Cyngor GwyneddSwyddi ar lein
Peiriannydd Prosiect Llifogydd / Modelwr Hydrolig - Cyf: 22-24772
£35,411 - £37,261 y flwyddyn | Parhaol
- Teitl swydd:
- Peiriannydd Prosiect Llifogydd / Modelwr Hydrolig
- Adran:
- Priffyrdd, Peirianneg a YGC
- Gwasanaeth:
- YGC
- Dyddiad cau:
- 23/03/2023 10:00
- Math Swydd/Oriau:
- Parhaol | 37 Awr
- Cyflog:
- £35,411 - £37,261 y flwyddyn
- Gradd tâl:
- PS1
- Lleoliad(au):
- Dolgellau
Manylion
Hysbyseb Swydd
Buddion o weithio i YGC
Dyma rhai o’r buddion mwyaf poblogaidd o weithio i YGC:
- Gweithio o adref - mae’r opsiwn i weithio o adref ar gael i ran fwyaf, yn ddibynnol ar gytundeb. Gweithiwch o adref trwy’r wythnos, neu rhai diwrnodiau o adref a rhai yn y swyddfa. Mae’r bydd yma gydag amodau - cysylltwch am fwy o fanylion.
- Cynllun ‘Super’ Flecsi - gweithiwch eich oriau cytundebol unrhyw adeg rhwng 7yb a 10yh, oddi fewn yr wythnos 7 diwrnod. Mae’r bydd yma gydag amodau, a hefyd yn ddibynnol ar gytundeb - cysylltwch am fwy o fanylion.
- Yr opsiwn i weithio rhan amser, ac/neu rannu swydd.
- Cynllun Pensiwn Llywodraeth Leol
- Cynllun Beicio i Waith, ymysg nifer o fuddion eraill.
Mae gan Cyngor Gwynedd becyn cyflogaeth deniadol, am ragor o wybodaeth cliciwch ar y Pecyn Gwybodaeth
Mae Cyngor Gwynedd yn gweithredu’n fewnol trwy gyfrwng y Gymraeg ac yn cynnig ei holl wasanaethau yn ddwyieithog. Bydd angen i’r ymgeisydd gyrraedd y lefel ieithyddol sy’n cael ei nodi fel un o’r sgiliau hanfodol yn y Manylion Person.
Rydym yn annog pob ymgeisydd am swydd gyda’r Cyngor i gyflwyno ceisiadau yn Gymraeg neu yn ddwyieithog.
(Bydd ceisiadau sydd yn cael eu cyflwyno yn uniaith Gymraeg neu Saesneg yn cael eu trin yn gwbl gyfartal, ond gofynnir i’r ymgeisydd ystyried yn ofalus beth yw gofynion iaith y swydd a’r sefydliad ac a fyddai cyflwyno cais yn uniaith Gymraeg yn fwy addas.)
Am sgwrs anffurfiol gellir cysylltu â Petra Irvine ar (01286) 679182
Dyddiad Cyfweliadau i’w gadarnhau.
Ffurflenni cais a manylion pellach gan , Gwasanaeth Cefnogol, Cyngor Gwynedd, Swyddfa'r Cyngor, Stryd y Jêl, Caernarfon, LL55 1SH
Ffôn: 01286 679076
E-bost: Swyddi@gwynedd.llyw.cymru
DYDDIAD CAU: 10.00 O’R GLOCH, DYDD IAU, 23 MAWRTH, 2023
Os yn llwyddiannus i fod ar y rhestr fer am gyfweliad, byddwn yn cysylltu a chwi drwy’r cyfeiriad E-BOST a gofnodwyd gennych ar eich ffurflen gais. Mae angen i chwi sicrhau eich bod yn gwirio eich E-BOST yn rheolaidd.
Manylion Person
NODWEDDION PERSONOL
HANFODOL
Y gallu i weithio fel rhan o dîm.
Y gallu i weithio dan bwysau, ac addasu i anghenion busnes.
Y gallu i ysgogi staff iau.
Y gallu i gynrychioli a hyrwyddo YGC fel busnes.
DYMUNOL
Gallu hyfforddi / datblygu aelodau o staff.
CYMWYSTERAU A HYFFORDDIANT PERTHNASOL
HANFODOL
Gradd neu HNC mewn pwnc peirianneg / amgylcheddol, neu brofiad cyfwerth.
DYMUNOL
Cymwysterau proffesiynol i statws Eng Tech, neu gyfwerth.
PROFIAD PERTHNASOL
HANFODOL
Profiad a dealltwriaeth o Risg Llifogydd a/neu egwyddorion Draenio.
Profiad o ddefnyddio meddalwedd GIS megis ArcGIS a QGIS.
DYMUNOL
Profiad mewn dulliau modelu 1D a 2D ar gyfer afonydd a llifogydd trefol.
Profiad mewn meddalwedd modelu hydrolig megis MIKE, HEC-RAS a Flood Modeller.
Profiad o reoli a gweinyddu prosiectau.
Profiad o weithio gyda risg llifogydd neu fodelau draenio.
SGILIAU A GWYBODAETH ARBENIGOL
HANFODOL
Profiad o reoli prosiectau.
Profiad o ddatblygu aelodau llai profiadol o'r tîm prosiect.
Profiad a dealltwriaeth o raglenni prosiectau.
Gwybodaeth o reoliadau iechyd, diogelwch ac amgylcheddol.
Dealltwriaeth o Hydroleg a/neu Hydroligau.
DYMUNOL
Gwybodaeth am safonau technegol a deddfwriaeth berthnasol.
Gwybodaeth am Ganllawiau Achos Busnes Risg Llifogydd Llywodraeth Cymru.
Sgiliau cryf mewn systemau TG hydroleg, risg llifogydd neu draenio.
GOFYNION IAITH
HANFODOL
Gwrando a Siarad - Lefel Uwch
Yn gallu dilyn sgwrs neu drafodaeth ar lefel broffesiynol yn y Gymraeg a’r Saesneg a thrafod pynciau gwaith cyffredinol er mwyn cyfleu gwybodaeth a rhoi barn. Yn gallu rhoi cyflwyniad wedi ei baratoi ymlaen llaw ac ymateb i unrhyw sylwadau a chwestiynau arno yn y Gymraeg neu'r Saesneg.
Darllen a Deall - Canolradd
Yn deall gohebiaeth bob dydd ar faterion cyfarwydd yn y gwaith. Yn deall adroddiadau hwy mewn Cymraeg Clir ac yn gallu deall y prif bwyntiau. (Efallai y bydd angen cymorth gyda'r eirfa.)
Ysgrifennu – Canolradd
Yn gallu ysgrifennu llythyrau ar gyfer dibenion penodol, e-bost ac adroddiadau byr yn y Gymraeg a’r Saesneg gan ddefnyddio brawddegau syml ac ymadroddion sy’n gyfarwydd i waith yr unigolyn. (Bydd angen gwirio’r rhain cyn eu hanfon allan.)
Dylid disgrifio'r nodweddion hynny a ddisgwylir gan ddeilydd y swydd. Dylid defnyddio'r rhain fel meini prawf asesu ar gyfer pob ymgeisydd.
Swydd Ddisgrifiad
Pwrpas y Swydd
• Sicrhau bod pobl Gwynedd yn ganolog ym mhopeth rydym yn ei wneud.
• Rheoli prosiectau mewn cydymffurfiaeth â Rheoli prosiect YGC.
• Gweithdrefnau ac anghenion cleientiaid fel y cyfarwyddwyd gan y Prif Beiriannydd / Rheolwr y Gwasanaeth.
• Bod yn rhan o Dîm Rheoli Prosiect a chydymffurfio gyda Gweithdrefnau Rheoli Prosiectau YGC ac anghenion y cleient.
• Datblygu modelau hydrolig 1D, 2D a 1D-2D i gyfarch anghenion y cleientiaid.
• I weithredu i feithrin a chynnal perthynas broffesiynol gyda chleientiaid newydd a phresennol a sicrhau bod gwelliant parhaus wrth gyflawni drwy sicrhau a gweithredu ar yr adborth i'r perfformiad.
• Datblygu arbenigedd personol mewn modelu hydrolig ac arwain modelau hydrolig.
• Rheoli a goruchwylio Timau Prosiect hyblyg gan gynnwys staff prosiect mewnol ac allanol ynghyd â chontractwyr.
• Bod yn rhan o Dîm Prosiect hyblyg a chyflawni'r cyfan a ddisgwylir gan aelodau'r tîm prosiect i sicrhau bod y prosiect yn cael ei gyflawni'n llwyddiannus.
• Darparu a chydymffurfio â holl ofynion adrodd i'r Rheolwr Gwasanaeth/Rheolwr Prosiect yn ôl cywirdeb disgwyliedig a dyddiadau terfyn.
• Mentora staff iau a bod yn adeiladol a rhyngweithiol i ddatblygu staff i'r safon uchel ddisgwyliedig.
• Darparu'r raddfa ddisgwyliedig o arolygu safle yn unol â chyflawni briff y prosiect.
• Bod yn ymwybodol o, a gweithredu gweithdrefnau newydd a gyflwynwyd yn unol â pholisïau a gweithdrefnau'r Cyngor yn ogystal â datblygiadau cenedlaethol er mwyn bod yn ymwybodol o holl fentrau'r Llywodraeth/UE a'u goblygiadau.
Cyfrifoldeb am swyddogaethau . e.e. staff, cyllidebau, offer
• Rheoli a goruchwylio staff eilaidd.
• Dirprwyo i’r rheolwr yn ei h/absenoldeb.
• Sicrhau y caiff holl daflenni amser a chymeradwyaeth staff eu cwblhau yn unol â gweithdrefnau YGC.
• Bod yn hollol gyfarwydd gyda chynlluniau a gweithdrefnau'r adran gan gynnwys yr holl ddogfennau safonol, canllawiau/gweithdrefnau gweithredol a'r Cynllun Busnes.
• Bod yn hollol gyfarwydd gyda'r holl feddalwedd a'r systemau TG sy'n hwyluso gweithredu'r gweithgareddau a amlinellwyd ac sy'n rhan o adran 'Pwrpas y Swydd' (uchod).
Prif Ddyletswyddau
• Caffael a chynnal y wybodaeth fwyaf diweddar ynglŷn â’r: -
• Arfer gorau cyfredol o ran materion dylunio
• Dull caffael ar gyfer prosiectau
• Safonau a datblygiadau technegol (gan gynnwys technoleg gyfredol)
• Cyfrifoldebau proffesiynol a statudol (yn cynnwys e.e. y rhai dan Ddeddf Iechyd a Diogelwch yn y Gwaith ac ati 1974, Deddf Bywyd Gwyllt a Chefn Gwlad 1982).
• Rheoli a goruchwylio staff eilaidd.
• Dirprwyo i’r rheolwr yn ei h/absenoldeb.
• Sicrhau y caiff holl daflenni amser a chymeradwyaeth staff eu cwblhau yn unol â gweithdrefnau YGC.
• Bod yn hollol gyfarwydd gyda chynlluniau a gweithdrefnau'r adran gan gynnwys yr holl ddogfennau safonol, canllawiau/gweithdrefnau gweithredol a'r Cynllun Busnes.
• Cyfrifoldeb am hunanddatblygiad.
• Sicrhau cydymffurfiaeth â rheoliadau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gwaith 1974 a Pholisi Iechyd a Diogelwch y Cyngor.
• Gweithredu oddi mewn i bolisïau’r Cyngor yng nghyswllt cyfle cyfartal a chydraddoldeb.
• Cyfrifoldeb am reoli gwybodaeth yn unol â chanllawiau rheoli gwybodaeth y Cyngor. Sicrhau yr ymdrinnir â gwybodaeth bersonol mewn modd sy’n cydymffurfio â deddfwriaeth Diogelu Data.
• Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithio'n gadarnhaol tuag at leihau ôl-troed carbon y Cyngor.
• Ymgymryd ag unrhyw ddyletswydd arall resymol sy’n cyfateb â lefel cyflog a lefel cyfrifoldeb y swydd.
• Cyfrifoldeb i adrodd am unrhyw bryder neu amheuaeth bod plentyn neu oedolyn bregus yn cael ei gam-drin.
Amgylchiadau Arbennig e.e. yr angen i weithio oriau anghymdeithasol, trefniadau gwaith arbennig ac ati
• Rheoli eich gwariant eich hun ar brosiectau.
• Y gallu i weithio dan bwysau. Gallu ysgogi staff er mwyn sicrhau llwyddiant YGC.
• Yr angen i weithio tu allan i oriau swyddfa mewn Ymchwiliadau Cyhoeddus, ymgynghoriadau, arddangosiadau a chyfarfodydd y Cyngor a phan fyddwch yn cael eich galw allan i sefyllfaoedd argyfwng.
Mae’r uchod yn amlinelliad o’r dyletswyddau, er mwyn rhoi syniad o lefel y cyfrifoldeb sydd ynghlwm â’r swydd. Nid yw’r swydd ddisgrifiad yn gyflawn o ran y manylion, a gall dyletswyddau’r swydd newid o bryd i'w gilydd heb newid natur a lefel cyfrifoldeb sylfaenol y swydd.