Pwrpas y Swydd.
•Arwain y tîm(au) y mae’n gyfrifol amdano (ynt) i gyflawni yn effeithiol ac effeithlon yr hyn sy’n bwysig i bobl Gwynedd drwy greu a chynnal amgylchedd o barch ac ymddiriedaeth gan rymuso, arfogi ac ysbrydoli’r staff. 
 
Cyfrifoldeb am Adnoddau. . e.e. staff, cyllid, offer
-
 
Prif Ddyletswyddau.
ARWAIN
•Bod yn atebol am y Gwasanaeth a’r defnydd mwyaf effeithiol ac effeithlon o’r adnoddau sydd ar gael
•Arwain staff y Gwasanaeth drwy annog a chymell i berchnogi egwyddorion Ffordd Gwynedd a bod yn atebol am sicrhau fod hynny’n digwydd
•Sicrhau amgylchedd o fewn y tîm sy’n hyrwyddo ac annog llesiant staff
•Cynorthwyo’r tîm i sefydlu egwyddorion gweithredu gan ystyried deddfau perthnasol (e.e. Iechyd a Diogelwch, Deddf Llesiant a Chenedlaethau’r Dyfodol, Deddf Gwasanaethau Cymdeithasol a Llesiant) a sicrhau eu bod yn cadw atynt
•Bod yn ymwybodol o sut y mae systemau’r tîm yn gweithio a hwyluso i’w herio ple bo’r angen
•Sicrhau fod y tîm yn cyfrannu at amcanion gwasanaethau neu sefydliadau eraill sy’n ceisio cyflawni’r hyn sy’n bwysig i bobl Gwynedd. 
•Hyrwyddo’r angen i adnabod a gweithredu ar fygythiadau a chyfleoedd y dyfodol gan gynnwys camau ataliol
•Sicrhau ymwybyddiaeth o’r hinsawdd gyfreithiol a gwleidyddol sy’n effeithio ar y gwasanaeth gan sicrhau fod aelodau’r tîm yn ymwybodol o’r elfennau angenrheidiol.
•Bod yn fyw i ymarfer da o fewn y maes gwasanaeth a sicrhau fod y tîm yn ystyried priodoldeb yr ymarfer da hwnnw iddynt hwy.
•Arwain newid o fewn y maes gwasanaeth lle mae angen gwneud hynny
•Ymdrin gyda phryderon a godir gan Aelodau Etholedig ynglŷn â’r Gwasanaeth.
 
GALLUOGI A GRYMUSO
•Recriwtio a datblygu unigolion a thimau i sicrhau bod ganddynt y sgiliau angenrheidiol i gyflawni’r rolau sydd eu hangen rwan ac i’r dyfodol
•Arfogi’r tîm i sefydlu beth sy’n bwysig i bobl Gwynedd a thrwy hynny sefydlu pwrpas y tîm a’i gadw’n gyfredol
•Sicrhau fod penderfyniadau yn cael eu gwneud ar sail tystiolaeth.
•Helpu’r tîm i adolygu a herio ei berfformiad
•Creu a chynnal awyrgylch sy’n galluogi pob aelod o’r tîm i gyfrannu a chymryd penderfyniadau er mwyn darparu’r gwasanaethau gorau posib
•Sicrhau awyrgylch o ymddiriedaeth ac atebolrwydd o fewn y tîm gan sicrhau cyfathrebu priodol gyda ac o fewn y tîm.
CYFLAWNI
•Arfogi’r tîm i ystyried pa fesurau sy’n dangos perfformiad yn erbyn y pwrpas ac i berchnogi’r mesurau hynny 
•Annog y tîm i arloesi, mentro a dysgu o brofiad er mwyn gwella perfformiad
•Cymell a/neu mentora y tîm i adnabod a gweithredu’n amserol er mwyn dileu rhwystrau sy'n atal y gallu i gyflawni yr hyn sy’n bwysig i bobl Gwynedd
•Datrys unrhyw rwystrau na all y tîm eu datrys
•Sicrhau fod cwynion yn derbyn sylw priodol a bod y tîm yn ystyried unrhyw wersi sy’n codi er mwyn gwella gwasanaeth.
•Gweithredu mewn ffordd rhagweithiol; bod yn agored i feddwl yn wahanol; yn egnïol ac ymroddedig gydag integriti personol er mwyn cyflawni’r swyddogaethau isod gan sicrhau bod staff yr Adran yn cael eu datblygu i arddangos yr un nodweddion.
HUNAN ADLEWYRCHU - ar gyflawniad personol yr hyn sydd yn y swydd-ddisgrifiad.
MEYSYDD PENODOL Y SWYDD
•Gweithredu fel prif bwynt cyswllt ar gyfer yr Awdurdod Gweithredol Iechyd a Diogelwch
•Gweithredu fel aelod o Grwp Rheolwyr yr Adran Cefnogaeth Gorfforaethol
•Cyd-gysylltu â'r Penaethiaid Adran er mwyn sicrhau fod y gwasanaethau yn cyrraedd gofynion presennol yn ogystal a’r dyfodol, a sicrhau fod arbenigedd digonol o fewn y Gwasanaeth i allu darparu’r gwasanaeth hwnnw. 
•Paratoi adroddiad blynyddol ar faterion iechyd diogelwch a llesiant ar sylw’r Prif Weithredwr a Chabinet y Cyngor Gwynedd, ac adrodd i bwyllgorau y Cyngor yn ôl y gofyn
•Sicrhau fod y swyddogion/ymgynghorwyr yn datblygu'n bersonol, gan ofalu bod hynny'n cynnwys gwerthuso, adnabod eu hanghenion hyfforddi a goruchwyliaeth feddygol i staff yr Uned Iechyd Galwedigaethol
•Sicrhau fod rhaglen hybu iechyd gynhwysfawr yn cael ei gweithredu i staff y Cyngor ac arwain ar unrhyw achrediadau allanol yn y maes hwn
•Darparu arweiniad broffesiynol i staff y Gwasanaeth
•Rheoli Cytundebau Gwasanaeth (fel cleient, a hefyd fel darparwr.)
•Mewn ymgynghoriad ag aelodau eraill o’r Gwasanaeth, llunio a gweithredu systemau arolygu effeithiol, gan gynnwys mesuryddion perfformiad lleol sydd yn arddangos effaith y gwaith a gyflawnir ac sy’n cyfrannu at y wybodaeth rheoli ar gyfer gwelliant parhaus.
•Sicrhau fod y gwasanaethau yn cael lle amlwg o fewn cynlluniau datblygu y Cyngor.
•Sicrhau fod y Gwasanaeth wedi cynghori ar raglen hyfforddiant iechyd diogelwch a llesiant ar gyfer staff y Cyngor Gwynedd ac arwain ar unrhyw achrediadau allanol yn y maes hwn.
•Cynnal perthynas dda ac effeithiol gyda staff, rheolwyr ac undebau llafur
Nodweddion
•Bydd angen i ddeilydd y swydd fod a Gradd neu Ddiploma mewn maes perthnasol, ynghyd ac o leiaf pum 
mlynedd o brofiad yn gweithio yn y maes. Byddai profiad o weithio gyda gwahanol sectorau o fantais. 
•Byddai bod yn aelod siartredig o IOSH (neu gweithio tuag at) o fantais
•Mae’r gallu i gyfathrebu yn rhugl yn y Gymraeg a Saesneg, yn ysgrifenedig ac ar lafar yn hanfodol. 
 
Amgylchiadau Arbennig. . e.e. angen i weithio oriau anghymdeithasol, trefniadau gwaith arbennig, a.y.y.b.
-