Pwrpas y Swydd.
• Sicrhau bod pobl Gwynedd yn ganolog i bopeth yr ydan ni yn ei wneud
• Aelod o dîm o alluogwyr digidol i adnabod anghenion cefnogi’r cwricwlwm a gweinyddiaeth ysgol gan gefnogi’r ysgolion pan gyflwyni’r y darpariaethau digidol hyn
• Ymchwilio i becynnau meddalwedd newydd
• Ymlynu i’r safonau a’r ymarferion da a nodwyd yn Strategaeth Ddigidol Ysgolion Gwynedd tra’n cefnogi a cyflwyno datrysiadau digidol i’r ysgolion
• Gall ddarparu cefnogaeth gogyfer cefnogi systemau rheoli gwybodaeth ysgolion, megis SIMS
• Darparu cefnogaeth gogyfer gweinyddu llwyfan addysgu HWB
• Darparu cefnogaeth a gweinyddiaeth ar gyfer Sharepoint
Cyfrifoldeb am Adnoddau. . e.e. staff, cyllid, offer
Staff:
• Gall fod yn ran o banel cyfweld
Cyllid:
• Ymwybyddiaeth o strwythurau cyllidol yr uned a mecanwaith cyllido ysgolion
• Gwybodaeth o gyfraith gytundebol, gyda mewnbwn i sawl cytundeb meddalwedd a gwasanaethau digidol
• Adolygu a gweinyddu ystod eang o gytundebau gyda cwmnïau 3ydd parti
• Darparu gwasanaethau digidol i’r ysgolion yn y modd mwyaf cost-effeithiol
• Mewnbwn i fentrau digidol ar raddfa eang sydd ag effaith bellgyrhaeddol i’r ysgolion, yr Awdurdod a’r cyhoedd gan gynnig cyfeiriad a chefnogaeth i aelodau eraill o’r tîm
• Gall fod yn gyfrifol am roi mewnbwn i achosion busnes a chyfrannu at y broses caffael
Data/Offer/Meddalwedd:
• Dilyn gweithdrefnau, prosesau a safonau tra’n cyflwyno darpariaeth digidol i gyfarch a gweledigaeth Strategaeth Ddigidol Ysgolion Gwynedd
• Adolygu pecynnau meddalwedd gan grybwyll safonau penodol wrth sefydlu darpariaeth newydd
• Gall gynrychioli’r Awdurdod mewn cyfarfodydd rhanbarthol a chenedlaethol ble mae angen mewnbwn ar eitemau digidol yn y sector Addysg
• Cydweithio a chwmnïau allanol i gywiro problemau
• Arwain drwy esiampl drwy lynu at safonau diogelwch seibr ym mhob agwedd o’r swydd.
Prif Ddyletswyddau. .
Gwneud penderfyniadau, trefnu ac arloesi:
• Ymchwilio i ddatblygiadau newydd yn y maes o ddarpariaethau digidol i ysgolion
• Cynorthwyo Rheolwr Gwasanaethau Digidol Ysgolion Gwynedd i gadw Strategaeth Digidol Ysgolion Gwynedd yn gyfredol
• Cynghori’r Rheolwr Gwasanaethau Digidol Ysgolion Gwynedd am ddatrysiadau digidol a chyflenwyr newydd yn y maes addysgol
• Cadw dogfennaeth a systemau wybodaeth mewnol y gwasanaeth yn gyfredol a cynghori am welliannau ble bo hynny’n briodol
• Gwarantu bod tasgau a phrosiectau yn cael eu cyflwyno ar amser gan gyfathrebu’n glir pe na byddai hynny’n bosib
• Adnabod meysydd o arloesi ac effeithlonrwydd ble gall cyflwyno datrysiadau digidol greu gwelliannau
• Meddu ar allu i reoli nifer o dasgau gyda’i gilydd
• Defnyddio methodoleg “Agile”, gan gynnwys y camau Darganfyddiad, Alpha, Beta, Byw ac Ymneilltuo ar gyfer prosiectau newydd a’u rheoli drwy ddilyn methodoleg rheoli prosiect cydnabyddedig
• Gall gyfrannu at weithdrefnau mesur perfformiad drwy baratoi data ac ystadegau rheolaethol ar gyfer eu cyflwyno’n fewnol yn y Gwasanaeth TG, neu ar gyfer adroddiadau ehangach.
Cyfathrebu:
• Cyfrannu at achosion busnes i gystadlu am grantiau cenedlaethol ac at ddibenion trefniadau cyllidol mewnol y Cyngor
• Arddangos sgiliau cyfathrebu ardderchog er mwyn cyfathrebu â defnyddwyr drwy’r ysgolion ac yn ehangach yn yr Awdurdod gan gynnwys i fyny at lefel y Prif Weithredwr, Penaethiaid ac Aelodau Etholedig
• Sgiliau cyfathrebu ysgrifenedig a llafar gwych yn y Gymraeg a’r Saesneg
• Gall gynrychioli’r ysgolion a’r Awdurdod mewn materion digidol yn allanol ac mewn cyfarfodydd ar draws y Cyngor, gan gynnwys, ond heb ei gyfyngu i: Awdurdod Technegol HWB, is-grwpiau yn ymwneud a’r rhaglen HWB, fforymau prifathrawon uwchradd a chynradd,
• Gall fod yn paratoi, comisiynu neu gyfrannu at hyfforddiant i’r ysgolion
• Rhoi cyngor ac arweiniad i ddefnyddwyr oddi fewn ac yn allanol i’r gwasanaeth.
Arall:
• Cyfrifol am adnabod risgiau a sicrhau y cymerir cyfrifoldeb amdanynt, neu eu dyrchafu ar gyfer sylw pellach
• Gall fod yn negodi gyda darparwyr ar gyfer cyflenwi cynnyrch a gwasanaethau digidol i ysgolion Gwynedd
• Arwain drwy esiampl drwy weithredu oddi fewn i bolisïau Seibr Ddiogelwch y Cyngor a dyrchafu unrhyw ddigwyddiad neu wendid seibr drwy sianelau adrodd y Gwasanaeth TG ar ei union
Cyffredinol:
• Cyfrifoldeb am hunan ddatblygiad
• Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor
• Gweithredu o fewn polisïau’r Cyngor yng nghyswllt cyfle cyfartal a chydraddoldeb
• Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
• Ymrwymiad i leihau allyriadau carbon y Cyngor yn unol â’r Cynllun Rheoli Carbon ac i annog eraill i weithredu’n gadarnhaol tuag at leihau ôl-troed carbon y Cyngor
• Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd
• Cyfrifoldeb i adrodd ar bryder neu amheuaeth bod plentyn neu oedolyn bregus yn cael ei gam-drin.
Amgylchiadau Arbennig. . e.e. angen i weithio oriau anghymdeithasol, trefniadau gwaith arbennig, a.y.y.b.
• Gan fod swyddogaeth gyfrifiadurol y Cyngor yn gweithredu ar sail 24 awr, 7 diwrnod yr wythnos, bydd angen gweithio oriau anghymdeithasol ac ar benwythnosau o dro i dro a fydd yn gymwys am daliad yn unol ag Amodau a thelerau cyflogaeth y Cyngor. Bydd galwadau brys yn destun i drafodaeth benodol.