SWYDDOG CEFNOGI BUSNES
CYFLOG : PS1 (29 - 31) - £37,336-£39,186
Lleoliad: Caernarfon / Hybrid
A ydych yn chwilio am her newydd ac yn awyddus i ddatblygu eich gyrfa trwy gael profiad o weithio o fewn gwasanaeth sy’n cynghori a chefnogi trefniadau busnes corfforaethol y Cyngor? Dyma gyfle i unigolion brwdfrydig sy’n medru ysgogi eu hunain i gyflwyno cais am swydd Swyddog Cefnogi Busnes. 
Bydd yn gyfle gwych i unigolyn ychwanegu at eu sgiliau mewn amrywiol feysydd. Mae’r meysydd gwaith a chyfrifoldebau yn amrywiol ond  ceir rhestr isod o’r prif feysydd gwaith y bydd y swyddog yn canolbwyntio arnynt:
Cefnogi gwaith Bwrdd Gwasanaethau Cyhoeddus Gwynedd a Môn - sy’n gyfle gwych i weithio efo prif weithredwyr ac uwch swyddogion o sefydliadau cyhoeddus y ddwy sir, er mwyn gwella llesiant ein trigolion.
Cefnogi’r gwaith o sicrhau fod y Cyngor yn cyfarch ei ddyletswyddau o dan Ddeddf Llesiant Cenedlaethau’r Dyfodol.
Cydlynu’r gwaith o baratoi/adolygu Cynllun y Cyngor
Cefnogi trefniadau herio perfformiad y Cyngor.
Creu a chydlynu adroddiadau megis yr Adroddiad Perfformiad Blynyddol.
Cefnogi archwilwyr allanol yn eu gwaith o gynnal archwiliadau o fewn y cyngor, a chynorthwyo i gydlynu adroddiadau sy’n crynhoi’r canlyniadau.
Bydd y swydd hon yn rhoi’r cyfle i chi gydweithio ag ystod eang iawn o swyddogion ac aelodau etholedig ar draws y cyngor ac y tu hwnt, ac yn rhoi trosolwg dda iawn o waith adrannau’r cyngor yn ogystal â blas ar nifer o wahanol feysydd.
Rydym yn edrych am berson brwdfrydig sy’n medru ysgogi eu hunain ac sydd hefo profiad o gyflawni yn llwyddiannus mewn amrywiol feysydd.
Os ydych yn barod am yr her gyffrous hon, ac o’r farn eich bod yn ateb gofynion y swydd, rhowch gais am y swydd.
Am fwy o wybodaeth, neu sgwrs anffurfiol, cysylltwch Dewi W. Jones, Rheolwr Gwasanaeth Cefnogi Busnes y Cyngor ar 01286 679233 (e-bost: DewiWynJones@gwynedd.llyw.cymru) neu Sandra Lynne Thomas, Rheolwr Rhaglen Bwrdd Gwasanaethau Cyhoeddus Gwynedd a Môn 01286 679906 (e-bost: sandralynnethomas@gwynedd.llyw.cymru )
Dyddiad Cau : 10-00 y bore 23 o Fedi 2024.
www.gwynedd.llyw.cymru/swyddi
This is an advert for the post of Business Support Officer in the Corporate Support Department, for which the ability to communicate in Welsh and English is essential.