Swyddi ar lein
Peiriannydd Cynorthwyol SUDS
£32,909 - £34,723 y flwyddyn | Parhaol
- Cyfeirnod personel:
- 22-24816
- Teitl swydd:
- Peiriannydd Cynorthwyol SUDS
- Adran:
- Priffyrdd, Peirianneg a YGC
- Gwasanaeth:
- YGC
- Dyddiad cau:
- 06/04/2023 10:00
- Math Swydd/Oriau:
- Parhaol | 37 Awr
- Cyflog:
- £32,909 - £34,723 y flwyddyn
- Gradd tâl:
- S4
- Lleoliad(au):
- Caernarfon
Manylion
Hysbyseb Swydd
Mae gan Cyngor Gwynedd becyn cyflogaeth deniadol, am ragor o wybodaeth cliciwch ar y [Pecyn Gwybodaeth]
Mae llifogydd dŵr wyneb yn broblem ddifrifol sy’n cael effeithiau a chanlyniadau go iawn ar ein cymunedau a’n trigolion lleol. Mae’r gofynion cynyddol a roddir ar systemau anaddas sy’n heneiddio o ganlyniad i ddatblygiadau a newid hinsawdd yn achosi mwyfwy o bryder. Yn dilyn cyflwyniad diweddar Atodlen 3 Deddf Rheoli Llifogydd a Dŵr Cymru, mae Cyngor Gwynedd fel Corff Cymeradwyo SDC (CCS) wedi ymrwymo i sicrhau bod Systemau Draenio Cynaladwy (SDCau) effeithiol yn cael eu rhoi ar waith mewn perthynas â datblygiadau newydd yn y Sir.
Byddwch yn helpu yr Uwch Beiriannydd i lunio a datblygu gwasanaeth CCS effeithiol a llwyddiannus, archwilio ac adrodd ar blaniau technegol ac archwilio gwaith ar safle. Gydag agwedd a dull gweithio cadarnhaol tuag at rhwystrau, byddwch yn gweithio ar y cyd â thimau eraill y Cyngor, megis y timau Cyfreithiol, Cynllunio a Phriffyrdd, i gyflawni hyn. Yn gyfnewid, gall yr ymgeisydd llwyddiannus ddisgwyl cael eu cefnogi i ddatblygu eu sgiliau technegol, gan nodi bylchau mewn gwybodaeth neu sgiliau sy’n bwysig ar gyfer y swydd.
Mae rhywfaint o fuddion pellach o weithio i cyngor Gwynedd yn cynnwys:
- Cynllun Pensiwn Llywodraeth Lleol gyda cyfraniadau’r Cyngor yn 20.4% ar hyn o bryd.
- 25 diwrnod o wyliau blynyddol yn cynyddu i 30 yn dilyn 5 mlynedd o wasanaeth, yn ogystal a 3.5 diwrnod o wyliau statudol wedi eu ychwanegu i’ch cerdyn gwyliau ac 8 gŵyl y banc.
- Gwyliau arbennig i rhai amgylchiadau
- 37 awr gwaith yr wythnos gyda system super flexi sy’n gallu creu 14 diwrnod o wyliau flexi ychwanegol y flwyddyn.
- Gweithio’n hyblyg i gynorthwyo cydbwysedd bywyd a gwaith.
Mae Cyngor Gwynedd yn gweithredu’n fewnol trwy gyfrwng y Gymraeg ac yn cynnig ei holl wasanaethau yn ddwyieithog. Bydd angen i’r ymgeisydd gyrraedd y lefel ieithyddol sy’n cael ei nodi fel un o’r sgiliau hanfodol yn y Manylion Person.
Rydym yn annog pob ymgeisydd am swydd gyda’r Cyngor i gyflwyno ceisiadau yn Gymraeg neu yn ddwyieithog.
(Bydd ceisiadau sydd yn cael eu cyflwyno yn uniaith Gymraeg neu Saesneg yn cael eu trin yn gwbl gyfartal, ond gofynnir i’r ymgeisydd ystyried yn ofalus beth yw gofynion iaith y swydd a’r sefydliad ac a fyddai cyflwyno cais yn uniaith Gymraeg yn fwy addas.)
Am sgwrs anffurfiol gellir cysylltu â Owain Ellis Griffith ar 01758 704 113
Rhagwelir cynnal cyfweliadau, dyddiadau i'w gadarnhau.
Ffurflenni cais a manylion pellach gan Gwasanaeth Cefnogol, Cyngor Gwynedd, Swyddfa'r Cyngor, Stryd y Jêl, Caernarfon, LL55 1SH
Ffôn: 01286 679076
E-Bost: swyddi@gwynedd.llyw.cymru
DYDDIAD CAU: 10.00 O’R GLOCH, DYDD IAU, 06.04.2023
Os yn llwyddiannus i fod ar y rhestr fer am gyfweliad, byddwn yn cysylltu a chwi drwy’r
cyfeiriad E-BOST a gofnodwyd gennych ar eich ffurflen gais. Mae angen i chwi sicrhau eich bod yn gwirio eich E-BOST yn rheolaidd.
Manylion Person
NODWEDDION PERSONOL
HANFODOL
- Y gallu i weithio dan bwysau ac fel rhan o dîm.
- Sgiliau rhyngbersonol a chyfathrebu rhagorol i ryngweithio â staff, asiantau a'r cyhoedd.
- Yn rhagweithiol wrth gadw'n drefnus ac yn brysur yn y gwaith.
- Yn rhagweithiol yn eich datblygiad personol eich hun.
DYMUNOL
---
CYMWYSTERAU A HYFFORDDIANT PERTHNASOL
HANFODOL
- HNC mewn amgylchedd adeiledig neu brofiad diwydiant perthnasol o faterion traenio.
DYMUNOL
- Gradd mewn amgylchedd adeiledig
- I Eng, CIWEM neu gymhwyster tebyg.
PROFIAD PERTHNASOL
HANFODOL
- Gwybodaeth am faterion adeiladu sy'n gysylltiedig â systemau draenio dŵr wyneb a'r amgylchedd adeiledig.
- Profiad o weithio gyda chynlluniau draenio dŵr wyneb, hydroleg, peirianneg sifil.
- Profiad o archwilio gwaith adeiladu ar y safle i sicrhau cydymffurfiad â chynlluniau cymeradwy.
DYMUNOL
- Y gallu i graffu ar gymwysiadau technegol yn erbyn safonau cenedlaethol a diwydiant.
- Profiad o ddeall a fetio lluniadau a manylebau technegol.
- Profiad o gynorthwyo gyda chyflawni prosiect.
SGILIAU A GWYBODAETH ARBENIGOL
HANFODOL
- Gwybodaeth o safonau technegol.
- Sgiliau TG.
- Profiad o weithio fel rhan o dîm.
- Y gallu i weithio gyda chwsmeriaid a'u cynrychiolwyr i gyflawni'r canlyniadau a ddymunir.
- Trwydded yrru
DYMUNOL
- Profiad o weithio o fewn Atodlen 3 o ddeddf rheoli llifogydd a dŵr 2010
- Gwybodaeth am ddeddfwriaeth Systemau Draenio Cynaladwy (SDC)
- Nodi blaenoriaethau o fewn rhaglenni gwaith.
- Gwybodaeth am ddyletswyddau a chyfrifoldebau CDM
- Gwybodaeth am feddalwedd cyfrifo draenio fel Microdrainage
ANGHENION IEITHYDDOL
Gwrando a Siarad - Uwch
Gallu dilyn sgwrs neu drafodaeth drwy gyfrwng y Gymraeg a’r Saesneg ar lefel broffesiynol a thrafod pynciau cyffredinol bob dydd yn y maes er mwyn cyflwyno gwybodaeth a mynegi barn. Gallu darparu cyflwyniad wedi'i baratoi o flaen llaw ac ymateb i unrhyw sylwadau a chwestiynau arno drwy gyfrwng y Gymraeg a’r Saesneg.
Darllen a Deall - Uwch
Gallu deall Cymraeg a Saesneg ysgrifenedig safonol, ffurfiol ac anffurfiol. Medru casglu gwybodaeth o amrywiol ffynonellau megis llythyrau, adroddiadau, erthyglau, drwy gyfrwng y Gymraeg a’r Saesneg er mwyn cyflawni'r swydd.
Ysgrifennu - Uwch
Cyflwyno gwybodaeth ysgrifenedig gyda hyder ar ffurf llythyr, adroddiad mwy manwl a thechnegol ac ymateb i geisiadau ysgrifenedig gan gyfleu gwybodaeth, syniadau a barn drwy gyfrwng y Gymraeg a’r Saesneg. (Mae'n bosib cael cymorth i wirio'r iaith)
Swydd Ddisgrifiad
PWRPAS Y SWYDD
- Sicrhau bod pobl Gwynedd yn ganolog i bopeth rydym yn ei wneud.
- Cynorthwyo i reoli prosiectau, dan arweiniad Uwch Beiriannydd Prosiectau, Uwch Beiriannydd Technegol, Prif Beiriannydd neu Reolwr yr Uned, i sicrhau bod gofynion penodol y briff, a ddarperir gan y Cleient o ran costau, amser ac ansawdd, yn cael eu cyflwyno’n llwyddiannus.
- Datblygu gallu personol mewn materion technegol a dylunio.
- Defnyddio technegau a systemau rheoli prosiect (e.e. Gweithdrefn Rheoli Prosiect YGC, PRINCE2, Llawlyfr Rheoli Prosiect y Cyngor ac ati) i sicrhau bod YGC yn ymrwymo’n llawn i fodloni anghenion Cleientiaid i ddarparu gwerth am arian gan weithredu ar sail fasnachol ac addasu’i hun i gystadlu’n effeithiol.
- Cynorthwyo i reoli timau prosiect hyblyg, o fewn yr Uned a’r Gwasanaeth yn gyffredinol, a bod yn rhan a rhoi cefnogaeth i aelodau’r tîm
- Cynorthwyo â rheolaeth ariannol prosiectau a rhoi adborth ariannol i'r Uwch Beiriannydd Prosiectau / Uwch Beiriannydd Technegol / Prif Beiriannydd / Rheolwr yr Uned ar faterion prosiect fel bo'r angen
- Ymgymryd â dyletswyddau Cyrnychiolydd / Goruchwyliwr Peirianwyr ar brosiectau adeiladu dan arweiniad Uwch Beiriannydd Prosiectau, Uwch Beiriannydd Technegol, Prif Beiriannydd neu Reolwr yr Uned.
- Cynorthwyo i ddatrys materion cytundebol gyda sefydliadau megis contractwyr ac ymgynghorwyr.
- Bod yn ymwybodol o, a gweithredu gweithdrefnau newydd a gyflwynwyd yn unol â pholisïau a gweithdrefnau'r Cyngor ynghyd â datblygiadau cenedlaethol.
- Bod yn ymwybodol o holl fentrau'r Llywodraeth / UE a'u goblygiadau
- Cyflawni gofynion deddfwriaeth iechyd a diogelwch ac amgylcheddol.
CYFRIFOLDEB AM SWYDDOGAETHAU
- Canfod a chynnal y wybodaeth ddiweddaraf ynglŷn ag:-
- arfer gorau cyfredol o ran materion dylunio
- dull caffael ar gyfer prosiectau isadeiledd
- safonau a datblygiadau technegol (gan gynnwys y dechnoleg gyfredol), a chyfrifoldebau proffesiynol a statudol (gan gynnwys e.e. y rhai dan Ddeddf Iechyd a Diogelwch yn y Gwaith ac ati 1974, Deddf Adeiladu 1984, Deddf Bywyd Gwyllt a Chefn Gwlad 1982, Rheoliadau Cynefinoedd 1994 a Rheoliadau addas e.e. rheoliadau CDM) a’u cymhwysiad i’r gwaith a’r swyddogaethau sy’n cael eu gweithredu.
- Goruchwylio staff eilaidd.
- Dirprwyo i’r rheolwr yn ei h/absenoldeb.
- Sicrhau bod YGC yn ateb gofynion y Cyngor.
- Cynorthwyo â rheolaeth ariannol prosiectau
- Sicrhau y caiff holl daflenni amser a chymeradwyaeth staff eu cwblhau yn unol â gweithdrefnau YGC.
- Disgwylir i ddeilydd y swydd gydymffurfio â gofynion Iechyd a Diogelwch a chydweithredu â chynrychiolydd Iechyd a Diogelwch YGC.
- Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau yr ymdrinnir â gwybodaeth bersonol mewn modd sy’n cydymffurfio â deddfwriaeth diogelu data.
PRIF DDYLETSWYDDAU
- datblygu a chynnal perthynas broffesiynol gyda chleientiaid.
- paratoi amcangyfrifon costau, cynnal asesiadau risg, cynllunio gofynion staff archwilio, cynhyrchu rhaglenni a rhagolygon gwariant. Monitro cynnydd gwirioneddol yn erbyn y rhagolygon a chymryd camau adferol angenrheidiol.
- Cwblhau Asesiadau Archwiliad Isadeiledd Priffyrdd/Arfordirol a gwaith cynnal a chadw.
- Bod yn weithredol yn natblygiad a monitro'r Busnes
- Cynllunio i sicrhau bod yr Uned yn perfformio ar ei gorau ac y cyflawnir prif dargedau.
- gweithredu fel Goruchwyliwr gwaith ar safleoedd adeiladu pan fo'r angen a chwblhau cyfrifoldebau a dyletswyddau dirprwyedig yn briodol.
- cynorthwyo i ddatblygu a chynnal y ddogfen contract model
- ymgymryd â'r dyletswyddau sy'n ofynnol dan Reoliadau CDM.
- Cynorthwyo i reoli prosiectau, dan arweiniad Uwch Beiriannydd Prosiectau, Uwch Beiriannydd Technegol, Prif Beiriannydd neu Reolwr yr Uned, a gweithredu fel rheolwr prosiect ar gynlluniau cymharol fychan a syml.
- cynnal astudiaethau dichonoldeb, casglu data, ymchwiliadau cychwynnol, asesiadau technegol, a gweithdrefnau dylunio, gweinyddol, ansawdd ac ariannol ar gyfer gwaith fydd yn cael ei wneud ar ran y Cleient.
- Sicrhau bod prosiectau yn cydymffurfio â deddfwriaeth a rheoliadau iechyd a diogelwch ac amgylcheddol.
- goruchwylio rheolaeth ariannol, weinyddol a thechnegol gwaith adeiladu, ymchwilio, asesu neu waith cynnal a chadw a wneir ar ran y Cleient. Cynorthwyo wrth ddatrys materion cytundebol ar ran cleientiaid.
- gweithredu a rheoli systemau a meddalwedd cyfrifiadurol mewn pethynas â dylunio. Cysylltu ag Uned Fusnes YGC.
- Cysylltu â gwasanaethau eraill, cyfadrannau eraill, Aelodau’r Cyngor, ymgymerwyr statudol, awdurdodau eraill, sefydliadau allanol, ac unigolion sy’n ymwneud â holl agweddau’r gwaith.
- goruchwylio ac arwain gwaith a datblygiad staff eilaidd.
- adrodd i uwch staff, a derbyn cyfarwyddiadau ganddynt.
- dyletswyddau gweinyddol a phroffesiynol eraill sy’n berthnasol, ac yn gymesur ag awdurdod y swydd.
- Cyfrifol am hunan ddatblygiad.
- Sicrhau cydymffurfiaeth â rheolau Iechyd a Diogelwchyn y gweithle yn unol â’r cyfrifoldebau a nodir yn Neddf Iechyd a Diogelwch yn y Gwaith 1974 a Pholisi Iechyd a Diogelwch y Cyngor.
- Gweithredu oddi mewn i bolisïau a gweithdrefnau’r Cyngor yng nghyswllt cyfle cyfartal a chydraddoldeb.
- Cyfrifoldeb am reoli gwybodaeth yn unol â chanllawiau rheoli gwybodaeth y Cyngor. Sicrhau yr ymdrinnir â gwybodaeth bersonol mewn modd sy’n cydymffurfio â deddfwriaeth Diogelu Data.
- Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithio'n gadarnhaol tuag at leihau ôl-troed carbon y Cyngor.
- Ymgymryd ag unrhyw ddyletswydd arall rhesymol sy’n cyfateb â lefel cyflog a lefel cyfrifoldeb y swydd.
- Cyfrifoldeb i adrodd am unrhyw bryder neu amheuaeth bod plentyn neu oedolyn bregus yn cael ei gam-drin
AMGYLCHIADAU ARBENNIG
- Rheoli gwariant ei hun ar brosiectau.
- y gallu i weithio dan bwysau. Gallu ysgogi staff er mwyn sicrhau llwyddiant YGC.
- Yr angen i weithio tu allan i oriau swyddfa mewn Ymchwiliadau Cyhoeddus, ymgynghoriadau, arddangosiadau a chyfarfodydd y Cyngor a phan fyddwch yn cael eich galw allan i sefyllfaoedd argyfwng
