Pwrpas y swydd
•Sicrhau bod pobl Gwynedd yn ganolog i bopeth yr ydan ni yn ei wneud.
•Cyfrifoldeb am amrywiaeth o ddyletswyddau sy'n ymwneud â sicrhau rheolaeth effeithiol a diogel yr holl harbyrau yng Ngwynedd sydd dan gyfrifoldeb Cyngor Gwynedd
•Cynorthwyo’r Rheolwr Gwasanaeth Morwrol i gyflawni dyletswyddau dydd i ddydd yn unol â gofynion rheolaethol y Gwasanaeth Morwrol. 
 
Cyfrifoldeb am Adnoddau. . e.e. staff, cyllid, offer
•Cyfrifoldeb dirprwyedig am holl staff, cyllid ac adnoddau'r Gwasanaeth Morwrol yn unol â’r gofyn. 
•Rheoli’r Gwasanaeth ar y cyd gyda’r Uwch Swyddog Traethau yn absenoldeb y Rheolwr Gwasanaeth Morwrol. 
•Cyfrifoldeb rheolaethol am holl swyddogion harbyrau y Gwasanaeth. 
•Cydgordio, a sicrhau bod holl offer a chyfarpar diogelwch yr harbyrau yn cael eu harchwilio yn unol â’r gofynion a bod y ffurflenni monitro yn cael eu cwblhau yn unol â’r drefn. 
•Cyfrifoldeb am fflôt Swyddfeydd yr harbyrau a throsglwyddiad arian i’r Swyddfa Bost neu Fanc.
•Cyfrifoldeb am holl gychod gwaith yr harbyrau ynghyd a holl gelfi a chyfarpar.
Prif Ddyletswyddau. .
Cyfrifoldebau Rheoli
Arwain a Rheoli Pobl
Ysgogi, annog a grymuso eich staff trwy ddirprwyo gwaith yn effeithiol a thrwy greu awyrgylch o barch a chydweithio. Rhoi cyfeiriad ac adborth i’ch staff trwy drosglwyddo gweledigaeth yn effeithiol wrth ganolbwyntio ar ddarparu gwasanaeth.
Rheoli Adnoddau 
Cynllunio a monitro er mwyn sicrhau gwasanaeth o safon a gwella parhaus. Darparu gwerth am arian trwy brynu, blaenoriaethu, rheoli a monitro defnydd effeithiol o adnoddau gan gydnabod bod gwybodaeth, gallu a sgiliau yn adnoddau hefyd.
Perfformiad a Datblygiad
Adnabod cryfderau a meysydd datblygu eich staff trwy oruchwyliaeth gyson a phroses werthuso’r Cyngor. Canolbwyntio ar wella perfformiad drwy reoli a datblygu effeithiol a thrwy fesur, monitro ac arfarnu perfformiad. Gweithredu a datblygu cynlluniau busnes sy’n adlewyrchu hyn.
Datrys Problemau
Gwneud i bethau ddigwydd trwy wneud penderfyniadau ystyrlon ac ymateb yn effeithiol i flaenoriaethau fel maent yn newid.
Cyfathrebu
Rhannu a gwrando ar wybodaeth, barn a syniadau heb ragdybiaeth trwy ddefnyddio dulliau cyfathrebu priodol. Cynyddu cymhelliant trwy ddefnyddio cyfathrebu cynhwysol drwy gymryd i ystyriaeth teimladau eraill.
Ymwybyddiaeth o’r Cyd-destun
Deall a gweithio effeithiol o fewn fframwaith politicaidd y Cyngor a bod yn ymwybodol o’r materion sy’n cael effaith ar ddarparu gwasanaeth ar wahanol lefelau. Meithrin cysylltiadau gydag eraill i elwa o ymarfer gorau er mwyn gwella darpariaeth i ddefnyddwyr y gwasanaeth.
Hunanreoli
Dangos esiampl i eraill trwy fod yn rhagweithiol, gonest a sefydlog a chymryd cyfrifoldeb am eich gweithredoedd eich hun. Sicrhau cydymffurfiaeth â safonau proffesiynol. 
•Paratoi a goruchwylio rhaglenni gweithredol harbyrau unigol gyda’r nod o gynnig gwasanaeth o ansawdd i’r cwsmer. Monitro ac adrodd cynnydd gwaith harbyrau yn rheolaidd. Adnabod amcanion a chyflwyno amcanion mesuradwy a chlir ar gyfer yr uned yn flynyddol.
•Sefydlu a gweithredu gweithdrefnau i fonitro cynnydd a gwelliannau yn ansawdd y gwasanaeth a gynigir i gwsmeriaid yr harbyrau.
•Paratoi adroddiadau yn rheolaidd i’r Rheolwr Gwasanaeth yn unol â’r gofyn.
•Sefydlu gweithdrefnau i sicrhau cydymffurfiaeth yr Harbyrau â gofynion Statudol Iechyd a Diogelwch a Chod Diogelwch Porthladdoedd. Paratoi, addasu a diweddaru Asesiadau Risg.
•Sefydlu gweithdrefnau i sicrhau cydymffurfiaeth gyda gofynion statudol y Rheoliadau Gollyngiadau Olew ar gyfer yr harbyrau.
•Ymateb a chynorthwyo gydag achosion o lygredd arfordirol yn unol â'r gofyn.
•Gwaredu cyrff anifeiliaid o’r arfordir yn unol â'r gofyn.
•Sicrhau fod Cynllun Gwaredu Gwastraff Harbyrau a chynlluniau a gweithdrefnau eraill yn cael ei ddiweddaru yn rheolaidd.
•Sefydlu gweithdrefnau i sicrhau'r bod holl gymhorthion mordwyo pob harbwr yn cael eu cynnal a chadw, a'u bod ar eu safle angenrheidiol yn gyson
•Sicrhau bod adroddiad LARS (Ty’r Drindod) yn cael ei gyflwyno a'i gyhoeddi yn unol â’r gofynion
•Sicrhau fod holl gychod sydd ym mherchenogaeth y Cyngor yn cydymffurfio ac unrhyw ofynion statudol neu god perthnasol. Sicrhau fod pob cwch yn cael ei wasanaethu a'i gynnal a chadw yn unol â gofynion yr Uned.
•Sefydlu gweithdrefnau i sicrhau bod pob angorfa ym mherchenogaeth y Cyngor yn cael eu cynnal a chadw, a'r bod holl angorfeydd preifat yn cael eu harchwilio yn unol â threfn arferol.
•Cynorthwyo i ddatblygu gweithgareddau hamdden er mwyn hyrwyddo defnydd o adnoddau naturiol y Sir.
•Sicrhau fod egwyddorion polisïau corfforaethol yn treiddio drwy’r gwasanaeth a’i gynlluniau.
•Darparu adroddiadau a mynychu gweithgareddau a chyfarfodydd yn ôl yr angen a chynrychioli’r Adran ar faterion perthnasol.
•Cyfrifoldeb am hunan ddatblygiad.
•Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
•Gweithredu o fewn polisïau’r Cyngor yng nghyswllt cyfle cyfartal a chydraddoldeb.
•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
•Ymrwymiad i leihau allyriadau carbon y Cyngor yn unol â’r Cynllun Rheoli Carbon ac i annog eraill i weithredu’n gadarnhaol tuag at leihau ôl-troed carbon y Cyngor.
•Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
•Cyfrifoldeb i adrodd ar bryder neu amheuaeth bod plentyn neu oedolyn bregus yn cael ei gamdrin 
 
Amgylchiadau Arbennig. . e.e. angen i weithio oriau anghymdeithasol, trefniadau gwaith arbennig, a.y.y.b.
•Bydd gofyn o dro i dro i’r Uwch Swyddog Harbyrau weithredu fel Harbwr Feistr achlysurol yn unrhyw un o’r Harbyrau yn unol â’r gofyn. 
•Bydd gofyn i’r Swyddog weithio rhan fwyaf o benwythnosau yn ystod y cyfnod a fu yn arwain at Gŵyl Y Pasg hyd at ddiwedd mis Medi.
•Gweithio pob Gŵyl Banc, a rhai nosweithiau yn y cyfnod Gŵyl Y Pasg hyd at ddiwedd Medi.
•Bydd gofyn i’r swyddog ymateb i sefyllfa frys neu argyfyngus ar arfordir pan fo angen.
•Gweithredu fel Rheolwr ar Ddyletswydd ar adegau penodol.