Pwrpas y swydd
•Sicrhau bod pobl Gwynedd yn ganolog i bopeth yr ydym yn ei wneud.
•PWRPAS Y TIM – ‘Cefnogi'r Teulu i alluogi'r plentyn i ddatblygu a chyrraedd eu llawn botensial’.
•Gweithio gyda phlant Dechrau’n Deg/ Teuluoedd yn Gyntaf sy’n dangos anghenion dysgu ychwanegol
•Cynnal sesiynau sgiliau sylfaenol, cefnogi teulu, chwarae a chyfathrebul yn rheolaidd, yn unigol neu mewn grŵp.
Cyfrifoldeb am adnoddau e.e. staff, cyllid, offer
•Offer
•offer TG – Laptop a ffôn symudol
Prif ddyletswyddau
•Cynnal sesiynau un i un gyda theuluoedd unai o fewn y cartref neu leoliadau gan weithredu ar gynllun strwythuredig sydd wedi ei gytuno gyda’r cyfeirydd. Gweithio gyda rhieni i gwrdd ag anghenion eu plant.
•Gweithredu Cynllun datblygu unigol gan roi Llais y plentyn ar teulu yn y canol yn unol a deddfwriaeth ADY.
•Cynnal asesiadau trylwyr i adnabod cryfderau a gwendidau’r plant a theilwrio ymyrraeth gyda’r teulu i gefnogi’r anghenion ar draws yr haenau angen mewn grwp neu unigol . Defnyddio sgiliau, hyfforddiant a phrofiad arbenigol i gefnogi rhieni a phlant fel egwyddorion ELKLAN PORTAGE a WELLCOMM a strategaethau ‘Parent and child interaction’ ac yn y blaen, mewn grwp ac yn unigol.
•Monitro cynnydd pob teulu a’u plant gan ysgrifennu adroddiadau rheolaidd, ac adolygu cynlluniau yn aml i gyd-fynd gydag anghenion y teuluoedd, a deddfwriaeth ADY.
•Cynnig gwybodaeth i rieni am feysydd amrywiol gan gyfeirio fel bod angen i asiantaethau eraill.
•Cyfathrebu’n effeithiol gyda rhieni.
•Cefnogi dulliau i wella sgiliau'r rhieni i gefnogi datblygiad eu plentyn.
•Cyfrifoldeb dros fynychu cyfarfodydd teulu i adrodd, adolygu, monitro cynnydd, a thrafod rhaglenni unigol teuluoedd.
•Cydweithio gyda’r lleoliadau gofal plant i drosglwyddo plant yn effeithiol gan rannu gwybodaeth am dargedau'r cynllun Datblgyu unigol a chynnig arbenigedd drwy fentora swyddogion sydd yn cefnogi plant newydd yn y lleoliad i weithredu cynllun yn bwrpasol i’r plentyn.
•Trefnu a chynnal gweithgareddau Sgiliau Sylfaenol fel y nodir yn y canllaw ar Iaith, Lleferydd a Chyfathrebu. Sicrhau fod y tîm yn creu rhaglen flynyddol amrywiol o grwpiau mewn cydweithrediad gyda’r Uwch Swyddog Datblygiad Cynnar a Chwarae a phartneriaid eraill gan:
•Cydlynu, trefnu a monitro gwariant i hyrwyddo gweithgareddau Hwyl i’r Teulu o fewn y cynllun Dechrau’n Deg.
•Adnabod lleoliadau addas (os bydd angen) i redeg cyrsiau newydd gan gynnal asesiadau risg priodol.
•Adnabod staff priodol a chytuno ar ymrwymiad llawn i gynnal y cyrsiau ar y cyd gydag Ymwelwyr Iechyd, Mudiad Meithrin, Gwasanaeth Llyfrgell, Therapyddion Iaith a llefaredd. a.y.b.
•Cydweithio i adnabod rhieni/ gofalwyr addas a marchnata’r cyrsiau yn lleol.
•Dethol a pharatoi pa sesiynau neu adnoddau sy’n angenrheidiol ar gyfer arwain gweithgareddau dysgu, gan gymryd cyfrif o’r gynulleidfa drwy roi sylw i ddiddordebau, iaith a chefndir diwylliannol y rheini/ gofalwyr a’u plant.
•Arddangos offer yn ddiogel yn y lleoliadau gan sicrhau awyrgylch addas i’r oedrannau amrywiol
•Casglu adborth am y grwpiau drwy holiaduron a llyfr sylwadau gan gasglu tystiolaeth o lwyddiannau neu rwystrau, cyweithio efo’r Tim i gyflwyno unrhyw welliannau
•Bod yn gyfrifol am gadw cofnod, gwybodaeth a data am bob sesiwn a gynigir, gan gynhyrchu dadansoddiadau ystadegol ac adroddiadau monitro a pherfformiad
•Cyflwyno gwybodaeth i gatalogio adnoddau, cyflwyno adroddiadau i’r uwchweithwyr a chreu archebion fel sydd angen.
•Cynnal offer arbenigol, gwirio am ansawdd/diogelwch, ymgymryd ag atgyweirio/ addasiadau arbenigol fel bod angen.
•Cydymffurfio gyda gweithdrefnau Diogelu Plant gan adrodd yn bwrpasol fel bo angen.
•Mynychu cyfarfodydd staff, timau a gweithgorau eraill y Gwasanaeth fel bod angen.
•Bydd angen cynorthwyo, cydweithio a chefnogi cyd-weithiwr eraill ar y Cynllun drwy gyd rhedeg sesiynau a chyd ymweld â chartrefi buddiolwyr.
•Cyfrifoldeb am hunan ddatblygiad
•Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
•Gweithredu o fewn polisïau’r Cyngor yng nghyswllt cyfle cyfartal a chydraddoldeb.
•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor.  Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
•Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
•Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
•Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin
Amgylchiadau arbennig
•Gweithio 37awr yr wythnos
•Bydd angen i’r swyddog yn achlysurol weithio oriau anghymdeithasol trwy gytundeb efo rheolwr llinell.