Pwrpas y swydd
•Rheoli datblygiad a gweithrediad effeithiol Systemau Rheoli Asedau Integredig yr Adran.
•Hyrwyddo a rhoi cymorth ymarferol a thechnegol i swyddogion yr Adran.
•Datblygu systemau gweithredol a fydd yn arwain at arferion gweithio mwy effeithlon ac effeithiol.
•Datblygu a diwygio Cynllun Rheoli Asedau Priffyrdd yr Adran.
•Rhoi pobl Gwynedd yn ganolog i bopeth rydym yn ei wneud.
•Sicrhau bod pobl Gwynedd yn ganolog i bopeth yr ydym yn ei wneud.
Cyfrifoldeb am adnoddau e.e. staff, cyllid, offer
•Cyllideb: Cyfrifoldeb am gyllidebau prosiectau penodol.
•Offer: Cyfrifoldeb am offer sy'n angenrheidiol i gyflawni dyletswyddau'r rôl o ddydd i ddydd yn ogystal ag offer arbenigol, meddalwedd a chaledwedd TG yr Adran.
Prif ddyletswyddau
•Rheoli datblygiad a gweithrediad effeithiol systemau rheoli asedau integredig yr Adran (systemau WDM a Mayrise yn bresennol).
•Cyfrifoldeb am asesu materion yn ymwneud a’r systemau a blaenoriaethu unrhyw gamau dilynol gan gynnwys ymgynghori â datblygwyr y systemau fel bo’r angen.
•Cynnig cyngor ac arweiniad i beirianwyr a swyddogion mewn perthynas ag anawsterau technegol.
•Cyflwyno a rheoli prosiectau yn unol â blaenoriaethau a gofynion yr Adran.
•Gwerthuso gwahanol systemau rheoli a phecynnau meddalwedd i sicrhau bod gofynion yr Adran yn cael eu bodloni.
•Datblygu canllawiau ar gyfer systemau rheoli asedau yn ogystal â hyfforddi a mentora defnyddwyr yn ôl yr angen.
•Cyfrifoldeb am gydlynu'r defnydd o systemau o fewn yr Adran drwy reoli contractau cynnal meddalwedd, trwyddedau meddalwedd, uwchraddio meddalwedd, cydgysylltu systemau ac ati.
•Datblygu a diwygio Cynllun Rheoli Asedau Priffyrdd yr Adran yn unol â chodau ymarfer a rheoliadau perthnasol.
•Cynorthwyo i gydlynu a datblygu data stocrestr asedau ar gyfer holl asedau priffyrdd cyhoeddus y Cyngor, data cyflwr ffyrdd, cynllunio cylch bywyd, adnabod cynlluniau gweithredol a'u blaenoriaethu, yn ogystal â chynorthwyo i ddatblygu lefelau gwasanaeth i fodloni safonau cenedlaethol.
•Cefnogi'r Adran i gynnal ei hachrediadau BSI cyfredol ynghyd â chynorthwyo i fynd ar drywydd achrediadau eraill sy'n berthnasol i weithgareddau'r Adran.
•Gweithio'n agos gyda pheirianwyr a swyddogion i ddatblygu a rheoli prosiectau er mwyn rhesymoli prosesau a gweithrediadau'r Adran.
•Cyfrannu at ddatblygu polisïau a gweithdrefnau adrannol a thrawsadrannol a chynrychioli'r Adran ar weithgorau yn ôl yr angen.
•Cynghori a chefnogi rheolwyr ar faterion sy'n ymwneud â threfniadau gweithio a datblygu systemau.
•Cynhyrchu gwybodaeth monitro perfformiad priodol i ddiwallu anghenion yr Adran, Aelodau Etholedig a thrigolion.
•Sicrhau bod yr Adran yn cydymffurfio â gofynion statudol mewn perthynas â chasglu data, datgelu gwybodaeth ac ati.
•Gweithio mewn ffordd sy'n datblygu cysylltiadau gwaith da a threfniadau cydweithredol gyda rhanddeiliaid mewnol ac allanol.
•Cynrychioli'r Cyngor ar grwpiau cenedlaethol, rhanbarthol ac isranbarthol sy'n berthnasol i ofynion y swydd.
•Cyfrifoldeb am hunan ddatblygiad.
•Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
•Gweithredu o fewn polisïau’r Cyngor yng nghyswllt cyfle cyfartal a chydraddoldeb.
•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
•Ymrwymiad i leihau allyriadau carbon y Cyngor yn unol â’r Cynllun Rheoli Carbon ac i annog eraill i weithredu’n gadarnhaol tuag at leihau ôl-troed carbon y Cyngor.
•Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
•Cyfrifoldeb i adrodd ar bryder neu amheuaeth bod plentyn neu oedolyn bregus yn cael ei gamdrin
Amgylchiadau arbennig
•Angen i weithio oriau anghymdeithasol yn achlysurol
