PWRPAS Y SWYDD Cefnogi rheolwyr safleoedd y Cyngor i ddatrys problemau hefo’u hadeiladau trwy atgyweirio gwaith trydanol. 
 
 
 CYFRIFOLDEB AM ADNODDAU (e.e. staff, cyllid, offer) 
 Ffôn symudol
Dillad ac offer amddiffyn personol 
Fan
Cyfarfpar ac offer cynnal a chadw (drill, celfi llaw ayb) 
PRIF DDYLETSWYDDAU A THASGAU ALLWEDDOL 
 1. Gweithredu system i drwsio systemau gwaith trydanol sydd wedi torri neu angen eu cynnal a’u cadw yn adeiladau’r Cyngor.
2. Derbyn galwadau ac amserlen waith gyn swyddogion cwmser cynnal a chadw.
3. Sicrhau ein bod yn gwneud yr hyn sydd yn bwysig i’r cwsmer gan ganolbwyntio ar dasgau sy’n cynrychioli gwerth.
4. Gweithredu trefniadau i gasglu tystiolaeth am y galw a’r ffordd yr ydym yn delio ag o drwy gasglu tystiolaeth gan gynrychiolwyr yr adeiladau, contractwyr ac eraill allai fod yn cyfrannu tuag at y gwaith.
5. Holi treiddgar a chynhwysfawr er mwyn cael dealltwriaeth lawn o’r broblem a’r amgylchiadau o ran cyflawni y gwaith.
6. Delio a cheisiadau am waith arferol sy’n deillio o adroddiadau gwasanaethu cylchol
7. Cynghori gweithwyr ar safleoedd ynglyn a beth i’w wneud pan fo problemau hefo’r adeiladau.
8. Dehongli gwybodaeth a phenderfynu ar y trywydd gorau o ran gweithredu.
9. Comisiynnu contractwyr gan ddilyn canllawiau’r Cyngor o ran comisiynnu a rheoli contractwyr.
10. Tynnu ar gefnogaeth sy’n ychwanegu gwerth os nad ydy’r sgiliau a’r wybodaeth ganddoch i ddatrys y gwaith eich hun.
11. Cofnodi gwybodaeth gywir, eglur a chyfredol ar system y Cyngor.
12. Casglu a chofnodi adborth gan gontractwyr a chwsmeriaid.
13. Gweithredu ar y dystiolaeth i wella a datblygu’r system a newid natur y galw.
14. Adnabod rwystrau i ddarparu gwasanaeth effeithiol a chost effeithlon a chefnogi Arweinydd y system i gael gwared á’r rhwystrau.
15. Sicrhau bod ansawdd yn rhan greiddiol o bob cam o’r gwaith.
16. Cymryd penderfyniadau ar sail arbenigedd yn y gwaith.
17. Gweithredu mewn ffordd ddiogel ac yn unol á rheoliadau iechyd a diogelwch, polisiau’r Cyngor a chynlluniau rheoli risg.
18. Cyfrifoldeb am hunan ddatblygiad.
19. Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
20. Gweithredu o fewn polisi a gweithdrefnau’r Cyngor yng nghyswllt cyfle cyfartal a chydraddoldeb.
21. Ymgymryd ag unrhyw ddyletswyddau eraill cyfatebol a rhesymol, sy’n cyd-fynd a lefel cyflog a lefel cyfrifoldeb y swydd.
22. Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data.
 
AMGYLCHIADAU ARBENNIG (e.e. angen i weithio oriau anghymdeithasol, trefniadau gwaith arbennig, a.y.y.b.) 
 Bydd gofyn achlysurol i ddeilydd y swydd weithio oriau anghymdeithasol, e.e. yn ystod ymgyrchoedd penodol ar benwythnosau, gwyliau banc ac efallai y bydd raid gweithio oriau ychwanegol neu newid patrymau gwaith er mwyn sicrhau y bydd digon o adnoddau ar gael i foddhau gofynion y swydd.