PWRPAS SWYDD
• Gweithio dan gyfarwyddyd ac arweiniad athrawon ac/neu aelodau o dîm rheoli yr ysgol.
• Cefnogi unigolyn i alluogi mynediad i ddysgu.
• Cynorthwyo’r athro i reoli disgyblion o fewn y dosbarth a thu draw o bryd i’w gilydd.
PRIF DDYLETSWYDDAU
Cefnogaeth i Ddisgyblion
• Goruchwylio a darparu cefnogaeth arbennig ar gyfer disgybl sydd a 15 awr o gefnogaeth gydag anghenion arbennig, gan sicrhau ei diogelwch a’i mynediad i weithgareddau dysgu.
• Cynorthwyo gyda dysgu a datblygu’r disgybl, yn cynnwys gweithredu Cynlluniau Addysg/Ymddygiad Unigol.
• Annog y disgybl i ryngweithio gydag eraill ac i ymuno mewn gweithgareddau o dan arweiniad yr athro/athrawes.
• Gosod disgwyliadau heriol ac ymestynnol a hybu hunan-barch ac annibyniaeth.
• Dan arweiniad yr athro/awes, darparu adborth i ddisgybl mewn perthynas â chynnydd a chyflawniad.
• Cymhwyso strategaethau i annog annibyniaeth a hunan-hyder.
• Darparu adborth effeithlon i’r disgyblion mewn perthynas â rhaglenni ac adnabod a gwobrwyo cyflawniad.
Cefnogaeth i’r Athro/Athrawes
• Darparu adborth manwl a rheolaidd i’r athrawon ar gyflawniad, cynnydd, problemau’r disgybl ayyb.
• Cysylltu â’r athro/athrawes i greu amgylchedd dysgu pwrpasol, trefnus a chefnogol.
• Cysylltu â’r athro i rannu cynllunio tymor byr a nodau dysgu penodol ar gyfer yr unigolyn.
• Monitro ymatebion y disgybl i weithgareddau dysgu ac ymgymryd â chadw cofnodion y disgybl ar gais.
• Sefydlu gweithdrefnau er mwyn sicrhau y rhoddir adborth rheolaidd ac effeithlon i’r athro/athrawes mewn perthynas â chynnydd y disgybl tuag at dargedau ar gyfer dysgu.
• Cymhwyso polisi ysgol mewn perthynas â hybu ymddygiad disgyblion ac agweddau cadarnhaol tuag at ddysgu.
• Gweinyddu profion gweithdrefnol.
• O dan gyfarwyddyd yr athro cyflawni tasgau a deunyddiau gwahaniaethol
Cefnogaeth i’r Cwricwlwm
• Ymgymryd â gweithgareddau dysgu/rhaglenni addysgu strwythuredig a chytûn.
• Ymgymryd â rhaglenni sy’n gysylltiedig â strategaethau dysgu penodol lleol a chenedlaethol, e.e. llythrennedd, rhifedd, blynyddoedd cynnar, asesu ar gyfer dysgu.
• Cefnogi’r defnydd o TGaCh mewn gweithgareddau dysgu a datblygu cymhwysedd ac annibyniaeth y disgyblion yn y defnydd ohono.
• Paratoi, cynnal a defnyddio offer/adnoddau sy’n ofynnol i gwrdd â’r cynlluniau gwersi/gweithgaredd dysgu perthnasol a chynorthwyo’r disgyblion i’w defnyddio.
• Ymgymryd â rhaglenni sy’n gysylltiedig â strategaethau dysgu penodol lleol, e.e. llythrennedd, rhifedd a TGaCh.
• Cefnogi’r defnydd o TGaCh yn nysgu’r disgyblion a’u hannibyniaeth wrth ei ddefnyddio.
• Paratoi, cynnal a defnyddio’r offer a’r adnoddau sy’n ofynnol i gwrdd â’r rhaglenni addysgu a’r gweithgareddau dysgu cytûn.
• Cysylltu’n sensitif ac yn effeithiol â rhieni, gofalwyr fel y cytunwyd gyda’r athro.
• Cyfranogi mewn cyfarfodydd gyda’r rhieni a chyfrannu at arolygon blynyddol yn unol ag arfer ysgol.
Cefnogaeth i’r Ysgol
• Bod yn ymwybodol o bolisïau a gweithdrefnau sy’n berthynol i Anghenion Dysgu Ychwanegol a chynhwysiad, amddiffyn plant, iechyd, diogelwch a diogeledd, cyfrinachedd a gwarchod data, a chydymffurfio â hwynt, gan adrodd am bob pryder wrth unigolyn priodol.
• Cyfrannu at ethos/gwaith/amcanion cyffredinol yr ysgol, yn cynnwys y Cwricwlwm Cymreig.
• Gwerthfawrogi a chefnogi rhan proffesiynolwyr eraill.
• Mynychu cyfarfodydd perthnasol a chymryd rhan ynddynt ar gais.
• Cymryd rhan mewn hyfforddiant a gweithgareddau dysgu eraill ac arolygon proffesiynol ar gais.
• Cynorthwyo gyda goruchwylio disgyblion y tu allan i amser gwersi, yn cynnwys cyn ac ar ôl ysgol ac amserau cinio.
• Mynd gyda staff addysgu a disgyblion ar ymweliadau, teithiau a gweithgareddau y tu allan i’r ysgol ar gais a chymryd cyfrifoldeb am grŵp o dan oruchwyliaeth yr athro.
Cyffredinol
• Cyfrifoldeb am hunan ddatblygiad yn unol ar Safonau Proffesiynol ar gyfer Cynorthwyo Addysgu.
• Ymgymryd ag unrhyw ddyletswydd ychwanegol sy’n berthnasol i’r swydd yn unol â chais y Rheolwr.
• Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
• Gweithredu o fewn polisïau’r Cyngor/Ysgol yng nghyswllt cyfle cyfartal a chydraddoldeb.
• Cyfrifoldeb am reoli gwybodaeth yn unol â safonau a chanllawiau GDPR. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
• Ymrwymiad i leihau allyriadau carbon yr ysgol/ Cyngor yn unol â’r Cynllun Rheoli Carbon ac i annog eraill i weithredu’n gadarnhaol tuag at leihau ôl-troed carbon yr ysgol/ Cyngor.
• Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
• Cyfrifoldeb i adrodd ar bryder neu amheuaeth bod plentyn neu oedolyn bregus yn cael ei gam-drin.
Dim ond amlinelliad o ddyletswyddau’r swydd a ddangosir uchod, a hynny er mwyn rhoi syniad o’r lefel cyfrifoldeb sydd ynghlwm â hi. Nid yw’r swydd ddisgrifiad hon yn fanwl gynhwysfawr, ac fe all dyletswyddau’r swydd newid o bryd i’w gilydd heb newid ei natur sylfaenol a’r lefel cyfrifoldeb.
