Swyddi ar lein
Warden Gorfodaeth Stryd - Cyf: 22-24813
£27,344 - £29,439 y flwyddyn | Parhaol
- Teitl swydd:
- Warden Gorfodaeth Stryd
- Adran:
- Priffyrdd, Peirianneg a YGC
- Dyddiad cau:
- 30/03/2023 10:00
- Math Swydd/Oriau:
- Parhaol | 37 Awr
- Cyflog:
- £27,344 - £29,439 y flwyddyn
- Gradd tâl:
- S2
- Lleoliad(au):
- Depo Priffyrdd Caernarfon
Manylion
Hysbyseb Swydd
Mae gan Cyngor Gwynedd becyn cyflogaeth deniadol, am ragor o wybodaeth cliciwch ar y [Pecyn Gwybodaeth](https://www.gwynedd.llyw.cymru/cy/cyngor/swyddi/gweithio-i-ni.aspx)Mae Cyngor Gwynedd yn gweithredu’n fewnol trwy gyfrwng y Gymraeg ac yn cynnig ei holl wasanaethau yn ddwyieithog. Bydd angen i’r ymgeisydd gyrraedd y lefel ieithyddol sy’n cael ei nodi fel un o’r sgiliau hanfodol yn y Manylion Person.
Rydym yn annog pob ymgeisydd am swydd gyda’r Cyngor i gyflwyno ceisiadau yn Gymraeg neu yn ddwyieithog.
(Bydd ceisiadau sydd yn cael eu cyflwyno yn uniaith Gymraeg neu Saesneg yn cael eu trin yn gwbl gyfartal, ond gofynnir i’r ymgeisydd ystyried yn ofalus beth yw gofynion iaith y swydd a’r sefydliad ac a fyddai cyflwyno cais yn uniaith Gymraeg yn fwy addas.)
Am sgwrs anffurfiol gellir cysylltu â Peter Simpson ar 07500973964Rhagwelir cynnal cyfweliadau i’w gadarnhau
Ffurflenni cais a manylion pellach gan Gwasanaeth Cefnogol, Cyngor Gwynedd, Swyddfa'r Cyngor, Stryd y Jêl, Caernarfon, LL55 1SH
Ffôn: 01286 679076
E-Bost: swyddi@gwynedd.llyw.cymruDYDDIAD CAU: 10.00 O’R GLOCH, DYDD IAU, 30/03/2023
Os yn llwyddiannus i fod ar y rhestr fer am gyfweliad, byddwn yn cysylltu a chwi drwy’r
cyfeiriad E-BOST a gofnodwyd gennych ar eich ffurflen gais. Mae angen i chwi sicrhau eich bod yn gwirio eich E-BOST yn rheolaidd.
Manylion Person
Nodweddion personol
Hanfodol
Gallu i gydweithio fel rhan o dim
Dymunol
Profiad ymdrin ag ymholiadau gan y cyhoedd
Cymwysterau a hyfforddiant perthnasol
Hanfodol
3 TGAU
Dymunol
Lefel A neu gymhwyster mewn maes amgylcheddol
Profiad perthnasol
Hanfodol
Ymwybyddiaeth o waith gorfodaeth stryd a/neu rheoli gwastraff
Dymunol
Profiad o waith rheoli gwastraff, gorfodaeth stryd neu lywodraeth leol
Sgiliau a gwybodaeth arbenigol
Hanfodol
Gallu i gyfathrebu’n effeithiol
Dymunol
Sgiliau cyfrifadurol megis defnyddio rhaglenni ‘Word / Excel’
Anghenion ieithyddol
Hanfodol
Gwrando a Siarad - Lefel Canolradd
Gallu cynnal sgwrs rwydd ar nifer o bynciau amrywiol bob dydd, a thrafod achosion sy’n ymwneud â’r maes gwaith.Gallu dilyn trafodaeth yn y Gymraeg, mewn Cymraeg Clir, ar faterion cyfarwydd yn ymwneud â’r swydd. Gallu cyfrannu at y sgwrs ac ateb cwestiynau.
Darllen a Deall - Lefel Canolradd
Deall gohebiaeth bob dydd ar faterion cyfarwydd yn y gwaith.Deall adroddiadau hirach mewn Cymraeg Clir a medru codi’r prif bwyntiau. ( Mae’n bosib y bydd angen cymorth gyda geirfa.)
Ysgrifennu - Lefel Canolradd
Gallu ysgrifennu llythyrau i bwrpas penodol, negeseuon ebost ac adroddiadau byr drwy gyfrwng y Gymraeg a’r Saesneg gan ddefnyddio geirfa ac ymadroddion syml sy'n gyfarwydd i'r maes gwaith. (Bydd angen eu gwirio cyn eu hanfon allan).
Swydd Ddisgrifiad
Pwrpas y swydd
•Sicrhau bod pobl Gwynedd yn ganolog i bopeth yr ydym yn ei wneud.
•Cynorthwyo i sicrhau trefniadau gorfodaeth effeithiol ac effeithlon ar gyfer gwasanaethau stryd a rheoli gwastraff yn unol â deddfwriaeth amgylcheddol berthnasol, er mwyn lleihau troseddau amgylcheddol i wella ansawdd yr amgylchedd lleol.
Cyfrifoldeb am adnoddau e.e. staff, cyllid, offer
•Bod yn gyfrifol am gadw, gofalu a chynnal offer sy’n gysylltiedig â’r dyletswyddau a nodwyd (e.e. cyfrifiaduron llaw, ffôn symudol, camerâu TCC cudd a TCC personol, offer gosod arwyddion a cherbyd y Cyngor)
Prif ddyletswyddau
•Cynorthwyo’r Swyddog Gorfodaeth Gwastraff a Strydoedd i weithredu strategaethau a pholisïau perthnasol i Wasanaethau Stryd, Rheoli Gwastraff a Rheoli Cŵn.
•Awdurdod i weithredu pwerau Deddf Gwarchod yr Amgylchedd 1990, Deddf Ymddygiad Gwrthgymdeithasol, Trosedd a Phlismona 2014, Deddf yr Heddlu a Thystiolaeth Droseddol 1984 a rheoliadau a phwerau gorfodaeth eraill sy’n gysylltiedig â pherthnasol i Wasanaethau Stryd, megis sbwriel a throseddau amgylcheddol eraill, achosion tipio, rheoli gwastraff, polisi cynwysyddion gwastraff, dyletswydd gofal gwastraff, a gorchmynion diogelu mannau cyhoeddus, sef rheoli cŵn.
•Prosesu data personol tystion a throseddwyr yn unol â deddfwriaeth berthnasol
•Patrolio ar ac oddi ar y stryd, un ai ei hunan neu fel rhan o dîm. Patrolio ar droed ond efallai y bydd angen defnyddio cerbyd hefyd.
•Cyflwyno Hysbysiadau Cosb Benodol (HCP) yn y man, yn ysgrifenedig, neu drwy ddefnyddio cyfrifiaduron llaw, yn unol â chyfarwyddiadau, gweithdrefnau a’r canllawiau cyfredol.
•Cwblhau’n gydwybodol ac yn gyson, gyda thystiolaeth, pob HCP a gyflwynir a digwyddiadau eraill cysylltiol.
•Defnyddio offer TCC personol i fonitro a chofnodi’r cyhoeddiad o HCP.
•Mynychu gwrandawiadau dyfarnu fel tyst ar ran y Cyngor fel bo’r gofyn a fydd, efallai, yn gofyn am dystiolaeth ysgrifenedig.
•Defnydd o feddalwedd sy’n berthnasol i ddyletswyddau’r swydd e.e. DEMS Uploader (TCC Personol), FlyMapper (Taclo Tipio Cymru) a Ffos Symudol.
•Ymateb yn gwrtais i ymholiadau gan y cyhoedd a, lle bo’r angen, rhoi cymorth a chyngor ar bolisi a gweithdrefnau’r Cyngor ynghylch Gwasanaethau Stryd.
•Cynnal archwiliadau, ymholiadau a chyfweliadau anffurfiol ar safle i ymchwil troseddau amgylcheddol, megis sbwriel, tipio anghyfreithlon, baw cŵn a graffiti a defnyddio Cyfrifiadur Cenedlaethol yr Heddlu (PNC) i ddarganfod gwybodaeth fel bo’r angen.
•Cynorthwyo’r Swyddog Gorfodaeth Gwastraff a Strydoedd i gynnal cyfweliadau gwirfoddol ffurfiol dan rybudd yn unol â deddfwriaeth berthnasol.
•Cymryd datganiadau gan dystion a chynorthwyo i baratoi ffeiliau achos troseddol ar gyfer erlyniadau yn y Llys.
•Gosod a chamerâu cudd i fonitro achosion tipio a baw cŵn mewn lleoliadau problemus mewn cydymffurfiaeth a’r ddeddfwriaeth berthnasol (Deddf Rheoleiddio Pwerau Ymchwilio 2000)
•Cynorthwyo i wireddu’r polisi cynwysyddion gwastraff, yn cynnwys monitro ar safle, adnabod yr angen i’r swyddfa cefn llythyru trigolion a busnesau a gwaith gorfodaeth ddilynol yn gysylltiedig â’r siart llif a matrics risg.
•Ymateb ar safle i geisiadau am wasanaeth (e.e. Ffos ac ymholiadau cynghorau cymuned) yn ymwneud a throseddau amgylcheddol a diweddaru’r swyddfa cefn ar statws safle, gan gynnwys adnabod yr angen am weithred bellach, e.e. adrodd yn ôl ar yr angen am waith glanhau ymatebol.
•Adrodd yn ôl a chadw mewn cysylltiad yn rheolaidd gyda’r Swyddog Gorfodaeth Gwastraff a Strydoedd a’r swyddfa cefn.
•Gosod arwyddion rhybudd ar safle (e.e. rheoli cŵn a thipio).
•Gosod biniau baw cŵn ar safle yn unol â chyfarwyddyd y Swyddog Gorfodaeth Gwastraff a Strydoedd.
•Cynorthwyo gydag ymgyrchoedd codi ymwybyddiaeth achlysurol, e.e. ymgyrchoedd baw cwn, gwiriadau stopio cludwyr gwastraff gyda’r Heddlu.
•Cynorthwyo i wireddu’r rhaglen gosod biniau stryd a baw ci gan gynnwys adnabod lleoliadau, gwirio a chymeradwyo’r gwaith.
•Bod yn bersonol ddestlus ac ymddangos yn broffesiynol, sicrhau y gwisgir yr iwnifform bob amser ar ddyletswydd a’i bod yn cael ei chynnal yn lân ac yn daclus.
•Cwblhau dyletswyddau gweinyddol a phroffesiynol eraill sy’n gydnaws a statws y swydd.
•Cynorthwyo i fonitro defnydd a wneir o’r gwasanaeth masnachol gan fusnesau er sicrhau cydlyniad ar y cytundebau masnachol gyda’r Cyngor.
•Cynorthwyo i gydgordio gweithgareddau gorfodaeth troseddau amgylcheddol gan gynnwys cyd-weithio gyda swyddogion mewn adrannau eraill y Cyngor.
•Cynorthwyo i weithio mewn partneriaeth gyda sefydliadau eraill e.e. Heddlu, Cyfoeth Naturiol Cymru (Taclo Tipio Cymru), Cadw’n Gymru’n Daclus a grwpiau cymunedol.
•I gyfrannu'n gadarnhaol at gyflawni amcanion a thargedau tîm.
•Cyfrifoldeb am hunan ddatblygiad
•Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
•Gweithredu o fewn polisïau’r Cyngor yng nghyswllt cyfle cyfartal a chydraddoldeb.
•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
•Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
•Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
•Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin
Amgylchiadau arbennig
•Bydd gofyn achlysurol i ddeilydd y swydd weithio oriau anghymdeithasol, e.e. yn ystod y cyfnodau brig, ar benwythnosau, gwyliau banc ac efallai y bydd raid gweithio oriau ychwanegol neu newid patrymau gwaith er mwyn sicrhau y bydd digon o adnoddau ar gael i foddhau gofynion gorfodaeth.
•Trwydded yrru gyfredol lawn a dilys.
•Ar adegau bydd gofyn i ddeilydd y swydd bod yn weithredol yn pob rhan o Wynedd.