Pwrpas y swydd
•Sicrhau bod pobl Gwynedd yn ganolog i bopeth yr ydym yn ei wneud.
•Arwain a gweithredu fel y swyddog arbenigol yn y maes Trwyddedu gyda’r swyddogaethau yn ymwneud a penderfynu ar geisiadau, cydymffurfiaeth gyda deddfwriaethau paratoi polisïau Trwyddedu – yn y meysydd gwaith sydd yn cynnwys trwyddedu tacsis, alcohol, adloniant, gamblo, carafanau a lles anifeiliaid.
•Sicrhau gwasanaeth o ansawdd uchel sydd yn canolbwyntio ar anghenion y cwsmer
•Gweithredu fel Arweinydd Tim i staff dynodedig.
Cyfrifoldeb am adnoddau e.e. staff, cyllid, offer
•Staff – Arwain a goruchwylio staff dynodedig sydd gyda dyletswyddau trwyddedu.
•Cyllid – Cyllidebau sy'n ymwneud â gwaith y tim yn y maes trwyddedu.
•Offer – Offer swyddfa personol ac offer a ddefnyddir gan swyddogion y Tim trwyddedu.
Prif ddyletswyddau
•Arwain tim o unigolion neu mewn maes / meysydd gwaith penodol gan sicrhau darpariaeth gwasanaeth trwyddedu a gorfodaeth effeithiol o deddfwriaethau yn y meysydd trwyddedu; ymateb i ofynion cwsmeriaid, y cyhoedd ac aelodau, ac o fewn cyllidebau’r gwasanaeth .
•Gweithredu fel swyddog arweiniol ar gyfer y maes trwyddedu chefnogi’r Rheolwr drwy gyfrannu at baratoi cynlluniau darparu gwasanaeth blynyddol, ac arwain ar eu gweithrediad
•Rhoi arweiniad proffesiynol, statudol a gweithredol i staff y tim, i fusnesau, defnyddwyr, y cyhoedd ac Aelodau, ynghylch materion trwyddedu a gweithredu fel bo angen i sicrhau bod y Gwasanaeth yn cyflawni gwaith yn effeithiol ac effeithlon.
•Darparu cyngor a chefnogaeth ar faterion sy'n ymwneud a’r maes i’r Rheolwr Gwarchod Y Cyhoedd (Safonau Masnach a Thrwyddedu) , Pennaeth / Pennaeth Adran Cynorthwyol, y Cyngor a'i bwyllgorau yn ôl y galw a mynychu pwyllgorau a chyfarfodydd fel bo'r angen.
•Arwain ar yr holl waith o ddelio gyda ceisiadau am drwyddedau, ac achosion gorfodaeth yn y maes Trwyddedu a delio’n uniongyrchol gyda’r materion cymhleth a chynhennus fel yr arbenigwr yn y maes.
•Arwain ar y gwaith o baratoi a chyflwyno adroddiadau i’r Pwyllgor Trwyddedu Canolog, Pwyllgor Trwyddedu Cyffredinol a’r Is-bwyllgorau trwyddedu.
•Arwain a gweithredu ar gyflawni rhaglenni gwaith ac arolygon penodol, gan gynnwys sicrhau ymateb yn gyflym ac yn briodol i sefyllfaoedd argyfwng gan gynnwys materion sydd yn codi y tu allan i oriau swyddfa arferol, fel bo angen.
•Arwain ar achosion erlyniad a chynrychioli’r Cyngor mewn llysoedd barn.
•Cynhyrchioli holl wasanaethau Gwarchod y Cyhoedd ar y grŵp Cynghori Diogelwch (SAG).
•Arwain ar fentora ac hyfforddi’r Tim Trwyddedu ac ar addysgu a chynghori defnyddwyr y gwasanaeth gan gynnwys busnesau, y cyhoedd ac aelodau.
•Cyfrifoldeb am ddatblygiad, a gwerthusiad staff y tim trwyddedu a’u annog i weithio i'w llawn botensial drwy osod amcanion a thargedau sy'n addas ar gyfer mesur cyflawniad o fewn y maes trwyddedu.
•Arwain a chynrychioli’r Tim / Gwasanaeth / Cyngor ar weithgorau trawsadrannol ac ar fforymau rhanbarthol a cenedlaethol fel prif bwynt cyswllt y Cyngor gydag arbenigedd yn y maes trwyddedu.
•Arwain a chyfrannu, , ar faterion datblygu canllawiau ,gweithdrefnau a pholisïau eu gwasanaeth ynghyd a chyfrannu at ddatblygu a chynnal gweithdrefnau rhanbarthol a chenedlaethol.
•Arwain ar gydlynu a gwneud gwaith mewn amgylcheddau, yn ddarostyngedig i asesiad risg penodol, gall beri risg i iechyd.
•Arwain ar fonitro a rheoli perfformiad y Tim Trwyddedu, er mwyn sicrhau fod y Tim yn gweithredu’n effeithiol ac yn cyfrannu tuag at cwrdd ag amcanion y gwasanaeth yn ogystal a chyfrannu at weithredu unrhyw gynlluniau gwella gwasanaeth
•Dirprwyo ar ran y Rheolwr Gwarchod y Cyhoedd (Safonau Masnach a Thrwyddedu)
•Cynorthwyo’r Rheolwr Gwarchod Y Cyhoedd (Safonau Masnach a Thrwyddedu) i ddatblygu trefniadau cyfathrebu a pherthynas weithio effeithiol ac adeiladol ymhlith staff y Gwasanaeth , ac i sefydlu cysylltiadau addas ac effeithiol gydag aelodau a swyddogion y Cyngor, Cynghorau Tref a Chymuned, aelodau'r cyhoedd a phartneriaid y Cyngor.
•Gweithredu o fewn polisi a gweithdrefnau'r Cyngor yng nghyswllt cyfle cyfartal a chydraddoldeb.
•Cyfrifoldeb am hunan ddatblygiad
•Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
•Gweithredu o fewn polisïau’r Cyngor yng nghyswllt cyfle cyfartal a chydraddoldeb.
•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
•Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
•Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
•Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin
Amgylchiadau arbennig
•Bydd angen i ddeilydd y swydd fynychu cyfarfodydd gyda'r nos o bryd i'w gilydd a gweithredu fel rhan o dim yn ymateb i argyfyngau sifil, yn unol â chynllun argyfwng y Cyngor. Bydd hefyd gofyn i ddeilydd y swydd deithio i gyfarfodydd oddi fewn ac oddi allan i Wynedd yn achlysurol.
•Bydd disgwyl i ddeilydd y swydd gymryd rhan yn y cynllun darparu gwasanaeth tu allan o oriau neu pan fo argyfwng ac achosion penodol yn codi sydd angen ymateb brys.
