Swyddi ar lein
Cymhorthydd Cefnogaeth Dysgu Lefel 2 (25 awr), Goruchwyliwr Clwb brecwast (5 awr) a Goruchwyliwr Amser Cinio (5 awr) (Dros Dro) Ysgol Pennal
£19,784 - £20,013 y flwyddyn | Dros dro (gweler hysbyseb swydd)
- Cyfeirnod personel:
- 25-28610
- Teitl swydd:
- Cymhorthydd Cefnogaeth Dysgu Lefel 2 (25 awr), Goruchwyliwr Clwb brecwast (5 awr) a Goruchwyliwr Amser Cinio (5 awr) (Dros Dro) Ysgol Pennal
- Adran:
- Addysg
- Gwasanaeth:
- Ysgolion
- Dyddiad cau:
- 25/07/2025 12:00
- Math Swydd/Oriau:
- Dros dro (gweler hysbyseb swydd) | 35 Awr
- Cyflog:
- £19,784 - £20,013 y flwyddyn
- Gradd tâl:
- GS3
- Swydd tymor ysgol:
- 39 Wythnos
- Lleoliad(au):
- Ysgol Pennal, Machynlleth
Manylion
Hysbyseb Swydd
ADDYSG
YSGOLION CYNRADD
CYMHORTHYDD CEFNOGAETH DYSGU LEFEL 2 (25 AWR), GORUCHWYLIWR CLWB BRECWAST (5 AWR) A GORUCHWYLIWR AMSER CINIO (5 AWR) (DROS DRO)
YSGOL PENNAL
(Cynradd 3 – 11 oed: 31 o ddisgyblion)
Graddfa Gyflog: Telir cyflog yn unol ag Amodau Gwaith ar gyfer Gweithwyr Llywodraeth Leol, Graddfa GS3 pwyntiau 5 - 6 Lefel 2 (sef £14,420 - £14,649 y flwyddyn), yn ôl profiad a chymhwyster ar gyfer y swydd Cymhorthydd Cefnogaeth Dysgu Lefel 2, Graddfa GS1 pwynt 2 (sef £2,682 y flwyddyn) ar gyfer y swydd Goruchwyliwr Clwb Brecwast a Graddfa GS1 pwynt 2 (sef £2,682 y flwyddyn) ar gyfer y swydd Goruchwyliwr Amser Cinio.
Ystyrir uwchraddio’r swydd i Lefel 3 os yw’r cymwysterau cywir gan yr ymgeisydd llwyddiannus.
Yn eisiau: 1 Medi 2025
Swydd dros dro yw hon.
Oriau gwaith: 35 awr yr wythnos: 25 awr fel Cymhorthydd Cefnogaeth Dysgu Lefel 2 (39 wythnos y flwyddyn tymor ysgol gan gynnwys dyddiau Hyfforddiant Mewn Swydd), 5 awr fel Goruchwyliwr Clwb Brecwast a 5 awr fel Goruchwyliwr Amser Cinio (38 wythnos tymor ysgol yn unig)
Gwahoddir ceisiadau oddi wrth unigolion brwdfrydig i weithio gyda thîm ymroddgar ac egnïol. Byddai profiad o faes anghenion addysgol arbennig yn gyffredinol ac anawsterau emosiynol ac ymddygiadol yn benodol o fantais, ond nid yw hyn yn amod ar gyfer ymgeisio.
Mae’r gallu i gyfathrebu’n effeithiol trwy gyfrwng y Gymraeg a’r Saesneg yn hanfodol ar gyfer y swydd. Mae’r ysgol yn gweithredu’n unol a’i Bolisi Iaith. Bydd angen i’r ymgeisydd gyrraedd y lefel ieithyddol sy’n cael ei nodi yn y Manylion Person.
Gwahoddir unrhyw rai sydd â diddordeb a/neu sydd angen gwybodaeth ychwanegol i drafod yn anffurfiol gyda’r Pennaeth, Mrs Nia Wyn Thomas-Evans. Rhif Ffôn 01654 791225 e-bost: Nia.Thomas@pennal.ysgoliongwynedd.cymru
Dylid cyflwyno cais am y swydd ar-lein. Os nad yw hyn yn bosibl, yna gallwch gysylltu gyda Elen Jones, Swyddog Cefnogi Ysgol. Rhif ffon 01758 704047 e-bost: ElenJones2@gwynedd.llyw.cymru
Rydym yn annog pob ymgeisydd am swydd gyda’r Cyngor i gyflwyno ceisiadau yn Gymraeg neu yn ddwyieithog.
(Bydd ceisiadau sydd yn cael eu cyflwyno yn uniaith Gymraeg neu Saesneg yn cael eu trin yn gwbl gyfartal, ond gofynnir i’r ymgeisydd ystyried yn ofalus beth yw gofynion iaith y swydd a’r sefydliad ac a fyddai cyflwyno cais yn uniaith Gymraeg yn fwy addas).
Bydd y Cyngor yn gofyn am ddadleniad gan y Gwasanaeth Datgelu a Gwahardd a chadarnhad o gofrestriad gyda’r Cyngor Gweithlu Addysg ar gyfer yr ymgeisydd llwyddiannus cyn y gallant gychwyn yn yr ysgol.
Rhagwelir cynnal cyfweliadau am y swydd hon dydd Llun, 4 Awst 2025.
DYDDIAD CAU: 12 O’R GLOCH, DYDD GWENER, 25 GORFFENNAF 2025.
(This is an advertisement for a Learning Support Assistant Level 2 (25 hours), Breakfast Club Supervisor (5 hours) and Mid-day Supervisor (5 hours) at Ysgol Pennal for which the ability to communicate through the medium of Welsh and English is essential. The Council will require a Disclosure and Barring Service certificate and confirmation of registration with the Education Workforce Council for the successful applicant before they can start at the school).
Mae’r awdurdod hwn wedi ymrwymo i ddiogelu a hyrwyddo lles plant a phobl ifanc ac mae’n disgwyl y bydd pob un o’i staff a’i wirfoddolwyr yn rhannu’r ymrwymiad hwn.
This authority is committed to safeguarding and promoting the welfare of children and young people and expects all staff and volunteers to share this commitment.
Manylion Person
Cymhorthydd Cefnogaeth Dysgu Lefel 2
NODWEDDION PERSONOL
HANFODOL
• Y gallu i berthnasu’n dda â phlant ac oedolion.
• Gweithio’n adeiladol fel rhan o dîm.
• Parodrwydd i dderbyn cyfrifoldebau a chyfrannu syniadau
• Brwdfrydig a hyblyg
• Personoliaeth Ddigynnwrf
• Ymrwymedig i ddiogelu a hyrwyddo lles plant a phobl ifanc
CYMWYSTERAU A HYFFORDDIANT PERTHNASOL
HANFODOL
• Sgiliau rhif/llythrennedd da.
• NVQ2 ar gyfer Cymorthyddion Addysgu neu gymhwyster cyfwerth, neu yn fodlon ymgymryd â’r cwrs yn dilyn penodiad.
DYMUNOL
• Wedi dilyn hyfforddiant llwybr dysgu i gymorthyddion dysgu – ‘Rhaglen Ymsefydlu’
• Hyfforddiant cymorth cyntaf
• Hyfforddiant Amddiffyn Plant
• Hyfforddiant mewn strategaethau perthnasol i gefnogi dysgu, e.e. llythrennedd/ rhifedd
PROFIAD PERTHNASOL
HANFODOL
• Gweithio gyda phlant o’r oedran priodol neu ofalu amdanynt.
DYMUNOL
• Profiad o weithio gyda grwpiau bychain o blant
• Profiad o waith cynorthwyo mewn dosbarth
• Profiad o weithio gyda disgyblion gydag anghenion dysgu ychwanegol
SGILIAU A GWYBODAETH ARBENIGOL
HANFODOL
• Deunydd effeithlon o TGaCh
• Sgiliau rhyngbersonol a chyfathrebu da
• Y gallu i sefydlu a chynnal perthynas dda gyda eraill.
ANGHENION IEITHYDDOL
Gwrando a Siarad – Lefel Uwch
Gallu dilyn sgwrs neu drafodaeth drwy gyfrwng y Gymraeg a’r Saesneg ar lefel broffesiynol a thrafod pynciau cyffredinol bob dydd yn y maes er mwyn cyflwyno gwybodaeth a mynegi barn.
Gallu darparu cyflwyniad wedi'i baratoi o flaen llaw ac ymateb i unrhyw sylwadau a chwestiynau arno drwy gyfrwng y Gymraeg a’r Saesneg.
Darllen a Deall – Lefel Uwch
Gallu deall Cymraeg a Saesneg ysgrifenedig safonol, ffurfiol ac anffurfiol.
Medru casglu gwybodaeth o amrywiol ffynonellau megis llythyrau, adroddiadau, erthyglau, drwy gyfrwng y Gymraeg a’r Saesneg er mwyn cyflawni'r swydd.
Ysgrifennu – Lefel Canolradd
Gallu ysgrifennu llythyrau i bwrpas penodol, negeseuon e-bost ac adroddiadau byr, drwy gyfrwng y Gymraeg a’r Saesneg, gan ddefnyddio geirfa ac ymadroddion syml sy’n gyfarwyddi’r maes gwaith. (Bydd angen gwirio cyn eu hanfon allan).
Goruchwyliwr Clwb Brecwast
NODWEDDION PERSONOL
HANFODOL
Person gofalgar, cyfeillgar a hyblyg. Gallu gweithredu fel aelod o dîm.
Ymrwymedig i ddiogelu a hyrwyddo lles plant a phobl ifanc.
CYMWYSTERAU A HYFFORDDIANT PERTHNASOL
DYMUNOL
Cymhwyster Cymorth Cyntaf.
PROFIAD PERTHNASOL
DYMUNOL
Profiad blaenorol o weithio gyda phlant neu ofalu am blant.
SGILIAU A GWYBODAETH ARBENIGOL
HANFODOL
Gallu cyfathrebu â phlant gyda gofal, empathi a dealltwriaeth.
Gallu dilyn cyfarwyddiadau a gweithdrefnau yn unol â pholisïau cytunedig yr ysgol.
ANGHENION IEITHYDDOL
Gwrando a Siarad – Lefel Sylfaen
Gallu cynnal sgwrs syml drwy gyfrwng y Gymraeg a’r Saesneg yng nghyd-destun pob dydd y swydd gan ddefnyddio geirfa benodol sy'n codi'n rheolaidd er mwyn cyflwyno gwybodaeth.
Gallu cyflwyno gwybodaeth syml drwy gyfwng y Gymraeg a’r Saesneg sydd wedi'i baratoi o flaen llaw ac ymateb i gwestiynau.
Darllen a Deall – Lefel Sylfaen
Darllen a deall negeseuon a thaflenni gwybodaeth syml trwy gyfrwng y Gymraeg a'r Saesneg yn ymwneud â'r swydd, a deall adroddiadau byr a syml ar bwnc cyfarwydd.
Ysgrifennu – Lefel Sylfaen
Gallu llenwi ffurflen syml a llunio llythyr neu neges ebost byr drwy gyfrwng y Gymraeg a’r Saesneg drwy ddefnyddio cyfres o frawddegau allweddol i gyfleu gwybodaeth syml.
Goruchwyliwr Amser Cinio
NODWEDDION PERSONOL
HANFODOL
Person gofalgar, cyfeillgar a hyblyg. Gallu gweithredu fel aelod o dîm.
Ymrwymedig i ddiogelu a hyrwyddo lles plant a phobl ifanc.
CYMWYSTERAU A HYFFORDDIANT PERTHNASOL
DYMUNOL
Cymhwyster Cymorth Cyntaf.
PROFIAD PERTHNASOL
DYMUNOL
Profiad blaenorol o weithio gyda phlant neu ofalu am blant.
SGILIAU A GWYBODAETH ARBENIGOL
HANFODOL
Gallu cyfathrebu â phlant gyda gofal, empathi a dealltwriaeth.
Gallu dilyn cyfarwyddiadau a gweithdrefnau yn unol â pholisïau cytunedig yr ysgol.
ANGHENION IEITHYDDOL
Gwrando a Siarad – Lefel Sylfaen
Gallu cynnal sgwrs syml drwy gyfrwng y Gymraeg a’r Saesneg yng nghyd-destun pob dydd y swydd gan ddefnyddio geirfa benodol sy'n codi'n rheolaidd er mwyn cyflwyno gwybodaeth.
Gallu cyflwyno gwybodaeth syml drwy gyfwng y Gymraeg a’r Saesneg sydd wedi'i baratoi o flaen llaw ac ymateb i gwestiynau.
Darllen a Deall – Lefel Sylfaen
Darllen a deall negeseuon a thaflenni gwybodaeth syml trwy gyfrwng y Gymraeg a'r Saesneg yn ymwneud â'r swydd, a deall adroddiadau byr a syml ar bwnc cyfarwydd.
Ysgrifennu – Lefel Sylfaen
Gallu llenwi ffurflen syml a llunio llythyr neu neges ebost byr drwy gyfrwng y Gymraeg a’r Saesneg drwy ddefnyddio cyfres o frawddegau allweddol i gyfleu gwybodaeth syml.
Swydd Ddisgrifiad
Cymhorthydd Cefnogaeth Dysgu Lefel 2
Pwrpas y Swydd.
• Sicrhau bod plant a phobl ifanc Gwynedd yn ganolog i bopeth yr ydym yn ei wneud.
• Gweithio dan gyfarwyddyd ac arweiniad athrawon ac/neu aelodau o dîm rheoli'r ysgol.
• Cefnogi unigolion a grwpiau o ddisgyblion i alluogi mynediad i ddysgu.
• Mae'r ysgol wedi ymrwymo i ddiogelu a hyrwyddo lles plant ac mae'n disgwyl i'r holl staff a gwirfoddolwyr rannu'r ymrwymiad hwn
Prif Ddyletswyddau.
• Goruchwylio a darparu cefnogaeth ar gyfer disgyblion unigol a grwpiau o ddisgyblion, yn cynnwys rhai gydag anghenion dysgu ychwanegol, gan sicrhau eu diogelwch a’u mynediad i weithgareddau dysgu.
• Gweithredu Cynlluniau Addysg/Ymddygiad Unigol a rhaglenni Gofal Personol– yn cynnwys toiledu, bwydo a symudoledd.
• Yn dilyn hyfforddiant, gweinyddu meddyginiaeth yn unol â’r gweithdrefnau a pholisïau ar gyfer yr AALL ac ysgolion.
• Cynorthwyo gyda goruchwylio disgyblion y tu allan i amser gwersi, yn cynnwys cyn ac ar ôl ysgol ac amserau cinio.
• Mynd gyda staff addysgu a disgyblion ar ymweliadau, teithiau a gweithgareddau y tu allan i’r ysgol ar gais a chymryd cyfrifoldeb am grŵp o dan oruchwyliaeth yr athro/athrawes.
• Sefydlu perthynas dda gyda’r disgyblion, gan weithredu fel model rôl a bod yn ymwybodol o anghenion unigol ac ymateb yn briodol iddynt.
• Annog disgyblion i ryngweithio gydag eraill ac i ymuno mewn gweithgareddau o dan arweiniad yr athro/athrawes.
• Gosod disgwyliadau uchel a hybu hunan-barch ac annibyniaeth.
• Hwyluso cynnwys a derbyn pob disgybl o fewn y dosbarth, gan hybu annibyniaeth.
• Dan arweiniad yr athro/athrawes, darparu adborth i ddisgyblion.
• Cydweithio gyda’r athro/athrawes i greu amgylchedd dysgu pwrpasol.
• Cynorthwyo i glirio’r dosbarth a chynorthwyo gydag arddangos gwaith y disgyblion.
• Sicrhau adborth rheolaidd ac effeithlon i’r athro/athrawes, gan adrodd ar ymatebion y disgyblion i weithgareddau dysgu, cynnydd, a lles disgyblion
• Hybu ymddygiad disgyblion ac agweddau cadarnhaol tuag at ddysgu.
• Cefnogi strategaethau dysgu amrywiol dan arweiniad athro/athrawes.
• Cefnogi’r defnydd o TGaCh mewn gweithgareddau dysgu.
• Paratoi, cynnal a defnyddio offer/adnoddau sy’n ofynnol i gwrdd â’r cynlluniau gwersi/gweithgaredd dysgu perthnasol a chynorthwyo’r disgyblion i’w defnyddio.
• Cysylltu’n broffesiynol â rhieni, gofalwyr dan arweiniad yr athro/athrawes.
• Cyfranogi mewn cyfarfodydd gyda’r rhieni a chyfrannu at arolygon blynyddol yn unol ag arfer ysgol.
• Bod yn ymwybodol o bolisïau a gweithdrefnau sy’n berthynol i gynhwysiad, amddiffyn plant, iechyd a diogelwch, cyfrinachedd a diogelu data, a chydymffurfio â hwynt, gan adrodd am bob pryder.
• Cyfrannu at ethos/gwaith/amcanion cyffredinol yr ysgol.
• Mynychu cyfarfodydd perthnasol.
• Cymryd rhan mewn hyfforddiant a gweithgareddau dysgu eraill ac arolygon proffesiynol ar gais.
• Cofrestredig gyda’r Cyngor Gweithlu Addysg.
Cyffredinol
• Cyfrifoldeb am hunan ddatblygiad yn unol ar Safonau Proffesiynol ar gyfer Cynorthwyo Addysgu.
• Ymgymryd ag unrhyw ddyletswydd ychwanegol sy’n berthnasol i’r swydd yn unol â chais y Rheolwr.
• Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
• Gweithredu o fewn polisïau’r Cyngor/Ysgol yng nghyswllt cyfle cyfartal a chydraddoldeb.
• Cyfrifoldeb am reoli gwybodaeth yn unol â safonau a chanllawiau GDPR. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
• Ymrwymiad i leihau allyriadau carbon yr ysgol/ Cyngor yn unol â’r Cynllun Rheoli Carbon ac i annog eraill i weithredu’n gadarnhaol tuag at leihau ôl-troed carbon yr ysgol/ Cyngor.
• Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
• Cyfrifoldeb i adrodd ar bryder neu amheuaeth bod plentyn neu oedolyn bregus yn cael ei gam-drin.
Goruchwyliwr Clwb Brecwast
Pwrpas y Swydd.
• Sicrhau bod plant a phobl Gwynedd yn ganolog i bopeth yr ydym yn ei wneud.
• Ymgymryd â goruchwyliaeth y disgyblion yn ystod y cyfnod brecwast.
• Mae’r ysgol hon wedi ymrwymo i ddiogelu a hyrwyddo lles plant a phobl ifanc ac mae’n disgwyl y bydd pob un o’i staff a’i wirfoddolwr yn rhannu’r ymrwymiad hwn.
Prif Ddyletswyddau.
• Bod yn bresennol ar dir yr ysgol yn ystod y cyfnod brecwast.
• Cynorthwyo i osod y byrddau a’r meinciau a sicrhau eu bod yn cael eu cadw wedyn a bod y neuadd/ystafell fwyta yn lân a destlus cyn amser gwersi/gwasanaeth boreol.
• Sicrhau fod y plant yn dod i mewn a gadael y ffreutur/Neuadd mewn modd rheoledig a thawel
• Cynorthwyo’n gyffredinol wrth i’r brecwastgael ei weini.
• Arolygu a sicrhau disgyblaeth ymhlith disgyblion cyn, yn ystod ac ar ôl brecwast yn cynnwys arolygu yn yneuadd/ystafell fwyta.
• Annog cwrteisi a moesau da, gan gynorthwyo lle bo angen.
• Sicrhau bod disgyblion dan arolygaeth gydol yr amser brecwast a’r amser gofal cyn-ysgol.
• Yn achos babanod, bydd y dyletswyddau’n cynnwys cludo’r brecwast i’r disgyblion (oni wnaed trefniadaueraill gan y Pennaeth) gan dorri tost ayb, eu hyfforddi i ddefnyddio llwyau os oes angen.
• Cwblhau cofrestr presenoldeb ar gyfer brecwast (PY44) yn ddyddiol.
• Cyfrifoldeb am hunan ddatblygiad.
• Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodiryn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
• Gweithredu o fewn polisïau’r cyngor/ysgol yng nghyswllt cyfle cyfartal a chydraddoldeb.
• Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data.
• Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
• Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
• Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gam-drin.
Goruchwyliwr Amser Cinio
Pwrpas y Swydd.
• Sicrhau bod plant a phobl Gwynedd yn ganolog i bopeth yr ydyn yn ei wneud.
• Arolygu a chadw trefn ar y disgyblion cyn, yn ystod ac ar ôl prydau, gan gynnwys arolygu yn y maes chwarae neu yn y neuadd a’r dosbarthiadau yn ystod tywydd gwlyb.
• Mae’r ysgol hon wedi ymrwymo i ddiogelu a hyrwyddo lles plant a phobl ifanc ac mae’n disgwyl y bydd pob un o’i staff a’i wirfoddolwr yn rhannu’r ymrwymiad hwn.
Prif Ddyletswyddau.
• Tywys y plant i’r ystafell fwyta a chynorthwyo’n gyffredinol yn y ffreutur tra bydd y bwyd yn cael ei weini.
• Sicrhau fod y plant yn dod i mewn a gadael y ffreutur/neuadd mewn modd rheoledig, a thawel.
• Gyda babanod, bydd y dyletswyddau’n cynnwys cario platiau bwyd at y byrddau (os nad oes
trefniadau eraill wedi eu gwneud gan y Pennaeth), torri cig ayb, hyfforddi’r plant i ddefnyddio cyllyll a ffyrc.
• Sicrhau nad ydyw’r plant ar unrhyw adeg heb arolygaeth.
• Wedi i’r disgyblion fwyta, sicrhau bod trefniadau clirio byrddau yn cael eu gweithredu.
• Annog cwrteisi a moesau da, gan gynorthwyo lle bo angen.
• Ymdrin ag unrhyw fân ddigwyddiadau gyda disgyblion, neu adrodd ar y digwyddiadau i berson dynodedig/
Pennaeth.
• Cyfrifoldeb am hunan ddatblygiad
• Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
• Gweithredu o fewn polisïau’r cyngor/ysgol yng nghyswllt cyfle cyfartal a chydraddoldeb.
• Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
• Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
• Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
• Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gam-drin.
Amlinelliad yn unig o ddyletswyddau’r swydd a ddangosir uchod, a hynny er mwyn rhoi syniad o’r lefel cyfrifoldeb sydd ynghlwm â hi. Nid yw’r swydd ddisgrifiad hon yn fanwl gynhwysfawr, ac fe all dyletswyddau’r swydd newid o bryd i’w gilydd heb newid ei natur sylfaenol na’r lefel cyfrifoldeb.
