Swyddi ar lein
Ymarferydd Arweiniol Ardal Caernarfon
£42,708 - £44,711 y flwyddyn | Parhaol
- Cyfeirnod personel:
- 24-28123
- Teitl swydd:
- Ymarferydd Arweiniol Ardal Caernarfon
- Adran:
- Oedolion, Iechyd a Llesiant
- Gwasanaeth:
- Oedolion
- Dyddiad cau:
- 11/03/2025 04:27
- Math Swydd/Oriau:
- Parhaol | 37 Awr
- Cyflog:
- £42,708 - £44,711 y flwyddyn
- Gradd tâl:
- PS3
- Lleoliad(au):
- Caernarfon
Manylion
Hysbyseb Swydd
*DALIER SYLW*
Mae Cyngor Gwynedd wedi ymrwymo i fod yn gyflogwr cynhwysol ac i wella amrywiaeth ein gweithlu.
Bydd eich ffurflen gais yn cael ei hasesu yn ddienw. Ni fydd eich teitl, enw na chyfeiriad e-bost yn cael ei rannu â’r panel sy’n penodi at bwrpas llunio rhestr fer. Dylech ystyried hyn yn ofalus wrth ysgrifennu amdanoch eich hun yn y rhan gwybodaeth pellach.
Mae gan Cyngor Gwynedd becyn cyflogaeth deniadol, am ragor o wybodaeth cliciwch ar y Pecyn Gwybodaeth
Mae Cyngor Gwynedd yn gweithredu’n fewnol trwy gyfrwng y Gymraeg ac yn cynnig ei holl wasanaethau yn ddwyieithog. Bydd angen i’r ymgeisydd gyrraedd y lefel ieithyddol sy’n cael ei nodi fel un o’r sgiliau hanfodol yn y Manylion Person.
Rydym yn annog pob ymgeisydd am swydd gyda’r Cyngor i gyflwyno ceisiadau yn Gymraeg neu yn ddwyieithog.
(Bydd ceisiadau sydd yn cael eu cyflwyno yn uniaith Gymraeg neu Saesneg yn cael eu trin yn gwbl gyfartal, ond gofynnir i’r ymgeisydd ystyried yn ofalus beth yw gofynion iaith y swydd a’r sefydliad ac a fyddai cyflwyno cais yn uniaith Gymraeg yn fwy addas.)
Am sgwrs anffurfiol gellir cysylltu â Sharon Wyn Burville ar 01286 679099
Cynnal cyfweliadau i’w gadarnhau.
Ffurflenni cais a manylion pellach gan , Gwasanaeth Cefnogol, Cyngor Gwynedd, Swyddfa'r Cyngor, Stryd y Jêl, Caernarfon, LL55 1SH
Ffôn: 01286 679076
E-bost: Swyddi@gwynedd.llyw.cymru
DYDDIAD CAU: 10.00 O’R GLOCH AR Y 27/03/2025
Bydd y Cyngor yn gofyn am ddadleniad gan y Swyddfa Cofnodion Troseddol ar gyfer yr ymgeisydd llwyddiannus
Os yn llwyddiannus i fod ar y rhestr fer am gyfweliad, byddwn yn cysylltu a chwi drwy’r cyfeiriad E-BOST a gofnodwyd gennych ar eich ffurflen gais. Mae angen i chwi sicrhau eich bod yn gwirio eich E-BOST yn rheolaidd.
Manylion Person
Nodweddion personol
Hanfodol
•Dangos ymroddiad i sicrhau fod y dinesydd yn ganolog i holl ddarpariaeth gofal.
•Dangos ymrwymiad i egwyddorion Deddf Gwasanaethau Cymdeithasol a Llesiant 2014 ac egwyddorion Ffordd Gwynedd.
•Bod yn agored i ystyried syniadau a ffyrdd newydd o weithio.
•Yn meddu ar sgiliau negodi cryf.
•Yn berson brwdfrydig, ymrwymedig i ddarparu gwasanaethau o safon/ansawdd uchel.
•Meddyliwr creadigol a chyfathrebwr effeithiol gyda’r gallu i ysbrydoli’r gweithlu
•Y gallu i weithio ar ben eich hun ac fel rhan o dîm.
•Y gallu i weithio yn effeithiol o dan bwysau.
•Personoliaeth groesawus.
•Oestrwydd, pendantrwydd a hyblygrwydd.
•Gallu i dderbyn cyfrifoldeb a chyfathrebu yn effeithiol.
Dymunol
•Gallu i ysbrydoli a grymuso staff yn effeithiol.
Cymwysterau a hyfforddiant perthnasol
Hanfodol
•Cymhwyster proffesiynol yn y maes gofalu (Gwaith Cymdeithasol/Therapi Galwedigaethol)
•3 mlynedd o brofiad ôl gymhwyso.
•Tystiolaeth eich bod wedi cofrestru gyda chorff proffesiynol perthnasol
•Yn berchen ar drwydded yrru a defnydd o gar.
Dymunol
•Cymhwyster rheoli.
•Cymwysterau datblygiadol o fewn y proffesiwn (CPEL).
•Cymhwyster Ymarfer Dysgu.
•Ymrwymiad i gwblhau hyfforddiant asesydd ‘Lles Gorau’ DOLS.
Profiad perthnasol
Hanfodol
•Tystiolaeth o brofiad eang yn gweithio mewn gwaith yn y gymuned.
•Profiad o weithio yng ngwasanaethau oedolion.
•Dangos profiad o arweinyddiaeth effeithiol mewn amgylchedd sydd yn newid yn gyson.
•Profiad o gefnogi cydweithwyr neu fyfyrwyr yn y gweithle.
•Profiad o weithio ar achosion cymhleth.
•Profiad o weithio yn effeithiol gyda partneriaid.
Dymunol
•Profiad o gyfrannu i gynlluniau/prosiectau.
•Profiad o waith ymgynghori, cyflwyniadau a chwblhau adroddiadau
•Profiad o gyflawni targedau o fewn terfynau amser penodol.
•Profiad o reoli risgiau ac arddangos barn broffesiynol ardderchog.
Sgiliau a gwybodaeth arbenigol
Hanfodol
•Dangos gwybodaeth, dealltwriaeth a phrofiad o ddeddfwriaeth berthnasol i faes gofal ac iechyd oedolion.
•Y gallu i ddehongli polisïau a strategaeth er mwyn pennu arweiniad a chyngor gweithredol i staff.
•Dealltwriaeth o ddeddf Gwasanaethau Cymdeithasol a Llesiant 2014 .
•Deall amcanion a blaenoriaethau’r Cyngor.
•Deall cysyniad ac egwyddorion Ffordd Gwynedd.
•Gallu i gyfathrebu a rhwydweithio yn effeithiol ar lafar ac yn ysgrifenedig..
•Sgiliau Technoleg Gwybodaeth ddigonol i wneud defnydd effeithiol o becynnau meddalwedd perthnasol i’r swydd.
•Sgiliau negodi da.
Dymunol
•Y sgil i ddadansoddi data er mwyn gwella darpariaeth gwasanaeth a sicrhau ansawdd
•Sgiliau cymhelliant
•Sgiliau cyflwyno a chadeirio.
•Dealltwriaeth o egwyddorion rheoli newid.
Anghenion ieithyddol
Gwrando a Siarad - Uwch
Gallu dilyn sgwrs neu drafodaeth drwy gyfrwng y Gymraeg a’r Saesneg ar lefel broffesiynol a thrafod pynciau cyffredinol bob dydd yn y maes er mwyn cyflwyno gwybodaeth a mynegi barn.Gallu darparu cyflwyniad wedi'i baratoi o flaen llaw ac ymateb i unrhyw sylwadau a chwestiynau arno drwy gyfrwng y Gymraeg a'r Saesneg.
Darllen a Deall - Uwch
Gallu deall Cymraeg a Saesneg ysgrifenedig safonol, ffurfiol ac anffurfiol.Medru casglu gwybodaeth o amrywiol ffynonellau megis llythyrau, adroddiadau, erthyglau, drwy gyfrwng y Gymraeg a’r Saesneg er mwyn cyflawni'r swydd.
Ysgrifennu - Uwch
Cyflwyno gwybodaeth ysgrifenedig gyda hyder ar ffurf llythyr, adroddiad mwy manwl a thechnegol ac ymateb i geisiadau ysgrifenedig gan gyfleu gwybodaeth, syniadau a barn drwy gyfrwng y Gymraeg a’r Saesneg. (Mae'n bosib cael cymorth i wirio'r iaith)
Swydd Ddisgrifiad
Pwrpas y swydd
Bwriad y Gwasanaethau Integredig Oedolion yw:-
“fy ngalluogi i fyw fy mywyd fel rwyf yn ei ddymuno”
•Sicrhau bod pobl Gwynedd yn ganolog i bopeth yr ydym yn ei wneud.
•I roi arweiniad gweithredol ac arwain newid ar draws grŵp gweithlu sy’n gyflogedig gan Gyngor Gwynedd a Bwrdd Iechyd Betsi Cadwaladr i sicrhau fod pobl yr ardal yn cael mynediad i’r person cywir ar yr amser cywir a derbyn y gefnogaeth gywir i’w galluogi i barhau i fyw eu bywydau eu hunain.
•Cefnogi’r Arweinydd Ardal i arwain a rheoli gwasanaethau ar gyfer pobl hyn, oedolion gydag anabledd corfforol a synhwyraidd ac oedolion sydd â nam ar y cof a’u gofalwyr.
•Darparu arbenigedd mewn meysydd penodol a gweithredu mewn rol ymgynghorol ar gyfer y gwasanaeth yn Sirol.
Cyfrifoldeb am adnoddau e.e. staff, cyllid, offer
•STAFF - cyfrifoldeb goruchwylio dydd i ddydd ar gyfer swyddogion o fewn y tîm. Cyfrifoldeb proffesiynol am y swyddogion o’r un proffesiwn fydd yn gweithio o fewn y tîm ac o fewn timau ardal eraill.
•CYLLID –cefnogi’r Rheolwr Ardal i fonitro a rheoli cyllideb ar gyfer yr ardal.
•OFFER - cefnogi’r rheolwr ardal i gymeryd cyfrifoldeb am yr holl offer arbenigol a ddefnyddir gan staff y tîm
Prif ddyletswyddau
CYFRIFOLDEBAU RHEOLI
•Arwain a Rheoli Pobl - Ysgogi, annog a grymuso staff trwy ddirprwyo gwaith yn effeithiol a chreu awyrgylch o barch, cyd-weithio a chymryd risgiau. Rhoi cyfeiriad ac adborth i staff trwy drosglwyddo gweledigaeth yn effeithiol wrth ganolbwyntio ar ddarparu gwasanaeth.
•Rheoli Adnoddau – Cynllunio a monitro er mwyn sicrhau gwasanaeth o safon a gwella’n barhaus. Darparu gwerth am arian trwy brynu, blaenoriaethu, rheoli a monitro defnydd effeithiol o adnoddau gan gydnabod bod gwybodaeth, gallu a sgiliau yn adnoddau hefyd.
•Perfformiad a Datblygiad – Adnabod cryfderau a meysydd datblygu staff trwy oruchwyliaeth a gwerthuso cyson. Canolbwyntio ar wella perfformiad trwy reoli a datblygu effeithiol a thrwy fesur, monitro ac arfarnu perfformiad. Gweithredu a datblygu cynlluniau busnes sy’n adlewyrchu hyn.
•Datrys problemau – Gwneud i bethau ddigwydd trwy wneud penderfyniadau ystyrlon ac ymateb yn effeithiol i flaenoriaethau fel maent yn newid.
•Cyfathrebu – Rhannu a gwrando ar wybodaeth, barn a syniadau heb ragdybiaeth trwy ddefnyddio dulliau cyfathrebu priodol. Cynyddu cymhelliant trwy ddefnyddio cyfathrebu cynhwysol sy’n cydnabod teimladau eraill.
•Ymwybyddiaeth o’r cyd-destun – Deall a gweithio’n effeithiol o fewn fframwaith politicaidd y Cyngor a bod yn ymwybodol o’r materion sy’n cael effaith ar ddarparu gwasanaeth ar wahanol lefelau. Meithrin cysylltiadau gydag eraill i elwa o ymarfer gorau er mwyn gwella darpariaeth i ddefnyddwyr gwasanaeth.
•Hunanreoli – Dangos esiampl i eraill trwy fod yn rhagweithiol, gonest a sefydlog a chymryd cyfrifoldeb am eich gweithredoedd eich hun. Sicrhau cydymffurfiaeth â safonau proffesiynol. Cyfrifoldeb am hunan ddatblygiad.
CYFRIFOLDEBAU PENODOL
•Gweithio gyda dinasyddion sydd angen cefnogaeth i’w galluogi i gwrdd ag amcanion sydd yn bwysig iddynt.
•Gweithredu yn unol â gofynion Deddf Gofal Cymdeithasol a Llesiant 2014 a deddfwriaeth a chanllawiau perthnasol eraill.
•Annog gweithredu modelau ataliol er mwyn lleihau dibyniaeth ar wasanaethau.
•Sicrhau amgylchedd diogel i aelodau’r tîm dreialu ffyrdd newydd o weithio. Annog staff i wneud penderfyniadau proffesiynol dibynadwy.
•Adrodd ar rwystrau nad ydyw’r tîm yn gallu eu goresgyn i’r Arweinydd Ardal.
•Darparu atebolrwydd rheolwr llinell ar gyfer aelodau’r tîm. Cymeryd rôl arweiniol ar gyfer materion dydd i ddydd ar gyfer yr ardal (materion gwyliau, absenoldebau salwch ac ati).
•I fod yn berson proffesiynol allweddol ar gyfer y tîm integredig, gan roi cefnogaeth a goruchwyliaeth broffesiynol i’r gwasanaeth Gwaith Cymdeithasol/Therapi Galwedigaethol/ymarferwyr gwasanaethau cymdeithasol (dibynnol ar y proffesiwn) o fewn yr ardal waith ac yn Sirol.
•Sicrhau fod aelodau’r tîm yn derbyn goruchwyliaeth ddigonol a rheolaidd.
•Darparu cefnogaeth a chyngor i aelodau’r tîm integredig a fydd yn hysbysu ymarfer da a galluogi perthynas waith effeithiol.
•Annog datblygiad gweithlu ac annog cefnogi myfyrwyr ar leoliad.
•Cyfrifoldeb dros werthuso staff a’u cefnogi i greu cynlluniau datblygu personol a chynlluniau gwella ymarfer.
•Cael sustem mewn lle i ddelio â pherfformiad gwael a bod yn hyderus i weithredu camau medrusrwydd a disgyblu lle bo angen gan ddelio a’r rhain yn y camau cychwynnol.
•Yn hyderus i reoli penderfyniadau dyddiol ym mhob agwedd o’r gyllideb a chefnogi’r arweinydd ardal i graffu a dilysu’r gyllideb yn rheolaidd. Hwyluso rheolaeth gyllidol effeithiol o fewn y tîm.
•Cefnogi’r Arweinydd Ardal i sicrhau fod aelodau’r tîm yn egluro polisïau codi tâl am wasanaethau y Cyngor i bob defnyddiwr gwasanaeth. Arwain ar ddatblygu perthynas agos gyda’r Uned Incwm a Lles er sicrhau bod pob defnyddiwr gwasanaeth yn derbyn cefnogaeth i wneud cais am gymorth ariannol gan y Cyngor i dalu am eu gwasanaethau.
•Cefnogi’r Arweinydd Ardal i sicrhau bod cytundeb safonol wedi ei gwblhau rhwng y Cyngor a defnyddwyr ar gyfer pob gwasanaeth a ddarperir.
•Cefnogi’r Arweinydd Ardal i ddelio ac ymholiadau ac ymchwilio a chwblhau adroddiadau i ymateb i gwynion.
•Sicrhau fod cyfrifoldebau cyfreithiol a pholisïau adrannol yn cael eu cwrdd mewn perthynas â gwaith y tîm.
•Sicrhau fod anghenion unigolion yn cael eu cyfarch yn unol â threfniadau Diogelu y Cyngor a chyfrifoldebau statudol.
•Gweithredu fel arweinydd dynodedig ar achosion diogelu. Cwblhau ymchwiliadau i honiadau o gamdriniaeth.
•Annog a hwyluso trafodaethau aml ddisgyblaethol rheolaidd i ddod o hyd i ffyrdd creadigol i gyflawni amcanion y dinesydd heb gyfyngu yr ymyrraeth i baru pobl a gwasanaethau traddodiadol a chreu dibyniaeth ar wasanaethau.
•Dosbarthu gwaith a sicrhau ymateb addas. Dadansoddi natur/lefel brys ac oblygiadau unrhyw risgiau a nodir ac ymateb yn addas ac amserol.
•Cydweithio fel rhan o ddim aml ddisgyblaethol gan barchu sgiliau, arbenigedd a chyfraniadau cydweithwyr o fewn y tîm.
•Cydweithio a chreu cysylltiadau cryf ag adrannau eraill o’r Cyngor a phartneriaid eraill sydd â chyfraniad i’w wneud i sicrhau fod dinasyddion yn cyrraedd amcanion llesiant.
•Cyfrannu i gyflawni amcanion llesiant y Cyngor gan ddarparu gwybodaeth a mapio darpariaeth gwasanaethau cymunedol sy’n cyfrannu at gyflawni anghenion gofal y dinesydd.
•Cyfrannu at ac arwain ar dimau prosiect yn lleol a sirol
•Cyfrannu i ddatblygu a chefnogi cynllun gwasanaeth Gwybodaeth, Cyngor a Chynhorthwy ar gyfer yr ardal ac yn sirol.
•Cynrychioli’r adran mewn cyfarfodydd lleol, sirol a rhanbarthol.
•Cyfrannu at siapio trefn gomisiynu ar gyfer gofal cymdeithasol oedolion. Cyfrannu gwybodaeth a syniadau i ddatblygiad strategaeth gomisiynu.
•Cyfrannu i’r asesiad anghenion poblogaeth.
•Datblygu arbenigedd mewn meysydd penodol a gweithredu fel arbenigwr i roi cyngor ac arweiniad penodol i’r gwasanaeth.
•Dirprwyo ar ran yr Arweinydd Ardal.
•Cefnogi’r Adran Diogelu i sicrhau fod asesiadau Lles Gorau DOLS yn cael eu cwblhau yn unol â gofynion cyfreithiol.
CYFRIFOLDEBAU ERAILL
•Cyfrifoldeb am hunan ddatblygiad.
•Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
•Gweithredu o fewn polisïau’r Cyngor yng nghyswllt cyfle cyfartal, cydraddoldeb a chynaliadwyedd.
•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data.
•Ymrwymiad i leihau allyriadau carbon y Cyngor yn unol â’r Cynllun Rheoli Carbon ac i annog eraill i weithredu’n gadarnhaol tuag at leihau ôl-troed carbon y Cyngor.
•Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
•Cyfrifoldeb am adrodd ar bryder neu amheuaeth bod plentyn neu oedolyn bregus yn cael ei gamdrin.
Amgylchiadau arbennig
Gweithio oriau anghymdeithasol yn ôl yr angen.
Mae ystyriaeth yn cael ei roi i ymestyn oriau agor y gwasanaeth yn ystod yr wythnos ynghyd â gweithio penwythnosau.
Bydd disgwyliad i ddeilydd y swydd fod yn rhan o unrhyw drefniadau a gaiff ei sefydlu ar sail rota.
