Cyngor Gwynedd 
Lleoliad: Uned Hergest, Yabyty Gwynedd, Bangor

 Pwrpas y Swydd.
• Sicrhau bod plant ac oedolion bregus yn cael ei ddiogelu.
• Darparu gwasanaeth argyfwng gwasanaethau gofal tu allan i oriau 
 gwaith ymarferol.


 Cyfrifoldeb am Adnoddau. . e.e. staff, cyllid, offer:
 . Offer Gwaith: Ffon symudol, Gliniadur ayb

 Prif Ddyletswyddau

•I weithredu fel Gweithiwr Cymdeithasol (RSW) a Gweithiwr Proffesiynol Iechyd Meddwl Cymeradwy (AMHP) yn y Tîm Tu Allan i Oriau.
•Yn gymwys i weithredu fel Gweithiwr Cymdeithasol Cofrestredig (RSW) ac fel Gweithiwr Proffesiynol Iechyd Meddwl Cymeradwy (AMHP) (neu’n gymwys ac yn ymgymryd â hyfforddiant Gweithiwr Proffesiynol Iechyd Meddwl Cymeradwy), gan gynnal eich statws proffesiynol trwy hyfforddiant ôl gymhwyso a goruchwyliaeth reolaidd.
•Yn gymwys trwy hyfforddiant i wneud gwaith diogelu, gan gynnwys gallu i ymchwilio ar y cyd i gamdriniaeth o blant. 
•Yn cydymffurfio â’r Côd Ymarfer Proffesiynol GofalCymdeithasol a’r Canllaw Ymarfer ar Gyfer Gweithwyr Cymdeithasol Cofrestredig.
•Yn gweithredu yn gyfreithiol a diogel a darparu gwasanaeth argyfwng gofal ar gyfer Cyngor Gwynedd a Chyngor Ynys Môn (Y Bartneriaeth).
•Yn darparu mynediad uniongyrchol i wasanaeth Gwaith Cymdeithasol mewn argyfwng.
•Yn darparu gwasanaeth i unigolion, teuluoedd a’r gymuned o fewn fframwaith cyfreithiol a’r canllawiau ymarfer perthnasol i wasanaethau i blant ac oedolion ac yn unol â threfniadau gweithredu’r Gwasanaeth Tu Allan i Oriau.
•Yn ymchwilio, asesu a gweithredu i gefnogi unigolion tu allan i oriau gwaith arferol, gan gynnwys gweithrediadau statudol i ddiogelu oedolion bregus a phlant mewn perygl o niwed.
•Yn cynnig cyngor priodol i’r cyhoedd, asiantaethau neu staff awdurdod lleol.
•Yn cyd-weithio gyda gweithwyr proffesiynol perthnasol yn y sector statudol a gwirfoddol er mwyn cyflawni’r rôl yn effeithiol.
•Yn cynnig cyngor ac ymgynghori gyda cydweithwyr mewn timau ardal, tu allan i oriau gwaith arferol lle bo hynny yn addas.
•Yn cofnodi gweithrediadau ymyrraeth o fewn systemau a threfn arferol y Tim Tu Allan i Oriau.
•Yn darparu adroddiad/ adborth ar gyfer pob cais am wasanaeth a dderbynnir, er enghraifft i weithwyr perthnasol o fewn yr ardaloedd, Awdurdodau eraill neu asiantaethau perthnasol eraill. Gwneir hyn trwy’r trefniadau cofnodi a’r ddogfennaeth gydnabyddedig o fewn y Tim tu Allan i Oriau.
•Yn cydymffurfio a’r patrwm gwaith a osodir gan y rheolwr tîm yn unol â fframwaith a safonau’r gwasanaeth.
•Yn gweithredu yn unol â deddfwriaeth a chanllawiau ymarferperthnasol, er enghraifft Mesur Iechyd Meddwl (Cymru) 2010, Deddf Gwasanaethau Cymdeithasol a Llesiant (Cymru) 2014 a’i godau ymarfer.
•Yn gweithredu’n unol a’r trefniadau ar gyfer defnydd priodol adnoddau’r gwasanaeth a’r Bartneriaeth.
•Yn mynychu cyrsiau hyfforddi, sesiynau goruchwyliaeth a chyfarfodydd perthnasol yn ôl yr angen.
•Yn hysbysu’r Rheolwr Tîm am achosion a sefyllfaoedd sy’n codi cwestiynau polisi allweddol neu’n achosi problemau difrifol i’r adran (neu’r Partneriaid) fel y gellir cael arweiniad rheolaeth, neu ddatblygu polisïau.
•Yn hysbysu’r Rheolwr Tim, yn unol â’r Cod Ymarfer o sefyllfaoedd sydd angen hysbysiad rheolwr. Er enghraifft digwyddiadau o berygl, o berygl personol, digwyddiadau anodd sydd angen eu trafod, anawsterau eraill sydd yn amharu ar eich lles neu eich effeithiolrwydd.
•Yn gyfrifol am hunan ddatblygiad drwy ymgymryd â dysgu a datblygu perthnasol i gynnal a gwella eich gwybodaeth a’ch sgiliau i sicrhau eich bod yn addas i ymarfer.
•Yn cydymffurfio â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor. 
•Yn cymryd gofal rhesymol am iechyd a diogelwch eich hunain a phobol eraill fydd efallai yn cael eu heffeithio gan eich gweithrediadau gan gydymffurfio gyda phob deddfwriaeth iechyd a diogelwch sydd yn briodol. Mae hyn yn cynnwys hysbysu eich cyflogwr neu’r awdurdod priodol ynghylch ac unrhyw anawsterau personol a allent effeithio ar eich gallu i wneud eich gwaith yn gymwys ac yn ddiogel.
•I gyfrannu at waith y Rheolwr Tîm wrth iddynt arfarnu ac adolygu safonau’r tîm, datblygu’r gwasanaeth a gwaith cyffredinol i ddarparu gwasanaeth effeithiol.
•I ddarparu ystadegau gwaith yn gyson i’r Rheolwr Tîm, ac unrhyw wybodaeth arall angenrheidiol yn ôl y gofyn.
•I gynrychioli'r Tîm mewn cyfarfodydd fel y gofynnir gan Reolwr Tîm, Uwch Rheolwyr neu’r Partneriaid.
•I fynychu cyfarfodydd tîm gan baratoi a chyfrannu yn ôl y gofyn.
•I fod yn atebol, drwy oruchwyliaeth a’r llinell rheoli, am eich ymarfer fel aelod o’r Tîm Tu Allan o Oriau.
•Yn gweithredu o fewn polisïau’r Cyngor yng nghyswllt cyfle cyfartal a chydraddoldeb.
•Yn cynnig cyfarwyddyd ac arweiniad proffesiynol ar waith cymdeithasol i weithwyr sydd newydd gymhwyso neu weithwyr llai cymwysedig.
•Yn parchu preifatrwydd unigolion, cynnal cyfrinachedd lle mae’r gofyn ac yn addas. Adnabod pa bryd mae hi’n addas ac yn gyfreithlon i ddatgelu gwybodaeth berthnasol i ddefnyddwyr gwasanaeth a gwneud datganiadau angenrheidiol oddi mewn i fframwaith polisïau a’r gyfraith.
•Yn gyfrifol am reoli gwybodaeth yn unol â safonau a chanllawiau rheoli gwybodaeth y Cyngor, gan sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data.
•Yn cymryd rhan yn rhaglen hyfforddi sgiliau’r Cyngor ac yn cynnal eich datblygiad proffesiynol a personol. 
•Dyma restr enghreifftiol o’r dyletswyddau. Gall disgwyliadau’r swydd ddatblygu a bydd y trefniadau goruchwylio ac adolygu perfformiad yn y gwaith yn cyfarch hyn.
•Disgwylir i ddeilydd y swydd ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldebau'r swydd ar gais y Rheolwr Tim, Uwch Reolwr neu Bennaeth y Gwasanaeth.
•Cyfrifoldeb am hunan ddatblygiad.
•Ymrwymiad i leihau allyriadau carbon y Cyngor yn unol â’r Cynllun Rheoli Carbon ac i annog eraill i weithredu’n gadarnhaol tuag at leihau ôl-troed carbon y Cyngor.
•Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
•Cyfrifoldeb i adrodd ar bryder neu amheuaeth bod plentyn neu oedolyn bregus yn cael ei gamdrin

 Amgylchiadau Arbennig. . e.e. angen i weithio oriau anghymdeithasol, trefniadau gwaith arbennig, a.y.y.b.

 Angen i weithio oriau anghymdeithasol

 Dim ond amlinelliad o ddyletswyddau’r swydd a ddangosir uchod, a hynny er mwyn rhoi syniad o’r lefel cyfrifoldeb sydd ynghlwm â hi. Nid yw’r swydd ddisgrifiad hon yn fanwl gynhwysfawr, ac fe all dyletswyddau’r swydd newid o bryd i’w gilydd heb newid ei natur sylfaenol a’r lefel cyfrifoldeb.