Pwrpas y Swydd.
 
Sicrhau bod pobl Gwynedd yn ganolog i bopeth yr ydan ni yn ei wneud
Sicrhau safonau dysgu ac addysgu, rheolaeth, arweinyddiaeth a llywodraethiant effeithiol ac effeithlon ysgolion Gwynedd.
Sicrhau addysg o ansawdd uchel i'r holl blant a phobl ifanc ar draws y sir drwy weithio gydag eraill i gyfrannu at ddatblygiad, gwelliant ac effeithiolrwydd ysgolion.
Darparu cefnogaeth briodol i ysgolion hyrwyddo a chynnal gwelliant a sicrhau her effeithiol i gwrdd â dyletswyddau statudol yr Awdurdod Lleol.
Bod yn bwynt cyswllt cefnogaeth gyson i benaethiaid nifer penodol o ysgolion.
Arwain ar agweddau mewn perthynas â safonau, darpariaeth ac arweinyddiaeth i gefnogi agweddau statudol ac anstatudol addysg ym mhob lleoliad a ddyrannwyd o dan gyfarwyddyd.
Cyfrannu tuag at y safonau cyrhaeddiad uchaf posibl i bawb drwy ddarparu cymorth priodol i ysgolion hyrwyddo a chynnal gwelliant a sicrhau her effeithiol i gyflawni dyletswyddau statudol yr Awdurdod Lleol.
Gweithio mewn partneriaeth yn lleol ac yn rhanbarthol i ddarparu cyngor ac arweiniad i ysgolion a'r Awdurdod ar addysg.
Cyfrannu at ddarparu cefnogaeth gadarnhaol sydd yn gefnogol a heriol i holl ysgolion Gwynedd.
Cynghori a chefnogi ysgolion a rhanddeiliaid (gan gynnwys rhieni a llywodraethwyr) ar faterion arweinyddiaeth a rheolaeth addysg.
 
 
 
 
 
    Cyfrifoldeb am Adnoddau.  . e.e. staff, cyllid, offer
 
Cyfrifoldeb am gynnal safonau, arweinyddiaeth, llywodraethiant, rheolaeth nifer o ysgolion penodol.
Cyfrifiadur a ffôn symudol.
 
 
 
 
 
    Prif Ddyletswyddau.  .
 
Disgwylir i’r Swyddog Cefnogi Ysgolion adnabod yr ysgolion y maent yn eu cefnogi yn drwyadl gan ddal sylw a gweithredu yn unol â’r angen ar yr ystod lawn o agweddau sydd yn sicrhau fod disgyblion yn gwneud y cynnydd disgwyliedig.
 
Disgwylir i’r  Swyddog Cefnogi Ysgolion fod yn gefn i benaethiaid Gwynedd gan weithio ochr yn ochr â hwy i oresgyn ystod eang o heriau sydd yn wynebu ein hysgolion o ddydd i ddydd. Mae’n ddisgwyliedig y bydd y Swyddog Cefnogi Ysgol ar gael ac yn ymateb yn brydlon a chynnig arweiniad o ansawdd.
 
Disgwylir i’r Swyddog Cefnogi Ysgolion arwain a bod yn gyfrifol am ddarparu cefnogaeth a her broffesiynol i ysgolion ar draws y sir ac ar draws meysydd allweddol megis: Arweinyddiaeth a Rheolaeth, Addysgu a Dysgu, Cynllunio a Chefnogi Cwricwlwm, Ymddygiad ar gyfer Dysgu, Cynnydd Pob Dysgwr.
 
Disgwylir i’r Swyddog Cefnogi Ysgolion fod yn rhan allweddol o feithrin y diwylliant lle bod ysgolion yn cefnogi ei gilydd gyda sylw pawb ar sicrhau fod plant Gwynedd yn gwneud cynnydd ac yn cyrraedd eu llawn botensial.
 
Disgwylir i Swyddog Cefnogi Ysgolion gyflawni’r swydd trwy gyfeirio’n uniongyrchol at y Deddfau Addysg, Fframwaith Gwella Ysgolion, Rheoliadau, Codau Ymarfer a’r ddeddfwriaeth gysylltiedig sy’n ymwneud â’r swydd.
 
Mae’n swydd heriol ac mae disgwyl i’r Swyddog Cefnogi Ysgolion fod â lefelau uchel o wybodaeth arbenigol, sgiliau rhyngbersonol, cyfathrebu ac arweinyddiaeth, a ddiffinnir gan Safonau Cenedlaethol.
 
Fe ellid gofyn i d’eilydd y swydd arddel cyfrifoldeb a rheolaeth strategol ar lefel gwasanaeth cyfan o rai agweddau o ran y gwasanaethau addysg yng Ngwynedd fel y pennir gan y Pennaeth Addysg a’r Pennaeth Cynorthwyol Cefnogaeth Ysgolion.
 
 
Er mwyn bod yn effeithiol fel Swyddog Cefnogi Ysgolion, mae angen  :
bod â phrofiad perthnasol a hygrededd a ddaw o arwain yn llwyddiannus mewn ysgol;
perthnasu’n dda ag eraill gan adlewyrchu’r diwylliant yr ydym yn dymuno ei feithrin yng Ngwynedd; 
dangos y gallu i ddylanwadu ar a dwyn perswâd ar eraill i weithredu, a hefyd dangos sgiliau hyrwyddo
ar lefel uchel, a hynny’n aml o dan amgylchiadau heriol, ac
arddangos y safonau sydd eu hangen i reoli a chefnogi’r unigolion a’r timau er mwyn cyflawni amcanion
cyffredinol y Gwasanaeth Addysg yng Ngwynedd.
 
Cyfrifoldebau a Dyletswyddau
 
Bod â chyfrifoldeb uniongyrchol am nifer dynodedig o ysgolion a fydd yn cael eu pennu gan y Pennaeth Cynorthwyol Cefnogaeth Ysgolion yn flynyddol.
 
Gweithredu fel y pwynt cyswllt i’r yr ysgolion y maent yn eu cefnogi am ystod eang o ymholiadau. Fe all ymholiadau Penaethiaid ymwneud ac agweddau o amrywiol redeg ysgol megis adnoddau dynol, cyllid, llywodraethiant i wella ysgolion.
 
Sicrhau arweiniad i ymholiadau Penaethiaid yn effeithiol ac effeithlon. Nid oes disgwyl i’r Swyddog Cefnogi Ysgolion fod yn arbenigwr ymhob maes gan y bydd arbenigedd o fewn y tîm o Swyddogion Cefnogi Ysgol.
 
Hyrwyddo cydweithio ffurfiol rhwng ysgolion er mwyn gweithredu arfer dda a rhagorol trwy hyrwyddo’r cysyniad o sefydliad sydd yn dysgu.
 
Cynnig cefnogaeth a gosod her i ddysgu ac addysgu yn y dosbarth (addysgeg) mewn nifer dynodedig o ysgolion trwy roi cefnogaeth a chyngor ar ddulliau dysgu, addysgu a sgiliau, ac ar arfarnu ansawdd y dysgu a’r addysgu yn ogystal â nodi arferion dysgu ac addysgu effeithiol y gellir eu cyd-rannu o fewn, ac ar draws Gwynedd.
 
Bod â chyfrifoldeb uniongyrchol am gydlynu cefnogaeth gwricwlwm trwy osod her a chefnogaeth strategol i strategaethau ddysgu ac addysgu a datblygu’r cwricwlwm (yn cynnwys o fewn meysydd pwnc penodol).
 
Bod yn gyfrifol am ddarparu cymorth a her broffesiynol o fewn nifer dynodedig o ysgolion a hynny ar draws meysydd allweddol megis:
Cynnydd pob Dysgwr (gan gynnwys grwpiau o ddysgwyr megis ADY, PYD ac ati).
Arweinyddiaeth a Rheolaeth
Llywodraethiant
Addysgu a Dysgu
Cynllunio a Chefnogi'r Cwricwlwm.
 
Cynnig arweiniad ar agweddau o’r maes Anghenion Dysgu Ychwanegol, Cynhwysiad a lles gan sicrhau mewnbwn arbenigwyr lle’n briodol.
 
Bod yn gyfrifol am sicrhau bod yr Awdurdod Lleol yn cyflawni ei ddyletswyddau statudol drwy gefnogi nifer dynodedig o ysgolion drwy’r prosesau hunanwerthuso, cynllunio gwelliant a sicrhau ansawdd.
 
Naill ai’n uniongyrchol, neu drwy gyfrwng cefnogaeth wedi ei chomisiynu fel sy’n briodol, cyfrannu tuag at ddatrys materion penodol sy’n ymwneud â materion sy’n gysylltiedig â phwnc/cwricwlwm.
 
Sicrhau gweithredu cyflym ac effeithiol wrth fonitro safonau a chynnydd mewn ysgolion ac i frocera cymorth ychwanegol effeithiol i ysgolion, yn ôl yr angen. Mae hyn yn cynnwys arwain ar gynlluniau cymorth ar gyfer ysgolion y cytunwyd arnynt.
 
Arwain agwedd gytûn ar wella ysgolion ar draws Gwynedd a pe byddai’r angen Ynys Môn. Bydd y maes penodol yn cael ei gytuno yn seiliedig ar brofiad ac arbenigedd ar draws y tîm.
 
Cynnal a datblygu perthnasoedd gwaith effeithiol gyda strategaethau cenedlaethol a chyrff allanol eraill, paratoi a chyflwyno gwybodaeth ar gyfer monitro allanol fel y bo'n briodol.
 
Cynnal a datblygu gwaith partneriaeth hynod effeithiol gyda Phenaethiaid a Chyrff Llywodraethu, er mwyn sicrhau bod datblygiad yn cael ei gyfoethogi gan yr arbenigedd sydd eisoes yn bresennol mewn ysgolion.
 
Darparu cyngor ac argymhellion ar benodiad, rheoli perfformiad a mentora Penaethiaid gan gynnwys cefnogi cyrff llywodraethu gyda phrosesau'r uchod.
 
Cyfrannu at gynlluniau moderneiddio ysgolion sicrhau bod y rhain yn cael eu cyflawni'n effeithiol. Cefnogi ysgolion ac arweinwyr ysgolion drwy brosesau sydd yn ymwneud â’r maes moderneiddio.
 
Cyfrannu at gynllunio a darparu Cynnig Dysgu Proffesiynol i sicrhau Gwella Ysgolion ar draws Gwynedd mewn ymateb i flaenoriaethau lleol, rhanbarthol a chenedlaethol.
 
Gweithio gyda'r Pennaeth Cynorthwyol Cefnogaeth Ysgolion ac arweinwyr ysgolion i baratoi ar gyfer ymweliadau Estyn (ysgol, ac Awdurdod Lleol) a chyfrannu atynt, ac i gefnogi unrhyw weithgaredd dilynol perthnasol.
 
Sicrhau yr ymdrinnir â chwynion/ymholiadau yn effeithlon a rhoddir cyngor priodol ac amserol i Benaethiaid, Llywodraethwyr, rhanddeiliaid ac aelodau'r cyhoedd.
 
Bydd gan bob Swyddog Cefnogi Ysgolion gyfrifoldeb am agweddau o’r gwasanaeth ar lefel sirol fydd yn cael eu pennu gan y Pennaeth Cynorthwyol Cefnogaeth Ysgolion a / neu’r Pennaeth Addysg.
 
Ychwanegol  
 
Bydd natur y gwaith yn golygu bod d’eilydd y swydd yn cyflawni gwaith tu allan i oriau gwaith arferol. 
Cyfrifoldeb am hunan ddatblygiad.
Gall bydd yn ofynnol i ddeilydd y swydd, o dro i dro,  fynychu cyrsiau hyfforddi, cynadleddau, seminarau neu gyfarfodydd eraill fel sy’n ofynnol yn sgîl ei anghenion hyfforddiant ac anghenion y Gwasanaeth. 
Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
Gweithredu o fewn polisïau’r Cyngor yng nghyswllt cyfle cyfartal a chydraddoldeb.
Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor.  Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
Ymrwymiad i leihau allyriadau carbon y Cyngor yn unol â’r Cynllun Rheoli Carbon ac i annog eraill i weithredu’n gadarnhaol tuag at leihau ôl-troed carbon y Cyngor.
Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
Cyfrifoldeb i adrodd ar bryder neu amheuaeth bod plentyn neu oedolyn bregus yn cael ei gamdrin.
 
 
 
 
 
 
    Amgylchiadau Arbennig.  . e.e. angen i weithio oriau anghymdeithasol, trefniadau gwaith arbennig, a.y.y.b.
 
Yr angen i weithio oriau anghymdeithasol.