Pwrpas y Swydd.
 • Sicrhau bod pobl Gwynedd yn ganolog i bopeth yr ydan ni yn ei wneud.
• Helpu plant, pobl ifanc a’u teuluoedd i ffynu gan weithio’n integredig ac yn aml asiantaethol i sicrhau fod gwasanaethau holistic ac o ansawdd uchel yn cael eu darparu i deuluoedd Gwynedd sy’n seiliedig ar y ‘Safonau Galwedigaethol Cenedlaethol ar gyfer Gwaith gyda Rhieni.’ 
• Ymgysylltu â rhieni mewn gweithgareddau gwaith unigol a grŵp i'w cynorthwyo i wella eu sgiliau rhiantu.
 
Cyfrifoldeb am Adnoddau. . e.e. staff, cyllid, offer
 Offer ac adnoddau cyrsiau.
 Offer TG – Laptop a ffôn symudol
 
Prif Ddyletswyddau.
 • Cynllunio, darparu ac arwain ar gynnig ystod o ymyraethau rhiantu a chefnogi teuluoedd sy’n seiliedig ar fframwaith ‘ Rhiantu Yng Nghymru – Canllawiau ar Ymgysylltiad a Chymorth.’ Bydd hyn yn cynnwys:
1. Rhaglenni rhiantu sy’n seiliedig ar dystiolaeth.
2. Cymorth Unigol i deuluoedd.
3. Rhaglenni rhiantu anffurfiol strwythuredig
4. Cymorth anffurfiol galw heibio.
• Adnabod ac asesu galw gan sicrhau mai'r hyn sydd yn bwysig i’r teulu sydd yn ganolog i bob dim a bod ymateb i’r angen hyn wedi ei deilwra mewn partneriaeth a'r teulu mewn ffordd bositif ac adeiladol ac yn seiliedig ar asesiad neu gynllun teulu cynhwysfawr.
• Cydnabod mai’r rhiant/plentyn yw’r arbenigwyr ar eu bywydau a’u cynorthwyo i nodi beth fyddai yn eu helpu ac adeiladu ar eu cryfderau a’u sgiliau drwy ddefnyddio sgiliau cymhelliant a chyfweld ysgogiadol.
• Cydlynu darpariaeth cyrsiau a grwpiau drwy:
I. Cynefino a’r ystod o raglenni sydd ar gael i gefnogi teulu gan weithredu arlwy o ymyraethau gan ddefnyddio’r ymyrraeth fwyaf effeithiol a phwrpasol i gyd-fynd gydag anghenion y teuluoedd
II. Cydgordio cyfeiriadau a rhestrau aros ar gyfer cyrsiau/grwpiau a chadw deialog agored am hyn gyda chyfeirwyr, rhieni a rheolwyr.
III. Adnabod lleoliadau addas a chynnal asesiadau risg.
IV. Adnabod a threfnu darpariaeth gofal plant o safon uchel mewn cydweithrediad a rhieni.
V. Cydgordio asesiadau cychwynnol a chau er mwyn mesur pellter a deithiwyd.
VI. Sicrhau fod trafnidiaeth addas a diogel yn cael ei drefnu ar gyfer mynychwyr.
VII. Defnyddio sgiliau arwain grŵp cadarnhaol i sicrhau fod cyrsiau a grwpiau yn rhedeg yn effeithiol ac yn bodloni canllawiau a rheolau ffyddlondeb rhaglenni yn y maes rhiantu.
• Gweithio fel rhan o dîm aml disgyblaethol integredig gan barchu sgiliau, arbenigedd a chyfraniad cyd-weithwyr. Cymryd cydberchnogaeth dros sicrhau gweithio mewn modd integredig.
• Cydweithio gyda’r cyfeirwyr gwasanaeth fel y Cydlynwyr TAT a Dechrau’n Deg i sicrhau fod y tîm cefnogi teulu yn cyfrannu i gynlluniau gofal a chefnogaeth i sicrhau bod y ddarpariaeth rhiantu yn cyfarfod ac anghenion yr unigolyn.
• Mynychu a chyfrannu’n weithredol at ystod o gyfarfodydd, digwyddiadau a seminarau sy’n rhoi sylw i faterion sy’n gysylltiedig â datblygiad yn y maes rhiantu a chefnogi teuluoedd er mwyn rhaeadru’r wybodaeth ddiweddaraf ynglŷn â materion a meddylfryd cyfredol.
• Mewn cydweithrediad a chydweithwyr priodol marchnata’r gwaith y tîm gan wneud defnydd o rwydweithiau cymdeithasol a Hwb Teuluoedd Gwynedd.
• Cydweithio i sefydlu a chynnal systemau i fonitro’r ddarpariaeth drwy fesur effaith y rhaglenni a sicrhau systemau rheoli perfformiad effeithiol. Cynhyrchu gwybodaeth ac adroddiadau data mewn modd amserol a thaclus a sicrhau y bodlonir yr holl ofynion adrodd perfformiad.
• Cyfrifoldeb am hunan ddatblygiad
• Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
• Gweithredu o fewn polisïau’r Cyngor yng nghyswllt cyfle cyfartal a chydraddoldeb.
• Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
• Ymrwymiad i leihau allyriadau carbon y Cyngor yn unol â’r Cynllun Rheoli Carbon ac i annog eraill i weithredu’n gadarnhaol tuag at leihau ôl-troed carbon y Cyngor.
• Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
• Cyfrifoldeb i adrodd ar bryder neu amheuaeth bod plentyn neu oedolyn bregus yn cael ei gam-drin.

 Amgylchiadau Arbennig. . e.e. angen i weithio oriau anghymdeithasol, trefniadau gwaith arbennig, a.y.y.b.
37 awr yr wythnos 
Yn achylusrol bydd angen gweithio oriau anghymdeithasol
 
Dim ond amlinelliad o ddyletswyddau’r swydd a ddangosir uchod, a hynny er mwyn rhoi syniad o’r lefel cyfrifoldeb sydd ynghlwm â hi. Nid yw’r swydd ddisgrifiad hon yn fanwl gynhwysfawr, ac fe all dyletswyddau’r swydd newid o bryd i’w gilydd heb newid ei natur sylfaenol a’r lefel cyfrifoldeb.