Swyddi ar lein
Swyddog Lles Addysg
£24,627 - £26,257.88 y flwyddyn | Dros dro
- Cyfeirnod personel:
- 22-22677
- Teitl swydd:
- Swyddog Lles Addysg
- Adran:
- Addysg
- Gwasanaeth:
- Anghenion Dysgu Ychwanegol a Chynhwysiad
- Dyddiad cau:
- 23/06/2022 10:00
- Math Swydd/Oriau:
- Dros dro blwyddyn | 37 Awr
- Cyflog:
- £24,627 - £26,257.88 y flwyddyn
- Gradd tâl:
- S3
- Swydd tymor ysgol:
- 39 Wythnos
- Lleoliad(au):
- Gweler Hysbyseb Swydd
Manylion
Hysbyseb Swydd
Mae gan Cyngor Gwynedd becyn cyflogaeth deniadol, am ragor o wybodaeth cliciwch ar y
[Pecyn Gwybodaeth](https://www.gwynedd.llyw.cymru/cy/cyngor/swyddi/gweithio-i-ni.aspx)
Mae Cyngor Gwynedd yn gweithredu’n fewnol trwy gyfrwng y Gymraeg ac yn cynnig ei holl wasanaethau yn ddwyieithog. Bydd angen i’r ymgeisydd gyrraedd y lefel ieithyddol sy’n cael ei nodi yn y Manylion Person.
Rydym yn annog pob ymgeisydd am swydd gyda’r Cyngor i gyflwyno ceisiadau yn Gymraeg neu yn ddwyieithog. (Bydd ceisiadau sydd yn cael eu cyflwyno yn uniaith Gymraeg neu Saesneg yn cael eu trin yn gwbl gyfartal, ond gofynnir i’r ymgeisydd ystyried yn ofalus beth yw gofynion iaith y swydd a’r sefydliad ac a fyddai cyflwyno cais yn uniaith Gymraeg yn fwy addas.)
Am sgwrs anffurfiol gellir cysylltu â Owen Williams ar 01286 679114
Cynnal cyfweliadau i’w gadarnhau.
Ffurflenni cais a manylion pellach gan , Gwasanaeth Cefnogol, Cyngor Gwynedd, Swyddfa'r Cyngor, Stryd y Jêl, Caernarfon, LL55 1SH
Ffôn: 01286 679076 eBost: Swyddi@gwynedd.llyw.cymru
DYDDIAD CAU: 10.00 O’R GLOCH, DYDD IAU, 23ain o FEHEFIN, 2022
Bydd y Cyngor yn gofyn am ddadleniad gan y Swyddfa Cofnodion Troseddol ar gyfer yr ymgeisydd llwyddiannus
Os yn llwyddiannus i fod ar y rhestr fer am gyfweliad, byddwn yn cysylltu a chwi drwy’r
cyfeiriad E-BOST a gofnodwyd gennych ar eich ffurflen gais. Mae angen i chwi sicrhau eich bod yn gwirio eich E-BOST yn rheolaidd.
Manylion Person
NODWEDDION PERSONOL
HANFODOL
• Y gallu i gyfathrebu’n effeithiol ar lafar ac yn ysgrifenedig
• Person egnïol a hyblyg ei natur gyda disgwyliadau uchel
• Sgiliau rhyngbersonol o’r radd flaenaf
• Y gallu i berthnasu yn dda gyda phlant a gwarchod eu hawliau unigol
• Dymuniad i ddatblygu’n broffesiynol
• Un sy’n gallu blaenoriaethu gwaith fel bo’r angen, dangos blaengaredd ac yn cwrdd â therfynau amser penodol
• Y gallu i weithio o dan bwysau ac fel rhan o dîm
• Y gallu i weithio a chymysgu'n hawdd â phobl gan ddeilio â phobl yn hyderus, pwyllog a chwrtais
• Agwedd hyblyg gyda’r gallu i weithio ar ei phen/ben ei hun
DYMUNOL
CYMWYSTERAU A HYFFORDDIANT PERTHNASOL
HANFODOL
• Graddedig neu gyda chymhwyster cyfatebol
• Tystiolaeth o ddatblygiad proffesiynol parhaus
• Sgiliau ieithyddol a chyflwyno gwybodaeth a chyfathrebu da
DYMUNOL
PROFIAD PERTHNASOL
HANFODOL
Profiad o:
• Weithio yn y maes addysg
• Lunio adroddiadau a dadansoddi gwybodaeth
• Gweithio mewn partneriaeth ag asiantaethau eraill
• Sicrhau ymddygiad priodol
• Gydweithio fel aelod o dîm
DYMUNOL
• Profiad o weithio gyda grwpiau bregus o blant a phobl ifanc
SGILIAU A GWYBODAETH ARBENIGOL
HANFODOL
• Gwybodaeth a dealltwriaeth o’r prif faterion ym maes / gweithdrefnau Diogelu Plant
• Gwybodaeth a dealltwriaeth o flaenoriaethau Llywodraeth Cymru
• Person egnïol gyda’r gallu i gyflawni strategaethau effeithiol ar gyfer gwelliant
• Ymwybodol o Strategaeth ADYaCh Gwynedd ac Ynys Môn
• Dealltwriaeth o’r ddeddfwriaeth ADYaCh a’r Cod Ymarfer
• Dealltwriaeth o Ddulliau Canolbwyntio ar yr Unigolyn
• Dealltwriaeth o Gynlluniau Datblygu Unigol
DYMUNOL
• Y gallu i gyfranu at lwyddiant a gwelliant Grwpiau Bregus
ANGHENION IEITHYDDOL
Gwrando a Siarad
Gallu cyflwyno pob agwedd o’r swydd ar lafar yn hyderus drwy gyfrwng y Gymraeg a’r Saesneg gystal â’i gilydd.
Darllen a Deall
Gallu defnyddio a dehongli’n gywir unrhyw wybodaeth o amrywiol ffynonellau drwy gyfrwng y Gymraeg a’r Saesneg ar gyfer cyflawni holl agweddau’r swydd.
Ysgrifennu
Gallu cyflwyno gwybodaeth yn ysgrifenedig drwy gyfrwng y Gymraeg a’r Saesneg mewn modd gwbl hyderus gan ddefnyddio’r dull a’r iaith fwyaf priodol ar gyfer y pwnc a’r gynulleidfa.
Dylid disgrifio'r nodweddion rheiny a ddisgwylir gan ddeilydd y swydd. Defnyddir
rhain fel meini prawf wrth asesu pob ymgeisydd.
Swydd Ddisgrifiad
Lleoliad
Ysgolion Gwynedd ac Ynys Môn - Ardal Meirionnydd yn benodol i gychwyn 01/09/2022
2 Pwrpas y Swydd.
• Sicrhau bod plant a phobl ifanc Gwynedd ac Ynys Môn yn ganolog i bopeth yr ydan ni yn ei wneud.
• Cyfrannu tuag at yr agenda o wella presenoldeb disgyblion ysgolion Gwynedd ac Ynys Môn.
• Gweithredu prosesau cyfreithiol mewn perthynas â:
- Rhybuddion Cosb Benodol (Addysg).
- Paratoi achosion i'w herlyn yn y llysoedd.
- Gorchmynion Goruchwyliaeth Addysgol
- Gorchmynion Mynychu Ysgol
• Cynorthwyo efo’r broses o weithredu’r broses sy’n gysylltiedig â materion cyflogaeth plant
Cyfrifoldeb am Adnoddau. . e.e. staff, cyllid, offer
• Gliniadur a ffôn symudol
Prif Ddyletswyddau. .
1. PRESENOLDEB
• Cydweithio ag ysgolion i fonitro presenoldeb yn ysgolion eu hardal, a gweithredu'n briodol yn dilyn cyfeiriadau.
• Llunio a gweithredu amrywiol strategaethau effeithiol i leihau absenoldebau.
• Paratoi a chyflwyno achosion i'r Llys pan erlynir rhieni (Deddf Addysg 1996).
• Sicrhau fod y drefn o gyflwyno Rhybuddion Cosb Benodol yn cael ei ddilyn yn unol â’r canllawiau cenedlaethol.
• Gweinyddu Gorchmynion Goruchwyliaeth Addysgol yn unol â gofynion Deddf Plant 1989.
• Paratoi adroddiadau tymhorol ar bresenoldeb a thriwantiaeth mewn ymgynghoriad ag Ysgolion ar gyfer Cyrff Llywodraethwyr.
2. AMDDIFFYN PLANT
• Gweithredu yn unol â gofynion Canllawiau Amddiffyn Plant Cymru Gyfan.
• Cynrychioli'r Awdurdod Addysg ar unrhyw bwyllgor rhyng asiantaethol perthnasol os yn berthnasol.
• Cynrychioli'r Awdurdod Addysg mewn cyfarfodydd strategaeth i drafod achosion unigol os yn berthnasol.
• Cynhyrchu adroddiadau ysgrifenedig ar gyfer cyfarfodydd rhyng asiantaethol neu gyfarfodydd strategaeth.
• Gweithredu fel pwynt cyswllt mewn perthynas â'r maes a chynnig arweiniad i’r Ysgol.
3. PROSESAU ASESU DEDDF ADDYSG 1996 (Anghenion Addysgol Arbennig)
• Darparu tystiolaeth i ysgolion a'r Awdurdod Addysg.
4. GWAHARDDIADAU
• Bod ynglŷn â strategaeth atalion yn y maes.
• Darparu adroddiadau i’r Corff Llywodraethol.
• Sicrhau fod disgyblion a waherddir yn barhaol yn derbyn addysg o fewn yr hualau amser cenedlaethol.
5. CYFLOGAETH PLANT
• Sicrhau y cydymffurfir a'r Is-Ddeddfau.
• Codi ymwybyddiaeth cyflogwyr o’r Is-Ddeddfau perthnasol.
• Erlyn cyflogwyr a darganfyddir yn cyflogi plant yn groes i'r Is-Ddeddfau perthnasol.
• Prosesu ceisiadau cyflogaeth plant.
• Ymweld â chyflogwyr yn achlysurol o sicrhau fod y lleoliadau gwaith yn addas.
• O fewn canllawiau pendant cynnal Asesiadau Risg ar gyfer lleoliadau profiad gwaith Blwyddyn 10 lle’n briodol.
6. ADDYSG GARTREF DEWISIOL
• Hysbysu Pennaeth y Gwasanaeth Ysgolion ynglŷn â theuluoedd sy'n dewis addysgu eu plant gartref.
• Ymweld â chartrefi, ar gais Pennaeth y Gwasanaeth Ysgolion i fonitro sefyllfaoedd.
7. MATERION LLES CYFFREDINOL - MEGIS BWLIO, CYFFURIAU, ATAL TROSEDDAU.
• Bod ynglŷn â'r maes mewn ymgynghoriad ag asiantaethau eraill.
• Darparu cyngor i ysgolion, rhieni a disgyblion.
• Cynhyrchu a chyflwyno adnoddau cyfredol i addysgu plant, rhieni ac ysgolion.
• Cyfrannu i nifer o weithgareddau hybu lles.
8. CYSYLLTIADAU AG ASIANTAETHAU ERAILL
• Sefydlu a chynnal cysylltiadau effeithiol ag asiantaethau eraill sy'n weithredol yn y maes lles, e.e. Adran Gwasanaethau Cymdeithasol, Y Gwasanaethau Iechyd, yr Heddlu a.y.b.
• Ymateb yn briodol i gais o feddiant asiantaeth arall am wybodaeth ynglŷn â disgyblion.
9. GORFODAETH
• Gweinyddu’r broses Rhybuddion Cosb Benodol gan sicrhau gweithredoedd mewn achosion o beidio’u talu.
• Darparu cyngor i reolwyr ysgolion mewn perthynas â materion gorfodaeth.
• Cadw cofnodion achos priodol, manwl a chyfredol, a data ystadegol yn ôl yr angen.
10. DARPARU CYNGOR
• Gweithredu fel pwynt cyswllt ar gyfer darparu cyngor i’r ysgol.
• Gweithredu fel pwynt cyswllt i rieni a disgyblion.
11. MYNEDIAD/CLUDIANT
• Cynghori'r Adran Cludiant pan fo agweddau lles yn ystyriaeth.
12. YMWELIADAU CARTREF
• Ymweld â chartrefi disgyblion er mwyn canfod ffordd i wella canran presenoldeb.
• Ymweld â chartrefi i drafod agweddau o les y disgybl all fod yn achosi pryder i’r ysgol.
• Sicrhau cyswllt cryf rhwng ysgol a chartref.
13. CYFFREDINOL
• Cyfrifoldeb am hunan ddatblygiad.
• Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
• Gweithredu o fewn polisïau’r Cyngor yng nghyswllt cyfle cyfartal a chydraddoldeb.
• Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
• Ymrwymiad i leihau allyriadau carbon y Cyngor yn unol â’r Cynllun Rheoli Carbon ac i annog eraill i weithredu’n gadarnhaol tuag at leihau ôl-troed carbon y Cyngor.
• Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb
• Ymateb i unrhyw gais rhesymol arall ar gais y Pennaeth Gwasanaeth Addysg.
• Cyfrifoldeb i adrodd ar bryder neu amheuaeth bod plentyn neu oedolyn bregus yn cael ei gam-drin
Amgylchiadau Arbennig. . e.e. angen i weithio oriau anghymdeithasol, trefniadau gwaith arbennig, a.y.y.b.
Click here to enter text.
Dim ond amlinelliad o ddyletswyddau’r swydd a ddangosir uchod, a hynny er mwyn rhoi syniad o’r lefel cyfrifoldeb sydd ynghlwm â hi. Nid yw’r swydd ddisgrifiad hon yn fanwl gynhwysfawr, ac fe all dyletswyddau’r swydd newid o bryd i’w gilydd heb newid ei natur sylfaenol a’r lefel cyfrifoldeb.
