TEITL Y SWYDD: Uwch Gymhorthydd Cefnogaeth Dysgu (Lefel 3)
YSTOD CYFLOG: Graddfa Gweithwyr Llywodraeth Leol – GS4 (pwyntiau 7-11)
 
AMODAU GWAITH: Yn unol ag amodau gwaith Cenedlaethol ac atodol lleol Cyngor Gwynedd ar gyfer staff GPT ac Ch a gweithwyr llaw.
Dyddiau Gwaith: Llun i Gwener
Oriau Gwaith arferol: 32.5 awr yr wythnos 
(08:35-15:35 gyda 30 munud di-dal i ginio)
39 wythnos y flwyddyn (yn cynnwys dyddiau hyfforddaint mewn swydd)
 
Rhybydd Gadael: Yn ysgrifenedig mis ymlaen llaw
Yn Atebol I: Uwch Dim Rheoli
 Rheolwr Busnes - o ran y cyflenwi/arolygu arholiadau. 
 
PWRPAS Y SWYDD
 Gweithio dan arweiniad athrawon ac/neu aelodau o dîm rheoli'r ysgol o fewn cyfundrefn gytûn o oruchwyliaeth.
 Cefnogi unigolion a grwpiau o ddisgyblion i alluogi mynediad i ddysgu. Gallai hyn gynnwys y rhai sydd angen gwybodaeth fanwl ac arbenigol mewn meysydd penodol.
 Cyfrannu at gylch cynllunio’r athro er mwyn sicrhau bod gan bob disgybl fynediad cyfartal i ddysgu.
 Yn achlysurol, goruchwylio dosbarthiadau cyfan yn ystod absenoldeb tymor byr yr athro/athrawes. Prif ffocws cyflenwi o’r fath fydd ymateb i gwestiynau, cynorthwyo disgyblion i ymgymryd â gweithgareddau a osodwyd ac aros ar y dasg a chynnal trefn.
PRIF DDYLETSWYDDAU
Cefnogaeth i Ddisgyblion
 Pan na fydd angen arolygu dosbarthiadau (a/neu arholiadau), bydd disgwyl i’r Uwchgymhorthydd gefnogi disgyblion.
 Bydd amserlen wythnosol parod ar gael ar gyfer yr Uwch Gymhorthydd.
 Fe adolygir yr amserlen yn rheolaidd yn unol â gofynion yr ysgol. 
 Bydd cefnogi yn digwydd gyda dosbarthiadau cyfan (gyda’r athro/awes arferol), gyda grwpiau bach a/neu gydag unigolion yn unol â rhaglen waith wedi ei chytuno â’r athrawon perthnasol a/neu’r rheolwr llinell.
 Bydd angen adrodd yn ôl ar gynnydd y disgyblion i’r athrawon perthnasol ac i’r rheolwr llinell.
 Canolbwyntir y cefnogi ar agweddau yn ymwneud yn bennaf a sgiliau llythrennedd, rhifedd a thechnoleg gwybodaeth mewn cyd-destun y pynciau ysgol a hefyd agweddau o ymddygiad a sgiliau cymdeithasol.
 Defnyddio sgiliau/hyfforddiant/profiad arbenigol (cwricwlaidd/dysgu) i gefnogi disgyblion.
 Cynorthwyo gyda datblygu a gweithredu CAU (IEPs) a CYU(IBPs). 
 Sefydlu perthynas weithio bwrpasol gyda’r disgyblion ac ennyn disgwyliadau uchel. 
 Hybu cynhwysiad a derbyniad pob disgybl o fewn y dosbarth. 
 Rhoi sylw i anghenion personol disgyblion a gweithredu rhaglenni personol perthynol, yn cynnwys rhai cymdeithasol, iechyd, corfforol, hylendid, cymorth cyntaf, toiledau, bwydo a symudoledd.
 Yn dilyn hyfforddiant, gweinyddu meddyginiaeth yn unol â’r gweithdrefnau polisïau yr AALL ac ysgolion. 
 Cefnogi disgyblion yn gyson gan adnabod ac ymateb i’w hanghenion unigol.
 Annog disgyblion i ryngweithio a chydweithio gydag eraill.
 Hybu annibyniaeth a defnyddio strategaethau ar gyfer adnabod a gwobrwyo cyflawni hunanddibyniaeth.
 Targedu ac adolygu presenoldeb disgyblion
 Darparu adborth effeithlon i ddisgyblion mewn perthynas â rhaglenni ac adnabod a gwobrwyo cyflawniad, yn cynnwys ymddygiad a phresenoldeb.
Goruchwyliwr/Goruchwylwraig Arholiadau
 Arolygu arholiadau mewnol ac allanol fel bo’r gofyn.
Goruchwyliwr Cyflenwi/Goruchwylwraig Gyflenwi
 Cofrestru a chofnodi presenoldeb myfyrwyr mewn gwersi.
 Cyfarwyddo myfyrwyr ynghylch y gwaith a adawyd gan eu hathro/hathrawes.
 Darparu’r adnoddau angenrheidiol i’r myfyrwyr ar gyfer eu dysgu.
 Sicrhau yr eir i mewn i’r dosbarthiadau ac y deuir allan ohonynt yn drefnus.
 Creu amgylchedd tawel a phwrpasol lle gall disgyblion gwblhau gwaith a osodwyd gan yr athro dosbarth.
 Rheoli ymddygiad y disgyblion a chadw trefn yn y dosbarthiadau yn unol â pholisïau a chanllawiau’r ysgol.
 Cyfathrebu â’r Pennaeth Blwyddyn berthnasol o safbwynt monitro ac adrodd ar faterion bugeiliol a/neu ymddygiad.
 Dilyn cyfundrefnau a gweithdrefnau ysgol ar reoli ymddygiad.
 Rheoli adnoddau’n effeithlon a sicrhau y gadewir dosbarthiadau’n daclus ac yn barod ar gyfer y wers nesaf.
 Casglu unrhyw waith a gwblhawyd ar ôl y wers a’i ddychwelyd i’r athro priodol.
 Cysylltu â’r athro/athrawes mewn perthynas â gwaith cyflenwi.
 Cydweithio â’r rheolwr cyflenwi dyddiol yr ysgol ynglŷn ag amserlen arolygu ddyddiol. 
 Cefnogaeth i’r Cwricwlwm wrth oruchwylio dosbarthiadau yn absenoldeb athro/athrawes.
 Casglu banc o waith goruchwylio mewn cysylltiad ag aelodau perthnasol y staff addysgu.
Cefnogaeth i’r Athro/Athrawes 
 Gweithio gyda’r athro/athrawes i greu amgylchedd dysgu pwrpasol, trefnus a chynhaliol.
 Gweithio gyda’r athro/athrawes i gynllunio gwersi, gwerthuso ac addasu gwersi/cynlluniau gwaith fel y bo’n briodol.
 Monitro a gwerthuso ymatebion y disgyblion i weithgareddau dysgu drwy arsylwi a chofnodi cyflawniad yn erbyn nodau dysgu a bennwyd ymlaen llaw.
 Darparu cefnogaeth glerigol/weinyddol gyffredinol, e.e. gweinyddu gwaith cwrs, cynhyrchu taflenni gwaith at gyfer gweithgareddau y cytunwyd arnynt.
 Darparu adborth llafar ac ysgrifenedig i’r athro/athrawes ar gynnydd a chyflawniad disgyblion.
 Fel y cytunwyd gyda’r athro/athrawes, bod yn gyfrifol am gadw a diweddaru cofnodion. Cyfrannu at arolwg o gyfundrefnau cadw cofnodion yr ysgol fel bo'r gofyn. Cefnogaeth i’r Cwricwlwm
 Gweithredu gweithgareddau dysgu a rhaglenni addysgu y cytunwyd arnynt.
 Gweithredu rhaglenni cysylltiedig â strategaethau dysgu lleol, e.e. llythrennedd, rhifedd, TGaCh.
 Gwneud defnydd effeithiol o gyfleoedd a ddarperir gan weithgareddau dysgu eraill i gefnogi datblygu sgiliau perthnasol.
 Cefnogi’r defnydd o TGaCh mewn gweithgareddau dysgu a datblygu cymhwysedd ac annibyniaeth y disgyblion wrth ei ddefnyddio. 
 Cynorthwyo disgyblion i gael mynediad i weithgareddau dysgu drwy gefnogaeth arbenigol. 
 Pennu’r angen am offer ac adnoddau cyffredinol ac arbenigol, eu paratoi a’u cynnal a’u cadw.
Cefnogaeth i’r Ysgol
 Bod yn ymwybodol o’r polisïau a’r gweithdrefnau perthynol i gynhwysiad, amddiffyn plant, iechyd, diogelwch a diogeled, cyfrinachedd ac amddiffyn data, a chydymffurfio â hwy, gan adrodd am bob pryder wrth y person priodol. Dylai hyn hefyd, ar gyfer goruchwylwyr cyflenwi, gynnwys rheoli ymddygiad.
 Cyfrannu at ethos/ waith/amcanion cyffredinol yr ysgol, yn cynnwys y Cwricwlwm Cymreig.
 Sefydlu perthynas bwrpasol a chyfathrebu gydag asiantaethau/proffesiynolwyr eraill, mewn cysylltiad â’r athro/athrawes, i gefnogi cyflawniad a chynnydd y disgyblion.
 Mynychu cyfarfodydd rheolaidd a chyfranogi ynddynt.
 Cymryd rhan mewn hyfforddiant a gweithgareddau dysgu eraill, fel y bo’n ofynnol.
 Adnabod cryfderau a meysydd arbenigedd yr hunan a defnyddio’r rhain i gynghori a chefnogi eraill.
 Darparu arweiniad a goruchwyliaeth briodol a chynorthwyo yn hyfforddiant a datblygiad staff cynhaliol eraill fel y bo’n briodol.
 Ymgymryd â goruchwylio cynlluniedig o weithgareddau dysgu’r disgyblion y tu allan i oriau ysgol. 
 Goruchwylio’r disgyblion ar ymweliadau, teithiau a gweithgareddau y tu allan i’r ysgol.
 Mae’r ysgol yn cynnal rhaglen gyfoethog o weithgareddau a disgwylir i’r Uwch Gymhorthydd gefnogi’r rhaglen yn rheolaidd.
Datblygiad Cyfatebol Eraill
 Yn achlysurol bydd angen ymgymryd â dyletswyddau eraill ar gais y Pennaeth.
DATBLYGIAD PROFFESIYNOL A HYFFORDDIANT MEWN SWYDD 
Mae’r ysgol yn cefnogi datblygiad proffesiynol pob aelod o’r staff drwy raglen o hyfforddiant mewn swydd. 
Bydd hyfforddiant ar gael i’r Uwch Gymhorthydd drwy’r dulliau canlynol yn bennaf:
 mynychu cyrsiau sirol 
 mynychu cyrsiau mewnol yn yr ysgol 
 cysgodi a chyd-weithio â staff eraill 
 mentora gan y rheolwr llinell
Dyletswyddau Penodol Eraill 
 Cydymffurfio â pholisi iechyd a diogelwch yr ysgol ac asesiadau risg yn ôl y gofyn.
Sylwer:
 Tra bod pob ymdrech wedi’i gwneud i esbonio prif ddyletswyddau a chyfrifoldebau’r swydd, efallai nad yw pob tasg unigol wedi’i nodi.
 Nid yw’r swydd ddisgrifiad hon yn ffurfio rhan o gytundeb cyflogaeth.
 Disgwylir i ddeilydd y swydd gydymffurfio ag unrhyw gais rhesymol gan reolwr i ymgymryd â gwaith o lefel debyg nad yw wedi’i nodi yn y swydd ddisgrifiad hon.
 Bydd yr ysgol yn gwneud pob ymdrech i gyflawni unrhyw addasiadau rhesymol i’r swydd a’r amgylchfyd gwaith i alluogi mynediad at gyfleoedd cyflogaeth ar gyfer ymgeiswyr anabl neu gyflogaeth barhaol ar gyfer cyflogai sy’n datblygu cyflwr sy’n anablu.
 Mae’r swydd ddisgrifiad yn gyfredol ar y dyddiad a ddangosir, ond yn dilyn ymgynghori â chi, gellir ei newid gan reolwr er mwyn adlewyrchu neu ragweld newidiadau yn y swydd sy’n gymesur â’r cyflog/lwfans a theitl y swydd.