Gwerthoedd ac Ymddygiadau 
Gwerthoedd y Tîm
Rydym yn Uchelgeisiol - Rydym yn ymdrechu i gyflawni'r gorau i Ogledd Cymru. Rydym yn arweinwyr yn ein meysydd, yn ffurfio barn ac yn dylanwadu, ac rydym yn herio syniadau confensiynol. Rydym yn crefu safonau uchel, yn anelu i roi o’n gorau, a datblygu ein hunain yn broffesiynol yn barhaus.
Rydym yn Gweithio ar y Cyd - Rydym yn rhannu dealltwriaeth, sgiliau, gwybodaeth a chefnogaeth a sicrhau ein bod yn rhoi gwybod i'n cydweithwyr am y datblygiadau diweddaraf. Rydym yn helpu ein gilydd bob amser, yn hwyluso cyfleoedd i Ogledd Cymru ac yn cydnabod bod ein heffaith ar y cyd yn fwy sylweddol na'n heffaith yn unigol.
Rydym yn gwneud y peth iawn - Rydym yn gwneud y peth iawn, nid y peth hawsaf. Rydym yn herio ymddygiad anfoesol ac yn codi ein llais pan nad yw pethau'n teimlo'n iawn. Rydym yn barchus, yn deg ac yn ystyriol ac fe ellir ymddiried ynom i gyflawni'r ymrwymiadau sydd wedi'u cytuno ar amser.
Rydym yn gwneud gwahaniaeth - Rydym yn ceisio cyfleoedd i wneud gwahaniaeth yng Ngogledd Cymru. Rydym yn bencampwyr yr iaith Gymraeg, treftadaeth a diwylliant Cymru ac yn cefnogi elusennau rhanbarthol. Rydym yn gwarchod yr amgylchedd ac yn chwilio am gyfleoedd i leihau ein hôl-troed.
Ymddygiadau craidd i bob rôl
Arweinyddiaeth – rydym oll yn arwain drwy esiampl ac rydym i gyd yn arweinwyr yn ein meysydd ein hunain.
Cyfrifoldeb - rydym yn cymryd cyfrifoldeb am ein gwaith, ein perfformiad a'n datblygiad.
Parch - rydym yn parchu ein cydweithwyr, ein partneriaid a'n rhanddeiliaid ac yn arddangos hyn drwy ein gwaith ac yn y ffordd yr ydym yn adeiladu perthnasau effeithiol.
Cymwysterau 
Addysg i lefel gradd neu gyfwerth
Cymhwyster CIPS Lefel 4 neu uwch
Tystiolaeth o ddatblygiad proffesiynol parhaus perthnasol
Profiad, Gwybodaeth a Sgiliau 
leiaf 3 blynedd o brofiad caffael a gwybodaeth am reoliadau, polisïau ac arferion gorau caffael cyhoeddus gan gynnwys Deddf Caffael 2023, Deddf Llesiant a Chenedlaethau'r Dyfodol (Cymru) 2015 a Deddf Partneriaeth Gymdeithasol a Chaffael Cyhoeddus (Cymru).
Profiad pendant o gaffael yn y sector cyhoeddus, rheoli contractau, neu reoli cadwyni cyflenwi gyda phrofiad o gynnal proses gaffael o'r dechrau i'r diwedd.
Profiad o baratoi a rheoli dogfennaeth dendro ar gyfer gofynion caffael gwerth uchel, cymhleth a risg canolig / uchel
Sgiliau dadansoddi a negodi cryf gyda'r gallu i gyflawni'r gwerth gorau.
Profiad sylweddol o werthuso cyflenwyr, cynnal trafodaethau contract a phrosesau tendro.
Sgiliau rhagorol wrth gyfathrebu ac ymgysylltu â rhanddeiliaid.
Dealltwriaeth gref o gyfraith contractau a rheoli risg mewn caffael.
Profiad o weithredu mewn rôl lle ceir llawer o randdeiliaid.
Gwybodaeth am egwyddorion gwerth cymdeithasol a sut i'w defnyddio yn y maes caffael.
Profiad o weithio yn y maes caffael mewn llywodraeth leol neu yn y sector cyhoeddus.
Gofynion Ieithyddol 
Ar gyfer y rôl hon, mae'r gofynion a ganlyn yn DDYMUNOL:
Gwrando a Siarad - Yn gallu ymdrin â holl agweddau’r swydd yn llafar mewn modd hyderus yn y Gymraeg a’r Saesneg.
Darllen a Deall - Yn gallu defnyddio a dehongli unrhyw wybodaeth yn gywir o amrywiaeth eang o ffynonellau, yn y Gymraeg a’r Saesneg, er mwyn gallu ymdrin â phob agwedd o’r swydd.
Ysgrifennu - Yn gallu cyflwyno gwybodaeth ysgrifenedig yn hollol hyderus yn y Gymraeg a’r Saesneg gan ddefnyddio’r iaith a’r arddull fwyaf priodol i gwrdd ag anghenion y darllenydd.
Dealltwriaeth o bwysigrwydd yr iaith Gymraeg i'r rhanbarth a pharodrwydd i ddatblygu a gwella eu sgiliau iaith Gymraeg.