PWRPAS Y SWYDD 
Danfon Swyddogion Traffig Llywodraeth Cymru a chwblhau swyddogaethau rheoli digwyddiadau'r ystafell reoli.
Monitro rhwydwaith cefnffyrdd a thwneli ar sail 24/7/365, asesu cyflwr y rhwydwaith yn barhaus a gweithredu yn ôl y gofyn, er mwyn cynnal rhwydwaith cefnffyrdd diogel a dibynadwy.
Ymateb, cefnogi a chynorthwyo'r Gwasanaethau Brys, Gwasanaeth Swyddogion Traffig Llywodraeth Cymru a Darparwyr Gwasanaeth Eraill Llywodraeth Cymru mewn modd proffesiynol ac ymdrin â digwyddiadau a chynnal a chadw ar y rhwydwaith cefnffyrdd.
Isafu tagfeydd a gyfyd yn sgil digwyddiadau a'r potensial am ddigwyddiadau eilaidd trwy asesu risg digwyddiadau yn weithredol a datblygu ymateb rheoli i ddigwyddiadau ar hyd y rhwydwaith cefnffyrdd.
Rheoli a gweithredu Systemau Trafnidiaeth Deallus Llywodraeth Cymru a systemau rheoli twneli.
Ymgymryd â darpariaeth a dosbarthu gwybodaeth Gwasanaeth Gwybodaeth Traffig Llywodraeth Cymru trwy amryw o gyfryngau er mwyn sicrhau teithiau mwy diogel a dibynadwy ar y rhwydwaith.
Cydlynu gweithgareddau a gweithredoedd Cynnal a Chadw yn y Gaeaf.

 CYFRIFOLDEB AM ADNODDAU (e.e. staff, cyllid, offer)
Rheoli ac ymdrin â chardiau allwedd a diogelwch ar gyfer Canolfan Rheoli Traffig Gogledd a Chanolbarth Cymru (CRhTGChC).
Rheoli gwaith cynnal a chadw radios yn CRhTGChC.

 PRIF DDYLETSWYDDAU A THASGAU ALLWEDDOL 
Cyffredinol
Swydd Danfonydd:
Blaenoriaethu a monitro'r gwaith o ddanfon adnoddau yn effeithiol a chofnodi gwybodaeth yn gywir ar ein systemau.
Rhoi adborth ble bo'n briodol at ddiben gwella Gweithdrefnau Swyddogion Traffig yn barhaus.
Hysbysu'r Rheolwr Tîm Gweithrediadau ar shifft o'r wybodaeth berthnasol er mwyn sicrhau trosglwyddiad di-dor a pharhad y swyddogaethau rheoli digwyddiad/rhwydwaith.
Ymgymryd â hyfforddiant a chynnal y galluoedd sy'n ofynnol gan yr Asiantaeth a Llywodraeth Cymru ac sy'n berthnasol i'r swydd.
Ymddwyn yn broffesiynol bob amser a sicrhau bod y ffordd yr ymdrinnir â'r cyhoedd, y Gwasanaethau Brys ac Asiantaethau eraill o safon uchel yn gyson.
Cefnogi ac ymateb i'r Gwasanaethau Brys, Rheolwyr Llwybrau Cynorthwyol, Unedau Gwaith Priffyrdd, Contractwr Cynnal a Chadw Arferol (RMC) trwy ddanfon Swyddog Trafnidiaeth.

Swyddogaeth Gweithredwr:
Monitro systemau ystafell reoli Llywodraeth Cymru (LlC) (megis TCC, Citilog) yn ystafell reoli CRhTGChC er mwyn canfod gwrthdrawiadau a digwyddiadau.
Cefnogi ac ymateb i Wasanaeth Swyddog Traffig LlC, y Gwasanaethau Brys, Stiwardiaid Llwybrau, Unedau Gwaith Priffyrdd, Contractwyr Cynnal a Chadw Arferol (RMC) trwy ddefnyddio systemau'r ystafell reoli ar gyfer gwaith wedi'i drefnu.
Rhoi'r wybodaeth berthnasol i staff y shifft nesaf er mwyn sicrhau trosglwyddiad di-dor a pharhad o weithgareddau rheoli digwyddiad / y rhwydwaith.
Rhoi adborth ble bo'n briodol at ddiben gwella gweithdrefnau gweithredu'n barhaus.
Ymgymryd â hyfforddiant a chynnal y galluoedd sy'n ofynnol gan yr Asiantaeth a Llywodraeth Cymru ac sy'n berthnasol i'r swydd.
Ymddwyn yn broffesiynol bob amser a sicrhau bod y ffordd yr ymdrinnir â'r cyhoedd, y Gwasanaethau Brys ac Asiantaethau eraill o safon uchel yn gyson.
Ymlynu at Systemau Rheoli Ansawdd yr Asiant Cefnffyrdd.
Cefnogi a chynorthwyo Rheolwr y Rhwydwaith, Rheolwr Gweithrediadau, Rheolwr Tîm Gweithrediadau, Rheolwr Twneli, Rheolwr Llwybrau, a'r Gwasanaeth Swyddogion Traffig gyda'u dyletswyddau.
Cynnal diogelwch ystafell reoli, adeiladau gwasanaeth twneli, ac adeiladau darlledu CRhTGC

Rheoli Digwyddiadau
Swyddogaeth Danfonwr:
Ymateb trwy gymryd camau gweithredol i ymdrin â digwyddiadau ar y rhwydwaith ffyrdd ac yn ardal y twneli a'u rheoli, gan gynnwys danfon Swyddogion Traffig a chyfathrebu gyda rhanddeiliaid allweddol, megis Rheolwyr Llwybrau Cynorthwyol, Unedau Gwaith Priffyrdd Awdurdodau Partner, Unedau Cefnogi Digwyddiad, a'r Gwasanaethau Brys.
Cofnodi, adrodd a logio'r holl gyfathrebu ar systemau niferus, yn gywir a chlir a chyfredol, ar gyfer amrywiaeth o gynulleidfaoedd a allai gynnwys asiantaethau allanol. Logio digwyddiadau sy'n cael eu hadrodd ar y cefnffyrdd gan ddefnyddio system Gorchymyn a Rheoli LlC i gynorthwyo gyda'r dad-friffio a'r dadansoddi.
Monitro ac adrodd ar unrhyw weithgareddau maleisus/amheus ar y rhwydwaith.
Rhoi gwybod i Reolwr y Tîm Gweithrediadau am unrhyw ddigwyddiad sydd angen sylw.
Swyddogaeth Gweithredwr:
Ymateb trwy gymryd camau gweithredol i ymdrin â digwyddiadau ar y rhwydwaith ffyrdd ac yn ardal y twneli a'u rheoli, gan gynnwys cyfathrebu gyda budd-ddeiliaid allweddol, megis LlC, Gwasanaeth Swyddogion Traffig, Rheolwyr Llwybrau, Unedau Gwaith Priffydd Awdurdodau Partner, Unedau Cefnogi Digwyddiad, a'r Gwasanaethau Brys.
Ymateb trwy ddilyn gweithdrefnau i gefnogi Gwasanaeth Swyddogion Traffig LlC, y Gwasanaethau Brys, Stiwardiaid Llwybrau, Unedau Gwaith Priffyrdd, Contractwr Cynnal a Chadw Arferol (RMC) trwy ddefnyddio systemau'r ystafell reoli yn ystod digwyddiadau ar y rhwydwaith.
Ymgysylltu â Chadlywyddion Aur/Arian/Efydd yr Asiantaeth/Llywodraeth Cymru a'u hysbysu am faterion yn ymwneud â digwyddiadau; derbyn cyngor gan benaethiaid a gweithredu fel y bo'n briodol.
Ymateb i alwadau'r System Teliffon Brys (ETS) ac ymdrin â nhw, gan gynnwys gwneud trefniadau i adfer cerbydau yn ôl y gofyn.
Ymateb trwy gymryd camau gweithredol i ymdrin â thagfeydd ar y rhwydwaith ffyrdd ac yn ardal y twneli drwy osod Arwyddion Negeseuon Amrywiol, Arwyddion Rheoli Lôn ac amryw dechnegau rhannu gwybodaeth eraill.
Cofnodi, adrodd a logio'r holl ddigwyddiadau sy'n cael eu monitro neu'u hadrodd ar y cefnffyrdd yn gywir ac ar y pryd gan ddefnyddio system Gorchymyn a Rheoli LlC, i gynorthwyo gyda gwaith dad-friffio a dadansoddi.
Monitro ac adrodd ar unrhyw weithgareddau malieisus/amheus ar y rhwydwaith.
Rhoi gwybod i Reolwr y Tîm Gweithredu am unrhyw ddigwyddiad sydd angen sylw.
 
Gwasanaeth Swyddogion Traffig Llywodraeth Cymru
Swyddogaeth Danfonwr:
Rheoli adnoddau Swyddog Trafnidiaeth yn effeithiol, gan gynnwys danfon Swyddogion Traffig, monitro digwyddiadau, ailddosbarthu adnoddau a rhoi cyngor ar adnoddau safle materion ehangach sy'n ymwneud â digwyddiadau.
Cyfarwyddo'r Uned Swyddogion Traffig at y digwyddiad agosaf unwaith bydd lleoliad wedi'i adnabod, gan ystyried a phennu'r adnoddau mwyaf addas ar gyfer y digwyddiad.
Rhoi gwybodaeth a chyngor ynglŷn â hawliadau trydydd parti ac ymholiadau gan yr Heddlu.
Mynychu gweithgareddau cyfreithiol i gyflwyno tystiolaeth fel tyst ble bo'r angen.
Swyddogaeth Gweithredwr:
Rhoi gwybodaeth a chyngor ynglŷn â hawliadau trydydd parti ac ymholiadau gan yr Heddlu.
Mynychu gweithgareddau cyfreithiol i gyflwyno tystiolaeth fel tyst ble bo'r angen.
 
Cyfrifoldebau Cyfathrebu
Swyddogaeth Danfonwr:
Cyfathrebu'r anghenion a'r cyfarwyddiadau'n glir i Unedau Swyddogion Traffig niferus.
Cynnal a diweddaru cofnodion o'r holl ddigwyddiadau sy'n cael eu trosglwyddo trwy'r systemau cyfathrebu.
Hyrwyddo a meithrin perthnasoedd gwaith da gyda’r holl fudd-ddeiliaid allweddol, er mwyn cefnogi cydweithio rhwng sefydliadau
Swyddogaeth Gweithredwr:
Gweithredu fel unig bwynt cyswllt yr Asiant ar gyfer Gogledd a Chanolbarth Cymru ar gyfer sefydliadau allanol gan gynnwys LlC, y cyhoedd, y gwasanaethau brys, cludwyr nwyddau, a chydlynu ymatebion gan bersonél ar-alwad yr Asiant, gan gynnwys Cadlywyddion Aur/Arian/Efydd.
Ymdrin â chwynion ac ymholiadau gan y cyhoedd a sefydliadau eraill yn gwrtais a phroffesiynol.
Gwasanaeth Gwybodaeth Traffig
Swyddogaeth Danfonwr:
Cyfuno'r wybodaeth a gyflwynir gan Swyddogion Traffig am oedi posib o ganlyniad i ddigwyddiadau neu waith ffordd a fydd yn effeithio'r cyhoedd.
Swyddogaeth Gweithredwr:
Gweithredu fel unig bwynt cyswllt yr Asiant ar sail 24/7/365 a hysbysu'r Asiant a Swyddogion LlC am wybodaeth am y rhwydwaith.
Cyfyngu ar ddelweddau TCC o wefan Traffig-Cymru os ceir digwyddiad.
Dilyn gweithdrefnau i ddiweddaru gwefan Traffig-Cymru a dosbarthu rhybuddion geiriol i grwpiau defnyddwyr (trwy Clickatell).
Darpariaeth llinell wybodaeth Traffig-Cymru y tu hwnt i oriau gwaith

Rheoli Twneli a Rhwydwaith

Swyddogaeth Danfonwr:
Ymlynu at safonau, gweithdrefnau gweithredu, a pholisïau Llywodraeth Cymru.
Lleihau tagfeydd sy'n digwydd yn sgil digwyddiadau, gan sicrhau nad oes unrhyw gyfaddawdu gydag Iechyd a Diogelwch. Monitro'r twneli a chyfarwyddo Swyddogion Traffig i'r ardal gywir pe bai angen cau'r Twneli.

Swyddogaeth Gweithredwr:
Monitro systemau rheoli twneli (e.e. rheolaeth amgylcheddol, adeiladau gwasanaeth).
Adnabod, cofnodi ac adrodd ar ddiffygion mewn offer gwallus a phrofi offer sydd wedi'i drwsio mewn modd ymarferol.
Fel rhan o'r Rheoliadau Diogelwch Twneli Ffyrdd 2007, dylai Gweithredwyr roi gweithdrefnau a phrotocolau Rheoli Digwyddiad Twneli ar waith a'u rheoli er mwyn cynorthwyo rheng flaen y Gwasanaethau Brys wrth reoli digwyddiadau yn ardal twneli'r A55.
Ymlynu at safonau, gweithdrefnau gweithredu, a pholisïau Llywodraeth Cymru.
Cyfuno a rhannu gweithredoedd cynnal a chadw'r gaeaf ac adroddiadau ar gyflwr y ffyrdd.

Iechyd a Diogelwch a’r Amgylchedd
Danfonydd/Gweithredwr:
Mae’n gyfrifoldeb ar bob gweithiwr yr Asiantaeth i gydymffurfio â’r polisïau Iechyd a Diogelwch, amgylcheddol ac ansawdd fel y cânt eu diffinio yn System Rheoli Busnes Integredig yr Asiantaeth.
Sicrhau y cedwir yn gaeth at bolisïau a deddfwriaethau amgylcheddol ac Iechyd a Diogelwch yn y Gwaith.
Cymryd cyfrifoldeb am Iechyd a Diogelwch personol bob amser.
Disgwylir i ddeiliad y swydd fod yn ymwybodol o ofynion deddfwriaeth Iechyd a Diogelwch a chydweithredu gyda Rheolwr Iechyd a Diogelwch y Gyfadran er mwyn sicrhau cydymffurfiaeth gyda'r gofynion perthnasol.
Amlinelliad yn unig yw’r rhestr uchod o ddyletswyddau. Disgwylir i ddeiliad y swydd ymgymryd ag unrhyw ddyletswyddau eraill sy’n berthnasol i natur a graddfa’r swydd, yn unol â cheisiadau rhesymol gan y Rheolwr Llinell.

 AMGYLCHIADAU ARBENNIG (e.e. angen gweithio oriau anghymdeithasol, trefniadau gwaith arbennig ac ati)
Fel arfer, mae'n ofynnol gweithio shifft 12 awr dros batrwm shifft 42 awr yr wythnos (4 yn y gwaith 4 i ffwrdd) blynyddol, gan gynnwys gweithio oriau anghymdeithasol (nosweithiau, penwythnosau a Gwyliau Banc), a darparu gwaith shifft cyflenwi 24/7/356 ar gyfer Ystafell Reoli Canolfan Rheoli Traffig Gogledd Cymru.
Bydd y shifft diwrnod 12 awr yn cael ei rhannu'n ddwy; 6 awr danfonwr a 6 awr gweithredwr.
Bydd y shifft nos 12 awr yn cynnwys dyletswyddau Gweithredwr, yn ogystal â'r gofyn i ymgymryd â gwaith Danfon i ddiwallu anghenion gweithredol.
Bydd goramser rhesymol yn rhan ofynnol o'r swydd
Bod yn rhan o’r rota ar alwad i gynorthwyo mewn argyfyngau, absenoldeb salwch a digwyddiadau mawr ar y rhwydwaith yn ôl yr angen.
Mae gofyn cwblhau Diploma Twneli ymhen dwy flynedd o gael eich cyflogi.
Dim ond amlinelliad o ddyletswyddau a nodir uchod, er mwyn rhoi syniad o lefel y cyfrifoldeb a olygir. Nid yw'r disgrifiad swydd hwn yn gynhwysfawr yn fanwl, a gall dyletswyddau swyddi newid o bryd i'w gilydd heb newid ei natur sylfaenol a'i lefel o gyfrifoldeb.