Pwrpas y swydd
Sicrhau bod pobl Gwynedd yn ganolog i bopeth yr ydan ni yn ei wneud.
Rheoli prosiectau, o dan arweiniad y Rheolwr Llinell, er mwyn sicrhau y llwyddir i ddarparu yn unol â gofynion penodol y brîff a geir gan y Cleient o ran cost, amser ac ansawdd.
Bod yn weithgar wrth ddatblygu technegau a systemau rheoli prosiect (e.e. PRINCE2, Llawlyfr Rheoli Prosiect y Cyngor ayb) a fydd yn sicrhau fod yr Ymgynghoriaeth yn ymrwymo'n llawn i fodloni anghenion y Cwsmer o ran gwerth am arian tra’n gweithredu ar sail fasnachol ac yn addasu eu hun i weithredu’n effeithiol.
Sicrhau fod yr Ymgynghoriaeth yn datblygu atebion arloesol ar gyfer problemau amgylcheddol ac felly’n sicrhau ymarfer da, blaengar a gwerth gorau.
Darparu arweinyddiaeth ar gyfer aelodau eraill y tîm.
Perfformio dyletswyddau Cynrychiolydd y Peiriannydd ar brosiectau adeiladu.
Datrys materion cytundebol gyda chyrff megis contractwyr ac ymgynghorwyr.
Adolygu a datblygu gweithdrefnau newydd yn rheolaidd yn unol â pholisïau a gweithdrefnau’r Cyngor yn ogystal â datblygiadau cenedlaethol.
Talu sylw i holl fentrau’r Llywodraeth / yr Undeb Ewropeaidd e.e. Agenda Ailfeddwl Adeiladu.
Bodloni gofynion deddfwriaeth iechyd a diogelwch a’r amgylchedd.
Cyfrifoldeb am adnoddau e.e. staff, cyllid, offer
Datblygu a chynnal gwybodaeth gyfoes o: -
ddulliau o gaffael ar gyfer prosiectau seilwaith a darparu gwasanaethau proffesiynol
safonau a datblygiadau technegol (gan gynnwys systemau cyfrifiadurol a ddefnyddir ar hyn o bryd), a
cyfrifoldebau proffesiynol a statudol (gan gynnwys e.e. y rhai o dan Ddeddf Iechyd a Diogelwch yn y Gwaith ayb 1974, Deddf Bywyd Gwyllt a Chefn Gwlad 1982, Rheoliadau Cynefinoedd 1994 Rheoliadau CDM a Rheoliadau Asesiad Effaith Amgylcheddol ac unrhyw Ddeddfwriaeth Amgylcheddol statudol berthnasol arall) a'u defnydd sy’n berthnasol ar gyfer y gwaith a'r dyletswyddau a wneir.
Arolygu staff iau
Rheoli is ymgynghorwyr
Dirprwyo ar ran yr uwch swyddog uniongyrchol yn ei h / absenoldeb
Sicrhau fod yr Ymgynghoriaeth yn cyfarfod â gofynion y Cyngor a’r Gyfadran
Bod yn gyfrifol am reolaeth ariannol prosiectau a dychwelyd cardiau dyddiadur staff i'r swyddfa weinyddol ar y dydd Llun yr wythnos ganlynol.
Disgwylir i ddeilydd y swydd fod yn ymwybodol o ofynion Iechyd a Diogelwch a chydweithio gyda Rheolwr Iechyd a Diogelwch a Sicrwydd Ansawdd y Gyfadran er mwyn sicrhau fod yr Uned yn cydymffurfio â’r gofynion perthnasol.
Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor.  Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data.
Prif ddyletswyddau
Datblygu a chynnal perthynas ymarferol a phroffesiynol gyda’r prif gleientiaid, megis adeiniau eraill y Gyfadran, y swyddfeydd Ardal, Llywodraeth Cynulliad Cymru a Chyfadrannau ac Awdurdodau eraill.
Datblygu a chynnal perthynas proffesiynol gydag ymgynghorwyr statudol ar bob prosiect.
Bod yn gyfrifol am arolygu a rheoli gweithgaredd ymgynghorwyr arbenigol
Sefydlu systemau gweinyddol ac ariannol er mwyn sicrhau fod y trefniadau ar gyfer nodi, archebu, gweithredu a thalu am waith yr Ymgynghoriaeth yn glir, yn syml ac yn gweithio’n effeithiol. Adrodd gwybodaeth ariannol yn ôl i staff yr Ymgynghoriaeth. Datblygu a chynnal canolfan weinyddol ymarferol a phroffesiynol
Ymgymryd â swyddogaeth ‘tyst arbenigol’ mewn ymchwiliadau cyhoeddus
cynorthwyo gyda monitro’r Cynllun Busnes (a’i olynydd) er mwyn sicrhau perfformiad optimaidd yr uned
Cynorthwyo gyda datblygu a chynnal pob dogfen model contract yn unol â thalu sylw i ofynion athroniaeth Ailfeddwl Adeiladu.
Paratoi cynlluniau iechyd a diogelwch cyn tendro
Marchnata gwaith a gallu’r uned i gleientiaid, presennol ac arfaethedig.
Arolygu rheolaeth ariannol, weinyddol a thechnegol gwaith adeiladu, ymchwilio, asesu neu gynnal a wneir ar ran y Cleient. Cynorthwyo i ddatrys materion cytundebol ar ran cleientiaid
Sicrhau fod systemau a meddalwedd cyfrifiadurol ar gael fel bo’r uned yn perfformio ar ei gorau. Cydlynu gyda swyddog technoleg gwybodaeth y Gyfadran
Cydlynu gyda gwasanaethau eraill, cyfadrannau eraill, ymgymerwyr statudol, ymgynghorwyr statudol, awdurdodau eraill, sefydliadau allanol perthnasol eraill ac unigolion ynghylch pob agwedd o'r gwaith.
Arolygu ac arwain y gwaith a datblygu staff iau.
Adrodd i, a derbyn cyfarwyddiadau gan, staff uwch
Sicrhau fod holl brosiectau’r Ymgynghoriaeth yn cydymffurfio’n llwyr â’r holl Ddeddfwriaeth Amgylcheddol statudol ac an-statudol perthnasol.
Dyletswyddau gweinyddol a phroffesiynol eraill yn unol â statws y swydd.
Rhestr ddangosol yn unig yw hon. Disgwylir i ddeilydd y swydd fod â rôl yn y broses o reoli a monitro perfformiad yn unol â gofynion y swydd ac ysgwyddo cyfrifoldebau eraill perthnasol i natur ac i raddfa’r swydd ar gais gan Bennaeth / Rheolwr y Gwasanaeth neu’r Cyfarwyddwr Strategol.
Cyfrifoldeb am hunan ddatblygiad.
Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
Gweithredu o fewn polisïau’r Cyngor yng nghyswllt cyfle cyfartal a chydraddoldeb.
Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor.  Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
Ymrwymiad i leihau allyriadau carbon y Cyngor yn unol â’r Cynllun Rheoli Carbon ac i annog eraill i weithredu’n gadarnhaol tuag at leihau ôl-troed carbon y Cyngor.
Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
Cyfrifoldeb i adrodd ar bryder neu amheuaeth bod plentyn neu oedolyn bregus yn cael ei gamdrin
Amgylchiadau arbennig
Profiad helaeth o reoli prosiectau ac, wrth ddelio gyda hawliadau, dyfarniadau neu gyflafareddiadau, bydd gofyn gweithio y tu allan i oriau swyddfa
Y gallu i reoli staff a’r gwasanaeth mewn uwch swydd ac o fewn cyfyngiadau ariannol a chyfreithiol
Y gallu i weithio o dan bwysau Y gallu i ysgogi staff a sicrhau llwyddiant yr Ymgynghoriaeth
Mewn Ymchwiliadau Cyhoeddus ayb bydd gofyn gweithio y tu allan i oriau swyddfa