Pwrpas y Swydd.
• Sicrhau bod pobl Gwynedd yn ganolog i bopeth yr ydan ni yn ei wneud.
• Archebu, paratoi a threfnu prydau iachus a darparu gwasanaeth bwyd o safon i blant 3 mis i 11 mlwydd oed o fewn gegin y feithrinfa.
Cyfrifoldeb am Adnoddau. . e.e. staff, cyllid, offer
Offer Cegin
Prif Ddyletswyddau. .
• Dilyn polisïau a gweithdrefnau a nodir gan Gyngor Gwynedd, Meithrinfa Plas Pawb a dilyn Safonau Gofynnol Cenedlaethol gofal dydd llawn fel yr amlinellir o fewn canllawiau cofrestru Arolygiaeth Gofal Cymru (CIW).
• Darparu prydau iachus i blant o 3 mis i 11 mlwydd oed sy’n mynychu’r feithrinfa - gan gynnwys cynllunio bwydlen, archebu cyflenwad bwyd, rheoli stoc, paratoi bwydydd a choginio.
• Adolygu'r fwydlen yn rheolaidd gan edrych ar ganllawiau arfer gorau 'Boliau Bach ar gyfer lleoliadau gofal plant Blynyddoedd Cynnar'
• Sicrhau fod arferion gwaith ardderchog yn cael eu dilyn yn y gweithle gan bawb yn y gegin, a sicrhau ymateb i unrhyw ofynion statudol fel ‘Bwyd Mwy Diogel, Busnes Gwell- -Asiantaeth Safonau Bwyd
• Trefnu ag arolygu’r gwasanaeth bwyd, gan gynnwys gweini’r bwyd sy’n cyfarch anghenion dietegol yr holl blant.
• Sicrhau fod safonau hylendid y gegin o’r safon uchaf ac yn ateb bob un gofyniad o ddeddfwriaeth berthnasol.
• Cynnal safon uchel o lendid personol a gwisgo gwisg cegin lân briodol.
• Sicrhau diogelwch y gegin a’i chyffiniau drwy gloi ac agor y gegin.
• Sicrhau bod offer y gegin yn lan ac yn cael eu cynnal a’u gadw.
• Cwblhau dyletswyddau gweinyddol fel archebu cyflenwadau, cadw cyfrif stoc bwyd, ffurflenni adrodd , cwblhau cynlluniau bwydlenni a sicrhau fod y llyfr cofnodion y gegin wedi ei gwblhau bob dydd.
• Cyfrifoldeb am hunan ddatblygiad gan fynychu unrhyw hyfforddiant perthnasol.
• Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
• Gweithredu o fewn polisïau’r Cyngor yng nghyswllt cyfle cyfartal a chydraddoldeb.
• Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
• Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
• Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
• Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gam-drin
Amgylchiadau Arbennig. . e.e. angen i weithio oriau anghymdeithasol, trefniadau gwaith arbennig, a.y.y.b.
Oriau gwaith arferol - 9:00 yb – 12:30 yp. ond gellir ystyried oriau fwy hyblyg.
Dim ond amlinelliad o ddyletswyddau’r swydd a ddangosir uchod, a hynny er mwyn rhoi syniad o’r lefel cyfrifoldeb sydd ynghlwm â hi. Nid yw’r swydd ddisgrifiad hon yn fanwl gynhwysfawr, ac fe all dyletswyddau’r swydd newid o bryd i’w gilydd heb newid ei natur sylfaenol a’r lefel cyfrifoldeb.