Pwrpas y Swydd.
• Sicrhau bod pobl Gwynedd yn ganolog i bopeth yr ydym yn ei wneud.
Bwriad y tim integredig oedolion yw:
“fy ngalluogi i fyw fy mywyd fel rydw i yn ei ddymuno”
• Cynorthwyo unigolion bregus i fyw eu bywydau yn y modd maent eisiau ei fyw.
• Sicrhau bod pobl Gwynedd yn ganolog i bopeth yr ydym ni yn ei wneud.
• Asesu anghenion oedolion ac anghenion llai cymhleth a’i gofalwyr yn unol â gofynion Deddf Gofal Cymdeithasol a Llesiant 2014 a deddfwriaeth a chanllawiau perthnasol eraill.
• Darparu Gwasanaeth Gwybodaeth, Cyngor a Chefnogaeth i ddinasyddion i’w galluogi i gwrdd ac amcanion personol.
• Cynorthwyo pobl i adnabod datrysiadau, atal dibyniaeth a hyrwyddo annibyniaeth.
• Darparu gwybodaeth ynglŷn â’r adnoddau cefnogol sydd ar gael yn y gymuned, gan y trydydd sector, y Cyngor a’r Bwrdd Iechyd er mwyn galluogi dinasyddion i fyw mor annibynnol â phosib a gwella eu hansawdd bywyd i’r eithaf.
• Sicrhau fod anghenion unigolion yn cael eu cyfarch yn unol â threfniadau diogelu y Cyngor a chyfrifoldebau Statudol. 
Cyfrifoldeb am Adnoddau. . e.e. staff, cyllid, offer
• Staff – Dim cyfrifoldeb reolaethol uniongyrchol dros staff. Disgwyliad i ddeilydd y swydd weithio fel rhan o dim drwy gefnogi cydweithwyr.
• Cyllid – Darparu cyngor ac arweiniad ymarferol a phriodol i unigolion er hwyluso rheolaeth cyllid effeithiol yn y gwasanaeth.
• Offer – cyfrifoldeb am unrhyw offer a ddefnyddir i gyflawni’r swydd. Cyfrifoldeb dros asesu a lle bo’n briodol archebu offer addas yn unol â dyletswyddau ‘Trusted Assessor’
• Addasiadau – cyfrifoldeb am asesu a gwneud argymhellion ar gyfer darparu addasiadau bac hi canolig yn unol a dyletswyddau ‘Trusted Assessor’. 

Prif Ddyletswyddau.
• Cefnogi unigolion i gymeryd rhan weithredol mewn gwneud penderfyniadau am ofal a chefnogaeth yn eu bywyd.
• Cydweithio gyda dinasyddion a’u gofalwyr i adnabod ‘Beth sy’n bwysig iddynt’ a dod o hyd i ffyrdd i gwrdd ag amcanion personol.
• Hybu grymuso llais yr unigolyn. Cefnogi unigolion i gael cefnogaeth adfocatiaeth.
• Cydweithio gydag unigolion a’u gofalwyr i gynllunio amrediad o wasanaethau sydd eu hangen i gwrdd ag amcanion personol.
• Cynorthwyo dinasyddion a’u gofalwyr i gwrdd ag amcanion personol drwy ddarparu gwasanaeth Gwybodaeth, Cyngor a Chymorth.
• Darparu gwybodaeth a chyngor i ddinasyddion a’u gofalwyr am y cymorth sydd ar gael gan y gwasanaeth a hefyd eu cyfeirio at y gwasanaethau cefnogol ehangach sydd ar gael yn y gymuned gan grwpiau a mudiadau lleol a chenedlaethol.
• Derbyn ymholiadau a chyfeiriadau ar ran yr ardal gan ddinasyddion, eu gofalwyr a theuluoedd neu swyddogion proffesiynol eraill er mwyn sicrhau gwasanaeth effeithiol i ddinasyddion a’u gofalwyr.
• Ymgymryd â chyfrifoldebau cydlynydd achos ar gyfer oedolion yn unol â Deddf Gwasanaethau Cymdeithasol a Llesiant 2014 gan dynnu i mewn arbenigedd proffesiynol fel bo’r angen.
• Monitro ac adolygu safon a digonrwydd y gwasanaeth ar gyfer oedolion.
• Comisiynu cynlluniau gofal a chefnogaeth, archebu offer arbenigol i’r cartref ynghyd a hybu cyfleoedd i alluogi pobl i fyw mor annibynnol ag sy’n bosib yn y gymuned/yn eu cartrefi yn unol â’i dymuniadau.
• Asesu, cynghori a lle’n briodol gweithredu pecyn i gefnogi’r anghenion sydd wedi eu nodi yn dilyn asesiadau gofalwyr.
• Cydymffurfio a deddfwriaeth a pholisïau’r Cyngor sydd yn dylanwadu ar y gwaith gan gynnwys Deddf Gwasanaethau Cymdeithasol a Llesiant 2014.
• Adnabod yr angen am ymyrraeth statudol. Gweithio o fewn gofynion statudol y rôl.
• Dealltwriaeth o gyfyngiadau’r rôl a sut mae’n cysylltu gyda rolau eraill o fewn yr awdurdod gwasanaethau cymdeithasol ac iechyd.
• Ymarfer mewn modd sy’n egwyddorol yn unol â chod ymarfer proffesiynol ar gyfer gofal cymdeithasol.
• Cofnodi gwybodaeth a pharatoi adroddiadau yn unol â gofynion y gyfundrefn.
• Cynnal adolygiadau rheolaidd o achosion ac offer a threfnu i’r offer gael ei gasglu petai angen. Cynorthwyo gyda monitro ansawdd y gwasanaeth.
• Sicrhau cydymffurfiaeth gydag unrhyw drefniadau rheoli risg a adnabyddir mewn asesiadau risg sy’n berthnasol i’r gwaith.
• Bwydo gwybodaeth gyson i mewn i sustemau’r tîm a’u diweddaru.
• Adnabod anghenion nad ydyw’n bosib eu diwallu a bwydo gwybodaeth am hynny i’r asesiad anghenion poblogaeth.
• Cydweithio gyda grwpiau a chymunedau a hybu gwaith ymyrraeth gynnar ac ataliol.
• Darparu gwasanaethau person canolog.
• Datblygu a chynnal gwybodaeth a sgiliau sy’n angenrheidiol i ymarfer.
• Datblygu ymarfer proffesiynol trwy oruchwyliaeth ac adlewyrchu. Cymeryd rhan weithredol mewn sesiynau goruchwylio rheolaidd ac yn y broses werthuso flynyddol.
• Cyflwyno delwedd broffesiynol a gweithio mewn modd hyblyg.
• Dod o hyd i ddatrysiadau i oresgyn rhwystrau. Adrodd ar rwystrau na ellir eu goresgyn yn lleol i’r arweinydd.
• Egluro polisïau codi tal am wasanaethau y Cyngor i bob defnyddiwr gwasanaeth. Cydweithio gyda’r Uned Incwm a Lles i sicrhau fod pob defnyddiwr gwasanaeth yn derbyn cefnogaeth i wneud cais am gymorth ariannol gan y Cyngor i dalu am eu gwasanaethau.
• Sicrhau bod cytundeb safonol wedi ei gwblhau rhwng y Cyngor a defnyddwyr ar gyfer pob gwasanaeth a ddarperir.
• Bod yn ymwybodol o’r drefn comisiynu ar gyfer gofal cymdeithasol oedolion. Cyfrannu gwybodaeth a syniadau tuag at ddatblygiad gwasanaethau. Adnabod gwelliannau i brosesau.
• Gweithio mewn tîm aml ddisgyblaethol integredig. Gweithio mewn partneriaeth gyda phroffesiynau eraill ac asiantaethau i hybu amcanion person canolog.
• Cydweithio gyda darparwyr gofal i gomisiynu pecynnau gofal a chefnogaeth lle yn gymwys.
• Sefydlu a chynnal cysylltiadau cadarnhaol gyda darparwyr a chydweithwyr o broffesiynau eraill o fewn y tîm aml ddisgyblaethol.
• Cymeryd rhan mewn trafodaethau ar ofal ac asesiadau aml ddisgyblaethol mewn perthynas ag unigolion penodol ac anghenion cymunedol yn ôl y galw.
• Bod yn rhan o sustem ddyletswydd os a phan fo hynny’n briodol o dan oruchwyliaeth a chefnogaeth
• Tynnu sylw arweinydd tîm at unrhyw achosion a blaenoriaeth neu achosion brys er mwyn cymeryd camau ar unwaith.
• Cymeryd rhan weithredol mewn cyfarfodydd tîm a chyfarfodydd eraill perthnasol yn ôl yr angen er mwyn cyfrannu at ddatblygiad y gwasanaeth.
• Rhoi ystyriaeth i risg, diogelu ac amddiffyn oedolion. Delio ac unrhyw bryderon a godwyd yng nghyswllt amddiffyn oedolion yn brydlon a phriodol drwy ddilyn y weithdrefn a gytunwyd a hysbysu’r swyddogion proffesiynol perthnasol heb oedi.
• Cynorthwyo unigolion i gyflwyno eu hanghenion ac i adnabod y math o ddarpariaeth fyddai’n grymuso i leihau risg i annibyniaeth a hybu llesiant.
• Hyrwyddo, cefnogi a chydweithio gyda chymunedau i ddatblygu gwasanaethau gofal a chefnogaeth.
• Sefydlu a chynnal cysylltiadau cadarnhaol gydag adnoddau cymunedol a darparwyr trydydd sector ac annibynnol. Ymchwilio a chryfhau gwybodaeth am adnoddau cymunedol sydd yn bodoli o fewn yr ardal waith i hybu llesiant dinasyddion.
• Disgwyliad i weithio y tu hwnt i ffiniau ardal waith yn achlysurol -
CYFRIFOLDEBAU ERAILL
• Cyfrifoldeb am hunan ddatblygiad
• Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
• Gweithredu o fewn polisïau’r Cyngor yng nghyswllt cyfle cyfartal a chydraddoldeb.
• Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
• Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
• Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
• Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin 

 Amgylchiadau Arbennig. . e.e. angen i weithio oriau anghymdeithasol, trefniadau gwaith arbennig, a.y.y.b.
Gweithio oriau anghymdeithasol yn achlysurol yn ôl yr angen.
• Mae ystyriaeth yn cael ei roi i ymestyn oriau agor y gwasanaeth yn ystod yr wythnos ynghyd â gweithio penwythnosau. Bydd disgwyliad i ddeilydd y swydd fod yn rhan o unrhyw drefniadau gaiff eu sefydlu ar sail rota 
Amlinelliad yn unig o ddyletswyddau’r swydd a ddangosir uchod, a hynny er mwyn rhoi syniad o’r lefel cyfrifoldeb sydd ynghlwm â hi. Nid yw’r swydd ddisgrifiad hon yn fanwl gynhwysfawr, ac fe all dyletswyddau’r swydd newid o bryd i’w gilydd heb newid ei natur sylfaenol na’r lefel cyfrifoldeb.