*DALIER SYLW*
Mae Cyngor Gwynedd wedi ymrwymo i fod yn gyflogwr cynhwysol ac i wella amrywiaeth ein gweithlu.
Bydd eich ffurflen gais yn cael ei hasesu yn ddienw. Ni fydd eich teitl, enw na chyfeiriad e-bost yn cael ei rannu â’r panel sy’n penodi at bwrpas llunio rhestr fer. Dylech ystyried hyn yn ofalus wrth ysgrifennu amdanoch eich hun yn y rhan gwybodaeth pellach.
                                        

                        
Mae gan Cyngor Gwynedd becyn cyflogaeth deniadol, am ragor o wybodaeth cliciwch ar y Pecyn Gwybodaeth
Lleoliad: Caernarfon a gweithio'n hybrid
Mae Cyngor Gwynedd yn gweithredu’n fewnol trwy gyfrwng y Gymraeg ac yn cynnig ei holl wasanaethau yn ddwyieithog. Bydd angen i’r ymgeisydd gyrraedd y lefel ieithyddol sy’n cael ei nodi fel un o’r sgiliau hanfodol yn y Manylion Person.
Rydym yn annog pob ymgeisydd am swydd gyda’r Cyngor i gyflwyno ceisiadau yn Gymraeg neu yn ddwyieithog.
(Bydd ceisiadau sydd yn cael eu cyflwyno yn uniaith Gymraeg neu Saesneg yn cael eu trin yn gwbl gyfartal, ond gofynnir i’r ymgeisydd ystyried yn ofalus beth yw gofynion iaith y swydd a’r sefydliad ac a fyddai cyflwyno cais yn uniaith Gymraeg yn fwy addas.)
Amlygodd adroddiad y Comisiynydd Plant yr angen i drawsnewid y ffordd y mae gwasanaethau’n gweithio gyda’i gilydd i gefnogi plant a phobl ifanc nad yw eu hanghenion yn cael eu hystyried yn ddigon difrifol i fod angen cymorth arbenigol ond, sy’n profi gofid emosiynol a/neu sy’n arddangos ymddygiadau sy’n peri pryder.
Rydym yn bwriadu datblygu model gwasanaeth ychwanegol, ochr yn ochr ag agwedd trothwy gofal ein gwasanaeth, i wella ein darpariaeth i gwrdd â rhai o’r heriau a ddisgrifir yn yr adroddiad ‘Dim Drws Anghywir’.
Mae wedi’i gynllunio i fod yn hyblyg ac yn ymatebol i wahanol lefelau o angen, gyda phob lefel yn darparu ymyrraeth a chymorth wedi ei deilwra i, ac yn gymesur ag angen y plentyn neu berson ifanc, gyda ffocws ar ddarparu cymorth amserol ac atal problemau rhag dod yn fwy difrifol.
Mae’n ymwneud â theuluoedd yn cael y cymorth iawn ar yr amser iawn ac mewn ffordd sy’n iawn iddyn nhw.
Mae angen i bob gwasanaeth sydd â rôl mewn iechyd meddwl a lles ddod at ei gilydd i ganfod y ffordd orau o ddiwallu'r angen. Gall y gwasanaethau hyn fod o wasanaethau iechyd, addysg, cymdeithasol neu'r trydydd sector. Mae gan bob un rywbeth i'w gynnig yn dibynnu ar amgylchiadau teulu.
Po fwyaf y daw gwasanaethau at ei gilydd i wrando ar yr hyn sydd ei angen ar deuluoedd, y mwyaf y gallent addasu sut y maent yn gweithio gyda’i gilydd i lenwi’r bylchau. Gallai gwasanaethau sy'n cynnig cymorth ychwanegol ganolbwyntio ar grwpiau penodol o blant a phobl ifanc, neu ar faterion penodol.
Mae 'Dim drws anghywir' yn helpu i sefydlu beth sy'n gweithio'n dda mewn ardal a pha wasanaethau sydd eu hangen. Mae hefyd yn atal y rhwystredigaeth o aros ar restr i ddarganfod nad dyma'r gwasanaeth iawn wedi'r cyfan.
Mewn rhwydwaith aml-asiantaeth o wasanaethau, y ffordd orau o gyflawni hyn yw trwy broses wedi'i rheoli a nodweddir gan gydweithio da, rhannu gwybodaeth a phartneriaethau aeddfed. Bydd y swydd hon felly yn canolbwyntio ar ymagwedd amlddisgyblaethol a hyrwyddo ymyriadau fel pe bai'n asiantaeth sengl.
Byddai Arweinydd ymarfer Trobwynt yn rhan annatod o weithrediad y strategaeth hon a bydd yn ofynnol i ddarparu arweiniad, cefnogaeth a mentora proffesiynol er mwyn dylanwadu ar newid diwylliant gan yr holl bartneriaid, er mwyn i’r gwasanaeth ddod yn gwbl integredig yn ogystal â chydweithio aml-asiantaethol . Byddai arweinydd ymarfer Trobwynt yn rheoli gweithwyr allweddol o fewn y gwasanaeth yn uniongyrchol i ddarparu cymorth amserol i blant ag anghenion cymhleth ac atal problemau rhag mynd yn fwy difrifol. Mae hwn yn gyfle gwych i unigolyn sydd â diddordeb mewn datblygu agwedd newydd ar ein gwasanaethau, gyda chyfleoedd gweithio hyblyg da.
Am ragor o wybodaeth neu sgwrs anffurfiol cysylltwch â: Gwenan Hughes 01286 679369 gwenanmedihughes@gwynedd.llyw.cymu NEU Aled Gibbard 01286679713 aledwyngibbard@gwynedd.llyw.cymru
Ffurflenni cais a manylion pellach gan Gwasanaeth Cefnogol, Cyngor Gwynedd, Swyddfa'r Cyngor, Stryd y Jêl, Caernarfon, LL55 1SH
Ffôn: 01286 679076
E-Bost: swyddi@gwynedd.llyw.cymru
DYDDIAD CAU: 10.00 O’R GLOCH, 07/06/2024
Os yn llwyddiannus i fod ar y rhestr fer am gyfweliad, byddwn yn cysylltu a chwi drwy’r cyfeiriad E-BOST a gofnodwyd gennych ar eich ffurflen gais. Mae angen i chwi sicrhau eich bod yn gwirio eich E-BOST yn rheolaidd.