Cyngor GwyneddSwyddi ar lein
Prentis Gofal Cymunedol x5 - Cyf: 22-24755
Gweler Hysbyseb Swydd | Dros dro
- Teitl swydd:
- Prentis Gofal Cymunedol x5
- Adran:
- Prentisiaethau
- Dyddiad cau:
- 13/04/2023 10:00
- Math Swydd/Oriau:
- Dros dro dwy flynedd | 37 Awr
- Cyflog:
- Gweler Hysbyseb Swydd
- Lleoliad(au):
- Amrywiol
Manylion
Hysbyseb Swydd
Gwnewch y dewis doeth, dewiswch brentisiaeth yng Nghyngor Gwynedd!
Wyt ti wedi ystyried gyrfa yn y maes gofal cymundeol?
Er mwyn bod yn llwyddiannus yn y brentisiaeth hon, rydym yn chwilio am unigolyn brwdfrydig sy’n barod i ddysgu. Rydym hefyd yn chwilio am unigolyn sy’n gallu cyfathrebu gyda hyder, gweithio’n rhan o dîm, a dangos eu potensial i lwyddo fel prentis.
Dim ond dechrau'r daith yw dilyn prentisiaeth, achos fe all arwain at nifer o lwybrau gyrfa cyffrous. Felly peidiwch â cholli’r cyfle - ymgeisiwch heddiw!
DYDDIAD CAU: 10.00a.m, DYDD IAU 13eg o Ebrill 2023
Cofiwch ddilyn y canllawiau yn y PECYN GWYBODAETH wrth gwblhau’r ffurflen gais.
Bydd y Cyngor yn gofyn am ddadleniad gan y Swyddfa Cofnodion Troseddol ar gyfer yr ymgeisydd llwyddiannus
Os byddwch yn cael eich dewis i fod ar y rhestr fer, byddwn yn eich ffonio.
Os oes gennych chi unrhyw gwestiynau e-bostiwch prentisiaethau@gwynedd.llyw.cymru
Am ragor o wybodaeth - https://www.gwynedd.llyw.cymru/apprenticeships
Manylion Person
NODWEDDION PERSONOL
HANFODOL
Dangos ymddygiad ac agwedd cywir
- Bod yn deg a gallu trin pobl gyda pharch
- I fod yn gwrtais ac yn bositif
Dangos ymrwymiad i waith neu brosiect
- I fod yn gyfrifol am wneud y dyletswyddau a chyfrifoldebau rôl prentis i’r lefel uchaf bosib
- I gyflawni pob dyletswydd sy’n ofynnol
Gweithio fel rhan o dîm
- Gallu gweithio mewn tîm
- I gyfrannu at gyfarfodydd tîm a chyfathrebu'n rheolaidd ac yn effeithiol gydag aelodau eraill y tîm
Cyfathrebu gyda hyder
- Y gallu i gyfathrebu gyda hyder yn y Gymraeg a’r Saesneg
- Y gallu i ddangos y sgiliau cywir i allu cyfathrebu yn gywir ar gyfer unrhyw gynulleidfa
Bod yn barod i ddysgu
- I ymrwymo i’th ddatblygiad i gyflawni dy swydd a’r brentisiaeth
- Adnabod anghenion datblygu personol yn barhaus a gweithredu arnyn nhw
Deall beth sydd ei angen i weithio i’r Cyngor
- Deall y sialensiau sydd yn ein wynebu fel Cyngor
- Manteisio ar gyfleoedd i fod yn greadigol
- Sicrhau dy fod yn rhoi pobl Gwynedd yn ganolog i bopeth yr wyt yn ei wneud
DYMUNOL
----
CYMWYSTERAU A HYFFORDDIANT PERTHNASOL
HANFODOL
Wedi cymhwyso i lefel 2 o leiaf gan gyrraedd y gofynion isod:
Un ai
- 4 TGAU gradd D neu uwch (gradd C neu uwch mewn mathemateg)
- Cymhwyster galwedigaethol Lefel 2 cyfatebol (e.e. BTEC Cyntaf Lefel 2 Diploma)
Er gwybodaeth, bydd unrhyw gyfuniad o gymwysterau gyda gradd gyfatebol yn dderbyniol.
DYMUNOL
----
PROFIAD PERTHNASOL
HANFODOL
----
DYMUNOL
----
SGILIAU A GWYBODAETH ARBENIGOL
HANFODOL
----
DYMUNOOL
----
ANGHENION IEITHYDDOL
Gwrando ac siarad
Gallu cynnal sgwrs rwydd ar nifer o bynciau amrywiol bob dydd, a thrafod achosion sy’n ymwneud â’r maes gwaith.
Gallu dilyn trafodaeth yn y Gymraeg, mewn Cymraeg Clir, ar faterion cyfarwydd yn ymwneud â’r swydd. Gallu cyfrannu at y sgwrs ac ateb cwestiynau.
Darllen a deall
Deall gohebiaeth bob dydd ar faterion cyfarwydd yn y gwaith.
Deall adroddiadau hirach mewn Cymraeg Clir a medru codi’r prif bwyntiau. ( Mae’n bosib y bydd angen cymorth gyda geirfa.)
Ysgrifennu
Gallu ysgrifennu llythyrau i bwrpas penodol, negeseuon ebost ac adroddiadau byr drwy gyfrwng y Gymraeg a’r Saesneg gan ddefnyddio geirfa ac ymadroddion syml sy'n gyfarwydd i'r maes gwaith. (Bydd angen eu gwirio cyn eu hanfon allan).
Swydd Ddisgrifiad
PWRPAS Y SWYDD
- Derbyn profiadau a chefnogaeth yn y gweithle i gwblhau prentisiaeth ac i ennill cymwysterau yn y maes gofal oedolion
- Cefnogi ac annog defnyddwyr gwasanaeth i fod mor annibynnol â phosibl drwy gynorthwyo’r unigolyn, eu teuluoedd a’u gofalwyr gyda thasgau nad ydynt yn gallu gwenud ar ben eu hunain
- Sicrhau bod pobl Gwynedd yn ganolog i bopeth yr ydym yn ei wneud
CYFRYFOLDEB AM ADNODDAU
- Unrhyw offer sydd ei angen i roi‘r gwasanaeth
- Sicrhau rheolaeth briodol o eiddo defnyddwyr e.e. meddyginiaeth neu arian parod.
PRIF DDYLETSWYDDAU
Trosolwg
Mae Gwasanaeth Gofal Cymunedol yn cefnogi unigolion Gwynedd i’w galluogi i barhau i fyw adref, yn eu cymuned, mor annibynnol ag sydd yn bosib. Mae nifer sydd yn gweithio yn y maes yn hoffi gallu gwneud gwahaniaeth i fywydau unigolion, drwy godi gwên, dod i adnabod eu hanghenion, a’u helpu gyda tasgau. Mae digon o amrywiaeth yn y rôl, gan fod anghenion pawb yn wahanol, ac ar adegau bydd angen i ti rannu eu hanghenion gyda tîm mwy, er mwyn dy helpu i allu cyflawni beth sydd yn bwysig i’r unigolyn.
Mae disgwyl i bob prentis Cyngor Gwynedd ddangos y canlynol:
- Yr ymddygiad a’r agwedd gywir
- Gwneud eich gorau yn y gwaith dydd i ddydd a’r cymhwyster
- Cyfrannu tuag at lwyddiant Byw’n Iach a’r Cyngor
- Gweithio’n effeithiol fel rhan o dîm
- Cyfathrebu yn effeithiol
- Bod yn barod i ddysgu pethau newydd
- Deall yn union beth sydd ei angen i weithio i’r Cyngor
Dyma drosolwg o brif ddyletswyddau’r swydd:
- I barchu annibyniaeth defnyddwyr y gwasanaeth drwy arferion gofal da
- I ddarparu cefnogaeth a chyflawni tasgau penodol e.e. gofal personol
- I gyfathrebu yn effeithiol gyda’r defnyddwyr gwasanaeth, teuluoedd, staff ac asiantaethau eraill wrth barchu cyfrinachedd
- I roi gwybodaeth mewn dogfennau yn ffeiliau’r defnyddiwr gwasanaeth
- I lanhau, golchi dillad a pharatoi a serfio bwyd a diod
- I gofrestru â Chyngor Gofal Cymru yn unol â’r canllawiau cenedlaethol
- I gydymffurfio gyda gofynion polisi Amddiffyn Oedolion Bregus Cymru
- I weithredu fel gweithiwr allweddol os yn berthnasol
Fel aelod o staff Cyngor Gwynedd, mae gennych y cyfrifoldebau canlynol:
- Cyfrifoldeb am hunan ddatblygiad
- Sicrhau bod rheolau Iechyd a Diogelwch yn y gweithle a pholisi Iechyd a Diogelwch y Cyngor yn cael eu dilyn
- Eich bod yn dilyn polisïau cyfle cyfartal a chydraddoldeb y Cyngor
- Cyfrifoldeb am reoli gwybodaeth yn addas a sicrhau bod gwybodaeth bersonol yn cael ei thrin yn addas
- Ymrwymo i’r Cynllun Rheoli Carbon ac annog bobol i leihau ôl-troed carbon y Cyngor
- Cyfrifoldeb i adrodd os oes gennych amheuaeth bod plentyn neu oedolyn bregus yn cael eu cam drin
AMGYLCHIADAU ARBENNIG
- Angen i weithio oriau anghymdeithasol dros saith diwrnod ar sail rota. Bydd hyn yn golygu penwythnosau gwyliau banc fel bo angen.
- Ymdrin ag arian personol unigolion yn unol â chynllun gofal neu ganllawiau trafodion ariannol Cyngor Gwynedd.
- Ar adegau mae’n bosibl y bydd angen i ddeilydd y swydd ymgymryd â dyletswyddau cysgu i mewn