Pwrpas y Swydd.
• Sicrhau bod pobl Gwynedd yn ganolog i bopeth yr ydym yn ei wneud.
• Arwain ar Reoli Asedau a rheoli’r Adain Ystadau yn effeithiol fel bod y Cyngor yn sicrhau gwerth gorau o’i bortffolio asedau eiddo ac i warchod buddiannau’r Cyngor a threthdalwyr.
• Cefnogi a hwyluso datblygiadau cyfalaf newydd drwy gaffael eiddo a chyfrannu at sicrhau fod achosion busnes datblygiadau yn hyfyw.
Cyfrifoldeb am Adnoddau. . e.e. staff, cyllid, offer
• Staff - Staff yr Uned Stadau – Hyd at 10 (ar hyn o bryd 3 x Uwch Syrfëwr Stadau,3 x Syrfëwr Stadau Cynorthwyol, 1 x Hyfforddai Rheoli Stad, 1 x Cydlynydd Intec a Mentec).
• Ymgynghorwyr allanol fel bo gofyn.
• Cofrestr Ystadau.
• System wybodaeth Rheolaeth asedau.
• Rheolaeth safle ar gyfer y Portfolio Manddaliadau a Diwydiannol.
• Offer technegol personol ar gyfer ymgymryd â gwaith prisio – dros £500.

Prif Ddyletswyddau.
Arwain a Rheoli Pobl
Gweithredu fel rheolwr llinell i wahanol grwpiau swyddogion o fewn yr Uned, sy’n gweithredu mewn meysydd gwaith gwahanol, drwy ddarparu arweiniad, cefnogaeth a goruchwyliaeth pan fo angen.
Ysgogi, annog a grymuso eich staff trwy ddirprwyo gwaith yn effeithiol a thrwy greu awyrgylch o barch, cydweithio a chymryd risgiau.
Rhoi cyfeiriad ac adborth i'ch staff trwy drosglwyddo gweledigaeth yn effeithiol tra'n canolbwyntio ar ddarparu gwasanaeth.
Arwain, datblygu, gwerthuso ac annog staff i weithio i’w llawn botensial gan osod targedau ac amcanion priodol a mesur cyflawniad yn erbyn y targedau hynny.
Rheoli Adnoddau
Cynllunio a monitro er mwyn sicrhau gwasanaeth o safon a gwella parhaus.
Darparu gwerth am arian trwy brynu, blaenoriaethu, rheoli a monitro defnydd effeithiol o adnoddau gan gydnabod bod gwybodaeth, gallu a sgiliau yn adnoddau hefyd.
Perfformiad a Datblygiad
Adnabod cryfderau a meysydd datblygu eich staff trwy oruchwyliaeth gyson a phroses werthuso'r Cyngor.
Canolbwyntio ar wella perfformiad drwy reoli a datblygu effeithiol a thrwy fesur, monitro ac arfarnu perfformiad.
Sicrhau bod yna systemau rheoli perfformiad priodol ac effeithiol yn eu lle ar gyfer yr Uned a bod y nodau a’r targedau o fewn y cynlluniau busnes yn cael eu cyflawni a’u monitro’n rheolaidd.
Gweithredu a datblygu cynlluniau busnes sy'n adlewyrchu hyn.
Blaenoriaethu ymysg sawl galw gwahanol gan ganolbwyntio ymdrech ac adnoddau ar yr hyn ydym wedi ei adnabod sy’n bwysig o ran ein pwrpas.
Datrys Problemau
Gwneud i bethau ddigwydd trwy wneud penderfyniadau ystyrlon ac ymateb yn effeithiol i flaenoriaethau fel maent yn newid.
Cymryd penderfyniadau mewn sawl maes gwaith gwahanol ac ymarfer disgresiwn eang i weithredu’r penderfyniadau hynny.
Cyfathrebu
Rhannu a gwrando ar wybodaeth, barn a syniadau heb ragdybiaeth trwy ddefnyddio dulliau cyfathrebu priodol.
Cynyddu cymhelliant trwy ddefnyddio cyfathrebu cynhwysol sy'n gwerthfawrogi teimladau eraill.
Delio a chwynion ac anghydfod gan gwsmeriaid. Mynychu cyfarfodydd cyfamodi a cheisio sicrhau fod ein strategaeth yn glir a chyfiawn ym mhob achos.
Cefnogi’r Pennaeth Cynorthwyol Tai ac Eiddo i ddatblygu a gweithredu trefnau i hyrwyddo gofal cwsmer effeithiol o fewn yr Uned ac ar draws yr holl wasanaeth.
Cynnal trefniadau cyfathrebu ac ymgynghori mewnol priodol gydag Unedau eraill yr Adran Tai ac Eiddo, ac yn draws-adrannol.
Ymwybyddiaeth o'r Cyd-destun
Deall a gweithio'n effeithiol o fewn fframwaith politicaidd y Cyngor a bod yn ymwybodol o'r materion sy'n cael effaith ar ddarparu gwasanaeth ar wahanol lefelau.
Meithrin cysylltiadau gydag eraill i elwa o ymarfer gorau er mwyn gwella darpariaeth i ddefnyddwyr y gwasanaeth.
Hunanreoli
Dangos esiampl i eraill trwy fod yn rhagweithiol, gonest a sefydlog a chymryd cyfrifoldeb am eich gweithredoedd eich hun.
Sicrhau cydymffurfiaeth â safonau proffesiynol. 
Cyfrifoldeb am hunan ddatblygiad.
Prif Ddyletswyddau a Thasgau Allweddol
• Cyfrannu at waith y Tim Rheoli Adranol er mwyn creu a datblygu diwylliant un adran drwy gydweithio, cefnogi a chyfrannu at reolaeth gyffredinol yr Adran Tai ac Eiddo.
• Rheoli’r Uned Ystadau yn effeithiol, o fewn y gyllideb ac mewn ffordd sy’n ymateb i ofynion y cwsmeriaid a’r cynghorwyr yn unol ag egwyddorion Ffordd Gwynedd.
• Gweithredu fel rheolwr llinell i swyddogion o fewn yr Uned drwy ddarparu arweiniad, cefnogaeth a goruchwyliaeth pan fo angen.
• Arwain, datblygu, gwerthuso ac annog staff i weithio i’w llawn botensial gan osod targedau ac amcanion priodol a mesur cyflawniad yn erbyn y targedau hynny.
• Sicrhau bod yna systemau rheoli perfformiad priodol ac effeithiol yn eu lle ar gyfer yr Uned a bod y nodau a’r targedau o fewn y cynlluniau busnes yn cael eu cyflawni a’u monitro’n rheolaidd.
• Sicrhau bod y polisi corfforaethol yn cael ei adlewyrchu drwy weithgareddau’r Uned.
• Cefnogi’r Pennaeth Cynorthwyol Tai ac Eiddo i ddatblygu a gweithredu trefn i hyrwyddo gofal cwsmer effeithiol o fewn yr Uned ac ar draws holl wasanaethau’r Cyngor.
• Cynnal trefniadau cyfathrebu ac ymgynghori mewnol priodol o fewn yr Adain Ystadau.
• Cynorthwyo i sicrhau arbedion effeithlonrwydd a gweithredu toriadau i wasanaeth pan fo’r gofyn.
• Pwynt cyswllt cyntaf i adrannau’r cyngor ar faterion rheoli stadau.
• Cyfrannu’n amserol at Gynlluniau Blaenoriaeth a Chynllun Gweithredu Tai’r Cyngor, gan arwain ar brynu a phrydlesu tir ac eiddo, a chynghori ar faterion rheolaeth eiddo cysylltiedig.
• Rheoli a chydgordio’r rhaglen waredu gan sicrhau fod eiddo’n cael ei werthu yn unol â’r amserlen sydd wedi ei sefydlu. Parhau i adnabod cyfleon pellach ar gyfer gwaredu eiddo a delio gyda cheisiadau gan unigolion a chyrff allanol.
• Sicrhau cydymffurfiaeth â Deddf Llywodraeth Leol 1972 a deddfwriaeth arall perthnasol o reoli stadau gan edrych i sicrhau gwerth gorau ar bob achlysur.
• Darparu cyngor proffesiynol arbenigol ar faterion yn ymwneud â rheoli eiddo ac asedau i Gynghorwyr a Swyddogion.
• Arwain y broses adolygiadau o eiddo.
• Datblygu polisïau a safonau trefn gweithio yn ymwneud â rheoli ystadau.
• Paratoi a chyflwyno adroddiadau i bwyllgorau a gweithgorau’r Cyngor a chynrychioli’r Adran Tai ac Eiddo ar weithgorau.
• Cysylltu â datblygwyr a phartneriaid y Cyngor i adnabod cyfleoedd ar gyfer cydweithio.
• Cyfarwyddo’r Uned Gyfreithiol i ymgymryd â threfnau ar gyfer meddiannu yn erbyn tenantiaid, trwyddedai neu dresmaswyr.
• Rheoli portffolio mân-ddaliadau’r ac Asedau Busnes y Cyngor.
• Rheoli portffolio eiddo’r Cyngor gan sicrhau defnydd effeithiol o’r holl eiddo gan gynnwys rheoli prydlesau ac adolygiadau rhent ar gyfer yr eiddo hynny a brydlesir i eraill gan holl wasanaethau’r Cyngor.
• Ymgymryd â dyletswyddau prisio cyffredinol a rheoli gwasanaeth prisio’r Cyngor gan gynnwys darparu prisiad o asedau yn unol ag amserlen statudol.
• Datblygu a chynnal GIS a Systemau Rheoli Gwybodaeth perthnasol yn benodol y gofrestr asedau ystadau.
• Rheoli’r broses o gyflwyno apeliadau trethi annomestig ar ran y Cyngor.
• Darparu gwasanaeth proffesiynol mewn perthynas â phrynu, gwerthu a rheoli eiddo i gleientiaid sector cyhoeddus tu allan i’r Cyngor fel bo’r gofyn.
• Cynrychioli’r Cyngor ar grwpiau rhanbarthol a chenedlaethol yn ymwneud â materion stadau a rheoli asedau.
• Cyrraedd targedau ariannol drwy fonitro a rheoli holl gyllidebau’r gwasanaethau.
• Edrych am gyfleon i gynyddu incwm a chreu arbedion a thoriadau.
• Sicrhau trefniadau iechyd a diogelwch priodol ar gyfer gweithgareddau’r Uned
• Cyfrifoldeb proffesiynol dros fonitro datblygiad a pherfformiad aelodau o staff yr Uned a datblygu a chydlynu rhaglen hyfforddiant er ehangu a chryfhau sylfaen sgiliau a medrusrwydd proffesiynol y Gwasanaeth.
Cyfrifoldebau Dirprwyedig
• Hawl lle nad ellir dod i delerau a'r tirfeddiannwr i brynu buddiant mewn tir o fewn chwe mis o gychwyn trafodaethau i brynu'r cyfryw drwy orchymyn prynu gorfodol yn amodol ar ddarpariaethau'r gyfraith. 
• Caniatau trwyddedau, hawddfreintiau a ffyrddfreintiau i, neu gan y Cyngor. 
• Mewn achosion priodol, talu iawndal dan Ddeddf Iawndal 1973, Ddeddf Cynllunio ac Iawndal 1991, Deddf Landlord a Thenant 1954, neu unrhyw achos o ddadfeiliad neu hawliadau tenantiaid. 
• Negodi a thalu unrhyw hawliadau am iawndal a gyflwynir yn erbyn y Cyngor am ddifrod neu golledion a achoswyd gan waith a gyflawnwyd dan bwerau statudol y Cyngor. 
• Rhoi cydsyniad i denantiaid y Cyngor is-osod ac isbrydlesi. 
• Cyhoeddi rhybudd statudol am fwriad i gynnal adolygiadau rhent ar denantiaethau. 
• Cychwyn achos meddiant drwy'r Llysoedd yn erbyn unrhyw denant, drwyddedwr neu dresmaswr. 
• Cymeradwyo'r telerau ar gyfer prynu, gaffael, gwerthu neu waredu holl fuddiannau'r Cyngor mewn tir lle bo penderfyniad wedi ei wneud i brynu, gaffael, gwerthu neu waredu gan Y Cabinet, Pwyllgor, Arweinydd neu Brif Swyddog yn gweithredu pwerau dirprwyedig. 
• Cymeradwyo telerau ac amodau, yn caniatáu adnewyddu prydlesau. Cymeradwyo ymestyn cyfnod prydlesau sydd mewn bodolaeth. 
• Rhoi cydsyniad i aseinio prydles.
Cyffredinol
• Cyfrifoldeb am hunan ddatblygiad
• Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
• Gweithredu o fewn polisïau’r Cyngor yng nghyswllt cyfle cyfartal a chydraddoldeb.
• Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
• Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
• Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
• Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin

 Amgylchiadau Arbennig. . e.e. angen i weithio oriau anghymdeithasol, trefniadau gwaith arbennig, a.y.y.b.
• Mynychu cyfarfodydd fel sydd angen tu allan i oriau gwaith.
• Yn debygol o wynebu sefyllfaoedd anodd wrth negodi telerau ac ymgymryd â gwaith gorfodaeth.
Amlinelliad yn unig o ddyletswyddau’r swydd a ddangosir uchod, a hynny er mwyn rhoi syniad o’r lefel cyfrifoldeb sydd ynghlwm â hi. Nid yw’r swydd ddisgrifiad hon yn fanwl gynhwysfawr, ac fe all dyletswyddau’r swydd newid o bryd i’w gilydd heb newid ei natur sylfaenol na’r lefel cyfrifoldeb.