Swyddi ar lein
Prentis Uned Busnes (Asiant Cefnffyrdd) x2
Gweler Hysbyseb Swydd | Dros dro
- Cyfeirnod personel:
- 24-27604
- Teitl swydd:
- Prentis Uned Busnes (Asiant Cefnffyrdd) x2
- Adran:
- Prentisiaethau
- Dyddiad cau:
- 24/09/2024 10:00
- Math Swydd/Oriau:
- Dros dro dwy flynedd
- Cyflog:
- Gweler Hysbyseb Swydd
- Lleoliad(au):
- Parc Menai, Bangor
Manylion
Hysbyseb Swydd
CYFLOG :- (Cyflog Prentis cychwyn o £12,347.39 (o dan 18) £16,591.81(18-20 oed), (21+ oed) £22,070.96
LLEOLIAD:- 2 swydd wedi ei leoli yn Bangor
Mae gan ACGCHC gyfle cyffrous i ymgeisydd brwdfrydig ymuno â'r Asiant.
Wyt ti wedi ystyried gyrfa yn y maes Busnes?
Er mwyn bod yn llwyddiannus yn y brentisiaeth hon, rydym yn chwilio am unigolyn brwdfrydig sy’n barod i ddysgu a datblygu eu sgiliau wrth weithio. Rydym hefyd yn chwilio am unigolyn sy’n gallu cyfathrebu gyda hyder, gweithio’n rhan o dîm, a dangos eu potensial i lwyddo fel prentis.
Mae Asiant Cefnffyrdd Gogledd a Chanolbarth Cymru (ACGChC) yn sefydliad dwyieithog deinameg ac yn gweithredu ar ran Llywodraeth Cymru i reoli, cynnal a gwella'r rhwydwaith ffyrdd strategol yng ngogledd a chanolbarth Cymru. Mae'r gwasanaeth yn ymdrin gydag oddeutu 1080 cilometr (670 milltir) yn cynnwys twnelau'r A55. Mae ACGChC yn gweithredu ar sail partneriaeth rhwng Awdurdodau Lleol Unedol gogledd Cymru a chanolbarth Cymru gyda Chyngor Gwynedd yn gweithredu fel yr Awdurdod Arweiniol i'r Bartneriaeth. Mae oddeutu 250 o staff ac fe leolir ein swyddfeydd ar draws gogledd a chanolbarth Cymru, yn cynnwys Bangor, Conwy, Helygain, Wrecsam, Dolgellau, Llandrindod, Y Drenewydd ac Aberaeron.
Rydym yn chwilio am berson brwdfrydig sydd newydd cwblhau TGAU neu Lefel A. Byddwn yn cefnogi’r person llwyddiannus i cwblhau cwrs Lefel 3 mewn Busnes a Gweinyddiaeth.
Os oes gennych unrhyw gwestiynau am y swyddi uchod, cysylltwch â Nichola Williams ar swyddivacancies@nmwtra.org.uk
Mae Cyngor Gwynedd yn gweithredu’n fewnol trwy gyfrwng y Gymraeg ac yn cynnig ei holl wasanaethau yn ddwyieithog. Bydd angen i’r ymgeisydd gyrraedd y lefel ieithyddol sy’n cael ei nodi fel un o’r sgiliau hanfodol yn y Manylion Person.
Rydym yn annog pob ymgeisydd am swydd gyda’r Cyngor i gyflwyno ceisiadau yn Gymraeg neu yn ddwyieithog.
(Bydd ceisiadau sydd yn cael eu cyflwyno yn uniaith Gymraeg neu Saesneg yn cael eu trin yn gwbl gyfartal, ond gofynnir i’r ymgeisydd ystyried yn ofalus beth yw gofynion iaith y swydd a’r sefydliad ac a fyddai cyflwyno cais yn uniaith Gymraeg yn fwy addas.)
Dyddiad Cau: 10:00a.m | Dydd Mawrth, 24/9/24
Os yn llwyddiannus i fod ar y rhestr fer am gyfweliad, byddwn yn cysylltu â chwi drwy’r cyfeiriad E-BOST a gofnodwyd gennych ar eich ffurflen gais. Mae angen i chwi sicrhau eich bod yn gwirio eich E-BOST yn rheolaidd.
Manylion Person
NODWEDDION PERSONOL
HANFODOL
Dangos ymddygiad ac agwedd briodol
•Bod yn deg a gallu trin pobl gyda pharch
•I fod yn gymwynasgar ac yn gwrtais
Dangos ymrwymiad i waith
•I fod yn gyfrifol am wneud y dyletswyddau a chyfrifoldebau rôl prentis i’r lefel uchaf bosib
•I gyflawni pob dyletswydd sy’n ofynnol
•Deall pwysigrwydd cyfle cyfartal
Cyfrannu tuag at lwyddiant
•Cyfrannu tuag at lwyddiant y sefydliad, y tîm a’r gwasanaeth
•Gallu trefnu dy amser dy hun a chyflawni tasgau o werth
Gweithio fel rhan o dîm
•Gallu gweithio mewn tîm
•I gyfrannu at gyfarfodydd tîm a chyfathrebu'n rheolaidd ac yn effeithiol gydag aelodau eraill y tîm
Cyfathrebu gyda hyder
•Y gallu i gyfathrebu gyda hyder yn y Gymraeg a’r Saesneg
•Y gallu i ddangos y sgiliau cywir i allu cyfathrebu yn gywir ar gyfer unrhyw gynulleidfa
Parodrwydd i ddysgu
•I ymrwymo i’th ddatblygiad i gyflawni dy swydd a’r brentisiaeth
•Adnabod anghenion datblygu personol yn barhaus a gweithredu arnyn nhw
Ymwybodol o beth sydd ei angen i weithio i’r Cyngor
•Deall y sialensiau sydd yn ein wynebu fel Cyngor
•Manteisio ar gyfleoedd i fod yn greadigol ac yn arloesol
•Sicrhau dy fod yn rhoi pobl Gwynedd yn ganolog i bopeth yr wyt yn ei wneud
DYMUNOL
-
CYMWYSTERAU A HYFFORDDIANT PERTHNASOL
HANFODOL
Wedi cymhwyso i lefel 2 o leiaf gan gyrraedd y gofynion isod:
Unai
•4 TGAU gradd C neu uwch
•Cymhwyster galwedigaethol Lefel 2 cyfatebol (e.e. BTEC Cyntaf Lefel 2 Diploma teilyngdod neu uwch)
Er gwybodaeth, bydd unrhyw gyfuniad o gymwysterau gyda gradd gyfatebol yn dderbyniol.
DYMUNOL
-
PROFIAD PERTHNASOL
HANFODOL
-
DYMUNOL
-
SGILIAU A GWYBODAETH ARBENIGOL
HANFODOL
-
DYMUNOL
-
ANGHENION IEITHYDDOL
HANFODOL
Gwrando a Siarad - Lefel Uwch
Gallu dilyn sgwrs neu drafodaeth drwy gyfrwng y Gymraeg a’r Saesneg ar lefel broffesiynol a thrafod pynciau cyffredinol bob dydd yn y maes er mwyn cyflwyno gwybodaeth a mynegi barn.
Gallu darparu cyflwyniad wedi’i baratoi ymlaen llaw ac ymateb i unrhyw sylwadau a chwestiynau arno drwy gyfrwng y Gymraeg a’r Saesneg.
Darllen a Deall - Lefel Uwch
Gallu deall Cymraeg a Saesneg ysgrifenedig safonol, ffurfiol ac anffurfiol.
Medru casglu gwybodaeth o amrywiol ffynonellau megis llythyrau, adroddiadau, erthyglau, drwy gyfrwng y Gymraeg a’r Saesneg er mwyn cyflawni’r swydd.
Ysgrifennu - Lefel Uwch
Cyflwyno gwybodaeth ysgrifenedig gyda hyder ar ffurf llythyr, adroddiad manwl a thechnegol ac ymateb i geisiadau ysgrifenedig gan gyfleu gwybodaeth, syniadau a barn drwy gyfrwng y Gymraeg a’r Saesneg. (Mae’n bosib cael cymorth i wirio’r iaith.)
Bydd gofyn i’r prentis llwyddiannus arddangos y gallu i gyfathrebu’n ddwyieithog o’r dechrau.
Rydym yn barod i ystyried ceisiadau gan siaradwyr Cymraeg nad ydynt, o bosibl, yn cyrraedd y gofynion uchod yn syth, ond sy’n barod i ymrwymo i’w cyrraedd.
Swydd Ddisgrifiad
Pwrpas y Swydd
•Derbyn profiadau a chefnogaeth yn y gwaith i gwblhau prentisiaeth ac ennill cymwysterau yn y maes Gweinyddiaeth a Busnes.
•Darparu gwybodaeth a chefnogaeth i’r Uned Busnes gan gynnwys delio gyda staff, cwsmeriaid a Llywodraeth Cymru mewn ffordd broffesiynol ac unrhyw ymholiadau a chwynion mewn dull cwrtais a moesgar.
•Cynorthwyo staff yr Uned Busnes yn ei holl weithgareddau gan gynnwys gwaith rheolaeth ariannol, archwilio, rheoli perfformiad, contractau masnachol, hawliadau trydydd parti, gofal stryd, cynllunio busnes, iechyd a diogelwch, gwasanaethau cwsmeriaid, rheoli swyddfa, systemau rheoli prosiectau integredig, cyfathrebu a sicrwydd ansawdd.
•Byddwch yn gweithio fel rhan o dîm ac yn rhoi’r gwasanaeth gorau i’n cwsmeriaid
•Deall sut mae gweithredu systemau’r Asiant Cefnffyrdd.
Cyfrifoldeb am Adnoddau. . e.e. staff, cyllid, offer
Dim
Prif Ddyletswyddau
Trosolwg
Mae’r Uned Busnes yn darparu swyddogaethau cefnogi hanfodol i holl weithrediadau'r Asiant Cefnffyrdd gan gynnwys gwaith rheolaeth ariannol, archwilio, rheoli perfformiad, contractau masnachol, hawliadau trydydd parti, gofal stryd, cynllunio busnes, iechyd a diogelwch, gwasanaethau cwsmeriaid, rheoli swyddfa, systemau rheoli prosiectau integredig, cyfathrebu a sicrwydd ansawdd.
Bydd disgwyl i bob prentis arddangos y canlynol:
1.Ymddygiad ac agwedd gywir
2.Ymrwymiad i waith
3.Cyfrannu at lwyddiant
4.Gweithio’n rhan o dîm
5.Cyfathrebu gyda hyder
6.Parodrwydd i ddysgu
7.Ymwybyddiaeth o beth sydd ei angen i weithio i lywodraeth leol
Dyma drosolwg o brif ddyletswyddau’r swydd:
Cyffredinol
1.Darparu gwasanaeth i gwsmeriaid o ansawdd uchel drwy ymdrin â gohebiaeth, ymholiadau dros y ffôn a phobl sy'n galw heibio, fel y bo'n briodol.
3.Sicrhau bod gwybodaeth a data'r Asiant Cefnffyrdd yn cael eu cadw'n ddiogel ac yn gyfrinachol.
4.Sicrhau ymwybyddiaeth o systemau’r Asiant Cefnffyrdd.
5.Sicrhau gwybodaeth gywir o ddeddfwriaeth berthnasol.
6.Gweithio'n hyblyg.
7.Gweithio mewn modd gofalgar a sensitif.
8.Cynorthwyo i fonitro ansawdd y gwasanaeth.
9.Gwella boddhad cwsmeriaid a darpariaeth gwasanaeth; cyfrannu syniadau ar gyfer datblygu a hyrwyddo'r Asiant Cefnffyrdd.
10.Dysgu a rhannu gwybodaeth gyda chydweithwyr, gweithio fel rhan o dîm, a chefnogi cydweithwyr.
Cyngor ac Arweiniad
1.Ymdrin ag ymholiadau a dderbynnir o amrywiaeth o wahanol ddulliau a darparu gwybodaeth perthnasol.
2.Delio â, blaenoriaethu a datrys ymholiadau.
3.Darparu gwybodaeth a chymorth ar draws ystod gynhwysfawr o wasanaethau'r Asiant Cefnffyrdd gan ddefnyddio gwahanol fathau o gyfathrebu.
4.Darparu gwasanaeth o'r dechrau i'r diwedd.
5.Sicrhau bod cynnydd yn cael ei wneud gyda thasgau’r Asiant Cefnffyrdd ac yn dilyn y prosesau perthnasol.
6.Sicrhau bod ymholiadau'n cael eu blaenoriaethu a'u bod yn cael sylw priodol.
7.Cadw cofnodion cywir.
Uned Busnes
Yn y maes yma byddwch yn cael profiad o holl ystod gwaith yr Uned Busnes gan gynnwys:
1.Dysgu am brosesau Cyllidol yr Asiant Cenffyrdd yn cynnwys prosesau taliadau, cyfrannu tuag adrodd ar ddata perfformiad yr Asiant Cefnffyrdd.
2.Cyfle i ddatblygu sgiliau dadansoddi drwy ddefnydd o Excel a PowerBI, cyflwyniad i Ddeddfwriaeth Rheoli Gwybodaeth a phrosesau data,
3.Deall amrywiaeth o systemau hanfodol yr Asiant Cefnffyrdde.e. IRIS/TRAFIS/CRM.
4.Dysgu sut i adennill costau sy'n deillio o ddifrod i eiddo LlC a achoswyd gan drydydd parti ar y rhwydwaith Cefnffyrdd, cynorthwyo yn y drefn rheolaeth datblygu,
5.Deall sut mae delio gyda risgiau sydd yn codi o goed peryglus,
6.Dealltwriaeth eang o system TENSOR (system rheoli amser staff), sut i recordio oriau gweithio a salwch staff,
7.Deall trefniant a methodoleg archwilio fewnol
8.Gweithredu trefniadau adnoddau dynol
9.Cyfle i ddysgu am system Hyfforddiant Gwynedd (MODS),
10.Delio efo cwsmeriaid dros y ffôn a trwy e-byst - mewn bwydo gwybodaeth i system Llywodraeth Cymru (IRIS PEM).
11.Cyfle i ddeall prosesau a phrofiad o wasanaeth Gofal Stryd.
12.Cyfle i ddeall prosesau caffael mewnol ac allanol sydd yn cynnwys, E-dendr Cymru a gweinyddu a rheoli gwahanol fathau o gontractau.
13.Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
Amgylchiadau Arbennig. . e.e. angen i weithio oriau anghymdeithasol, trefniadau gwaith arbennig, a.y.y.b.
-
