Pwrpas y Swydd.
Cefnogi swyddogion ar draws y Cyngor i gynnal ymarferiadau ymgysylltu cyhoeddus.
Cefnogi’r Arweinydd Tîm Gwefan ac Ymgysylltu i gynhyrchu, gweithredu a rheoli cynlluniau ymgysylltu manwl ar gyfer prosiectau strategol y Cyngor a darparu rheolaeth ansawdd ar drefniadau ymgysylltu’r Cyngor.
Cefnogi Arweinydd Tîm Gwefan ac Ymgysylltu a Swyddog Cynnwys a Gwasanaethau’r Wefan i ddatblygu a chynnal a chadw gwefan gorfforaethol y Cyngor.
Cynorthwyo swyddogion y Gwasanaeth Cyfathrebu ac Ymgysylltu gyda’r gwaith o ddatblygu a gweithredu cynlluniau cyfathrebu’r Cyngor.
Sicrhau bod pobl Gwynedd yn ganolog i bopeth yr ydan ni yn ei wneud.
Cyfrifoldeb am Adnoddau.  . e.e. staff, cyllid, offer
-                          
Prif Ddyletswyddau. 
Cynghori a chefnogi swyddogion ar draws gwasanaethau’r Cyngor i gyd-gordio a gweithredu cynlluniau ymgysylltu effeithiol er mwyn sicrhau fod pobl leol yn gallu dylanwadu’n briodol ar wasanaethau, polisïau a gweithdrefnau’r Cyngor.
Datblygu Canllawiau Ymgysylltu Corfforaethol a chynnig cyngor arbenigol i swyddogion ar ymgysylltu a methodoleg ymchwil (dylunio a dosbarthu holiaduron, maint sampl ac ati).
Cydlynu ymarferiadau Ymgysylltu Cyngor Gwynedd a chynnal a chadw cofrestr ganolog ohonynt.
Ymchwilio i’r arferion gorau o ran gwaith ymgysylltu cyhoeddus a hyrwyddo ffyrdd arloesol o ymgynghori.
Datblygu trefniadau i sicrhau fod grwpiau penodol o fewn y gymuned e.e. pobl ifanc, pobl ag anableddau a phobl hŷn yn cael cyfleoedd priodol i ddweud eu dweud a chyfrannu at y gwaith o gynllunio gwasanaethau lleol.
Trefnu ymarferiadau ymgysylltu cyhoeddus (arolygon, sesiynau galw heibio, cyfarfodydd cyhoeddus, grwpiau ffocws ac ati) ar gyfer prosiectau strategol / corfforaethol.
Defnyddio pecyn meddalwedd LimeSurvey i greu holiaduron dwyieithog electroneg.
Sicrhau fod cronfa ddata aelodau’r Panel Trigolion yn gyfredol, recriwtio aelodau newydd a diwygio manylion aelodau’r Panel yn ôl yr angen.
Rhannu gwybodaeth ynghylch ymarferiadau ymgysylltu/ymgynghoriadau a chanlyniadau gyda’r Panel Trigolion a grwpiau perthnasol.
Diweddaru a datblygu’r wybodaeth ymgysylltu ar wefan gorfforaethol Cyngor Gwynedd.
Cydweithio gyda’r Gwasanaeth Ymchwil a Gwybodaeth wrth baratoi ymgynghoriadau corfforaethol.
Cydweithio gyda swyddogion eraill y Gwasanaeth Cyfathrebu ac Ymgysylltu i hyrwyddo ymarferiadau ymgysylltu cyhoeddus.
Cefnogi Swyddog Cynnwys a Gwasanaethau’r Wefan i ddatblygu gwybodaeth a gwasanaethau hygyrch ar wefan gorfforaethol y Cyngor.
Cefnogi Swyddog Cynnwys a Gwasanaethau’r Wefan i fonitro a gweithredu ar geisiadau gan wasanaethau i ddiweddaru ac adolygu gwybodaeth ar wefan gorfforaethol y Cyngor.
Prawf ddarllen a chyfieithu deunyddiau ar gyfer Ymgysylltu a’r wefan gorfforaethol gan sicrhau eu bod wedi eu hysgrifennu mewn Cymraeg a Saesneg cywir a chlir.
Cyfrifoldeb am hunan ddatblygiad.
Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
Gweithredu o fewn polisïau’r Cyngor yng nghyswllt cyfle cyfartal a chydraddoldeb.
Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data.
Ymrwymiad i leihau allyriadau carbon y Cyngor yn unol â’r Cynllun Rheoli Carbon a i annog eraill i weithredu’n gadarnhaol tuag at leihau ôl-troed carbon y Cyngor.
Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
Cyfrifoldeb i adrodd ar bryder neu amheuaeth bod plentyn neu oedolyn bregus yn cael ei gam-drin.
Amgylchiadau Arbennig.  . e.e. angen i weithio oriau anghymdeithasol, trefniadau gwaith arbennig, a.y.y.b.
Gall dyletswyddau a chyfrifoldebau’r swydd amrywio ac mae peth hyblygrwydd yn hanfodol. O dro i dro bydd angen gweithio y tu hwnt i oriau swyddfa arferol.