Pwrpas y swydd
Prif Rôl y Swydd
1.Bydd yr Arweinydd Swyddogion Traffig yn gyfrifol am ansawdd a safonau sicrwydd Swyddogion Traffig Asiant Cefnffyrdd y Gogledd a'r Canolbarth.
2.Darparu lefel uwch o gyfrifoldeb, gwybodaeth, arweiniad a chefnogaeth i Swyddogion Traffig, Gweithredwyr Ystafelloedd Rheoli yn ogystal â Rheolwyr Tîm Gweithrediadau a'r Rheolwr Gweithrediadau.
3.Gweithredu yn rhagweithiol ac ymatebol yn ôl yr angen i liniaru effeithiau’n gysylltiedig â digwyddiadau ar y rhwydwaith a bod yn ymwybodol o faterion a allai amharu ar weithredu'n ddiogel.
4.Mynychu digwyddiadau a chymryd rôl Comander Gweithredol (Efydd) a chydlynu gyda gwasanaethau brys gan gydymffurfio ag egwyddorion JESIP.
5.Darparu lefel uwch o gyfrifoldeb iechyd a diogelwch drwy gyflwyniadau diogelwch a chynnal archwiliad o swyddogaethau'r Swyddogion Traffig, h.y. gwiriadau llyfrau nodiadau poced, cyfarpar diogelu personol ac adrodd yn ôl.
Cyfrifoldeb am adnoddau e.e. staff, cyllid, offer
•Cerbyd, radio ton awyr, camera fideo a wisgir ar y corff, ffôn a llechen.
Prif ddyletswyddau
Safonau Perfformiad
1.Cynrychioli ACGChC a Llywodraeth Cymru (LlC) mewn ffordd broffesiynol a chadarnhaol bob amser.
2.Sicrhau ymagwedd o ansawdd uchel at reoli perfformiad bob amser, gan weithredu fel canolbwynt i staff.
3.Gweithredu i adeiladu a chynnal perthnasoedd cadarnhaol gyda rhanddeiliaid mewnol ac allanol.
4.Bod yn weithgar wrth geisio gwella hunanwybodaeth am bolisïau a gweithdrefnau, gan gynnal dealltwriaeth fanwl o rwydwaith Cefnffyrdd LlC a gwasanaeth Swyddogion Traffig LlC.
5.Cyflawni lefel dderbyniol yn yr amcanion y cytunwyd arnynt.
6.Sicrhau y cedwir yn gaeth at Bolisïau Iechyd a Diogelwch yn y Gwaith.
7. Cymryd cyfrifoldeb am Iechyd a Diogelwch personol bob amser. ⁠
Goruchwyliaeth a Swyddogaethau
1.Ymgymryd â'r holl ddyletswyddau a chyfrifoldebau a gyflawnir fel Swyddog Traffig lle bo angen.
2.Sicrhau bod Swyddogion Traffig yn deall ac yn bodloni'r safonau gwasanaeth y cytunwyd arnynt trwy fonitro gweithgareddau ar y ffordd o ran sicrwydd a chydymffurfiaeth ac arsylwadau.
3.Cynnal archwiliadau mewn digwyddiadau ar y rhwydwaith i sicrhau cydymffurfiaeth â gweithdrefnau'r Swyddogion Traffig.
4.Hyfforddi ac addysgu Swyddogion Traffig yn unol â'r arfer gorau cyfredol.
5.Cynnal gwiriadau cydymffurfio fel offer diogelwch personol, llyfrau nodiadau poced a gwiriadau POWDER.
6.Hyrwyddo ac adeiladu perthnasoedd gwaith da o fewn y tîm ar y ffordd a rhanddeiliaid gweithredol allweddol i gefnogi gweithio amlasiantaethol effeithiol.
7.Dirprwyo ar gyfer Rheolwyr y Tîm Gweithrediadau yn rhinwedd eu swyddogaethau fel Swyddogion Traffig.
8.Darparu cyfathrebu ysgrifenedig, electronig a llafar ar ffurf adroddiadau, nodiadau briffio, cyflwyniadau diogelwch a chofnodion yn ôl y gofyn.
9.Cynnal/cynorthwyo gydag adrodd yn ôl ar weithrediadau lle bo angen.
10.Cefnogi'r gwaith o reoli cerbydau ac offer o ddydd i ddydd er mwyn cynnal parhad y gwasanaeth lle bo angen.
11.Cymryd cyfrifoldeb am ei weithredoedd/gweithredoedd ei hun a gweithredoedd y tîm.
12.Gweithredu bob amser mewn ffordd broffesiynol gan sicrhau dull cyson o ansawdd uchel wrth ddelio â'r cyhoedd, yr Heddlu ac asiantaethau eraill.
13.Unrhyw ddyletswyddau eraill sy'n gymesur â graddfa'r swydd.
Hyfforddiant, Ansawdd a Phroses
1.Adnabod a bod yn gyfrifol am reoli a diwallu amcanion datblygu ac anghenion hyfforddi staff unigol a’r holl staff yn gyffredinol, i sicrhau bod staff yn gwbl gyfarwydd a chymwys yn eu swyddogaethau a'u cyfrifoldebau.
2.Ymgymryd ag unrhyw hyfforddiant perthnasol mewn perthynas â datblygiad proffesiynol parhaus.
3.Casglu a chymhathu data a gwybodaeth o gofnodion er mwyn adnabod tueddiadau ac adrodd i ACGChC a rhanddeiliaid, perfformiad y gwasanaeth, adrodd yn ôl ac adroddiadau ysgrifenedig, yn ôl y gofyn, yn unol â gofynion deddfwriaethol a sefydliadol.
4.Archwilio, adolygu, argymell a gweithredu gwelliannau ac addasiadau priodol i brosesau technegol a gweithdrefnau gweithredol, protocolau a safonau, gan gynnwys Gweithdrefnau Swyddogion Traffig a Llawlyfr Canllawiau Cymru gyfan Llywodraeth Cymru.
5.Cwblhau rhaglen o hyfforddiant gofynnol sydd wedi'i adnabod ac sy'n achrededig o fewn cyfnod prawf diffiniedig.
Iechyd a Diogelwch a’r Amgylchedd
1.Cyfrannu at ddatblygu dulliau gweithio diogel.
2.Sicrhau cydymffurfiaeth â’r holl weithdrefnau, prosesau, polisïau, systemau rheoli ansawdd, rheolau, rheoliadau a deddfwriaethau fel y maent yn berthnasol i'r swydd, gan gadw cofnodion cywir at ddibenion archwilio.
3.Mae'n gyfrifoldeb ar bob gweithiwr ACGChC i gydymffurfio gyda ac ymddwyn yn unol â pholisïau Iechyd a Diogelwch, amgylcheddol ac ansawdd fel y'u diffinnir yn y System Reoli Busnes Integredig.
4.Disgwylir i ddeiliad y swydd fod yn ymwybodol o ofynion deddfwriaeth Iechyd a Diogelwch ac i gydweithredu â Rheolwr Iechyd a Diogelwch y Gyfarwyddiaeth i sicrhau cydymffurfiaeth â'r gofynion perthnasol.
5.Rheoli a chynnal diwylliant iechyd a diogelwch cadarnhaol.
Amgylchiadau arbennig
Oriau Gwaith:
•Y gofyn i weithio patrymau shifft sy'n cyfateb i 42 awr yr wythnos yn flynyddol (Pro Rata), shifftiau 12 awr, 4 diwrnod yn gweithio a 4 i ffwrdd, 365 diwrnod y flwyddyn (07:00 o'r gloch i 19:00 o'r gloch) i fodloni gofynion gweithredol.
•Y gofyn am hyblygrwydd achlysurol mewn patrymau shifftiau i fodloni gofynion gweithredol.
•Y gofyn i weithio goramser achlysurol, ac yn achlysurol yn ystod y nos.
•Y gofyn i weithio Gwyliau Banc a Phenwythnosau yn unol â phatrymau shifft.
•Y gofyn i weithio o leoliadau canolfannau gweithredol eraill i fodloni gofynion gweithredol.