Pwrpas y Swydd.
• Sicrhau bod pobl Gwynedd yn ganolog i bopeth yr ydym yn ei wneud.
• Sicrhau ansawdd lleoliadau addysg feithrin yn y sector nas cynhelir a Dechrau’n Deg.
• Sicrhau mewnbwn a chefnogaeth arbenigol i leoliadau addysg nas cynhelir a lleoliadau Dechrau’n Deg.
Cyfrifoldeb am Adnoddau. . e.e. staff, cyllid, offer
• Offer TG

Prif Ddyletswyddau.
Dyletswyddau penodol: Cefnogi arweinyddion lleoliadau leoliadau addysg a lleoliadau Dechrau’n Deg nas cynhelir yn effeithiol. Golyga hyn:
Atebolrwydd
• Gweithredu fel rhan o dîm effeithiol o athrawon ymgynghorol sy'n ymdrechu i hybu'r dysgu a'r addysgu i'r safon uchaf yn y sector nas cynhelir.
• Datblygu ac ymestyn arferion arweinyddion drwy adnabod a rhannu a arferion da.
• Cynnal, mentora a chynghori arweinyddion lleoliadau ar arfer dda gyda phlant ifanc gan gynnwys trefniadaeth, cynllunio, asesu a chofnodi.
• Cydweithio’n agos gyda’r mudiadau sy’n cefnogi’r lleoliadau megis y Mudiad Meithrin, AGC, Cynllun Cyn Ysgol Iach a Chynaliadwy, Swyddogion Addysg, Swyddogion yr Awdurdod a.y.b. mewn perthynas â gweithredu cynlluniau yn y Cyfnod Sylfaen, Dechrau’n Deg a’r Cynnig Gofal Plant.
• Cefnogi’r Uwch Athrawes y Blynyddoedd Cynnar wrth weithredu blaenoriaethau’r tîm.
• Sicrhau adnabyddiaeth a dealltwriaeth drylwyr o ddatblygiadau yn y maes addysg y blynyddoedd cynnar
• Cyfrannu i gyfarfodydd tîm.
• Paratoi adroddiadau o ansawdd ar gyfer Grŵp Ansawdd Blynyddoedd Cynnar.
• Cyfrannu tuag at y dystiolaeth angenrheidiol i osod y lleoliadau ar gategorïau mesur yn unol a’r Cytundeb Partneriaeth
• Cynnal ymweliadau rheolaidd a thrafod rhaglen weithredu i godi safonau mewn lleoliadau sydd ar gategori dilynol
• Chware rôl flaenllaw wrth baratoi cynlluniau gwella lleoliadau.
• Cefnogi’r lleoliadau i lunio Cynlluniau Datblygu sy’n ymateb i ganfyddiadau’r hunan arfarnu.
• Cefnogi gweithredu Cynlluniau Datblygu y lleoliadau.
• Cynnal a chefnogi staff y lleoliadau
• Cyfrannu tuag at hunan arfarniad o waith y tîm ar gais yr Uwch Athrawes/ro y Blynyddoedd Cynnar.
• Sicrhau bod trefniadau effeithiol yn y maes ADY i blant meithrin nas cynhelir.
• Cynghori cylchoedd ar weithredu gofynion y Côd Ymarfer Anghenion Dysgu Ychwanegol a Strategaeth Anghenion Dysgu Ychwanegol a Chynhwysiad Gwynedd ac Ynys Môn.
• Ymgymryd â’r rôl Cydlynydd dynodedig i gydlynu achosion a gweithredu’n unol a’r Ddeddf Anghenion Dysgu Ychwanegol a’r Tribiwnlys Addysg (Cymru) 2018 a'r Cod Anghenion Dysgu Ychwanegol
• Cefnogi a chynghori arweinwyr i adnabod disgyblion sydd ag ADYch yn unol â gofynion y Ddeddf Anghenion Dysgu Ychwanegol a’r Tribiwnlys Addysg (Cymru) 2018 a'r Cod Anghenion Dysgu Ychwanegol
• Cefnogi lleoliadau i ddefnyddio dull ymateb graddoledig yn unol â Map Darpariaeth ADYAcH Gwynedd a Môn
• Cynnal hyfforddiant i ddatblygu gweithlu’r lleoliadau i gyfarch a gofynion fel y Cwricwlwm i Gymru
Cynlluniau Gwella
• Datblygu cynlluniau gwella cynhwysfawr ar y cyd ac arweinyddion y lleoliadau sy’n cyflawni gofynion y Cwricwlwm Cenedlaethol ac unrhyw flaenoriaethau cenedlaethol arall.
• Cynnig cefnogaeth i leoliadau weithredu dulliau newydd o addysgu o fewn y cwricwlwm ac o fewn Dechrau’n Deg.
• Ceisio ffyrdd i hyrwyddo, mentora a chysoni yr arferion gorau ar draws y lleoliadau.
• Cyfrannu tuag at ddatblygu polisïau adrannol.
Monitro a Hunan Arfarnu
• Monitro ansawdd yr addysg yn y sector gan hybu addysgu effeithiol ac ymyrryd yn bwrpasol i godi safonau.
• Sicrhau adroddiadau o ansawdd uchel yn dilyn ymweliadau.
• Sicrhau fod yr ymyrraeth yn dilyn ymweliadau’n bwrpasol i godi safonau lle bo’r angen.
• Cyfrannu at systemau i fesur ansawdd lleoliadau gan ddyrchafu lleoliadau i sylw’r grŵp ansawdd ar sail risg.
• Sicrhau bod y lleoliadau Dechrau’n Deg yn cydymffurfio gyda gofynion fframwaith dysgu Dechrau’n Deg gan weithredu fel ymgynghorydd ar ofal plant Dechrau’n Deg lle bo’r angen.
• Cynorthwyo’r lleoliad gan gynnwys lleoliadau Dechrau’n Deg gyda’u trefn hunan arfarnu, cynllunio ac asesu
• Cynnal asesiadau amrywiol yn rheolaidd gan gefnogi’r gwaith o lunio cynllun gweithredu ôl asesiad a monitro’r gweithredu.
• Cefnogi'r lleoliadau i gynnal achrediad ansawdd neu gynllun rheoli ansawdd o fewn y lleoliadau.
• Sicrhau fod yr arfarniad y lleoliadau’n gyfredol.
• Cyfrannu tuag at y gwaith o gynnal awdit anghenion ar weithlu lleoliadau.
• Cyfrannu tuag at lunio a chyflwyno rhaglen bwrpasol i’r staff o fewn y lleoliadau nas gynhelir a Dechrau’n Deg i gyrraedd gofynion y Llywodraeth mewn cydweithrediad a’r Uned Gofal Plant
• Adrodd yn ôl i weddill y tîm yn dilyn unrhyw hyfforddiant mewn ymgynghoriad â’r Uwch Athrawes/ro.
Delio â Thangyflawni
• cydweithio i gynnal a hybu cymhelliant a delio`n effeithiol â thangyflawni lleoliadau.
Rheolaethol
• Llunio adroddiadau o ansawdd yn amserol i ddibenion arolygiadau Estyn.
• Sicrhau gweinyddiaeth effeithiol.
• Cyfrannu tuag at adroddiadau ar waith y tîm yn ôl y galw.
• Cyfarfod yn rheolaidd â’r Uwch Athrawes/ro Blynyddoedd Cynnar i drafod materion strategol
• Datblygu arbenigedd mewn meysydd amrywiol gan gynnwys y maes Anghenion Dysgu Ychwanegol
• Chwarae rhan weithredol yn y drefn Rheoli Perfformiad yn unol a threfn y gwasanaeth addysg.
• Cyd weithio’n agos gyda’r rhaglen Dechrau’n Deg gan rannu gwybodaeth Ymwelwyr Iechyd, Therapydd Iaith a Llefaredd a staff Dechrau’n Deg o fewn yr ardaloedd gan gydymffurfio gyda rheolau rhannu gwybodaeth.
• Cydweithio'n effeithiol gyda'r swyddogion eraill yn y Gwasanaeth Addysg a Gwasanaeth y Blynyddoedd Cynnar.
• Cynrychioli’r tîm a gwneud cyfraniad ar lefel gwasanaeth mewn cyfarfodydd yn ôl y galw.
• Cydweithio i sicrhau dilyniant esmwyth i ddisgyblion wrth drosglwyddo.
• Sicrhau mewnbwn y tîm i gyfarfodydd trosglwyddo plant a phaneli cyfeiriadau gan gydlynu asesiadau, arsylwadau, proffiliau un tudalen , cynlluniau datblygu unigol plant a gwybodaeth niferoedd gofal plant yn yr ardaloedd
• Meithrin a hybu cysylltiadau rhwng darparwyr yn y sector â’r ysgolion gan hwyluso’r drefn o bontio plant i’r ysgolion.
Cyfrifoldebau penodol sy'n gysylltiedig â swydd athrawes/ro ymgynghorol
• Sicrhau lles a diogelwch pob disgybl. Tynnu sylw’r person priodol at unrhyw broblem.
• Sicrhau fod addysg o’r radd flaenaf i bob disgybl, gan dalu sylw teilwng i oed, gallu a diddordebau’r unigolion.
• Sicrhau fod y lleoliadau’n creu a chynnal man gwaith deniadol a phleserus i’r disgyblion.
• Paratoi deunyddiau dysgu ac addysgu enghreifftiol o’r radd flaenaf i gefnogi gwaith oddi mewn i’r lleoliadau.
• Sicrhau fod y lleoliadau efo adnoddau/deunyddiau/offer perthnasol ar gyfer diwallu anghenion y disgyblion.
• Sicrhau fod y dysgu yn y lleoliadau’n llawn brwdfrydedd ac yn ymestyn pob disgybl hyd eithaf ei allu.
• Sicrhau fod y dysgu yn y lleoliadau’n cynnal disgyblaeth yn unol â’r rheolau a gweithdrefnau a fabwysiadwyd gan y lleoliad.
• Cyfrannu at gyfarfodydd, trafodaethau a threfniadau rheolaeth yn ôl y gofyn i ddatblygu a chydlynu gwaith y tîm.
• Cyfrannu at drefniadau’r tîm ar gyfer asesu ac adrodd ar gyflawniad disgyblion.
• Cymryd rhan yn nhrefniadau’r tîm ar gyfer gwerthuso a rheoli perfformiad.
• Ymroi i ddatblygiad proffesiynol sy’n berthnasol i’r swydd a chyfrifoldebau drwy gydol ei g/yrfa.
• Cynghori, arwain a chydweithio ag athrawon ac arweinyddion eraill yn ôl y gofyn mewn perthynas â darparu a datblygu rhaglenni gwaith, deunyddiau addysgu, dulliau asesu a.y.y.b.
• Mynychu a chyfrannu i gyfarfodydd staff sy’n ymwneud â chwricwlwm a gweithdrefnau bugeiliol.
• Hunan arfarnu safonau ac arferion dysgu - ymyrryd yn bwrpasol i godi safonau.
• Mynychu cyfarfodydd eraill yn ôl y galw, gan gynnwys y tu allan i oriau arferol yr ysgol o fewn oriau cyfeiriedig.
• Mynychu hyfforddiant mewn swydd yn ôl y galw.
• Cyfrannu’n bwrpasol i ddatblygu’r tîm i fod yn cynrychioli’r arferion a’r safonau proffesiynol uchaf.
• Cydweithio’n effeithiol a pharchus fel aelod o dîm proffesiynol.
• Sicrhau fod y tîm yn gwarchod gwerthoedd yr iaith Gymraeg ac yn dilyn Polisi Iaith yr Awdurdod.
• Ysgwyddo cyfrifoldeb am ei ddatblygiad proffesiynol ei hun.
• Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
• Gweithredu o fewn polisïau’r cyngor/ysgol yng nghyswllt cyfle cyfartal a chydraddoldeb.
• Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data.
• Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
• Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
• Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin.
Cysylltiadau:
Bydd y sawl sydd yn y swydd yn rhyngweithio ar lefel broffesiynol efo'i gydweithwyr ac yn ceisio sefydlu a chynnal perthynas gynhyrchiol a nhw er hyrwyddo cyd-ddealltwriaeth o bynciau o fewn cwricwlwm y lleoliadau gyda golwg ar wella ansawdd y dysgu ac addysgu.

Amgylchiadau Arbennig. . e.e. angen i weithio oriau anghymdeithasol, trefniadau gwaith arbennig, a.y.y.b.
Yn achlysurol bydd angen i’r swyddog weithio oriau anghymdeithasol