Swyddi ar lein
THERAPYDD ABA- Arbenigwr Dysgu Cadarnhaol- Ysgol Pendalar
£33,486 - £35,336 y flwyddyn | Parhaol
- Cyfeirnod personel:
- 22-22521
- Teitl swydd:
- THERAPYDD ABA- Arbenigwr Dysgu Cadarnhaol- Ysgol Pendalar
- Adran:
- Addysg
- Gwasanaeth:
- Ysgolion
- Dyddiad cau:
- 19/05/2022 12:00
- Math Swydd/Oriau:
- Parhaol
- Cyflog:
- £33,486 - £35,336 y flwyddyn
- Gradd tâl:
- PS1
- Lleoliad(au):
- Ysgol Pendalar, Caernarfon
Manylion
Hysbyseb Swydd
ADDYSG
YSGOLION ADDYSG ARBENNIG
YSGOL PENDALAR, CAERNARFON
(Arbennig 3 - 19: 118 o ddisgyblion)
Yn eisiau: 6 Mehefin, 2022 neu cyn gynted ag sy bosib
ARBENIGWR DYSGU CADARNHAOL
Oriau gwaith: Llawn Amser (37 awr yr wythnos)
Graddfa Gyflog: PS1 (29 – 31) £33,486 - £35,336
Gwahoddir ceisiadau gan unigolion sydd â phrofiad perthnasol a’r rhinweddau penodol ar gyfer y swydd uchod.
Mi fydd yr ymgeisydd llwyddiannus yn cymryd rhan arweiniol o fewn yr ysgol mewn ymateb i anghenion disgyblion sydd angen cymorth arbennig i oresgyn rhwystrau i ddysgu. Bydd yr unigolyn yn defnyddio ymyriadau yn seiliedig ar Ddadansoddi Ymddygiad Cymhwysol (Applied Behaviour Analysis) er mwyn dysgu a chynyddu ymddygiadau cymdeithasol priodol a lleihau ymddygiadau cymdeithasol amrhiodol.
Mae'r swydd ar gyfer unigolion sydd wedi ennill Gradd Meistr yn barod, mewn ‘Applied Behaviour Analysis’.
Mae’r gallu i gyfathrebu drwy gyfrwng y Gymraeg a’r Saesneg yn fanteisiol ond ddim yn angenrheidiol ar gyfer y swydd hon. Mae’r ysgol yn gweithredu’n unol a’i Bolisi Iaith. Bydd angen i’r ymgeisydd gyrraedd y lefel ieithyddol sy’n cael ei nodi yn y Manylion Person.
Gwahoddir unrhyw rai sydd â diddordeb a/neu sydd angen gwybodaeth ychwanegol i drafod yn anffurfiol gyda’r Pennaeth, Bethan Morris-Jones B.Add. (Rhif Ffôn 01286 672141)
e-bost: BethanMorrisJones@gwynedd.llyw.cymru
Gellir cyflwyno cais am y swydd yma ar-lein ar wefan Cyngor Gwynedd neu mae pecyn cais i’w cael gan Sophie Eames, Swyddog Busnes, Ysgol Pendalar, Ffordd Bethel, Caernarfon, Gwynedd (Rhif Ffôn: 01286 672141). Os dymunir dychwelyd y cais drwy’r post, dylid ei ddychwelyd i’r cyfeiriad uchod erbyn y dyddiad cau.
DYDDIAD CAU: HANNER DYDD, DYDD IAU, 19 MAI, 2022.
Bydd y Cyngor yn gofyn am ddadleniad gan y Gwasanaeth Datgelu a Gwahardd a chadarnhad o gofrestriad gyda’r Cyngor Gweithlu Addysg ar gyfer yr ymgeisydd llwyddiannus cyn y gallent gychwyn yn y swydd yma.
(The above is an advertisement for a Positive Learning Specialist at Ysgol Pendalar, Caernarfon for which the ability to communicate through the medium of Welsh and English is an advantage but not essential).
Mae’r awdurdod hwn wedi ymrwymo i ddiogelu a hyrwyddo lles plant a phobl ifanc ac mae’n disgwyl y bydd pob un o’i staff a’i wirfoddolwr yn rhannu’r ymrwymiad hwn.
Manylion Person
MANYLEB PERSON
Profiad
• Profiad o weithio gyda phlant o’r oedran briodol gan ddefnyddio dulliau dadnsoddi ymddygiad cymwhysol.
• Profiad o weithio gyda disgyblion gydag anghenion ychwanegol.
Cymwysterau
• Gradd/Gradd Meistr (MSc) mewn dadansoddi ymddygiad cymwhysol (ABA)
• Sgiliau rhif/llythrennedd ardderchog – cyfwerth ag NVQ Lefel 2 mewn Cymraeg, Saesneg a Mathemateg.
• Cyfarfod a safonau Behaviour Analyst Certification Board (BACB).
Gwybodaeth/Sgiliau
• Gwybodaeth weithio lawn o bolisïau/côd ymarfer/côd BACB/deddfwriaeth berthnasol.
• Gwybodaeth weithio o’r Cwricwlwm Cenedlaethol a rhaglenni dysgu perthnasol eraill megis VB-MAPP ac ABLLS-R.
• Deall egwyddorion datblygiad plentyn a’r broses ddysgu ac, yn arbennig, rwystrau i ddysgu.
• Y gallu i gynllunio gweithredu effeithlon ar gyfer disgyblion sydd mewn perygl o dangyflawni.
• Deall ystod y gwasanaethau/darparwyr cynhaliaeth.
• Y gallu i hunan-werthuso anghenion dysgu a cheisio cyfleoedd dysgu.
• Y gallu i berthnasu’n dda â phlant ac oedolion.
• Gweithio’n adeiladol ac yn hyblyg fel rhan o dîm, gan ddeall swyddogaethau a chyfrifoldebau dosbarth a’ch sefyllfa chi eich hun o fewn y rheiny.
Swydd Ddisgrifiad
DISGRIFIAD SWYDD
SWYDD: Arbenigwr Dysgu Cadarnhaol Board Certified Behaviour Analyst
Llawn amser
YSTOD CYFLOG: PS1 (29 – 31)
DEILIAD SWYDD: BCBA, a MSc mewn Dadansoddi Ymddygiad Cadarnhaol
YN ATEBOL I:
PWRPAS SWYDD
O dan gyfundrefn gytunedig o oruchwyliaeth, cymryd rhan arweiniol o fewn yr ysgol mewn ymateb i anghenion disgyblion sydd angen cymorth arbennig i oresgyn rhwystrau i ddysgu. Bydd yr unigolyn yn defnyddio ymyriadau yn seiliedig ar Ddadansoddi Ymddygiad Cymhwysol (Applied behaviour Analysis) er mwyn dysgu a cynyddu ymddygiadau cymdeithasol priodol a lleihau ymddygiadau cymdeithasol amrhiodol.
Cydweithio â staff yr ysgol i ddysgu'r sgiliau sydd eu hangen ar ddisgyblion i gyrraedd eu potensial llawn a lleihau'r rhwystrau i ddysgu.
Cefnogi a gwerthuso arferion cefnogi ymddygiad cadarnhaol ledled yr ysgol.
I ddarparu arweinyddiaeth a rheolaeth i'r tîm technegwyr ymddygiad cofrestredig, er mwyn sicrhau bod y tîm yn cyflawni blaenoriaethau'r ysgol.
I ddarparu a chyflwyno rhaglen reolaidd o hyfforddiant ABA i’r holl staff ac yn achlysurol i rieni.
I arwain a chyflwyno hyfforddiant MAPA i holl staff yr ysgol gan fonitro gweithrediad egwyddorion MAPA yn gyson ar draws yr ysgol.
PRIF DDYLETSWYDDAU
Cyfrifoldebau Rheoli Llinell Lle bo’n Briodol
• Darparu rheolaeth effeithlon ac effeithiol i athrawon a'r holl staff wrth iddynt ddarparu rhaglenni cymorth ymddygiad cadarnhaol, er mwyn sicrhau arfer a chysondeb rhagorol.
• Darparu rheolaeth effeithlon ac effeithiol i gefnogi athrawon, dadansoddwyr ymddygiad mewn hyfforddiant, technegwyr ymddygiad cofrestredig a myfyrwyr interniaeth, gyda datblygiad proffesiynol parhaus mewn rhaglenni cymorth ymddygiad cadarnhaol.
• Cydweithio â'r uwch dîm arweinyddiaeth i werthuso effaith darpariaeth a nodi blaenoriaethau i sicrhau gweledigaeth a rennir.
• Goruchwylio, cefnogi a mentora dadansoddwyr ymddygiad danegol, technegwyr ymddygiad cofrestredig, a myfyrwyr interniaeth.
• Cydlynu a dirprwyo tasgau o fewn y tîm ABA / tîm cymorth ymddygiad cadarnhaol.
• Sefydlu a chynnal cyfathrebu rhyngasiantaethol a rhyng-dîm.
• Cydlynu asesiadau trosglwyddo a chynhyrchu adroddiadau ar achosion unigol.
• Monitro ansawdd yr adroddiadau sy'n cael eu cynhyrchu a'u rhannu gan y tîm ABA / tîm cymorth ymddygiad cadarnhaol.
• Rheoli cymorthyddion addysgu eraill sydd wedi cymhwyso fel technegydd ymddygiad cofrestredig.
• Ymgymryd â recriwtio/anwytho/gwerthuso/hyfforddi/mentora cymorthyddion addysgu eraill.
• Cynnal cyfarfodydd tîm rheolaidd gyda staff a reolir.
• Cynrychioli cymorthyddion addysgu mewn cyfarfodydd staff addysgu/rheoli/ priodol arall.
Cefnogaeth i Ddisgyblion Cyfnod Sylfaenol
• Arwain asesiadau yn seiliedig ar VB-MAPP (Verbal Behaviour Milestones Assessment and Placement Program) ac ABLLS-R (Assessment of Basic Language and Learning Skills) er mwyn dysgu sgiliau iaith, cymdeithsaol, hunan-gymorth, academaidd ac echddygol hanfodol drwy ddulliau Hyfforddaint Profion Arwahanol (DTT).
• Y gallu i wneud DTT yn rhugl a rhoi hyfforddiant uniongyrchol i staff dosbarth.
• Ysgrifennu rhaglenni a hyfforddi staff dosbarth ar ddatblygu sgiliau Hyfforddiant Amgylchedd Naturiol (Natural Environment Training, NET).
Cefnogaeth i Ddisgyblion Cynradd ac Uwchradd
• Ysgrifennu cynlluniau datblygiad hunan-gymorth (e.e. toiled, bwyta, dad-wisgo, brwsho dannedd) gan ddefnyddio technegau dadansoddi ymddygiad cymhwysol e.e. Task Analysis, Active Support.
• Ysgrifennu a hyfforddi staff dosbarth ar ddilyn cynlluniau addysgiadol wedi ei selio ar ddadansoddi ymddygiad e.e. Headsprout ac Addysgu Uniongyrchol (Direct Instruction, DI).
• Gweithio gyda athrawon er mwyn ysgrifennu cynlluniau ymddygiad swyddogaethol a rhoi hyfforddiant staff dosbarth ar sut i’w dilyn.
• Hyfforddi a chynorthwyo’r staff dosbarth i ddefnyddio systemau cyfathrebu swyddogaethol e.e. PECS, PODD, Grid 3, AAC, Makaton a.y.y.b.
• Cymryd a dadansoddi data er mwyn cymryd gwaelodlin ar ymddygiad targed, ffyddlondeb at gynlluniau ymddygiad, ac ar ymyriadau sydd wedi eu gosod.
• Sefydlu perthynas weithio gynhyrchiol gyda disgyblion, a gwneud asesiad dewis ysgogiad (stimulus preferences assessment) i sefydlu pa ysgogiadau sy’n cael eu ffafrio gan fyfyriwr ar un achlysur, i’w ddefnyddio fel atgyfnerthwr i gynyddu ymddygiadau priodol.
• Gweithio gyda athrawon er mwyn creu amserlenni unigol, swyddogaethol ar gyfer dosbarth cyfan/unigolyn.
• Cyfarfod gyda rhieni er mwyn trafod cynlluniau ymddygiad, a rhoi hyfforddiant ar sut i’w dilyn.
Cefnogaeth i’r Ysgol
• Cydymffurfio a chynorthwyo gyda datblygu polisïau a gweithdrefnau perthynol i amddiffyn plant, iechyd, diogelwch a diogeledd, cyfrinachedd ac amddiffyn data, gan adrodd am bob pryder i’r person priodol.
• Bod yn ymwybodol o wahaniaethau a’u cefnogi, a sicrhau bod gan bob disgybl fynediad cyfartal i gyfleoedd dysgu a datblygu.
• Mynychu cyfarfodydd rheolaidd a chymryd rhan ynddynt.
• Cyfrannu at ethos/gwaith/amcanion cyffredinol yr ysgol.
• Adnabod hunan gryfderau a meysydd arbenigedd a defnyddio’r rhain i gynghori a chefnogi eraill.
• Bod yn gyfrifol am ddarparu gweithgareddau dysgu y tu allan i’r ysgol o fewn canllawiau a sefydlwyd gan yr ysgol.
• Cyfrannu at adnabod a gweithredu gweithgareddau dysgu priodol y tu allan i’r ysgol sy’n cadarnhau ac ymestyn gwaith yn yr ysgol.
• Sefydlu perthynas adeiladol a chyfathrebu gydag asiantaethau/proffesiynolwyr eraill, mewn cysylltiad â’r athro, i gefnogi cyflawniad a chynnydd y disgyblion.
• Cymryd rhan mewn hyfforddiant a gweithgareddau dysgu eraill fel bo’r gofyn.
