Pwrpas y swydd
Gweithio fel rhan o dîm preswyl, a chynorthwyo’r rheolwr i ddarparu gofal i blant mewn gofal mewn Cartref Plant:
Sicrhau bod pobl Gwynedd yn ganolog i bopeth yr ydan ni yn ei wneud.
Fel aelod o’r tim, darparu gofal uniongyrchol ac ymyrraethau ataliol i blant a phobl ifanc o ddydd i ddydd ynghyd a dyletswyddau a thasgau cefnogol eraill o fewn yr uned.
Cydweithio’n agos gyda partneriaid mewnol ac allanol i gael y canlyniadau gorau i ddefnyddwyr gwasanaeth.
Gweithredu fel dirprwy reolwr y cartref, gan gymryd cyfrifoldeb am rhai agweddau penodol wedi’w delegeiddio gan Reolwr yr uned.
Mynychu cyfarfodydd ar ran yr uned.
Cynorthwyo’r rheolwr gyda thasgau sy’n gysylltiedig a chynnal cofrestriad y cartref gydag Arolygaeth Gofal Cymru.
Darparu ystod o ymyraethau gan ddefnyddio’r ymyrraeth fwyaf effeithiol a phwrpasol i gyd-fynd ag anghenion plant a’u teuluoedd.
Cyfrifoldeb am adnoddau e.e. staff, cyllid, offer
Offer – cegin a choginio, sicrhau deunydd priodol o gyfleusterau’r adeilad ( yn cynnwys hoists)
Rhoi goruchwylaieth i staff.
Rheoli cyllid.
Archebu nwyddau/cyfarpar.
Sicrhau diogewlch yr adeilad.
Prif ddyletswyddau
I gyfrannu tuag at llunio cynlluniau gofal a chefnogaeth, cymryd rhan mewn adolygiadau a chyfarfodydd eraill, ac i gynorthwyo wrth weithredu’r cynlluniau.
Bod yn aleod o dim, gan rhoi arweiniad, cefnogi cyd-weithwyr a derbyn cefnogaeth fel bo’r angen.
Datblygu perthynas weithio dda gyda theuluoedd i ddatblygu ymddiriedaeth, gwella cyswllt a mynediad i wasanaethau a chynorthwyo gyda chyfathrebu a chydlynu.
Datblygu gwydnwch a hyder teuluoedd i’w grymuso i wneud penderfyniadau gwybodus a chymryd cyfrifoldeb am eu bywydau eu hunain drwy roddi iddynt y sgiliau angenrheidiol.
Mynychu Cyfarfodydd Cynllunio ac Adolygu a chyfrannu tuag at ddatblygu cynllun gweithredu. Cadw nodiadau cyfredol o’r holl gyfarfodydd a fynychir a’r gwaith achos a wneir. Darparu crynodeb ac adroddiadau o waith achos. .
Annog a chefnogi teuluoedd i ddilyn y cynllun gweithredu.
Llunio a darparu amrediad o ymyrraethau i gefnogi teuluoedd yn eu cymunedau lleol.
Hybu a galluogi Plant i fyw bywyd annibynnol yn y gymuned.
Hybu a galluogi Plant i gyrraedd eu llawn botensial, mewn modd sydd yn hyrwyddo eu lles, iechyd, datblygiad a diogelwch.
Sicrhau bod y gwasanaeth yn ymateb i anghenion y plentyn.
Bod yn wyliadwrus o arwyddion o anhapusrwydd a chamdriniaeth ,ac i sicrhau bod plant yn cael eu hamddiffyn a’u monitro.
I adael i’r rheolwr llinell, neu unrhyw berson addas arall, wybod am unrhyw ymarfer gwael neu bryderus neu unrhyw dystiolaeth sy’n crybwyll hynny.
I gymryd gofal o anghenion corfforol pobl ifanc fel bo angen e.e coginio, golchi, smwddio, siopa, ymolchi, rheoli arian, neu drwy cynorthwyo’r plant I gwblhau’r tasgau hyn.
Rhoi gwybod i gyd-weithwyr o unrhyw ddatblygiadau/digwyddiadau perthnasol e.e wrth newid shift.
I siarad efo, a gwrando ar blant, gan gofnodi unrhyw beth arwyddocaol.
Mynychu cyfarfodydd tim ac unrhyw gyfarfodydd eraill fel bo’r angen ac a ystyrir yn addas gan y Rheolwr Tim, gan gynnwys dirprwyo i’r rheolwr.
Derbyn goruchwyliaeth gyson.
Rhannu cyfrifoldebau goruwchylio staff parhaol gyda Rheolwr y cartref.
Rhoi arweiniad i staff efo materion sy’n codi o ddydd i ddydd.
Bod yn gyfrifol am rediad yr uned o ddydd i ddydd yn absennoldeb y rheolwr.
Cynorthwyo’r rheolwr i sicrhau rheolaeth effeithiol o holl agweddau rhedeg yr uned o ddydd i ddydd, gan gynnwys rheoli’r gyllideb a sicrhau cydymffurfiaeth gyda Deddf Corestru ac Arolygu Gofal Cymdeithasol.
Bod yn hyblyg, o fewn ffiniau rhesymol, er mwyn sicrhau darpariaeth staff ddigonol ar gyfer yr uned.
Ymgyfarwyddo a pholisïau, trefniadau a chanllawiau’r Cyngor ynglŷn ag arferion da a materion yn ymwneud ac Iechyd a Diogelwch.
Mynychu cyrsiau hyfforddi yn unol ag anghenion hyfforddi.
Ymgymryd ag unrhyw dasg sydd yn addas a rhesymol i’r swydd ac sydd er lles a datblygiad y plentyn.
Cyfrifoldeb am hunan ddatblygiad.
Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
Gweithredu o fewn polisïau’r Cyngor yng nghyswllt cyfle cyfartal a chydraddoldeb.
Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor.  Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
Ymrwymiad i leihau allyriadau carbon y Cyngor yn unol â’r Cynllun Rheoli Carbon ac i annog eraill i weithredu’n gadarnhaol tuag at leihau ôl-troed carbon y Cyngor.
Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
Cyfrifoldeb i adrodd ar bryder neu amheuaeth bod plentyn neu oedolyn bregus yn cael ei gamdrin
Amgylchiadau arbennig
•Gall y swydd olygu gweithio oriau anghymdeithasol tu allan i oriau swyddfa arferol ar adegau.
•Mae’r swydd wedi ei lleoli ym Morfa Bychan, ond bydd hefyd yn golygu teithio gan y bydd yn delio gydag achosion ar draws Gwynedd.