Pwrpas y Swydd.
 • Sicrhau bod pobl Gwynedd yn ganolog i bopeth yr ydym yn ei wneud.
• Bod yn asesydd nudd gorau mewn ymateb i ofynion Diogelu rhag Colli Rhyddid (DoLs) ac i ddyfarniad Cheshire West 
• Cynorthwyo’r Cydlynydd i gydgordio’r broses asesu ac awdurdodi ar ran Corff Goruchwylio; Cyngor Gwynedd• 
Cyfrifoldeb am Adnoddau. . e.e. staff, cyllid, offer
 • Dim penodol ond disgwylir i’r deilydd fod yn ymwybodol o oblygiadau/cyd-destun ariannol unryw becyn y maent yn ei drefnu ee lleoliad preswyl.
Prif Ddyletswyddau.
 • Ymarfer o fewn y fframweithiau deddfwriaethol a’r canllawiau perthnasol sy’n sail i ddarpariaeth gwasanaethau cymdeithasol yng Nghymru
• Gweithredu’r cod ymarfer proffesiynol fel gweithiwr proffesiynol cofrestredig
• Meddu ar y wybodaeth ddiweddaraf a chynnal eich datblygiad proffesiynol eich hun.
• Datblygu ymarfer gwaith cymdeithasol trwy oruchwylio a myfyrio
• Rheoli eich gwaith eich hun a bod yn atebol amdano.
• Cydweithio o fewn timau, rhwydweithiau a systemau amlddisgyblaethol ac aml-
• Atgyfnerthu a datblygu'r sgiliau a'r wybodaeth a enillwyd trwy gymwysterau ffurfiol trwy fentora ac arweiniad ymarferwyr profiadol. Mynychu gweithdai 3 blynedd gyntaf perthnasol o ymarfer a chwblhau'r Rhaglen Gadarnhau. Gweithio gyda'r mentor i ddatblygu ymarfer.
• Cwblhau a llwyddo mewn perthynas â hyfforddiant Asesydd Budd Gorau.
• Cynnal Asesiadau Galluedd Meddyliol ac Asesiadau Budd Gorau ar gyfer pobl mewn cartrefi gofal neu mewn ysbytai dan Ddeddf Galluedd Meddyliol 2005 (DGM), Trefniadau Diogelu Rhag Colli Rhyddid (DoLS) a chyfraith achos o’r Goruchaf Lys a'r Llys Gwarchod mewn perthynas ag amddifadu o ryddid.
• Cynnal Asesiadau Galluedd Meddyliol a Budd Gorau i bobl yn y gymuned i'w cyflwyno a'u hawdurdodi gan y Llys Gwarchod.
• Ymgymryd â chyfrifoldebau Asesydd Budd Gorau (ABG) fel y penderfynir gan y DGM, DoLS a ddeddfwriaeth gysylltiedig, codau ymarfer cenedlaethol a chanllawiau cenedlaethol a lleol.
• Cwblhau unrhyw hyfforddiant all ddod ohrwydd newid I Drefniadau Diogelu Rhag Colli Rhyddid (DoLS).
• Cynnal asesiadau DoLS o fewn yr amserlenni priodol ar draws ystod o grwpiau a lleoliadau defnyddwyr gwasanaethau oedolion, a chofnodi’r holl asesiadau hyn yn briodol ac yn amserol, a chefnogi'r broses awdurdodi ffurfiol mewn perthynas ag Amddifadu o Ryddid.
• Darparu cyngor a hyfforddiant arbenigol a gweithredu fel adnodd ar gyfer y DGM a DoLs a’u goblygiadau ar gyfer ystod o sefydliadau ac unigolion.
• Rheoli llwyth o achosion cymhleth, amrywiol ac sy’n newid yn gyflym, gan gynnwys y rheini sy'n ymwneud â diogelu oedolion a materion risg a galluedd meddyliol. Bydd hyn yn cynnwys rheoli materion a phenderfyniadau sensitif, emosiynol a dadleuol gyda chleientiaid, perthnasau a gofalwyr, a bydd rhai ohonynt yn ceisio datrysiad yn y Llys Gwarchod.
• Gweithredu bwriad i Amddifadu o Ryddid o fewn amserlenni a bennir gan y gyfraith a phwyso a mesur a yw hynny er budd gorau ai peidio, a chyflwyno adroddiadau perthnasol i'r Corff Goruchwyliol a lle bo'n briodol i’r Llys Gwarchod. 
• Cael, gwerthuso a dadansoddi tystiolaeth gymhleth a safbwyntiau gwahanol a’u gwerthuso’n briodol wrth wneud penderfyniadau. 
• Ymgynghori, cysylltu a thrafod gyda'r rheini sy'n ymwneud ag Asesiad Budd Gorau, gan gynnwys yr holl bartïon arwyddocaol: y person perthnasol, y teulu, y ffrindiau, y rheini sy'n ymwneud â gofal y person, Eiriolydd, Cynrychiolydd, Atwrnai neu Ddirprwy, Awdurdod Rheoli. Sicrhau persbectif budd pennaf a gwneud penderfyniadau annibynnol a gwybodus. 
• Gwneud argymhellion priodol ynglŷn â phenodi Cynrychiolydd Personau Perthnasol, (gan gynnwys rhai a delir) yn unol â rheoliadau, ynghyd ag uwchgyfeirio unrhyw achosion gwrthwynebiad i'r llys gwarchod yn unol â chyfraith achos. 
• Defnyddio gwybodaeth am asesu galluedd meddyliol yn unol â’r fframweithiau cyfreithiol gan gymryd i ystyriaeth ystod eang o ffactorau, gan gynnwys cyfraith achos cyfredol a newydd. Deall goblygiadau analluedd meddyliol i bobl sy'n comisiynu a defnyddio gwasanaethau, teuluoedd a gofalwyr a darparwyr gwasanaethau. 
• Cyflwyno achosion mewn gwrandawiadau cyfreithiol ac ymarfer y defnydd priodol o annibyniaeth, awdurdod ac ymreolaeth er mwyn llywio ymarfer fel Asesydd Budd Gorau, ynghyd ag ymgynghori a goruchwylio. 
• Sicrhau bod Awdurdodau Rheoli yn ymwybodol o'u cyfrifoldebau wrth sicrhau nad oes neb yn cael ei amddifadu o ryddid heb awdurdod cyfreithiol a rhoi cyngor a chymorth i bob asiantaeth partner.
• Cynnal adolygiadau amserol o awdurdodiadau Amddifadu o Ryddid gan sicrhau y cedwir cyswllt ac y cyfathrebir yn briodol ag Awdurdodau Rheoli. 
• Cynnal cofnodion proffesiynol priodol a darparu adroddiadau clir a rhesymegol yn unol â gofynion cyfreithiol ac arferion da. 
• Ymateb yn briodol i sefyllfaoedd brys, gan gynnwys argyfyngau, Amddiffyn Eiddo a rhyddhau o’r ysbyty, a hynny er mwyn sicrhau bod defnyddwyr gwasanaeth a gofalwyr yn derbyn y cymorth y maent ei angen. 
• Sicrhau y cedwir cofnodion achos a chofnodion TG cynhwysfawr a chywir, yn unol ag arferion gwaith maes y cytunwyd arnynt. 
• Cynhyrchu adroddiadau achos a gohebiaeth ar gyfer amrywiaeth o gynulleidfaoedd gan gynnwys, lle bo hynny'n briodol, cyfarfodydd, cynadleddau, llysoedd, paneli ac asiantaethau eraill. 
• Gweithredu fel model rôl ar gyfer datblygiad proffesiynol a thechnegol parhaus a chynnal gwybodaeth eang am ofal cymdeithasol, yn ogystal ag arbenigedd traws gwasanaeth yn y maes gwybodaeth arbenigol dynodedig. Gall hyn gynnwys gweithredu fel goruchwyliwr a mentor ar gyfer y rheini sy'n dilyn hyfforddiant Asesydd Budd Gorau. 
• Cynnal cyswllt effeithlon a dibynadwy ag asiantaethau statudol a gwirfoddol eraill yn ogystal ag adrannau eraill y Cyngor, gan roi ystyriaeth arbennig i berthnasau gwaith effeithiol gyda darparwyr gwasanaethau preswyl, nyrsio a chymunedol yn y sectorau statudol ac annibynnol. 
• Cynorthwyo i fonitro gwaith y Gwasanaeth Eirioli Annibynnol o ran Galluedd Meddyliol a gwneud argymhellion ar ddatblygiadau gwasanaeth i’r dyfodol lle bo'n briodol. 
• Nodi, ymchwilio a rheoli pryderon diogelu posib, a sefyllfaoedd risg uchel eraill lle mae diogelwch neu ryddid y dinesydd mewn perygl, gan uwchgyfeirio fel y bo'n briodol fel y gall dinasyddion gymryd risgiau tra’n eu diogelu rhag camdriniaeth, gan reoli'r risgiau i staff a’r Cyngor. 
• Hyrwyddo cyfle cyfartal ac amrywiaeth ar gyfer yr holl weithwyr a defnyddwyr gwasanaeth yn unol â pholisïau ac arferion y Cyngor. 
• Cymryd rhan yn rhaglen datblygu staff y Cyngor a mynychu cyrsiau hyfforddi perthnasol a bod yn ymwybodol o syniadau newydd, deddfwriaeth newyddyn y maes diogelu.
• Cymryd rhan mewn goruchwyliaeth gyda’r rheolwr tim.
• Mynychu cyfarfodydd aml ddisgyblaethol, cynadlleddau achos, cysylltu ag asiantaethau cymunedol a chynrychioli’r tim ar bwyllgorau/grwpiau perthnasol.
• Cydymffurfio a’r holl bolisiau a threfn y Cyngor a’r Adran.
• Cydymffurfio a’r holl bolisiau a threfn y Tim. 
• Gall y swydd ddisgrifiad yma gael ei adolygu o dro i dro ac nid ddylid ei hystyried fel rhestr gyflawn o ‘r cyfrifoldebau sydd ynghlwm a’r swydd ond yn unig fel mynegiant o’r prif ddyletswyddau.
• Cyfrifoldeb am hunan ddatblygiad
• Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
• Gweithredu o fewn polisïau’r Cyngor yng nghyswllt cyfle cyfartal a chydraddoldeb.
• Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
• Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
• Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
• Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin 

 Amgylchiadau Arbennig. . e.e. angen i weithio oriau anghymdeithasol, trefniadau gwaith arbennig, a.y.y.b.
 • Gweithio oriau anghymdeithasol yn achlysurol yn ôl yr angen. 
• Bydd disgwyliad i ddeilydd y swydd fod yn rhan o unrhyw drefniadau gaiff eu sefydlu ar sail rota.