Pwrpas y Swydd.
Sicrhau bod pobl Gwynedd yn ganolog i bopeth yr ydym yn ei wneud.
Rheoli safleoedd gwasanaethu yr Uned gan fod yn ganolog i ymdrechion y Cyngor i wella cyflwr a defnydd o’i adeiladau a thir o fewn ffiniau’r safle ac i sicrhau eu bod yn gweithredu’n ddiogel ac yn effeithlon: unigolion ydynt sy’n cadw llygaid ar adeiladau a thir y Cyngor fel eu bod yn cael eu cynnal mewn cyflwr diogel, glân, taclus ac atyniadol, yn ogystal â bod yn addas ar gyfer anghenion staff, plant a chwsmeriaid.
Sicrhau fod gweithdrefnau Iechyd a Diogelwch mewn lle i holl weithgarwch yr Uned
Cyfrifoldeb am Adnoddau. . e.e. staff, cyllid, offer
Adeilad Plas Pawb – Caernarfon
Adeilad Ty Cegin Maesgeirchen
Adeilad Dechrau’n Deg – Deiniolen
Cerbydau yr Uned
Trelar Chwarae
Pods Offer Chwarae
Prif Ddyletswyddau.
Arwain trwy esiampl; meithrin a chynnal diwylliant iechyd a diogelwch positif bob amser.
Sicrhau y dilynir gweithdrefnau Iechyd a Diogelwch Cyngor Gwynedd.
Rheoli unrhyw gyllideb ddatganoledig ar gyfer cynnal a chadw / gwasanaethu pan fo’n briodol. Nid yw hyn yn cynnwys unrhyw gyllidebau a gaiff eu rheoli gan y Gwasanaethau Eiddo.
Rheoli’r drefn o gynhyrchu incwm digonol ar gyfer rhediad y safleoedd.
Gweithredu fel, neu sicrhau fod person addas arall wedi ei ddynodi i fod yn bwynt cyswllt cyntaf am faterion dydd i ddydd yn ymwneud â’r eiddo. Dirprwyo a sicrhau gweithrediad gwiriadau safle. Cydweithio gyda is reolwyr safle pam ddim yn bresennol fel bod gweithrediad saff yn digwydd yn amserol.
Sicrhau y caiff ceisiadau am waith cynnal a chadw eu hadrodd i’r Ddesg Gymorth Eiddo, ble bo’n briodol
Os yw Rheolwr Safle / Wasanaeth yn dymuno trefnu gwaith ar yr adeilad, yna rhaid sicrhau fod cais wedi ei gyflwyno i’r Gwasanaeth Eiddo ar ffurflen C1 a sicrhau fod caniatâd ar yn awdurdodi’r gwaith wedi ei dderbyn gan y Gwasanaeth Eiddo cyn i unrhyw waith gael ei drefnu.
Sicrhau fod unrhyw waith gwasanaethu sy’n gyfrifoldeb ar y sefydliad i’w gyllido allan o’u cyllideb ddatganoledig yn digwydd yn amserol.
Cydweithio â Rheolwr Prosiect gwaith adeiladu i sicrhau integreiddiad esmwyth y gwaith prosiect â defnydd arferol yr adeilad, gan leihau’r effaith ar ddefnyddwyr yr adeilad, a chyfathrebu’n glir â defnyddwyr yr adeilad.
Sicrhau y cwblheir ac adolygir asesiadau risg, a sicrhau y cydymffurfir â’r trefniadau i reoli’r risgiau sy’n gysylltiedig â’r adeilad, y safle a’r defnydd ohono. Bydd asesiadau arbenigol ac arolygon tân, asbestos a chlefyd y lleng filwyr (legionella) yn cael eu cydgordio gan y gwasanaeth eiddo a rhennir y canfyddiadau
gyda’r Rheolwyr perthnasol.
Sicrhau bod y ffeiliau Gwybodaeth Eiddo / Bocsys Glas yn cael eu cadw’n gyfredol
Sicrhau bod Cynlluniau Rheoli e.e. cynllun rheoli tân sy’n ymwneud â materion eiddo yn cael eu gweithredu ar y safle e.e. materion rheoli legionella, profi taenellwyr a gwagio unrhyw systemau biomas.
Sicrhau bod gweithdrefnau arwyddo mewn ac allan corfforaethol yn cael eu gweithredu ar y safle a bod staff, contractwyr ac ymwelwyr yn ymwybodol o wybodaeth sy’n berthnasol i risgiau ar y safle a bod y gofrestr asbestos yn cael ei dangos i gontractwyr ar bob achlysur.
Trefnu cynnal a chadw’r tiroedd. Sicrhau fod y planhigion ar ffrynt yr adeiladau yn cael eu trin, dyfrio a chadw’’n daclus.
Gwirio rheoliadau yr Asiantaeth Safonau Bwyd ar y safleoedd a sicrhau cydymffurfiaeth i system rheolaeth diogelwch bwyd.
Cefnogi ymdrechion y Cyngor i leihau ein defnydd o ynni a sicrhau bod trefniadau wedi’u sefydlu i gofnodi’r defnydd ar y safle ac anfon gwybodaeth at y Gwasanaeth Eiddo yn fisol.
Sicrhau fod trefniant mewn lle i ymdrin â cheisiadau i ddefnyddio/llogi rhannau o’r adeilad yn unol â’r math o wasanaeth a ddarperir o’r adeilad hwnnw a sicrhau bod trefniadau trosglwyddo digonol wedi’u sefydlu sy’n cynnwys defnyddio a gwagio’r adeilad yn ddiogel (fodd bynnag, dylai unrhyw geisiadau am ddefnydd ehangach e.e. hawliau mynediad, trwyddedu, prydlesau a phryniadau gael eu dwyn i sylw’r Gwasanaeth Eiddo).
Sicrhau bod unrhyw gontractwyr a ddefnyddir ganddynt i wneud gwaith yn gymwys i ymgymryd â’r gwaith yn ddiogel, yn cynhyrchu asesiadau risg ar y gwaith, ac yn cydymffurfio â gweithdrefnau rheoli Contractwyr Cyngor Gwynedd.
Sicrhau bod swyddfeydd allanol sydd ar rhent yn saff a diogel i staff gan gydweithio gyda swyddogion Iechyd a Diogelwch y safle ag asiantaethau eraill fel y BCUHB.
Sicrhau bod archwiliadau safle yn digwydd yn rheolaidd ac yn cael eu cofnodi ar y daflen log perthnasol e.e. llyfr log diogelwch tân, gwiriadau ROSPA offer chwarae
Cyfrifoldeb dros Cymorth Cyntaf safleoedd a mynychu hyfforddiant Cymorth Cyntaf yn y gweithlu a sicrhau cydymffurfiaeth ar y safleoedd
Sicrhau fod y ‘containers’ chwarae sy’n storio offer chwarae yr Uned yn cael ei archwilio ac yn saff.
Mynychu unrhyw hyfforddiant a ddarperir ar gyfer rheolwyr safle fel IOSH gan gynnwys hyfforddiant atgoffa.
Ymateb yn brydlon i geisiadau am wybodaeth gan yr Uwch Dim, Gwasanaeth Iechyd Diogelwch a Llesiant neu’r Gwasanaethau Eiddo.
Cydweithio gyda’r Uwch Dim a’r Ymgynghorwyr Iechyd a Diogelwch perthnasol ar y gwaith o gyflwyno deddfwriaethau a pholisïau iechyd a diogelwch a gweithdrefnau newydd.
Cydweithio gyda’r Uwch Dim a’r Ymgynghorwyr Iechyd a Diogelwch perthnasol i sefydlu a gweithredu system asesiadau risg ar gyfer yr Uned a system o fonitro ei weithrediad.
I ymgymryd â’r gwaith o archwilio safon ac ansawdd systemau iechyd a diogelwch o fewn yr Uned a sicrhau cyflenwad cywir o ‘PPE’ i gydfynd gyda asesiadau risg a bod defnydd cywir o’r PPE yn digwydd.
Cynorthwyo i gydgordio hyfforddiant iechyd a diogelwch staff yr Uned fel Cymorth Cyntaf, Tân a.y.b.
Darparu arweiniad a chynhaliaeth mewn perthynas ag adnabod ac asesu risg drwy :
Ddarparu modelau o asesiadau generig perthnasol i staff
Cyfrannu at hyfforddiant perthnasol.
Gwirio asesiadau risg a gynhyrchwyd gan y timau
rheoli gweithrediad a monitro’r bas data asesiadau risg fel bod modd diweddaru yn amserol
Cyfrannu at sefydlu a gweithredu cyfundrefn ar gyfer monitro.
Amlygu anghenion hyfforddiant iechyd a diogelwch ar gyfer staff yr Uned i’r Uwch Dim
Ymgymryd â hyfforddi staff i drefniadau Iechyd a Diogelwch yn fewnol ac allanol.
Adrodd ar ddamweiniau drwy’r drefn HS11 y Cyngor gan adrodd ar ddiffygion i’r Uwch Dim a’r tîm I&D corfforaethol.
Mynychu fforwm Iechyd a Diogelwch Adrannol a chydweithio gydag Ymgynghorwyr a Swyddogion Iechyd a Diogelwch Corfforaethol
Paratoi a chynnal gwybodaeth, gohebiaeth, cofnodion ac adroddiadau yn amserol, yn unol ag anghenion Deddfwriaeth Iechyd a Diogelwch.
Gyda chymorth y tîm gweinyddol trefnu cyfarfodydd chwarterol gyda staff safleoedd.
Sicrhau bod archwiliadau cerbydau yn digwydd yn rheolaidd ac yn cael eu cofnodi ar y daflen log perthnasol.
Cydweithio gyda’r tîmau i wneud asesiadau risg cychwynnol ar leoliadau newydd i gynnal gweithgareddau fel y Trelar Chwarae.
Cyfrifoldeb am hunan ddatblygiad
Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
Gweithredu o fewn polisïau’r Cyngor yng nghyswllt cyfle cyfartal a chydraddoldeb.
Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gam-drin
Amgylchiadau Arbennig. . e.e. angen i weithio oriau anghymdeithasol, trefniadau gwaith arbennig, a.y.y.b.
Bydd angen gweithio oriau anghymdeithasol ar adegau os bydd problemau yn codi ar y safleoedd. Ni ellir ystyried gweithio’n hybrid