Swyddi ar lein
Hyfforddai Proffesiynol Iechyd a Diogelwch NMWTRA
£29,269 - £31,364 y flwyddyn | Dros dro
- Cyfeirnod personel:
- 23-26997
- Teitl swydd:
- Hyfforddai Proffesiynol Iechyd a Diogelwch NMWTRA
- Adran:
- Cynllun Yfory
- Dyddiad cau:
- 26/04/2024 12:00
- Math Swydd/Oriau:
- Dros dro tair blynedd | 37 Awr
- Cyflog:
- £29,269 - £31,364 y flwyddyn
- Gradd tâl:
- S2
- Lleoliad(au):
- Gweler Hysbyseb Swydd
Manylion
Hysbyseb Swydd
Lleoliad - Parc Menai / Conwy / Helygain / Llandrindod / Aberaeron / Drenewydd / Dolgellau
CYNLLUN YFORY 2024 - Cynllun Graddedigion Cyngor Gwynedd
Hyfforddai Proffesiynol Iechyd a Diogelwch NMWTRA
Mae Cynllun Yfory yn gyfle unigryw i unrhyw un sydd gyda gradd neu gymhwyster cyfwerth i ddatblygu gyrfa yng Nghyngor Gwynedd.
Mae'r cynllun yn rhoi cyfle i hyfforddeion proffesiynol i ddeall mwy am weithio i lywodraeth leol drwy gael amryw o brofiadau ymarferol o bob lefel o'r sefydliad, i ddatblygu sgiliau hanfodol yn y maes cyfathrebu ac ymgysylltu, i ddatblygu rhwydweithiau ar draws y Cyngor a thu hwnt ac ar yr un pryd ennill cymhwyster Gradd Msc mewn Iechyd a Diogelwch.
Rydym yn chwilio am ymgeisydd brwdfrydig sydd â’r ymroddiad i ddatblygu sgiliau rhyngbersonol a thechnegol cryf yn y maes arbenigol yma. Bydd yr ymgeisydd llwyddiannus yn cael profiad mewn nifer o feysydd arbenigol yn y maes cyfathrebu ac ymgysylltu, gyda golwg ar ddatblygu i ddod yn un o reolwyr ac arweinwyr y dyfodol yn y ddisgyblaeth bwysig hwn.
Os ydych chi erioed wedi meddwl y byddech chi’n hoffi gweithio i Gyngor Gwynedd a bod yn rhan o weithlu arbennig, mae Cynllun Yfory yn berffaith i chi.
Am fwy o wybodaeth, cliciwch ar y linc
Mae cyswllt ar y wefan i’r pecyn gwybodaeth sydd yn cynnwys gwybodaeth fanwl o’r cynllun a chanllawiau i chi ar gyfer cwblhau eich cais yn llwyddiannus.
Am sgwrs anffurfiol, cysylltwch â Laura Evans - LauraElaineEvans@gwynedd.llyw.cymru 01286 679825
Mae Cyngor Gwynedd yn gweithredu’n fewnol trwy gyfrwng y Gymraeg ac yn cynnig ei holl wasanaethau yn ddwyieithog. Bydd angen i’r ymgeisydd gyrraedd y lefel ieithyddol sy’n cael ei nodi fel un o’r sgiliau hanfodol yn y Manylion Person.
Rydym yn annog pob ymgeisydd am swydd gyda’r Cyngor i gyflwyno ceisiadau yn Gymraeg neu yn ddwyieithog.
(Bydd ceisiadau sydd yn cael eu cyflwyno yn uniaith Gymraeg neu Saesneg yn cael eu trin yn gwbl gyfartal, ond gofynnir i’r ymgeisydd ystyried yn ofalus beth yw gofynion iaith y swydd a’r sefydliad ac a fyddai cyflwyno cais yn uniaith Gymraeg yn fwy addas.)
Dyddiad Cau: 25.04.24 (12 o’r gloch)
Ffurflenni cais a manylion pellach gan Gwasanaeth Cefnogol, Cyngor Gwynedd, Swyddfa'r Cyngor, Stryd y Jêl, Caernarfon, LL55 1SH
Ffôn: 01286 679076
E-Bost: swyddi@gwynedd.llyw.cymru
Manylion Person
NODWEDDION PERSONOL
HANFODOL
Rydym yn chwilio am bobl sydd â’r agwedd a’r ymddygiad priodol fydd yn gallu arddangos eu hawydd a’u penderfyniad i weithio i lywodraeth leol.
-Dangos y potensial i fod yn arbenigwr ac yn arweinydd
-Gweithio gydag phobol yn effeithiol
-Cyflawni gwaith o'r safon uchaf
-Cydweithio efo pobl yn effeithiol
-Yn barod i herio
-Blaenoriaethu Llesiant
-Dangos lefel uchel o hunain ymwybyddiaeth
-Trwydded Yrru
DYMUNOL
-
CYMWYSTERAU A HYFFORDDIANT PERTHNASOL
HANFODOL
Eich bod yn meddu ar (neu yn debygol) o ennill gradd dosbarth 2:2 neu uwch. Fe all eich gradd fod mewn unrhyw faes. Fe rydych yn gymwys i ymgeisio pryd bynnag y gwnaethoch chi raddio
Meddu ar TGAU Gradd C neu uwch mewn Mathemateg, Cymraeg, Saesneg a Gwyddoniaeth
DYMUNOL
-
PROFIAD PERTHNASOL
HANFODOL
-
DYMUNOL
-
SGILIAU A GWYBODAETH ARBENIGOL
HANFODOL
-
DYMUNOL
-
ANGHENION IEITHYDDOL
HANFODOL
GWRANDO A SIARAD - LEFEL UWCH
Gallu dilyn sgwrs neu drafodaeth drwy gyfrwng y Gymraeg a’r Saesneg ar lefel broffesiynol a thrafod pynciau cyffredinol bob dydd yn y maes er mwyn cyflwyno gwybodaeth a mynegi barn.
Gallu darparu cyflwyniad wedi'i baratoi o flaen llaw ac ymateb i unrhyw sylwadau a chwestiynau arno drwy gyfrwng y Gymraeg a’r Saesneg.
DARLLEN A DEALL - LEFEL UWCH
Gallu deall Cymraeg a Saesneg ysgrifenedig safonol, ffurfiol ac anffurfiol.
Medru casglu gwybodaeth o amrywiol ffynonellau megis llythyrau, adroddiadau, erthyglau, drwy gyfrwng y Gymraeg a’r Saesneg er mwyn cyflawni'r swydd
YSGRIFENNU - LEFEL UWCH
Cyflwyno gwybodaeth ysgrifenedig gyda hyder ar ffurf llythyr, adroddiad mwy manwl a thechnegol ac ymateb i geisiadau ysgrifenedig gan gyfleu gwybodaeth, syniadau a barn drwy gyfrwng y Gymraeg a’r Saesneg. (Mae'n bosib cael cymorth i wirio'r iaith
Swydd Ddisgrifiad
Pwrpas y Swydd
Cynorthwyo'r Tîm Iechyd a Diogelwch i rymuso staff i integreiddio eu cyfrifoldebau iechyd a diogelwch mewn i’w dyletswyddau dydd i ddydd drwy ddarparu cyngor cymwys a chynnal gwaith awdit ag archwilio.
Cynorthwyo’r Tîm Iechyd a Diogelwch i sicrhau fod swyddfeydd a safleoedd gwaith sy’n cael ei rheoli gan y tîm yn iach, ddiogel a chynaliadwy i bawb i’w defnyddio.
Cyfrifoldeb am Adnoddau. . e.e. staff, cyllid, offer
Gliniadur, ffon symudol a tabled
Offer diogelwch personol.
Prif Ddyletswyddau
Bydd yr unigolyn llwydiannus yn rhan o dîm profiadol a deinamig ac yn cydweithio â swyddogion sydd â phrofiad mewn disgyblaethau amrywiol megis peirianwyr sifil, ecolegwyr a rheolwyr prosiect. Bydd y rôl yma yn rhoi gwytnwch i reoli safleoedd o fewn yr Asiantaeth, maes lle mae’r gofynion wedi cynyddu yn sylweddol dros y blynyddoedd diwethaf yn dilyn i niferoedd y safleoedd gynyddu ac oherwydd gofynion Llywodraeth Cymru i gyrraedd net sero erbyn 2030.
Fel Hyfforddai Proffesiynol yn y maes, byddwch yn cael profiadau amrywiol o fewn yr Gwasanaeth, gan gynnwys:
Darparu cyngor arbenigol i staff yr Asiant ar bynciau megis: Cydymffurfiaeth CDM, Asbestos, Gweithio ar rwydwaith cefnffyrdd, Rheoli gwastraff o Atal llygredd
Ymweliadau safle i safleoedd gwaith ar y rhwydwaith cefnffyrdd
Cydweithio gyda swyddogion sy’n brofiadol mewn amryw o ddisgyblaethau fel peirianwyr sifil, ecolegwyr a rheolwyr prosiectau
Datblygu rhaglen hyfforddi iechyd a diogelwch
Cysylltu â budd-ddeiliaid allweddol (Eraill) gan gynnwys, ymhlith eraill, y Gwasanaethau Brys, swyddogion Llywodraeth Cymru, swyddogion iechyd a diogelwch corfforaethol yr awdurdod lleol, swyddogion Awdurdodau Partner, darparwyr gwasanaeth y sector preifat a'r sector cyhoeddus (gan gynnwys contractwyr ac ymgynghorwyr), UK Highways Ltd., Ymgynghorwr Technoleg Trafnidiaeth Cymru, Contractwr Cynnal a Chadw Cymru Gyfan ac ACDC
Deall ac ymgymryd â dyletswyddau rheoli safleoedd
Rheoli systemau Iechyd a Diogelwch Cefnffyrdd
Darparu cyngor arbenigol i staff yr Asiant ar bynciau megis: Cydymffurfiaeth CDM, Asbestos, Gweithio ar rwydwaith cefnffyrdd, Rheoli gwastraff, Atal llygredd
Adolygu hunanasesiadau gweithfannau a chynnal asesiadau llawn o weithfannau
Cynnal archwiliadau safle misol
Cwblhau tasgau statudol wythnosol e.e. profion larymau tan, fflysio allfeydd dwr mewn swyddfeydd a depos
Tasgau statudol misol e.e. profi goleuadau argyfwng, monitro tymheredd allfeydd dwr mewn swyddfeydd a depos
Ymgymryd a rôl marsial tan a swyddog cymorth cyntaf yn y swyddfa
Rheoli cydymffurfiaeth ag archwiliadau cylchol o gyfleusterau a rhaglen gwasanaeth
Paratoi adroddiadau yn ôl yr angen ar gyfer y Rheolwr Iechyd, Diogelwch ac Amgylchedd.
Sicrhau bod gan yr Asiant drefn gadarn mewn lle i reoli Rheoliadau Adeiladu (Dylunio a Rheoli) yn iawn ar gyfer prosiectau a gwaith perthnasol.
Asesu statws rheolaeth Iechyd, Diogelwch ac Amgylchedd yn barhaus yn yr Asiant, gan adnabod meysydd i wella a datblygu polisïau a systemau ble bo hynny'n briodol.
Gofynion sylfaenol i’w cwblhau fel rhan o’r swydd:
Tystysgrif IWFM mewn Gwasanaethau Cyfleusterau (Lefel 2)
Cwrs Aseswr DSE
Hyfforddiant marsial tan
Hyfforddiant Cymorth Cyntaf 3 diwrnod
Cyfrifoldeb am hunan ddatblygiad
Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
Gweithredu o fewn polisïau’r Cyngor yng nghyswllt cyfle cyfartal a chydraddoldeb.
Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gam drin
Ymgymryd ag unrhyw ddyletswydd arall resymol sy’n cyfateb â lefel cyflog a lefel cyfrifoldeb y swydd.
Amgylchiadau Arbennig. . e.e. angen i weithio oriau anghymdeithasol, trefniadau gwaith arbennig, a.y.y.b.
Yr angen i weithio tu allan i oriau gwaith arferol er mwyn diwallu gofynion y Gwasanaeth.
Mynd i gyfarfodydd mewn mannau eraill o’r DU yn achlysurol (e.e. Llandrindod, Caerdydd
