TEITL Y SWYDD: SWYDDOG SUSTEMAU TGCh A THECHNOLEG
YSTOD CYFLOG: Graddfa Gweithwyr Llywodraeth Leol – S1 (pwyntiau 12-17)
 
AMODAU GWAITH: Yn unol ag amodau gwaith Cenedlaethol ac atodol lleol Cyngor Gwynedd ar gyfer staff G.P.T. ac Ch. A gweithwyr llaw.
 
Dyddiau Gwaith: Llun i Gwener.
 
Oriau Gwaith: Cytundeb Llawn Amser – nid tymor Ysgol yn unig 37 awr yr wythnos 
8:00 – 4:00 Dydd Llun i Dydd Iau.
8:00 – 3:30 Dydd Gwener. Gyda 30 munud di-dâl i ginio pob dydd.
 
Gwyliau: 24 diwrnod statudol y flwyddyn a 3.5 diwrnod ychwanegol hyd at pum mlynedd o wasanaeth.
29 diwrnod statudol y flwyddyn a 3.5 diwrnod ychwanegol ar ôl pum mlynedd o wasanaeth.
 
Rhybudd Gadael: Yn ysgrifenedig mis ymlaen llaw.
 
YN ATEBOL I: Cyd-Gysylltydd TGCh
 
PWRPAS Y SWYDD: Bydd y Swyddog Systemau TGCh a Thechnoleg yn gyfrifol am sicrhau gweithrediad effeithiol ac effeithlon systemau TGCh a Thechnoleg yr ysgol.
 
CYFRIFOLDEBAU PENODOL:
Rheoli a gweinyddu systemau cyfrifiadurol yr Ysgol mewn ymgynghoriad â Gwasanaeth Digidol Ysgolion y Sir.

Gweinyddu database a system catalogio a labelu offer - stoc gliniaduron staff a disgyblion, caledwedd/meddalwedd, offer/adnoddau technegol, sgriniau rhyngweithiol ac adnoddau addysgiadol yr ysgol.
 
Recordio gwaith cynnal a chadw, gan gynnwys toriadau a cholledion.

Gyda’r Cyd-gysylltydd TGCh cynghori’r UDRh ar ddatblygiadau yn y maes TGCh ac adolygu darpariaeth yr ysgol yn rheolaidd.

Rheoli gwariant Adnoddau Technoleg Gwybodaeth mewn ymgynghoriad â’r Cyd-gysylltydd TGCh/UDRh.

Rheoli a monitro holl stoc/offer a meddalwedd TGCh ar draws yr ysgol.
Rhoi cefnogaeth arbenigol TGCh i staff a disgyblion yn ôl y galw, yn dilyn ymgynghoriad gyda’r cyd-gysylltydd TGCh.
Cynorthwyo'r Rheolwr Systemau Rheolaethol gyda'r system rheoli gwybodaeth ysgol (MIS) ac unrhyw feddalwedd trydydd parti i gynnwys sefydlu/diweddaru/rheoli mynediad defnyddwyr.
Cydlynnu arsefydlu a chynnal meddalwedd cwricwlaidd a meddalwedd gwrth firws mewn cydweithrediad â gwasanaeth digidol Gwynedd.
Cefnogaeth ddigidol i Swyddog Arholiadau yr Ysgol yn ystod cyfnodau arholi/asesu yn cynnwys paratoadau blaenllaw.
Rheoli mynediad cyfrifon sustemau cyffredinol yr Ysgol.
Gosod offer newydd a chynnal a chadw a monitro’r defnydd o holl offer TGCh yr Ysgol, gan gynnwys gliniaduron, ffonau a sgriniau rhyngweithiol.
Rheoli, monitro a gweinyddu llogiadau ystafelloedd ysgol gyfan a’r bws mini gan gynnwys llogiadau mewnol ac i gyrff allanol.
Cynnal a chadw a gweinyddu’r system llogi offer TGCh.
Rheoli scriniau gwybodaeth/arddangos, system mewngofnodi ymwelwyr.
Rheoli meddalwedd PaperCut (system monitro argraffu).
Gweinyddu a rheoli dyfeisiadau argraffu dan gontract sydd gan yr ysgol mewn cydweithrediad â'r cwmni darparu. Gofalaeth dydd i ddydd o'r dyfeisiadau gan gynnwys monitro ink a lefelau papur.
Cydgordio mynediad i system 'CCTV' yr ysgol mewn cydweithrediad â gwasanaeth digidol ysgolion.
Cyd-weithio gyda cwmni system ‘cashless’ y Ffreutur i sicrhau mynediad i’r system.
Cyd-weithio gyda UDRh i gynnal proffil cyhoeddus yr ysgol ar wefan yr ysgol a gwefannau cymdeithasol.
Gosod a pharatoi y Ystafelloedd gydag offer TGCh yn unol â’r gofyn gan gynnwys i asiantaethau allanol.
Gweithredu fel deilydd allwedd ar gyfer yr Ysgol - agor a chau’r Ysgol yn ystod gwyliau a/neu salwch y Rheolwr Safle.
Cefnogi o fewn y gyfadran Dechnoleg gan ddarparu cefnogaeth i baratoi adnoddau ar gyfer gwersi ymarferol.

 
Cynnal meddalweddau pwrpasol sydd yn cefnogi cwricwlwm yr Ysgol.
 
CYFRIFOLDEBAU DIOGELWCH:
Sicrhau bod yr holl weithdrefnau iechyd a diogelwch yn cael eu deall a'u dilyn yn gywir yn yr Ystafelleoedd TGCh a adran dechnoleg. Monitro a gweinyddu hawliau/mynediad a diogeledd y We mewn cydweithrediad â Gwasanaeth Digidol y Sir.

Sicrhau bod trefn o arbed ynni yn cael ei ddilyn gyda holl offer TGCh yr ysgol.

Cadw golwg ar gyflwr yr offer TGCh a’r gweithdai Technoleg.

Cydymffurfio a pholisïau a gweithdrefnau sy’n berthynol i amddiffyn plant, iechyd, diogelwch a diogeled, cydgyfrinachedd a gwarchod data, adrodd ar bob pryder i berson priodol.

Arolygu, gwasanaethu ac atgyweirio offer: peiriannau trwm, offer pŵer cludadwy ac offer yr adrannau yn rheolaidd.

Gofalu am systemau diogelwch: system sugno llwch (archwiliadau dyddiol/wythnosol, cofrestri, profion LEV), asesiadau risg, a diweddariadau Iechyd a Diogelwch (CLEAPSS).

Trefnu gwaredu diogel o offer, peiriannau a defnyddiau, gan sicrhau cydymffurfiad â safonau.

Datblygu sgiliau a chydymffurfio: mynychu cyrsiau perthnasol (e.e. COSHH) a chyflawni dyletswyddau ychwanegol yn ôl gofyn y Pennaeth.
 
CYFRIFOLDEBAU PERSONOL:
 Rheoli amser gan flaenoriaethu tasgau yn briodol.

Cyd-weithio’n effeithiol â holl staff yr ysgol.
 
YCHWANEGOL:
Tra bod pob ymdrech wedi’i gwneud i esbonio prif ddyletswyddau a chyfrifoldebau’r swydd, efallai nad yw pob tasg unigol wedi’i nodi.

Gweithredir Cynllun Gwerthuso yn yr ysgol. Disgwylir i ddeilydd y swydd fod yn rhan o’r broses.
Nid yw’r swydd ddisgrifiad hon yn ffurfio rhan o gytundeb cyflogaeth.
 
Disgwylir i ddeilydd y swydd gydymffurfio ag unrhyw gais rhesymol gan reolwr i ymgymryd â gwaith o lefel debyg nad yw wedi’i nodi yn y swydd ddisgrifiad hon.
Bydd yr ysgol yn gwneud pob ymdrech i gyflawni unrhyw addasiadau rhesymol i’r swydd a’r amgylchfyd gwaith i alluogi mynediad at gyfleoedd cyflogaeth ar gyfer ymgeiswyr anabl neu gyflogaeth barhaol ar gyfer cyflogai sy’n datblygu cyflwr sy’n anablu.
Mae’r swydd ddisgrifiad yn gyfredol ar y dyddiad a ddangosir, ond yn dilyn ymgynghori â chi, gellir ei newid gan reolwr er mwyn adlewyrchu neu ragweld newidiadau yn y swydd sy’n gymesur â’r cyflog/lwfans a theitl y swydd.