Pwrpas y Swydd.
Datblygu a gweithredu cynlluniau i greu cynnwys newyddion aml-gyfrwng creadigol a deniadol (fideos, clipiau cyfryngau cymdeithasol, cyfweliadau ar gamera, erthyglau ac ati) i gyfathrebu gwaith y Cyngor i ystod eang o gynulleidfaoedd a budd-ddeiliaid mewnol (staff ac aelodau etholedig) ac allanol (trigolion a defnyddwyr gwasanaeth).
Cyfrifoldeb am Adnoddau.  . e.e. staff, cyllid, offer
Cyfarpar ffilmio
Prif Ddyletswyddau.
Cynllunio, sgriptio, recordio / ffilmio, golygu a hyrwyddo deunydd aml-gyfrwng (cyfweliadau, clipiau fideo, delweddau ac ati) i gyfathrebu gwybodaeth am flaenoriaethau, prosiectau a gwaith dydd i ddydd y Cyngor i ystod eang o gynulleidfaoedd mewnol ac allanol.
Trefnu a mynychu digwyddiadau i dynnu lluniau a recordio deunydd gan gynnwys cyfweliadau byr ar gamera gyda Aelodau Cabinet, cynghorwyr, uwch-swyddogion, swyddogion a rhanddeiliaid allweddol.
Cyd-weithio gyda swyddogion y Gwasanaeth Cyfathrebu ac Ymgysylltu a swyddogion ar draws y Cyngor i ddod a Chynlluniau Cyfathrebu a straeon gweledol am waith y Cyngor yn fyw i ystod o gynulleidfaoedd.
Ysgrifennu straeon newyddion, erthyglau a deunydd cyfathrebu i gyd-fynd â’r cynnwys digidol ar gyfer gwefan y Cyngor, Mewnrwyd Staff, Mewnrwyd Cynghorwyr ac ati.
Pecynnu cynnwys digidol ar gyfer cyfrifon Facebook, X, Instagram a Bluesky y Cyngor a chreu deunydd ysgrifenedig cysylltiedig bywiog a deniadol i hyrwyddo’r cynnwys.
Creu cynnwys ar gyfer gofod newyddion newydd ar wefan y Cyngor a hyrwyddo’r dudalen hon fel ffynhonnell gwybodaeth defnyddiol i bobl Gwynedd.
Cydweithio gyda’r Swyddog Cyfathrebu Mewnol i greu cynnwys deniadol a chreadigol ar gyfer staff, er enghraifft ar y fewnrwyd ac yn y cylchgrawn staff.
Cydweithio gyda gohebwyr a chynhyrchwyr newyddion allanol i greu cynnwys y gallent ei ddefnyddio ar wefannau newyddion ac ati.
Ymchwilio a chreu cynnwys creadigol ac effeithiol ar gyfer cyhoeddiadau eraill y Cyngor.
Datblygu ffurfiau newydd o gyfathrebu gwybodaeth i gynghorwyr a staff tu hwnt i newyddlenni traddodiadol.
Datblygu cynllun gwefannau cymdeithasol newydd i sicrhau fod y Cyngor yn parhau i wneud defnydd effeithiol o’r llwyfannau hyn.
Monitro ymarfer da a’r datblygiadau diweddaraf yn y maes cyfathrebu digidol a gwefannau cymdeithasol yn barhaus er mwyn sicrhau fod y Cyngor yn parhau i wneud defnydd arloesol ac effeithiol o’r cyfryngau hyn yn y dyfodol.
Magu perthynas weithio rhagweithiol gyda swyddogion a Gwasanaethau ar draws y Cyngor i adnabod a datblygu cyfleoedd ar gyfer straeon “newyddion da” gweledol.
Sicrhau bod y cynnwys a gynhyrchir yn adlewyrchu gwerthoedd y Cyngor ac yn cydymffurfio â safonau iaith a brandio.
Cyfrannu at ddyletswyddau cyffredinol y Gwasanaeth Cyfathrebu ac Ymgysylltu a chynrychioli’r Gwasanaeth mewn cyfarfodydd mewnol ac allanol yn ôl yr angen.
Cyfrifoldeb am hunan ddatblygiad.
Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
Gweithredu o fewn polisïau’r Cyngor yng nghyswllt cyfle cyfartal a chydraddoldeb.
Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gam-drin.
Amgylchiadau Arbennig.  . e.e. angen i weithio oriau anghymdeithasol, trefniadau gwaith arbennig, a.y.b..
Gall dyletswyddau a chyfrifoldebau’r swydd amrywio ac mae peth hyblygrwydd yn hanfodol. O dro i dro bydd angen gweithio y tu hwnt i oriau swyddfa arferol.