Pwrpas y swydd
•Sicrhau bod pobl Gwynedd yn ganolog ym mhopeth rydym yn ei wneud.
•Cynorthwyo gyda sicrhau y darperir gwasanaeth o lefel uchel a safon dda i gwsmeriaid gyda holl agweddau o ddarpariaeth gwasanaeth morol yn yr harbwr.
•Cynorthwyo'r Harbwrfeistr drwy sicrhau bod yr harbwr a'r traethau yn cael eu rheoli'n effeithiol o ddydd i ddydd.
•Cynorthwyo i sicrhau bod y cyhoedd yn ymwybodol o beryglon amgylcheddol a sicrhau bod mesurau diogelwch addas yn eu lle.
•Cynorthwyo er mwyn sicrhau bod safonau gofynnol traethau Gwynedd yn eu lle a bod yr holl wybodaeth yn gyfredol ac yn cael eu cynnal a’u cadw.
•O bryd i’w gilydd, neu dros gyfnod amhenodol pan fo angen, i weithio yn unrhyw harbwr arall y Cyngor.
Cyfrifoldeb am adnoddau e.e. staff, cyllid, offer
•Cyfrifoldeb am wirio a glanahu cwch patrolio'r harbwr ac offer
•Cyfrifoldeb am wirio a glanhau offer a chyfarpar yr harbwr
•Cyfrifoldeb am gynnal patrolau harbwr ar gwch patrolio'r harbwr
•Cyfrifoldeb am ddirprwyo ar gyfer yr Harbwrfeistr yn absenoldeb y swyddog.
Prif ddyletswyddau
•Cyfrifoldeb am hunan ddatblygiad
•Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
•Gweithredu o fewn polisïau’r Cyngor yng nghyswllt cyfle cyfartal a chydraddoldeb.
•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor.  Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
•Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
•Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
•Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin.
•Deall a chynorthwyo'r harbwrfeistr wrth ymgymryd â chydymffurfiaeth gyda Chod Diogelwch Morol Porthladdoedd.
•Cyfrifoldeb am sicrhau bod yr holl dasgau gwaith a wneir yn cydymffurfio'n llawn â'r asesiadau risg cysylltiedig, systemau gwaith diogel neu datganiadau dull.
•Cyfrifoldeb am sicrhau bod y gweithrediad cwch yn cydymffurfio'n llawn â'r asesiadau risg cysylltiedig, systemau gwaith diogel neu datganiadau dull.
•Sicrhau bod y dechneg o asesiad risg dynameg yn cael ei gweithredu ar gyfer unrhyw dasg a wneir yn ôl yr angen.
•Cyfrifoldeb am gynorthwyo i sicrhau bod y cymhorthion mordwyo ar y fynedfa i lanfa'r harbwr yn eu lle cywir.
•Cyfrifoldeb i gynorthwyo gyda gwaith cynnal a chadw'r cymhorthion mordwyo ar y fynedfa i lanfa'r harbwr.
Cynorthwyo i leoli bwiau marcio parth y traeth a sicrhau bod cerbydau dŵr personol a chychod pŵer yn cydymffurfio â’r holl is-ddeddfau a rheolau’r Cyngor yn yr harbwr ac ar draethau'r ardal.
•Cynorthwyo'r Harbwrfeistr drwy sicrhau bod yr holl angorfeydd yn addas i bwrpas ac wedi'u harchwilio i safonau Cyngor Gwynedd ac yn unol â chanllawiau safonol.
•Sicrhau bod amgylchedd yr harbwr yn cael ei gadw i'r safonau uchaf posib o lendid bob amser.
•Edrych ar daclusrwydd a glanweithdra’r holl dir yng nghyffuniau'r harbwr drwy wneud arolwg dyddiol o'r offer diogelwch, tir gerllaw a chyfleusterau. Adrodd i'r Harbwrfeistr ar unrhyw ddiffygion sy'n cael eu hadnabod.
•Cynorthwyo i lanhau ac arolygu llithrfeydd cyhoeddus, rheiliau, strwythurau a dodrefn yr harbwr. Adrodd am unrhyw ddiffygion neu beryglon sy'n cael eu hadnabod a chwblhau gweithdrefnau gweinyddol cysylltiol.
• Gwirio a chynnal a chadw offer diogelwch y cyhoedd. Sicrhau bod offer diogelwch y Gwasanaeth Morwrol mewn cyflwr sy'n gweithio.
•Cynorthwyo i arolygu offer diogelwch a chynnal a chadw cofnod o'r arolwg.
•Ymgysylltu gydag aelodau o'r cyhoedd drwy ddarparu gwybodaeth am y llanw, tywydd, cerrynt a physgota a chanllawiau cychod ac unrhyw faterion diogelwch eraill megis gwisgo siaced achub a'r defnydd o 'kill cords'.
•Cynghori cwsmeriaid yr harbwr gyda materion yn gysylltiedig â mordwyo a bwiau.
•Ymgymryd â phatrolau rheolaidd o'r harbwr gan sicrhau bod bob cwch yn aros yn ddiogel, gan gynnwys y diogelwch o barthiau, angorfeydd a llinellau angorfeydd.
•Cyd-gysylltu a gweithio gyda'r Asiantaeth Forwrol a Gwarchod y Glannau, yr Heddlu, y Gwasanaeth Tân, Ambiwlans a'r Bad Achub ac adranau eraill o fewn Cyngor Gwynedd.
•Cydweithredu gydag iardiau cychod lleol, clybiau hwylio, pysgotwyr lleol a gweithredwyr masnachol eraill isicrhau gweithrediadau harbwr effeithiol.
•Darparu tanwydd diesl i gwsmeriaid yr harbwr a chasglu'r ffi angenrheidiol.
•Cynorthwyo gyda chasglu ffioedd lawnsio.
•Cynorthwyo gyda chofrestru cychod a dyrannu trwyddedau yn unol â gweithdrefnau'r Cyngor.
•Cynorthwyo i sicrhau bod yr holl arian a gasglwyd yn cael ei fancio yn unol â gweithdrefnau'r Cyngor.
• Cynorthwyo drwy sicrhau diogelwch swyddfa'r harbwr, cyfleusterau storio a holl asedau eraill yr harbwr.
• Gwirio a chynorthwyo i gynnal a chadw'r holl offer a gariwyd gan y cerbyd morwrol. Sicrhau bod y cerbydau morwrol yn lân, yn daclus, wedi'u hail-lenwi â thanwydd ac yn barod i'w defnyddio'n syth.
•Gwneud gwaith cynnal a chadw o fewn yr harbwr ac ar y traethau fel bo’r angen. Cynorthwyo i atgyweirio’r diffygion sy'n cael eu hadnabod.
•Goruchwylio'r harbwr neu'r traeth yn unol â chyfarwyddyd yr Harbwrfeistr.
•Cynorthwyo'r Harbwrfeistr i oruchwylio a chynghori'r staff traeth tymhorol.
•Deall trefniadau ar gyfer tân, cymorth cyntaf ac arllwysiad olew.
•Cynorthwyo gydag unrhyw waith perthnasol sy'n gysylltiedig â rheoli a gweinyddu'r harbwr a'r arfordir yn gyffredinol.
•Ymgymryd ag unrhyw ddyletswydd arall resymol sy’n cyfateb â lefel cyflog a lefel cyfrifoldeb y swydd.
Amgylchiadau arbennig
• Gweithio ar benwythnosau, Gwyliau Banc a rhai nosweithiau.
• Angen gweithio ar rota a baratoir o flaen llaw lle bydd y patrwm shifft yn ddibynnol ar y llanw a'r tywydd.
• Angen gweithio mewn tywydd gwael.
• Angen cynorthwyo i weithio ar unrhyw gwch sy'n ymwneud â harbwr y Cyngor.
• Angen gweithio ar draws Harbyrau a thraethau Gwynedd yn ôl yr angen
• Angen cynorthwyo tu allan i oriau gwaith arferol mewn argyfwng