurdodau lleol.
•Cysylltu â pheirianwyr, rheolwyr asedau, a rhanddeiliaid eraill i ddarparu mewnbwn technegol ar ganfyddiadau arolygiad.
•Cefnogi'r gwaith o gynllunio a blaenoriaethu gwaith cynnal a chadw, atgyweirio a gwella yn seiliedig ar ganlyniadau arolygiad.
•Ymgymryd ag ymweliadau safle mewn amrywiaeth o amgylcheddau, gan gynnwys gweithio ar uchder, mewn mannau cyfyng, neu yng nghyffiniau dŵr, gan ddilyn yr holl ofynion iechyd a diogelwch perthnasol.
•Datblygu eu hachrediad BICS a chadw i fyny â newidiadau mewn safonau, technegau a deddfwriaeth arolygu.
•Cynorthwyo mewn archwiliadau brys yn dilyn digwyddiadau neu ddigwyddiadau tywydd eithafol.
•Symud ymlaen tuag at ardystio ar lefel 'Arolygydd' neu 'Uwch Arolygydd' drwy'r Cynllun Cymhwysedd Arolygydd Pontydd (BICS).
•Datblygu a chynnal perthynas ymarferol a phroffesiynol gyda chynrychiolwyr Llywodraeth Cymru, Darparwyr Gwasanaeth Awdurdodau Partner ACGCC, Contractwyr ac Ymgynghorwyr allanol ar y fframwaith a heb fod ar y fframwaith.
•Cynorthwyo i baratoi amcangyfrifon costau, creu asesiadau risg a datganiadau dulliau, cynllunio gofynion arolygu strwythurau priffyrdd, cynhyrchu rhaglenni. Monitro cynnydd gwirioneddol yn erbyn y rhagolygon a chymryd camau adferol angenrheidiol.
•Cyd-gysylltu gydag awdurdodau eraill gan gynnwys LlC, ymgymerwyr statudol, awdurdodau eraill, ac unigolion sy’n ymwneud â holl agweddau darparu’r gwasanaeth.
•Cyfrifoldeb am hunan-ddatblygiad.
•Sicrhau cydymffurfiaeth â rheolau Iechyd a Diogelwch yn y gweithle gan gynnwys gweithgareddau ar y safle yn unol â’r cyfrifoldebau a nodir yn Neddf Iechyd a Diogelwch yn y Gwaith 1974 a Pholisi Iechyd a Diogelwch y Cyngor.
•Gweithredu oddi mewn i bolisïau’r Cyngor yng nghyswllt cyfle cyfartal a chydraddoldeb.
•Cyfrifoldeb am reoli gwybodaeth yn unol â chanllawiau rheoli gwybodaeth y Cyngor. Sicrhau yr ymdrinnir â gwybodaeth bersonol mewn modd sy’n cydymffurfio â deddfwriaeth Diogelu Data.
•Ymrwymiad i leihau allyriadau carbon y Cyngor ac annog eraill i weithredu'n gadarnhaol tuag at leihau Ôl Troed Carbon y Cyngor.
•Rhestr enghreifftiol yn unig yw hon. Disgwylir i ddeilydd y swydd fod â rhan yn y broses o reoli a monitro perfformiad yn unol â gofynion y swydd gan ysgwyddo dyletswyddau eraill perthnasol i natur a graddfa’r swydd ar gais gan Bennaeth/Rheolwr y Gwasanaeth neu’r Cyfarwyddwr Strategol.
Amgylchiadau arbennig
•Yr angen i weithio y tu allan i oriau gwaith pan fo'r rhaglen a chyfyngiadau arwynebedd ffordd yn gofyn am hynny, e.e. cau twneli a ffyrdd gyda'r nos ac ar benwythnosau. Mae'n bosibl y bydd rhaid gweithio ar benwythnosau, er enghraifft, pan fo mynediad at bontydd rheilffordd ar gael.
•Bod yn heini ac yn gallu ymgymryd â'r tasgau canlynol
•Gweithio mewn dŵr a/neu ger ddŵr
•Gweithio mewn mannau cyfyng (cwlfertau, trawstiau cynhaliad)
•Gweithio ar Uchder (MEWP, ysgolion)
•Gweithio ger traffig byw ar rwydwaith ffyrdd cyflym
•y gallu i reoli staff a’r gwasanaeth o fewn cyfyngiadau ariannol a chyfreithiol
•y gallu i weithio o dan bwysau ac ysgogi staff.
