Swyddog Cefnogol Hwb Menter (Cyfnod Mamolaeth)                                           

Lleoliad:M-Sparc, Gaerwen / Hybrid / Teithio i amrywaieth o leoliadau ar draws Gwynedd ac Ynys Môn

• Yn Adrodd i: Rheolwr Hwb Menter
• Yn Gyfrifol am: Neb
• Ystod Cyflog: £25,704.22 - £29,988.90
• Diben y Swydd: Cefnogi Rheolwr yr Hwb Menter gyda cyfrifoldebau gweinyddol, cyfathrebu a monitro

Cyfrifoldebau

Cyfathrebu â Cleientiaid: Bod yn bwynt cyswllt cyntaf ar gyfer pob ymholiad cymorth busnes dros y ffôn ac e-bost. Asesu anghenion cymorth cleientiaid a gwneud trefniadau fel y bo'n briodol ar gyfer cymorth dilynol.

Cefnogi Prosiectau: Cefnogi prosiect Hwb Menter yn ei weithgareddau o ddydd i ddydd, gan gynorthwyo i sicrhau bod y cynllun yn cael ei gyflawni ar amser, i safon uchel.

Cydymffurfiaeth prosiect: Gweithio gyda’r Rheolwr a’r tîm prosiect ehangach i weinyddu’r prosiect, a sicrhau cydymffurfiaeth gyda’r holl reolau e.e. caffael, cyhoeddusrwydd, casglu tystiolaeth.

Monitro prosiect: Sefydlu a chynnal system ffeilio i gasglu a chofnodi holl ddata angenrheidiol y prosiect. Cefnogi’r Rheolwr gyda monitro dyletswyddau adrodd y cynllun, i gynnwys ariannol a dangosyddion perfformiad fel bo angen.

Adrodd Prosiect: Cynorthwyo i gasglu holl wybodaeth angenrheidiol ar gyfer hawliadau misol i Lywodraeth Cymru. Sicrhau cymryd cofnodion cywir.

Hwyluso Grantiau: Cynorthwyo i hwyluso grantiau cychwyn / datblygu busnes, gan gynnwys trefnu paneli asesu, olrhain cyllid a chyfathrebu canlyniadau â chleientiaid.

Trefnu Digwyddiadau: Cynorthwyo gyda trefnu a chydlynu digwyddiadau ar draws y ddwy Sir gan gynnwys: cyfarfodydd mewnol, digwyddiadau ymgysylltu â’r gymuned, digwyddiadau i aelodau’r Hwb yn ogystal ag ymgysylltu gyda rhanddeiliaid.

Cydraddoldeb ac Amrywiaeth: Hyrwyddo cydraddoldeb ac amrywiaeth trwy'r cymorth busnes a ddarperir er mwyn darparu gwasanaeth cynhwysol i bob cleient.

Arall: Ymgymryd ag unrhyw ddyletswydd arall resymol sy’n cyfateb â lefel cyflog a lefel cyfrifoldeb y swydd.

Sgiliau/Profiad

Hanfodol: 

• Profiad o ddelio gyda’r cyhoedd, busnesau ac amryw o rhanddeiliaid yn defnyddio amrywiaeth o ffynhonellau cyfathrebu.

• Profiad o ddelio gyda chofnodion a dyletswyddau gweinyddol.

• Profiad o gydymffurfiaeth o fewn Rhaglenni wedi’i ariannu gan y Llywodraeth

• Profiad o drefnu digwyddiadau a recriwtio mynychwyr.

• Sgiliau TGaCH dda, yn benodol phecyn ‘Microsoft Office’.

• Y gallu i ddatblygu, meithrin a chynnal perthnasau gweithio da gyda rhanddeiliaid, busnesau, cynrychiolwyr cymunedau a gyda’r Llywodraeth ar bob lefel.

Dymunol:

• Gwybodaeth rhesymol o Ogledd Orllewin Cymru.

• Gwybodaeth rhesymol o sefydliadau rhanbarthol a chenedlaethol sy'n ymwneud â darparu gwasanaethau Cefnogi Busnes, e.e. Busnes Cymru

• Gwybodaeth rhesymol o wahanol grwpiau, sefydliadau a rhwydweithiau sy'n ymwneud â gweithgarwch economaidd cymdeithasol yn y rhanbarth.

• Gwybodaeth am drefnu digwyddiadau.

• Gwybodaeth am waith hyrwyddo.

Cymwysterau

Hanfodol:

• CGC (NVQ) lefel 3 neu uwch

Dymunol:

• Gradd / NVQ4 / Cymhwyster SFEDI
• Cymhwyster sgiliau Swyddfa / TGaCH

Nodweddion

Mae'r rhain yn disgrifio'r nodweddion yr ydym yn eu disgwyl gan unigolyn yn y swydd hon.

• Chwaraewr Tîm

• Trefnus

• Agos-atoch

• Dibynadwy

• Manwl a Chywir

Arall

• Trwydded yrru DU lawn a mynediad i gar
• Y gallu i gyfathrebu trwy gyfrwng y Gymraeg a'r Saesneg (Lefel 5 ar y canllawiau iaith)
• Parodrwydd i deithio
• Parodrwydd i weithio tu allan i oriau gweitio cyffredin (unai yn M-SParc neu'r lleoliadau lloeren)

Dyddiad cau : 1pm 28/07/2025

Am fwy o wybodaeth : cysylltu gyda Sara Roberts, Rheolwr Hwb Menter

I ymgeisio : Menter Môn - Swyddi