Manylion

Arweinydd Tim Cyswllt Cwsmer

£31,537 - £33,699 y flwyddyn | Dros dro

Cyfeirnod personel:: 25-30059
Teitl swydd:: Arweinydd Tim Cyswllt Cwsmer
Adran:: Gwasanaethau Corfforaethol
Gwasanaeth:: Cyswllt Cwsmer a Chofrestru
Dyddiad cau:: 12/12/2025 10:00
Math Swydd/Oriau:: Dros dro dwy flynedd | 37 Awr
Cyflog:: £31,537 - £33,699 y flwyddyn
Gradd tâl:: S2
Lleoliad(au):: Gweler Hysbyseb Swydd

Hysbyseb Swydd

Manylion Person

CYMWYSTERAU A HYFFORDDIANT PERTHNASOL

HANFODOL

Cefndir addysgol gadarn

DYMUNOL

Addysg i safon Uwch

Cymhwyster Arwain neu Reoli priodol, neu o leiaf tair blynedd o brofiad.

PROFIAD PERTHNASOL

HANFODOL

Y profiad a’r hyder i arwain a datblygu tîm o staff yn effeithiol, gan gynnwys ymdrin â materion staffio cymleth.

DYMUNOL

Profiad o ddarparu gwasanaethau gofal cwsmer

Profiad o sefydlu a datblygu gwasanaethau newydd

Profiad o weithio yn y rheng flaen

Profiad o ddarparu cefnogaeth glerigol a gweinyddol

Profiad o gasglu, trefnu a rheoli gwybodaeth

Profiad o ymdrin ag ymholiadau cwsmeriaid

Profiad o ymdrin â chwynion, gwrthdaro ac ymholiadau cymhleth a sensitif

Profiad o ddefnyddio systemau cyfrifiadurol a chefnogi staff eraill i’w defnyddio.

Profiad o ddarparu gwasanaeth sydd yn rhoi’r cwsmer yn gyntaf

SGILIAU A GWYBODAETH ARBENIGOL

HANFODOL

Ymwybyddiaeth o’r cyfleon y mae technoleg yn ei gynnig i wella darpariaeth gwasanaeth

Medru defnyddio cyfrifiadur

Yn rhifog ac yn llythrennog

Y gallu i awgrymu a chefnogi gwelliannau i wasanaethau

Y gallu i ddysgu ffyrdd newydd ac arloesol o weithio

Y gallu i ddarparu cyngor a gwybodaeth yn glir ac yn gryno

Y gallu i ymateb i sefyllfaoedd ac ymholiadau yn gyflym gan ddangos hyblygrwydd

Yn barod i gymryd cyfrifoldeb am ansawdd y gwasanaeth sydd yn cael ei gynnig

Yn gallu ac yn fodlon i weithio i safonau a gytunwyd

Yn wrandäwr da

Y gallu i ddefnyddio systemau swyddfa, pecynnau cymhwyso i wasanaethau penodol, y fewnrwyd a rhyngrwyd

Sgiliau bysellfwrdd da

DYMUNOL

Y gallu i ddefnyddio unrhyw dechnoleg berthnasol arall

Yn meddu ar sgiliau gweinyddol a chyfundrefnol o’r radd flaenaf

Y gallu i echdynnu gwybodaeth o lawlyfr ac o systemau cyfrifiadurol

Y gallu i flaenoriaethu tasgau personol a rhai’r tîm.

Y gallu i ymateb i adborth gan staff a chwsmeriaid mewn ffordd adeiladol.

Y gallu i ymdrin â chwynion yn effeithiol a gwella safonau’r gwasanaeth a thargedau.

Y gallu i ddefnyddio technoleg gwybodaeth a theleffon.

Y gallu i weithio fel unigolyn ac fel rhan o dîm.

Y gallu i ddatblygu syniadau creadigol ac arloesol.

Dealltwriaeth o egwyddorion cyfleoedd cyfartal.

Ymwybyddiaeth o anghenion gwahanol gwsmeriaid e.e. anabledd neu drafferthion ieithyddol.

Y gallu i hwyluso a gwerthuso anghenion hyfforddi a datblygu’r staff.

Y gallu i ganolbwyntio ar anghenion cwsmeriaid, ac i bennu datrysiadau addas i sicrhau boddhad cwsmeriaid.

Y gallu i weithio o dan bwysau, ymdopi mewn sefyllfaoedd anodd ac i weithredu a darparu gwasanaeth mewn modd proffesiynol bob tro.

Gwybodaeth o sut mae Awdurdodau Lleol neu unrhyw Gyfundrefn fawr arall yn gweithredu.

NODWEDDION PERSONOL

HANFODOL

Sgiliau cyfathrebu, ar lafar ac yn ysgrifenedig, o’r radd flaenaf

Egni, brwdfrydedd, ymroddiad a dyfalbarhad

Gallu defnyddio a dehongli gwybodaeth yn gywir

Y gallu i weld anghenion o safbwynt y cwsmer.

Y gallu i ennyn cydweithrediad ac ymddiriedaeth cydweithwyr

Y gallu i weithio fel rhan o dîm a chefnogi ac annog cydweithwyr

Yn meddu ar sgiliau rhyngbersonol da

Y gallu i addasu, a derbyn newidiadau

Yn talu sylw i fanylder ac yn ymroddedig er mwyn sicrhau gwasanaeth o’r ansawdd gorau

Yn bendant, cwrtais, diplomyddol, parchus a sympathetig

Yn hyblyg

Yn meddu ar record bresenoldeb a phrydlondeb da

Y gallu i ddysgu o brofiadau

Yn meddu ar sgiliau amlorchwyl, cadw amser, a blaenoriaethu

Yn cyflwyno delwedd bositif i’r cwsmer

Yn gallu datrys problemau

Yn meddu ar synnwyr digrifwch

Yn daclus bob amser

Y gallu i gydweithio gyda budd-ddeiliaid mewnol ac allanol.

Yn meddu ar sgiliau rhyngweithio gwych a’r gallu i ffurfio a chynnal perthnasau gweithio.

ANGHENION IEITHYDDOL

Gwrando a Siarad – Lefel Uwch

Gallu dilyn sgwrs neu drafodaeth drwy gyfrwng y Gymraeg a’r Saesneg ar lefel broffesiynol a thrafod pynciau cyffredinol bob dydd yn y maes er mwyn cyflwyno gwybodaeth a mynegi barn.

Gallu darparu cyflwyniad wedi'i baratoi o flaen llaw ac ymateb i unrhyw sylwadau a chwestiynau arno drwy gyfrwng y Gymraeg a’r Saesneg.

Darllen a Deall – Lefel Uwch

Gallu deall Cymraeg a Saesneg ysgrifenedig safonol, ffurfiol ac anffurfiol.

Medru casglu gwybodaeth o amrywiol ffynonellau megis llythyrau, adroddiadau, erthyglau, drwy gyfrwng y Gymraeg a’r Saesneg er mwyn cyflawni'r swydd.

Ysgrifennu – Lefel Uwch

Cyflwyno gwybodaeth ysgrifenedig gyda hyder ar ffurf llythyr, adroddiad mwy manwl a thechnegol ac ymateb i geisiadau ysgrifenedig gan gyfleu gwybodaeth, syniadau a barn drwy gyfrwng y Gymraeg a’r Saesneg. (Mae'n bosib cael cymorth i wirio'r iaith)

Dylid disgrifio'r nodweddion rheiny a ddisgwylir gan ddeilydd y swydd. Defnyddir

rhain fel meini prawf wrth asesu pob ymgeisydd.

Swydd Ddisgrifiad

Pwrpas y swydd

•Sicrhau bod pobl Gwynedd yn ganolog i bopeth yr ydym yn ei wneud.

•Rheolaeth llinell tîm o hyd at 20 o staff Canolfannau Cyswllt Cwsmer yn eu rôl.

•Yn gyfrifol am fonitro ansawdd gwaith sy’n cael ei ddarparu yn ein Canolfannau Cyswllt Cwsmer.

•Cydweithio gydag Arweinyddion Tîm y Gwasanaeth Cyswllt Cwsmer a Chofrestru er mwyn sicrhau fod lefelau staffio digonol i gynnal y Gwasanaeth.

•Monitro datblygiad tîm o staff er mwyn sicrhau bod ganddynt yr agwedd, gallu, hyder a sgiliau priodol er mwyn cyrraedd eu potensial i wasanaethu Pobl Gwynedd

•Arwain yn weladwy yn y gwaith er mwyn ysbrydoli a dangos esiampl.

•Hyrwyddo diwylliant o safon uchel gyda phwyslais ar ganlyniadau positif i’n cwsmeriaid

Cyfrifoldeb am adnoddau e.e. staff, cyllid, offer

•Yn gyfrifol am reolaeth llinell hyd at 20 o staff o ddydd i ddydd, ond hyd at 40 yn ystod absenoldebau’r Arweinydd Tîm Perfformiad

•Arwain a rheolaeth llinell tîm o staff sy’n gweithio ar draws sawl lleoliad (Canolfannau Cyswllt Cwsmer)

•Cynorthwyo’r Rheolwr Safle/Rheolwr Gwasanaeth gyda dyletswyddau diogelwch adeilad, cynnal a chadw, gofynion rheoliadau tân, ayyb, offer a deunyddiau.

Prif ddyletswyddau

•Cynorthwyo’r Rheolwr Cyswllt Cwsmer i sicrhau fod pawb o fewn y Tîm Cyswllt Cwsmer yn perchnogi egwyddorion Ffordd Gwynedd

•Adnabod ac adrodd am unrhyw risgiau parhad gwasanaeth.

•Cyfarwyddo, goruchwylio a gwerthuso llif gwaith Cynghorwyr Cwsmer.

•Sicrhau fod y wybodaeth sydd yn cael ei ddarparu gan y Gwasanaeth at ddibenion darparu gwasanaethau yn cael ei ddiweddaru’n brydlon, ei gynnal a’i ddatblygu.

•Sicrhau fod Gwasanaethau yn delio â’r ymholiadau a gyfeirir atynt o fewn amserlen a gytunir a bod achosion sy’n methu’r amserlen yn cael eu dilyn fyny er mwyn osgoi problemau bodlonrwydd cwsmer.

•Sicrhau bod yr holl dîm yn diweddaru’r system CRM ac unrhyw gronfeydd data angenrheidiol eraill yn brydlon gan sicrhau cywirdeb.

•Sicrhau bod staff yn cael eu gwerthuso yn barhaus drwy gynnal cyfarfodydd 1 i 1 rheolaidd a gweithredu ar unrhyw faterion sy’n deillio o’r cyfarfodydd hyn.

•Sicrhau bod y wybodaeth sydd ei angen er mwyn profi pa mor dda yr ydym yn cyflawni’r hyn sy’n bwysig i’r cwsmer yn cael ei gadw.

•Cynorthwyo’r Rheolwr i sicrhau fod y tîm yn cyfrannu at amcanion y gwasanaeth Cyswllt Cwsmer, a gwasanaethau neu sefydliadau eraill sy’n ceisio cyflawni’r hyn sy’n bwysig i bobl Gwynedd.

•Delio gyda materion staffio o’r cychwyn i’r diwedd.

•Cefnogi staff i geisio datrys ymholiadau a chwynion cymhleth

•Delio gyda chwynion gan ymdrin â’u datrys drwy ddefnyddio’r prosesau perthnasol.

•Cynorthwyo gyda chyrraedd safonau gwasanaeth, cytundebau lefel gwasanaeth a chydymffurfio â deddfwriaethau.

•Hyfforddi staff fel bod angen ym mhrosesau gwaith Cyswllt Cwsmer.

•Sicrhau fod lefelau staffio digonol ar draws ein Canolfannau Cyswllt Cwsmer

•Hybu’r tîm i dderbyn adborth gan gwsmeriaid mewnol ac allanol er mwyn cynnal gwelliannau parhaus yn narpariaeth ein Canolfannau Cyswllt Cwsmer.

•Gweithredu ar rwystrau sy’n cael eu hadrodd ac uchafu rhai na ellir eu datrys i’r Rheolwr Gwasanaeth

•Gwneud yn siŵr fod gan gwsmeriaid di-gymraeg a di-saesneg fynediad at holl wasanaethau’r Cyngor a sicrhau fod problemau yn cael eu hadnabod ac yn cael sylw prydlon.

•Adrodd am unrhyw broblem safonau / rhwystrau i’r Rheolwr Cyswllt Cwsmer

•Cyfrifoldeb am hunan ddatblygiad

•Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.

•Gweithredu o fewn polisïau’r Cyngor yng nghyswllt cyfle cyfartal a chydraddoldeb.

•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data

•Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.

•Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.

•Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin

Amgylchiadau arbennig

•Bydd angen i ddeilydd y swydd fynychu cyfarfodydd gyda’r nos ac oddi allan i Wynedd o bryd i’w gilydd a gweithredu fel rhan o dim yn ymateb i argyfyngau sifil, yn unol a chynllun y Cyngor

•Wrth i’r Cyngor ail-ystyried oriau gwasanaeth, fe allasai hyn effeithio ar oriau gwaith y swydd hon

•Meddu ar drwydded yrru llawn a dilys a meddu ar gar

Manylion

Swyddi ar lein

Arweinydd Tim Cyswllt Cwsmer

Manylion

Hysbyseb Swydd

Manylion Person

Swydd Ddisgrifiad

Pwrpas y swydd

Cyfrifoldeb am adnoddau e.e. staff, cyllid, offer

Prif ddyletswyddau

Amgylchiadau arbennig