Pwrpas y swydd
•Sicrhau bod pobl Gwynedd yn ganolog i bopeth yr ydym yn ei wneud.
•Datblygu gallu personol mewn materion technegol yn bennaf o ran paratoi darluniadau a dogfennau gan ddefnyddio pecynnau meddalwedd cyfrifiadurol amrywiol.
•Bod yn rhan o dîm prosiect hyblyg a chynorthwyo staff peirianneg a thechnegol ar brosiectau.
•Cynorthwyo i sicrhau bod YGC yn gweithredu ar sail fasnachol ac yn addasu ei hun i gystadlu’n effeithiol.
•Bod yn llwyr ymroddedig i fodloni anghenion y cleient.
•Os oes angen, cynorthwyo Cynrychiolydd y Peirianwyr â'u dyletswyddau a'u prosiectau adeiladu.
•Cyflawni gofynion deddfwriaeth iechyd a diogelwch ac amgylcheddol.
•Cynorthwyo â'r gofynion ar gyfer rheolaeth ariannol fel rhan o'r prosiect.
Cyfrifoldeb am adnoddau e.e. staff, cyllid, offer
Canfod a chynnal y wybodaeth ddiweddaraf ynglŷn ag:-
•arfer gorau cyfredol o ran materion dylunio
•safonau a datblygiadau technegol (gan gynnwys technoleg gyfredol) a
•chyfrifoldebau proffesiynol a statudol (yn cynnwys e.e. y rheini o dan Ddeddf Iechyd a Diogelwch yn y Gwaith ac ati 1974, Deddf Bywyd Gwyllt a Chefn Gwlad 1982, Rheoliadau Cynefinoedd 1994 a Rheoliadau addas e.e. rheoliadau CDM) a’u perthnasedd i’r gwaith a’r swyddogaethau sy’n cael eu gweithredu.
•Darparu a chynnal cyfrifoldeb goruchwyliol, fel y dyrennir gan y rheolwr llinell, am y staff o fewn Gwasanaethau Cefnogol YGC - dyrannu gwaith, monitro a datblygu staff eilaidd.
•Sicrhau y caiff holl daflenni amser a chymeradwyaeth staff eu cwblhau yn unol â gweithdrefnau YGC.
•Disgwylir i ddeilydd y swydd fod yn ymwybodol o ofynion Iechyd a Diogelwch a chydweithio gyda Rheolwr Iechyd a Diogelwch a Sicrwydd Ansawdd y Gyfadran er mwyn sicrhau bod yr Uned yn cydymffurfio â'r gofynion perthnasol.
•Sicrhau bod YGC yn ateb gofynion y Cyngor.
•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau yr ymdrinnir â gwybodaeth bersonol mewn modd sy’n cydymffurfio â deddfwriaeth diogelu data.
•Rheoli staff eilaidd.
Prif ddyletswyddau
•Datblygu a chynnal perthynas broffesiynol gyda chleientiaid.
•Cynorthwyo staff peirianneg a thechnegol i gwblhau prosiectau gan gynnwys amrediad o ddyletswyddau technegol, gweinyddol a swyddfa ddarlunio yn gymesur â lefel hyfforddiant, arbenigedd a chymhwysedd deilydd y swydd unigol.
•Cynorthwyo i gwblhau gwaith Archwilio Isadeiledd, Asesu a Chynnal a Chadw yn y maes Priffyrdd.
•Goruchwylio rheolaeth ariannol, weinyddol a thechnegol gwaith adeiladu, ymchwilio, asesu neu waith cynnal a chadw a wneir ar ran y Cleient.
•Sicrhau bod prosiectau yn cydymffurfio â deddfwriaeth a rheoliadau iechyd a diogelwch ac amgylcheddol.
•Adrodd wrth, a derbyn cyfarwyddiadau gan Uwch Staff, yn rheolaidd ac fel bo’r angen i sicrhau bod y gwaith yn mynd yn ei flaen yn iawn.
•Cynorthwyo i Oruchwylio gwaith ar safleoedd adeiladu pan fo'r angen a chwblhau cyfrifoldebau a dyletswyddau dirprwyedig yn briodol.
•Gweithredu a rheoli systemau a meddalwedd cyfrifiadurol.
•Cysylltu â gwasanaethau eraill, cyfadrannau eraill, ymgymerwyr statudol, awdurdodau eraill, sefydliadau allanol, ac unigolion sy’n ymwneud â holl agweddau’r gwaith.
•Goruchwylio ac arwain gwaith a datblygiad staff eilaidd.
•Dyletswyddau gweinyddol sy’n gymesur â’r swydd.
•Cyfrifoldeb am hunan ddatblygiad
•Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
•Gweithredu o fewn polisïau’r Cyngor yng nghyswllt cyfle cyfartal a chydraddoldeb.
•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor.  Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
•Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
•Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
•Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin
Amgylchiadau arbennig
•Rheoli gwariant ei hun ar brosiectau.
•Y gallu i weithio dan bwysau a symbylu is-staff.
•Y gofyn i weithio tu allan i oriau swyddfa arferol mewn Ymchwiliadau Cyhoeddus, ymgynghoriadau, arddangosfeydd a chyfarfodydd y Cyngor ac ati.