Pwrpas y Swydd.
•Sicrhau bod pobl Gwynedd yn ganolog i bopeth yr ydym yn ei wneud.
•Darparu’r sgiliau a’r arbenigedd angenrheidiol i gyflwyno, cynnal a chefnogi’r rhwydwaith (a rhwydwaith llais) dros ardal leol ac eang ledled Gwynedd.
•Gosod a ffurfweddu teleffonau. Cynnal, cefnogi a monitro ein systemau llais, cyfathrebu unedig a fideo. Mae hyn yn golygu datrys problemau ac optimeiddio ein cyfarpar, systemau a gwasanaethau llais ac ein amgylchedd fideo gynadledda.
•Dadansoddi problemau cysylltiadau llais a’u datrys drwy gydweithio gyda’r Ddesg Gymorth a pheirianwyr rhwydwaith ac/neu cyflenwr y cysylltiad / system deleffoni
•Disgwylir i’r peiriannydd fod yn bwynt cyswllt rhwng y Cyngor a’r cwmni sy’n darparu’r system llais.
•Bydd gan y peiriannydd wybodaeth sylfaenol ynglŷn â cyfathrebu data a rhwydweithio cyfrifiaduron. Bydd y peiriannydd yn gorfod ymgymryd a peth o lwyth gwaith y tîm rhwydwaith o dro i dro.
•Sicrhau y glynir wrth Fethodoleg Datblygu Sustemau Cyngor Gwynedd a sicrhau bod pob pecyn gwaith yn cael ei gyflawni ar amser, o fewn y gyllideb ac yn unol â’r fanyleb. 
•Sicrhau y cefnogir y maes TGCh yn unol â pholisïau a gweithdrefnau sydd wedi’i nodi.
•Wrth weithio fel rhan o dîm, nodi lle mae modd defnyddio TGCh i greu cyfleon ac arbedion effeithlonrwydd a gwell Gofal Cwsmer.
•Bod yn gyfrifol am sicrhau bod offer a sustemau TGCh y Cyngor yn gweithio bob amser. 
 
Cyfrifoldeb am Adnoddau. . e.e. staff, cyllid, offer
Staff:
•Gall fod yn arweinydd technegol ar gyfer timau prosiect sy’n canolbwyntio ar dechnoleg.
•Bod yn fentor i beirianwyr rhwydwaith iau.
Cyllid:
•Yn ymwybodol o strwythurau cyllidebol a chyfyngiadau prosiect/contract cefnogi.
•Archwilio mentrau bychain/canolig
Data/Offer/Meddalwedd:
•Teleffonau
•Systemau llaisbost
•Systemau cyfathrebu unedig
•System llais y ganolfan gyswllt
•Systemau adrodd ar ddefnydd systemau llais a fideo
•Bod â mewnbwn i agweddau technegol y rhwydwaith sydd ag effaith ar y Cyngor i gyd ac sy’n cael effaith uniongyrchol ar y cyhoedd (a gwneud penderfyniadau yn eu cylch).
•Rhoi cefnogaeth ar gyfer y rhwydwaith sy’n hanfodol i waith beunyddiol y Cyngor a hefyd i gymwysiadau a ddefnyddir gan y cyhoedd. Mae hyn yn cynnwys dadansoddi problemau, eu datrys a’u hosgoi.
•Yn gyfrifol am sicrhau cywirdeb data sy’n hanfodol i’r Cyngor.
•Cysylltu gydag unigolion/cyrff allanol i ddatrys materion.
•Sicrhau bod yr holl ddogfennau sy’n berthnasol i’r rhwydwaith yn cael eu diweddaru pan fo newidiadau’n cael eu gwneud i bob elfen sy’n gysylltiedig a’r cyfarpar TG. 
 
Prif Ddyletswyddau.
Tasgau gweithredol, penderfyniadau, trefnu ac arloesi:
•Rhoi cymorth technegol i eraill.
•Addysgu aelodau iau o staff yn rheolaidd a rhoi arweiniad iddynt.
•Rhoi mewnbwn i syniadau newydd/arbedion effeithlonrwydd ynghylch sut y gall TGCh greu gwelliannau effeithlonrwydd, gwella gofal cwsmer neu greu cyfleon newydd o fewn ei swyddogaeth ei hun ac o fewn i’r prosiectau y mae’n gweithio arnynt ar hyn o bryd.
•Yn gyfrifol am wneud penderfyniadau i sicrhau bod elfennau o brosiectau’n cael eu cwblhau ar amser, y tu mewn i’r gyllideb ac i’r safonau disgwyliedig.
•Rheoli ei (l)lwyth gwaith hynod gymhleth a thechnegol ei hun er mwyn cyrraedd targedau.
•Mewnbwn i’r broses gwneud penderfyniadau o ran dethol cyflenwyr a chynnyrch.
•Mewnbwn i bolisïau a gweithdrefnau, efallai y bydd gofyn iddo/iddi eu cofnodi.
•Medru sicrhau cydbwysedd rhwng gofynion cyflawni gwaith prosiect a gwaith cefnogi pwysau mawr ac adhoc er mwyn sicrhau eu bod yn parhau i fod ar gael i sustemau TGCh y Cyngor.
•Gosod a chefnogi isadeiledd llais a fideo gynadledda ac unrhyw feddalwedd cysylltiedig.
•Ffurfweddu, profi, gosod, cynnal, monitro a datrys unrhyw broblemau i wneud ag offer defnyddwyr, teleffonau, offer fideo gynadledda, llaisbost, system llais y ganolfan gyswllt (a’i ryngwynebau).
•Deall holl systemau adrodd i wneud a llais a fideo, cynhyrchu adroddiadau angenrheidiol fel y mae’r galw. 
•Cofnodi bob cysylltiad llais sydd gan y Cyngor.
•Mewnbwn i’r broses cynllunio busnes.
•Cyfrannu tuag at sicrhau bod targedau perfformiad a mesuriadau gwella yn cael eu cyflawni, neu ragori arnynt.
•Cydweithio gydag adrannau eraill y Cyngor i hwyluso unrhyw newid sy’n cael ei wneud i ffurfweddiad eiddo’r Cyngor neu symudiad a’r staff y Cyngor o un darn o’r eiddo i’r llall.
Cyfathrebu:
•Sgiliau cyfathrebu ardderchog er mwyn cyfathrebu â defnyddwyr ledled y Cyngor i fyny at yr uwch reolwyr.
•Cofnodi gofynion defnyddwyr yn glir trwy gysylltu gyda defnyddwyr mewn cyfarfodydd a gweithdai.
•Datblygu manylebau cysyniadol a thechnegol.
•Cynrychioli’r adran TGCh mewn cyfarfodydd ar draws y Cyngor ac yn allanol o bryd i’w gilydd.
Sgiliau a Gwybodaeth:
•Yn brofiadol mewn cefnogi, cynnal a rhwydweithiau
•Yn awdurdod technegol / arbenigwr ar faes penodol o’i (d)dewis.
•Gwybodaeth a gallu mewn peirianneg rhwydwaith a bod â gwybodaeth am dechnoleg ymylol, meddalwedd ac arferion gwaith.
•Yn ymwybodol o ddatblygiadau yn y maes arbenigedd
•Medru cyfathrebu mewn modd technegol ac annhechnegol
•Gwybodaeth am y cylch datblygu sustemau
•Sgiliau cofnodi cadarn
•Yn rhagweithiol wrth barhau i ddysgu am y diweddaraf mewn diwydiant cymhleth sy’n newid yn gyflym
Arall:
•Medru datrys problemau mewn nifer o feysydd o arbenigedd.
•Gweithio ar sawl tasg yr un pryd.
•Yn gyfrifol am adnabod risgiau yn unol â fframwaith rheoli risgiau TGCh a sicrhau y cymerir cyfrifoldeb amdanynt.
Cyffredinol:
•Cyfrifoldeb am hunan ddatblygiad
•Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
•Gweithredu o fewn polisïau’r Cyngor yng nghyswllt cyfle cyfartal a chydraddoldeb.
•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
•Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
•Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
•Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin 
 
Amgylchiadau Arbennig. . e.e. angen i weithio oriau anghymdeithasol, trefniadau gwaith arbennig, a.y.y.b.
•Gan fod swyddogaeth gyfrifiadurol y Cyngor yn gweithredu ar sail 24 awr, 7 diwrnod yr wythnos, bydd angen gweithio oriau anghymdeithasol ac ar benwythnosau o dro i dro a fydd yn gymwys am daliad yn unol ag Amodau a thelerau cyflogaeth y Cyngor. Bydd galwadau brys yn destun i drafodaeth benodol.