Pwrpas y Swydd.
• Sicrhau bod plant a phobl ifanc Gwynedd ac Ynys Môn yn ganolog i bopeth.
• Hyrwyddo cynhwysiad a darparu cefnogaeth ar gyfer disgyblion ystod oedran 3 – 16 oed i gael mynediad at y cwricwlwm gan ddefnyddio sgiliau iaith maent eisoes yn eu meddu tra hefyd yn eu cefnogi mewn meistroli Cymraeg/Saesneg.
• Cyflenwi gwaith proffesiynol athro/athrawes trwy gymryd cyfrifoldeb am weithgareddau dysgu cytunedig o dan system cytunedig o oruchwyliaeth. Gall hyn olygu cynllunio, paratoi a trosglwyddo gweithgareddau dysgu ar gyfer unigolion/grwpiau neu yn y tymor byr ar gyfer dosbarthiadau cyfan a monitro disgyblion ac asesu, cofnodi ac adrodd ar gyrhaeddiad, cynnydd a datblygiad disgyblion.
• Cyfrifol am reoli a datblygu maes arbenigol o fewn yr ysgol ac/neu reolaeth cymhorthyddion dysgu eraill, yn cynnwys dyrannu a monitro gwaith, gwerthuso a hyfforddiant.

Prif Ddyletswyddau. .
Hyrwyddo lles emosiynol
 Chwarae rôl bwysig o ran helpu disgyblion i ymgartrefu yn eu hamgylchfyd newydd, gan eu cynorthwyo i adeiladu eu hunan-hyder, hunan-barch ac annibyniaeth
 Annog disgyblion i ddeall a cydymffurfio â disgwyliadau sy’n gysyllltiedig ag ymddygiad yn yr ysgol
 Cefnogi disgyblion gael at weithgareddau ysgol estynedig
 Gwarchod lles disgyblion SIY/CIY
Adnabod a dileu rhwystrau i ddysgu
 Annog athrawon i hyrwyddo defnydd disgyblion o’u mamiaith ar gyfer dysgu ble bynnag bo modd pan fo’r plentyn yng nghamau cynnar dysgu Cymraeg/Saesneg.
 Ble bo modd ac yn briodol (h.y. fel arfer ble mae gan Cymhorthydd Dosbarth fynediad at iaith gyntaf disgybl), defnyddio gwybodaeth o iaith gyntaf disgybl i ddehongli geiriau a cyfarwyddiadau allweddol, archwilio cysyniadau mewn mwy o ddyfnder a datblygu uwch sgiliau dysgu y gall disgyblion yna eu trosglwyddo i CIY/SIY.
 Darparu mewnwelediad i athrawon i wybodaeth a dealltwriaeth y disgyblion o feysydd cwricwlwm, yn cynnwys datblygiad iaith a datblygiad cysyniadol yn ogystal â cynnydd cyffredinol mewn dysgu
 Helpu athrawon gael mynediad at ddysgu a gwybodaeth blaenorol disgyblion, gan adnabod y cysyniadau mae disgyblion eisoes wedi eu dysgu yn eu gwlad enedigol – hefyd adnabod bylchau mewn dysgu.
 Codi ymwybyddiaeth mewn ysgolion o wahaniaethau diwylliannol a all effeithio ar beth mae disgyblion eisoes wedi ei ddysgu - a’r anhawster y gall rhai disgyblion ei wynebu o ran deall agweddau o’r cwricwlwm Cymreig
 Ble bo’n modd ac yn briodol, defnyddio sgiliau iaith penodol i gyd-rannu gwybodaeth gyda rhieni
Rôl/Dyletswyddau Gweinyddol
 Helpu i gasglu gwybodaeth yn rheolaidd ar ddisgyblion SIY/CIY, gan fynd ar drywydd disgyblion, monitro cefnogaeth, ayb, gan fwydo’r gwybodaeth ar fas data a ddefnyddir gan y tîm.
 Trefnu a dosbarthu adnoddau ar gais aelodau o’r tîm.

Prif Ddyletswyddau. .
 Cefnogi’r tîm mewn cael mynediad at, paratoi a storio adnoddau priodol i’w defnyddio mewn ysgolion.
Cydweitho â cydweithwyr
 Mynychu cyfarfodydd tîm a gynhelir yn rheolaidd
 Delio’n sensitif â materion cyfrinachol
 Gweithio fel aelod o dîm a gweithio’n annibynnol
 Hyblygrwydd i weithio mewn sawl ysgol a gydag amrywiaeth o dimau staff
 Cyfrifoldeb am ddatblygu eu datblygiad parhaus eu hunain
Cefnogi disgyblion
 Asesu anghenion disgyblion a defnyddio gwybodaeth fanwl a sgiliau arbenigol i gefnogi dysgu disgyblion.
 Sefydlu perthnasoedd gwaith cynhyrchiol gyda disgyblion, gan fod yn ddelfryd ymddwyn a gosod disgwyliadau uchel.
 Datblygu a gweithredu CDU.
 Hyrwyddo cynhwysiad a derbyn pob disgybl o fewn yr ystafell ddosbarth.
 Rhoi cefnogaeth i ddisgyblion yn gyson tra’n cydnabod ac ymateb i’w gofynion unigol.
 Annog disgyblion i ryngweithio a cydweithio ag eraill a bod yr holl ddisgyblion yn cymryd diddordeb mewn gweithgareddau.
 Hyrwyddo annibyniaeth a rhoi strategaethau ar waith i gydnabod a gwobrwyo cyrhaeddiad o hunan-ddibynadwyedd.
 Darparu adborth i ddisgyblion o ran cynnydd a cyrhaeddiad.
Cefnogaeth i’r Athro
 Trefnu a rheoli amgylchfyd ac adnoddau dysgu priodol.
 O fewn system cytunedig o oruchwyliaeth, cynllunio nodau addysgu a dysgu heriol i arfarnu ac addasu gwersi/cynlluniau gwaith fel bo’n briodol.
 Monitro ac arfarnu ymatebion disgyblion i weithgareddau dysgu trwy ystod o strategaethau asesu a monitro yn erbyn nodau dysgu wedi eu pennu ymlaen llaw.
 Rhoi adborth ac adroddiadau gwrthrychol a manwl-gywir fel bo angen ar gyrhaeddiad, cynnydd disgyblion a materion eraill, gan sicrhau bod tystiolaeth briodol ar gael.
 Cofnodi cynnydd a cyrhaeddiad mewn gwersi/gweithgareddau yn systematig a darparu tystiolaeth o ystod a lefel cynnydd a cyrhaeddiad.
 Gweithio o fewn polisi disgyblaeth wedi ei sefydlu i ragweld a rheoli ymddygiad gan wneud hynny ‘n gadarnhaol, hyrwyddo hunan-reolaeth ac annibyniaeth.
 Cefnogi swyddogaeth rhieni yn nysg disgyblion a cyfrannu tuag at/arwain cyfarfodydd gyda rhieni i ddarparu adborth adeiladol ynghylch cynnydd/cyrhaeddiad disgybl, ayb.
 Gweinyddu ac asesu/marcio profion a goruchwylio arholiadau/profion.
 Cynhyrchu cynlluniau gwersi, taflenni gwaith, cynlluniau, ayb.
Cefnogaeth i’r Cwricwlwm
 Trosglwyddo gweithgareddau dysgu i ddisgyblion o fewn system o oruchwyliaeth cytunedig, gan addasu gweithgareddau yn unol ag ymatebion/anghenion disgyblion.
 Cyflwyno strategaethau dysgu lleol a cenedlaethol, e.e. llythrennedd, rhifedd, blynyddoedd cynnar, a defnyddio cyfleoedd a ddarperir gan weithgareddau dysgu eraill yn effeithiol i gefnogi datblygu sgiliau disgyblion.
 Defnyddio TGCh yn effeithiol i gefnogi gweithgareddau dysgu a datblygu cymhwysedd disgyblion a gallu defnyddio TGCh yn annibynnol.
 Dethol a paratoi adnoddau sydd eu hangen ar gyfer arwain gweithgareddau dysgu, gan gymryd diddordebau a iaith a cefndir diwylliannol disgyblion i ystyriaeth.
 Cynghori ar leoliad priodol a defnydd o gymorth/adnoddau/offer arbenigol.
Cefnogaeth ar gyfer yr Ysgol
 Cydymffurfio gyda a cynorthwyo gyda datblygu polisïau a gweithdrefnau sy’n gysylltiedig ag amddiffyn plant, iechyd, diogelwch, cyfrinachedd a gwarchod data, hysbysu’r unigolyn priodol ynghylch pryderon.
Cyffredinol
 Cyfrifoldeb am hunan-ddatblygiad.
 Cydymffurfio â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y gweithle 1974 a Polisi Iechyd a Diogelwch y Cyngor.
 Gweithredu o fewn polisiau cyfleoedd cyfartal a cydraddoldeb y Cyngor.
 Cyfrifoldeb am reoli gwybodaeth yn unol â chanllawiau’r Cyngor ar reoli gwybodaeth. Sicrhau caiff gwybodaeth bersonol ei thrin yn unol â deddfwriaeth Amddiffyn Data.
 Ymrwymiad i leihau allyriadau carbon y Cyngor yn unol â’r Cynllun Rheoli Carbon, ac annog eraill i gymryd camau positif tuag at leihau allyriadau Carbon y Cyngor.
 Ymgymryd ag unrhyw ddyletswydd arall sy’n rhesymol i’w chyflawni sy’n cyfateb i lefel cyflog a lefel cyfrifoldeb y swydd.
 Ymateb i unrhyw gais rhesymol arall ar gais y Pennaeth Gwasanaeth Addysg.
Cyfrifol am hysbysu ynghylch unrhyw bryder neu amheuaeth bod plentyn neu oedolyn bregus yn cael ei gam-drin.