Pwrpas y Swydd
Sicrhau bod pobl Gwynedd yn ganolog i bopeth yr ydym yn ei wneud.
Gyrru a llwytho cerbydau casglu ysbwriel ac ailgylchu.
Cyfrifoldeb am Adnoddau.  . e.e. staff, cyllid, offer
Cyfrifoldeb am y cerbyd, criw ‘ar offer.        
Prif Ddyletswyddau
              Gyrru a bod yn gyfrifol am y criw a’r cerbyd a ddefnyddir.  Casglu ysbwriel, ailgylchu, gwastraff gwyrdd, gwastraff masnachol a gwastraff clinigol yn unol a chyfarwyddiadau yn unol a’r rhaglen waith, cyfarwyddiadau a pholisiau perthnasol.
 Gyrru
Gyrru cerbydau LGV Dosbarth 2 mewn modd diogel a chwrtais yn unol â chyfyngiadau cyflymder y ffordd ac o fewn y gofynion y gyfraith.
Ymgymryd ag asesiad risg dynamig o ran casglu gwastraff o nifer o bwyntiau casglu a phenderfynu ar y lleoliad mwyaf diogel i leoli’r cerbyd ar y ffordd tra mae’r casgliadau yn cymryd lle.
Gweithredu systemau’r cerbyd sydd i gynnwys llwytho, gwasgu ac offer ansymudol, systemau yn y cab ar gyfer mordwyo ac adrodd. Hynny i gynnwys systemau tacograff a systemau pwyso’r cerbyd.
Cyfrifoldeb am sicrhau fod modd bacio’r cerbyd yn ddiogel hynny i gynnwys cyfarwyddo cynorthwywyr bacio fel bod angen.
Mynychu hyfforddiant CPC a sicrhau eich bod wedi cwblhau’r modiwlau perthnasol o fewn amserlen benodol.
 Cerbyd
Cydymffurfio gyda Thrwydded Weithredu’r Awdurdod, hynny i gynnwys cynnal archwiliadau dyddiol ar y cerbyd bob bore er mwyn sicrhau ei fod yn ddiogel i fod ar y ffordd. Cofnodi pob gwiriad ac adrodd ar unrhyw ddiffygion yn syth i’r modurdy.  Cwblhau’r gwaith papur perthnasol hynny i gynnwys amserlenni gwaith a chofnodion pont bwyso.
Cynnal a chadw arferol rheolaidd sydd i gynnwys gwirio lefelau olew a dŵr y cerbyd.
Sicrhau fod y cerbyd yn cael ei gadw yn lan – Sicrhau fod y cerbyd yn cael ei lanhau i safon uchel, hynny i gynnwys corff y cerbyd, y cab, offer gwasgu, y “hopper” a’r platiau “ejector”.
Gweithredu’r mecanwaith pŵer.
 Cyfrifoldeb am y Criw
Dyletswyddau a chyfrifoldebau mewn perthynas â goruchwylio gwaith y criw. Hynny i gynnwys arwain, ysgogi a goruchwylio’r criwiau casglu ar gylchdaith benodol mewn perthynas â chasglu, teithio a gwagio’r cerbyd.
Cynorthwyo gyda’r broses o anwytho staff, hynny i gynnwys mentora aelodau newydd o’r ti,.
Cymryd perchnogaeth a chyfrifoldeb am y cerbyd a’r criwiau casglu er mwyn sicrhau fod y gylchdaith ddyddiol yn cael ei chwblhau.
 Tasg
Casglu ysbwriel ac ailgylchu o nifer o leoliadau hynny i gynnwys gweithio mewn traffig byw, ardaloedd trefol, ardaloedd gwledig, ffyrdd cyflym a ffyrdd o fewn cyfyngiadau cyflymder cenedlaethol.
Darllen map a chynllunio’r ffordd fwyaf effeithlon i gwblhau’r gylchdaith mewn ardal benodol. Hynny i gynnwys newid y gylchdaith pan fo angen er mwyn ymdopi gyda ffyrdd wedi cau, tywydd garw a blaenoriaethu ardaloedd risg uchel.
Pan ddim yn gyrru, cynorthwyo gyda’r dasg o lwytho’r cerbyd. Adolygu ansawdd deunyddiau ailgylchu a’i sortio o flaen llaw.
Sicrhau fod pob bin, bocs neu sach yn cael eu dychwelyd i’r pwynt casglu yn daclus. Hynny i gynnwys codi a chlirio unrhyw wastraff sydd wedi ei golli.
Ymateb i geisiadau am gasgliadau drws cefn yn cymryd i ystyriaeth unrhyw risgiau ychwanegol a wynebir.
Cynorthwyo gyda dylunio cylchdeithiau sydd i gynnwys gweithredu cylchdeithiau newydd.
 Iechyd a Diogelwch
Cyfrifoldeb am sicrhau diogelwch eich hun, eich cydweithwyr ac aelodau o’r cyhoedd.
Gweithio yn unol â gweithdrefnau rheoli yn ddiogel, asesiadau risg, polisïau’r Cyngor un unol a chyfrifoldebau’r gweithiwr fel a nodi’r yn Neddf Iechyd a Diogelwch. Gwisgo siacedi llachar uchel, trowsus balistig, esgidiau diogelwch ac unrhyw ddillad diogelwch neu wisg berthnasol.
Cymryd rhan mewn archwiliadau Iechyd a Diogelwch a BSI ac arddangos deallusrwydd o’r risgiau a chydymffurfiad.
Adrodd a chynorthwyo gyda chwblhau adroddiadau damweiniau / digwyddiadau treisgar (ffurflenni HS11) yn ogystal â ffurflenni yswiriant.
Cydymffurfio gyda rheolau, rheoliadau a chyfarwyddiadau penodol ar safleoedd trosglwyddo gwastraff.
 Gofal Cwsmer
Sicrhau'r lefel uchaf posibl o ofal cwsmer - Cysylltu yn hyderus a brwdfrydig gydag aelodau o’r cyhoedd a busnesau a chynghori ar bob agwedd ar faterion casglu ailgylchu ac ysbwriel. Hynny i gynnwys ymdrin â sefyllfaoedd anodd, chwsmeriaid blin a modurwyr.
Cadw lefel stoc briodol o daflenni gwybodaeth a bagiau bwyd. Gosod sticeri ar finiau newydd neu finiau trwm, bocsys cymysg ayb ac adrodd yn nol i’r arweinydd tîm.
 Adrodd a Chydymffurfio
Ar ddiwedd y diwrnod gwaith, adrodd i’r arweinydd tîm / swyddogion gwastraff masnachol, unrhyw faterion neu broblemau casglu sydd wedi codi.
Cydymffurfio gyda phob polisi a gweithdrefn fewnol mewn perthynas ag adrodd ar salwch a cheisiadau am wyliau blynyddol.
 Corfforaethol
Chwarae rhan llawn wrth i’r gwasanaeth sefydlu yr hyn sy’n bwysig i bobl Gwynedd.
Chwarae rhan llawn wrth ddatblygu egwyddorion gweithredu’r tim ynghyd a chyfrifoldeb personol dros gadw atynt.
Gweithredu’n hyblyg o fewn egwyddorion gweithredu’r Tim i gyflawni yr hyn sy’n bwysig i drigolion Gwynedd.
Edrych yn barhaus am gyfleoedd i wella’r gwasanaeth gan adnabod materion sy’n rhwystro’r tim rhag cyflawni yn effeithiol ac effeithlon a gweithredu er mwyn eu datrys.
Sicrhau fod y wybodaeth sydd ei angen er mwyn profi pa mor dda yr ydym yn cyflawni’r hyn sy’n bwysig yn cael ei gadw gan ddefnyddioi’r wybodaeth honno i wella gwasanaeth.
Cyfranu a chymryd penderfyniadau priodol er mwyn cyflawni’r hyn sy’n bwysig i bobl Gwynedd
Cynorthwyo timau eraill i gyflawni’r hyn sy’n bwysig i bobl Gwynedd
Gweithredu mewn ffordd rhagweithiol; bod yn agored i feddwl yn wahanol; yn egnïol ac ymroddedig gydag integriti personol er mwyn cyflawni’r swyddogaethau uchod.
Bod yn gyfrifol am ddatblygiad personol er mwyn medru cyflawni’r swydd.
Cyfrifoldeb am hunan ddatblygiad
Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
Gweithredu o fewn polisïau’r Cyngor yng nghyswllt cyfle cyfartal a chydraddoldeb.
Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin
 Amgylchiadau Arbennig  e.e. angen i weithio oriau anghymdeithasol, trefniadau gwaith arbennig, a.y.y.b.
Bydd y Gwasanaeth Casglu Gwastraff yn gweithio ar bob gwyl y banc a bydd disgwyl i chi weithio ar y diwrnodau hynny.  Bydd disgwyl i ddeilydd y swydd weithio gor-amser hefyd o dro i dro.
Mae’r Gwasanaeth Casglu Gwastraff wedi ei adnabod fel gwasanaeth rheng flaen blaenoriaeth un. Bydd gweithdrefnau gweithio yn ddiogel mewn lle er mwyn sicrhau parhad gwasanaeth.