Pwrpas y swydd
•Bod yn gyfrifol am bob agwedd o reoli Cronfa Bensiwn Gwynedd, a bod yn arweinydd gweladwy, atebol.
•Bydd y rôl yn darparu cyfrifoldeb am reolaeth o ddydd i ddydd yr awdurdod gweinyddu ar draws yr holl swyddogaethau pensiwn, gan gynnwys (ond heb fod yn gyfyngedig i) buddsoddiadau, gweinyddu, cyllid, llywodraethu a chyfathrebu.
•Sicrhau bod pobl Gwynedd yn ganolog i bopeth yr ydym yn ei wneud.
•Cefnogi’r Pennaeth Adran i gydweithio â Thîm Rheoli’r Cyngor, penaethiaid adran eraill, aelodau etholedig a phartneriaethau allanol er mwyn sicrhau fod y Cyngor yn darparu gwasanaethau o’r safon uchaf o fewn yr adnoddau posibl i drigolion Gwynedd, a sicrhau fod y gwasanaeth hwnnw’n adlewyrchu polisïau a strategaethau corfforaethol y Cyngor.
•Cynrychioli’r Pennaeth Adran mewn cyfarfodydd a digwyddiadau o fewn y Cyngor ac mewn fforymau allanol yn ogystal a bod yn aelod gweithredol o’r Fforwm Penaethiaid Cynorthwyol corfforaethol.
•Hyrwyddo trefniadau rheoli perfformiad addas sydd yn arddangos canlyniadau eglur, fel ei bod yn bosibl adnabod meysydd i’w gwella a rhwystrau i’w goresgyn gan annog gwella parhaus o fewn y gwasanaethau y cedwir trosolwg uniongyrchol arnynt.
•Sicrhau canlyniadau pendant wrth wneud y defnydd gorau o adnoddau’r Cyngor, gan ddarparu’r gwasanaeth gorau posibl i’r cwsmer, sy’n cyd fynd â blaenoriaethau’r Cyngor ac yn ymateb yn uniongyrchol i anghenion lleol.
•Bod yn Aelod o’r Tîm Rheoli adrannol gan ymgymryd ag uwch gyfrifoldeb a throsolwg o rai o wasanaethau’r Adran.
•Ymgymryd a swyddogaethau trosolwg penodol o fewn yr Adran ym meysydd:
- Diogelu Gwybodaeth
- Iechyd, Diogelwch a Llesiant
- Ymgysylltu
- Ymdrin a Chwynion
- Cydraddoldeb
- Diogelu Plant ac Oedolion Bregus
• - Cynlluniau Argyfwng
 
Cyfrifoldeb am adnoddau e.e. staff, cyllid, offer
•Bod yn gyfrifol o weinyddu holl agweddau Cynllun Pensiwn Gwynedd
 
Prif ddyletswyddau
Darparu Gwasanaethau
•Annog a chefnogi Rheolwyr Gwasanaeth a’u timau i sicrhau darpariaeth gwasanaethau o ansawdd uchel i gwrdd ag anghenion cwsmeriaid, o fewn yr adnoddau sydd ar gael
•Cydweithio gyda gwasanaethau ac asiantaethau eraill i sicrhau agwedd integredig at gyflenwi gwasanaethau
•Datblygu polisïau gweithredol
•Cymryd rhan ymarferol mewn gweithredu newid strategol
Arweinyddiaeth
Fel un o arweinyddion yr Adran ac aelod o’r Grŵp Uwch Reolwyr:
•Arwain, hybu a datblygu staff
•Arwain agenda trawsnewid
•Datblygu a hybu diwylliant y sefydliad
•Cydweithio gyda phartneriaid mewnol ac allanol
•Hybu diwylliant o wella parhaus
Cynllunio ac Adolygu
•Cymryd rôl flaenllaw yn nghyswllt cynllunio ac adolygu busnes
•Hwyluso newid mewnol ac adolygu/datblygu gwasanaeth
•Adolygu ac herio perfformiad gwasanaethau o fewn yr Adran
Rhaglen Gorfforaethol
•Pontio rhwng polisïau strategol a gweithredol
•Hybu diwylliant un Cyngor
•Cyfrannu at ddatblygiad strategol
•Cytuno a chyflawni ar gerrig milltir rhaglen y gellir ei reoli
•Hybu a gweithredu polisïau a blaenoriaethau corfforaethol e.e. themâu llorweddolcyfleu ymdeimlad o gydweithio i un amcan
CYMWYSEDDAU ALLWEDDOL
(yn ychwanegol i weddill cymwyseddau corfforaethol y Cyngor)
Gweithio o fewn y dimensiwn gwleidyddol
•creu cysylltiadau effeithiol/galluogi gweithio’n briodol ar draws ffin gwleidyddiaeth
•cynnal perthynas effeithiol gydag aelodau etholedig, y rhanbarth a’r Llywodraeth
Arwain ar newid a datblygu’r sefydliad
•gweithredu’n gyson â gwerthoedd sylfaenol y Cyngor wrth ddatblygu’r diwylliant
•gweithio gydag ansicrwydd, amwysedd a natur anochel newid
•datblygu defnydd priodol o bŵer a grym gan rymuso staff a Rheolwyr i wneud penderfyniadau y gallent eu hamddiffyn
•cyfrannu a chymryd cyd-berchnogaeth o ddatblygiad yr Adran a’r Cyngor.
Cynnal safbwynt personol a hunan wybodaeth
•bod yn barod i wrando ar a gwerthfawrogi safbwyntiau eraill gan gydnabod eu cyfraniad i’r agenda gwella a newid
•cynnal cred neu ffydd ynddo’i hunan
•datblygu gwydnwch personol, cynaladwyedd ac ymwybyddiaeth emosiynol
•cadw synnwyr digrifwch
Datblygu a galluogi partneriaethau a pherthnasau allanol effeithiol
•bod yn bencampwr yr awdurdod lleol, llywodraeth leol a democratiaeth leol
•cyd-drefnu partneriaethau cyhoeddus a phreifat effeithiol ar gyfer datblygiadau strategol a chyflenwi gwasanaethau
•gweithio gyda chymunedau ac asiantaethau eraill
•cydweithio yn fewnol i’r Cyngor, yn rhanbarthol ac yn genedlaethol
•defnyddio’r wasg a’r cyfryngau yn effeithiol i gael proffil priodol
Cadw golwg ar faterion strategol a hirdymor
•edrych tua’r dyfodol gan greu ymwybyddiaeth o sefyllfaoedd posib
•datblygu, cynnal a hyrwyddo gweledigaeth/barn strategol ar gyfer y sefydliad a’r ardal leol
•bod yn ymwybodol o allu strategol y sefydliad
Arwain a Rheoli Perfformiad
•cefnogi diwylliant sy’n canolbwyntio ar berfformio’n dda, arloesi a gwasanaethu ein cwsmeriaid
•adnabod a datrys sefyllfaoedd o danberfformiad
•gwella’n barhaus ar draws pob maes gwasanaeth
Arwain a Rheoli Pobl
•Ysgogi ac annog timau ac unigolion
•Cynnig cyfeiriad ac adborth
•Creu awyrgylch o barch
•Trosglwyddo gweledigaeth yn effeithiol i dimau ac unigolion
•Dirprwyo gwaith yn effeithiol
•Cydnabod a deall ymatebion eraill i sefyllfaoedd penodol tra’n canolbwyntio ar ddarparu gwasanaeth
•Sicrhau amgylchedd ddiogel i aelodau o dîm ddatblygu trwy gymryd risgiau
•Adnabod a deall y niwed posib a wneir pan na roddir sylw prydlon i achosion o wrthdaro
Cyfathrebu
•Rhannu a gwrando ar wybodaeth, barn a syniadau
•Cyfathrebu’n effeithiol ar lafar ac yn ysgrifenedig
•Deall bod cyfathrebu da yn gallu bod yn arf pwerus i gynyddu cymhelliant
•Dewis a defnyddio dulliau cyfathrebu a chyfryngau priodol ar gyfer amrediad o gynulleidfaoedd
•Meddu ar sgiliau cyfathrebu rhyngbersonol effeithiol
•Deall peryglon gweithio o ragdybiaethau
•Gwerthfawrogi teimladau eraill ac yn deall pwysigrwydd cynhwysiad ac ymgynghori
•Gallu cyfathrebu’n effeithiol yn y Gymraeg a’r Saesneg.
Hunanreoli
•Rhagweithiol
•Derbyn cyfrifoldeb am weithredoedd
•Darparu sefydlogrwydd mewn adegau o newid
•Meddu ar lefelau uchel o hunan-ymwybyddiaeth
•Dangos gonestrwydd
•Yn emosiynol wydn ac ymwybodol
•Blaenoriaethu tasgau a gwneud defnydd effeithiol o amser
•Profi gwerth cyhoeddus
PRIF FEYSYDD CYFRIFOLDEB
Mae’r isod yn rhoi amlinelliad o’r prif ddyletswyddau a’r cyfrifoldebau sydd ynghlwm â’r swydd hon. Nid yw’n ddisgrifiad manwl, ac fe allai dyletswyddau’r swydd amrywio o bryd i’w gilydd, er na fyddai hynny’n newid nodweddion sylfaenol y gwaith na maint cyffredinol y cyfrifoldeb sydd ynghlwm â hi.
•Gweithredu fel yr Uwch Swyddog Cynllun Pensiwn Llywodraeth Leol statudol ar gyfer Cronfa Bensiwn Gwynedd yn unol â Rheoliad 53A o Reoliadau Cynllun Pensiwn Llywodraeth Leol 2013.
•Cynllunio a monitro er mwyn sicrhau gwasanaeth o safon a gwella parhaus. Darparu gwerth am arian trwy brynu, blaenoriaethu, rheoli a monitro defnydd effeithiol o adnoddau gan gydnabod bod gwybodaeth, gallu a sgiliau yn adnoddau hefyd.
•Gwneud i bethau ddigwydd trwy wneud penderfyniadau ystyrlon ac ymateb yn effeithiol i flaenoriaethau fel maent yn newid.
•Deall a gweithio effeithiol o fewn fframwaith wleidyddol y Cyngor a bod yn ymwybodol o’r materion sy’n cael effaith ar ddarparu gwasanaeth ar wahanol lefelau. Meithrin cysylltiadau gydag eraill i elwa o ymarfer gorau er mwyn gwella darpariaeth i ddefnyddwyr y gwasanaeth.
Cyfrifoldeb cyffredinol am sicrhau bod swyddogaethau LGPS yn cael adnoddau da ac yn cyflawni'n effeithiol
•Sicrhau bod digon o adnoddau a chyllideb wedi'u dyrannu i ddarparu'r gwasanaeth LGPS dros bob blwyddyn.
•Sicrhau bod swyddogaethau LGPS yn darparu gwerth da am arian.
•Goruchwylio'r gwaith o baratoi cyllideb y gronfa i'w chymeradwyo gan y Pwyllgor Pensiwn.
•Drafftio a chyhoeddi'r cyfrifon blynyddol yn unol â chanllawiau ac amserlenni statudol.
•Arwain y swyddogaeth pensiynau, gan ddarparu arweinyddiaeth glir ac effeithiol.
Darparu arweinyddiaeth strategol a chynrychioli buddiannau'r Gronfa
•Datblygu cyfeiriad strategol buddsoddi a chyllido hirdymor y Gronfa.
•Goruchwylio datblygiad polisïau a strategaethau y Gronfa i gyflawni nodau buddsoddi a chyllid y gronfa a sicrhau bod gwasanaeth o ansawdd uchel yn cael ei ddarparu i aelodau.
•Cyfrifoldeb am weithredu polisïau a strategaethau a osodwyd gan y Pwyllgor Pensiwn.
•Cyfrifoldeb am fodloni disgwyliadau ar gyfer taliadau pensiwn amserol a chywir, gan gynnwys rheoli cyflenwyr a'u dal i gyfrif am berfformiad.
•Cynrychioli buddiannau'r gronfa LGPS o fewn uwch dîm arweinyddiaeth yr awdurdod lleol; gweithio gydag uwch randdeiliaid a sicrhau bod cynlluniau, polisïau a dyrannu adnoddau gan uwch dîm arweinyddiaeth yr awdurdod lleol yn ystyried y gofynion a'r dyletswyddau sy'n gysylltiedig â'r gronfa LGPS.
•Sicrhau bod y swyddogaeth pensiynau yn gweithio'n effeithiol gyda rhannau eraill o'r awdurdod (e.e. cyflogres, adnoddau dynol, TG, cyfreithiol, caffael).
•Adeiladu perthynas uniongyrchol â'r Person Annibynnol, gan geisio deall ac ystyried unrhyw argymhellion neu bryderon a allai godi.
•Gweithio gyda'r swyddog Adran 151 i gymeradwyo'r cyfrifon cronfa bensiwn flynyddol ac unrhyw gyfrifoldebau eraill a allai fod i gylch gwaith y ddwy swydd. Yn fwy eang, adeiladu perthynas waith gyda'r swyddog Adran 151 i sicrhau cyflawni swyddogaethau'r Gronfa.
•Cydlynu ymatebion i unrhyw ymgynghoriadau'r llywodraeth sy'n effeithio ar y LGPS a gallu'r Gronfa i gyflawni ar draws ei swyddogaethau.
Cyfrifoldeb cyffredinol am gydymffurfio â rheoliadau'r cynllun a'r ddeddfwriaeth berthnasol
•Sicrhau bod polisïau a strategaethau cronfeydd yn cael eu paratoi yn unol â deddfwriaeth a chanllawiau.
•Cyfrifoldeb am weinyddu'r cynllun a sicrhau cydymffurfiaeth â rheoliadau'r cynllun, canllawiau statudol, deddfwriaeth berthnasol arall a Chod Cyffredinol y Rheoleiddiwr Pensiynau.
•Nodi a rheoli risgiau i'r awdurdod gweinyddu gyda diwylliant cryf o reoli risg.
•Cefnogi llywodraethu effeithiol yr awdurdod gweinyddu a gweithredu'r strategaeth lywodraethu yn briodol yn unol â chanllawiau.
•Sicrhau bod yr awdurdod gweinyddol yn cynnal yr Adolygiad Llywodraethu Annibynnol fel sy'n ofynnol gan Reoliad 117 o Reoliadau Cynllun Pensiwn Llywodraeth Leol 2013 ac yn datblygu cynllun gweithredu mewn ymateb i unrhyw argymhellion neu ganfyddiadau.
•Sicrhau bod y prisiad tair blynedd yn cael ei gynnal a'i gwblhau o fewn amserlenni statudol.
•Goruchwylio archwilio mewnol ac allanol a sicrhau bod unrhyw argymhellion dilynol yn cael eu gweithredu.
•Cyfrifoldeb am sicrhau bod dyddiadau cau adrodd yn cael eu bodloni (er enghraifft, cyflwyno Ffurflen Cynllun Blynyddol i TPR ac Adroddiadau Digwyddiadau i CThEM).
•Cyfrifoldeb cyffredinol am strategaeth gyfathrebu aelodau'r gronfa
Gosod strategaeth hyfforddi a sicrhau bod gofynion gwybodaeth a dealltwriaeth yn cael eu bodloni
•Sicrhau bod gofynion hyfforddiant a gwybodaeth yn cael eu deall yn ddigonol a'u cadw dan ystyriaeth gan yr holl bartïon perthnasol.
•Sicrhau bod dadansoddiad o anghenion hyfforddi ar gyfer y Pwyllgor a'r Bwrdd yn cael ei gynnal i nodi bylchau ac anghydbwysedd. Cyfrifoldeb am unrhyw argymhellion dilynol i'w gweithredu.
•Gosod strategaeth hyfforddi'r Gronfa, sicrhau bod hon yn addas i'r diben, bod y strategaeth yn cael ei gweithredu a'i hadolygu'n effeithiol yn ôl yr angen.
Ymgysylltu â'r Pwyllgor Pensiynau a rhanddeiliaid allweddol eraill
•Sicrhau bod gan y pwyllgor pensiwn fynediad at gyngor proffesiynol digonol ar bob maes, gan gynnwys cyngor actiwaraidd, llywodraethu, cyfreithiol a chaffael.
•Sicrhau bod gan y bwrdd pensiwn lleol adnoddau digonol o ran aelodau a chyllideb i gyflawni ei rôl yn effeithiol. Gall hyn gynnwys sicrhau bod cyfarfodydd yn cworat, yn digwydd ar yr amlder y cytunwyd arno yn y cylch gorchwyl, a bod y Bwrdd wedi'i strwythuro'n briodol.
•Yn ôl yr angen, cymryd rhan yn strwythurau llywodraethu Partneriaeth Pensiwn Cymru (WPP) fel cynrychiolydd cleientiaid a sicrhau bod barn y Gronfa'n cael eu hadlewyrchu.
•Cefnogi'r Pwyllgor Pensiynau i sicrhau bod strategaeth fuddsoddi'r gronfa yn cael ei gwireddu'n effeithiol gan y WPP.
•Gweithio gyda chynghorwyr a chytuno ar dargedau perfformiad. Monitro perfformiad yn erbyn y targedau y cytunwyd arnynt a chynyddu pryderon lle mae materion perfformiad yn cael eu nodi.
•Goruchwylio ymgysylltu â chyflogwyr, gweithio gyda'r partïon perthnasol i fonitro a chyfeirio unrhyw faterion yn ôl yr angen.
Cyffredinol
•Sicrhau bod egwyddorion polisïau corfforaethol yn treiddio drwy’r gwasanaeth.
•Cynorthwyo’r Pennaeth Cyllid i baratoi’r Cynllun Busnes Adran gan gynnwys y mewnbwn priodol o ran yr Unedau y mae’r swydd yn gyfrifol amdanynt.
•Arwain, datblygu, gwerthuso ac annog swyddogion i weithio i’w llawn botensial gan osod amcanion addas iddynt a mesur cyrhaeddiad yn erbyn tueddiadau diweddar (drwy’r rheolwyr priodol).
•Sicrhau bod systemau rheoli perfformiad addas ac effeithiol mewn grym ar gyfer yr unedau a bod y pwrpasau a’r mesurau yn y cynlluniau busnes yn cael eu cyflawni a bod monitro rheolaidd yn digwydd.
•Fel bo’r angen, cynorthwyo’r Adran Cefnogaeth Gorfforaethol i ddatblygu polisïau a thargedau addas er mwyn sicrhau datblygiad priodol ar gyfer y gwasanaeth.
•Sicrhau bod egwyddorion polisïau corfforaethol yn treiddio drwy’r gwasanaeth.
•Cefnogi’r Pennaeth Cyllid i ddatblygu a gweithredu trefniadau i hyrwyddo gofal cwsmer effeithiol o fewn yr Unedau
•Ymgymryd ag unrhyw ddyletswyddau eraill cyfatebol a rhesymol, sy’n cyd-fynd â lefel cyflog a lefel cyfrifoldeb y swydd, ac a roddir o bryd i’w gilydd gan y Pennaeth Cyllid.
•Cyfrifoldeb am hunan ddatblygiad
•Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
•Gweithredu o fewn polisïau’r Cyngor yng nghyswllt cyfle cyfartal a chydraddoldeb.
•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor.  Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
•Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
•Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
•Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin
 
Amgylchiadau arbennig
•-