Pwrpas y Swydd.
 • Sicrhau bod plant a phobl Gwynedd yn ganolog i bopeth yr ydym yn ei wneud.
• Sicrhau cyfleoedd dysgu ac addysgu o safon uchel i’r holl ddisgyblion o dan ei g/ofal a safonau cyrhaeddiad uchel ym mhob agwedd o waith yr ysgol.
• Trwy weithio o dan gyfarwyddyd y pennaeth a chydweithio â’r UDA ac athrawon eraill mae pob athro dosbarth yn gyd-gyfrifol am greu amgylchedd dysgu cyffrous, ysgogol a chynhyrchiol ar gyfer y disgyblion.
• Mae’r ysgol hon wedi ymrwymo i ddiogelu a hyrwyddo lles plant a phobl ifanc ac mae’n disgwyl y bydd pob un o’i staff a’i wirfoddolwr yn rhannu’r ymrwymiad hwn.
 
Cyfrifoldeb am Adnoddau. . e.e. staff, cyllid, offer
 Adnoddau dysgu, arwain cymorthyddion, cyllideb yr adran
 

Prif Ddyletswyddau.
 Amodau
Mae gofynion y swydd hon i'w cyflawni yn unol â darpariaethau Dogfen Cyflog ac Amodau Athrawon Ysgol (Cymru) ac o fewn amrediad dyletswyddau athrawon fel y'u nodir yn y ddogfen honno cyn belled ag y bo hynny'n berthnasol i deitl y swydd a graddfa cyflog y sawl sydd yn y swydd. Mae’r swydd hefyd yn ddarostyngedig i Amodau Gwaith Athrawon Ysgol yng Nghymru a Lloegr (Y Llyfr Bwrgwyn), i wiriad DBS cadarnhaol, i aelodaeth cyfredol o’r CGA ac i gydymffurfio’n llwyr gyda’r Cod Ymddygiad ac Ymarfer Proffesiynol maen nhw’n ei gynnal ac i unrhyw amodau perthnasol a gytunwyd yn lleol.
Bydd pob aelod o staff a gyflogir yn yr ysgol yn gweithredu pob cais neu gyfarwyddyd rhesymol a roddir gan y Pennaeth a/neu gynrychiolydd. Yn ychwanegol, mae’n rhesymol disgwyl gweithredu a chwblhau rhai dyletswyddau penodol yn unol â pholisïau’r ysgol.
Gweithredu’r ‘Safonau Proffesiynol ar gyfer Addysgu ac Arweinyddiaeth’. Dylid hybu nodweddion, gwerthoedd a dealltwriaeth broffesiynol, cynllunio gwaith yn hyderus gan osod targedau i’w monitro a’u hasesu wrth gynnal amgylcheddau dysgu effeithiol, lle mae pob dysgwr yn teimlo'n ddiogel a hyderus.
Prif Gyfrifoldebau Pennaeth Adran Mathemateg
Dyletswyddau penodol: Arwain yr adran yn effeithiol. Golyga hyn:
Arweinyddiaeth ac Atebolrwydd
• ddarparu arweinyddiaeth a rheolaeth effeithiol a thrwy hynny ddatblygu a chynnal tîm effeithiol o
 athrawon sy'n ymdrechu i hybu'r dysgu a'r addysgu i'r safon uchaf. 
• ddatblygu ac ymestyn arfer addysgu athrawon eraill yn y maes dysgu drwy rannu a lledaenu arferion
 da.
• arwain, cydlynu a chymryd rôl flaenllaw wrth baratoi cynlluniau gwaith o fewn yr adran
• gefnogi’r UDA wrth weithredu blaenoriaethau ysgol gyfan
• gynghori'r UDA am ddatblygiadau yn y maes
• gadeirio ac arwain cyfarfodydd cyfadran - darparu agenda a chofnodion ar gyfer staff, y Pennaeth a'r
 Aelod Cyswllt o’r Uwch Dim Rheoli. 
• gynnal a chefnogi staff yr adran
• lunio adroddiadau hunan arfarnu ar waith yr adran yn unol â'r drefn traws-ysgol. Gweithredu ar y
 canfyddiadau. 
• ddatblygu trefniadau ar gyfer disgyblion ag ADY yn yr adran, gan gynnwys ymateb i anghenion unigol
 disgyblion drwy gydweithrediad â'r Cydlynydd,
• lunio Cynllun Datblygu'r Maes Dysgu a Phrofiad sy’n ymateb i ganfyddiadau’r hunan arfarnu. 
• weithredu’r Cynllun Datblygu yng nghyd-destun datblygiad ysgol gyfan.
• chwarae rhan allweddol fel pennaeth maes dysgu a phrofiad yn natblygiad pob agwedd o fywyd yr
 ysgol. 
• hybu gweithgareddau allgyrsiol a diwylliannol e.e. clwb gwaith cartref, ymweliadau, cystadlaethau.
• ofalu fod athrawon dan hyfforddiant ac Athrawon Newydd Gymhwyso o fewn yr adran yn cael eu
 cynnal, eu monitro a'u harfarnu, yn unol â threfn yr ysgol. 
• gyfrannu at ddatblygu a sicrhau arferion cadarn mewn datblygu medrau rhifedd yn draws ysgol ac mewn sicrhau safonau medrau cadarn gan ddisgyblion o fewn eu rhifedd.
Cynlluniau Gwaith
• ddatblygu cynlluniau gwaith cynhwysfawr sy’n cyflawni gofynion y Cwricwlwm i Gymru, yn
 cynnwys ystod o ddulliau dysgu ac addysgu sy'n cynnig profiadau cyfoethog trawsgwricwlaidd i'r
 disgyblion, sy’n cyfeirio at ofynion pynciol ond hefyd at ddatblygiad sgiliau, yn rhoi sylw amlwg i
 lythrennedd, rhifedd, TGCH a sgiliau dysgu yn ogystal â`r sgiliau allweddol ehangach, ynghyd ag
 amrywiaeth o ddulliau asesu ar adegau allweddol sy'n fodd i fesur yn gywir gynnydd disgyblion.
• ddatblygu polisïau adrannol/cyfadrannol gweithredol.
Monitro a Hunan Arfarnu
• fonitro ansawdd yr addysg yn yr adran gan hybu addysg effeithiol ac ymyrryd yn bwrpasol i 
 godi safonau. 
• fonitro gwaith yr adran drwy arsylwi gwersi, craffu ar waith disgyblion, marcio ar draws yr adran, 
 canfod barn dysgwyr ac unrhyw ddull perthnasol arall, ac ymyrryd yn bwrpasol i godi safonau.
• sicrhau fod yr arfarniad adrannol yn gyfredol.
• godi safonau a chyrhaeddiad disgyblion ar draws yr holl ystod gallu o fewn yr adran, monitro a 
 chefnogi cynnydd disgyblion, ac ymyrryd yn bwrpasol i godi safonau. 
• roi ar waith bolisi asesu a gosod targedau'r ysgol, gan wneud defnydd effeithiol o'r data i fonitro,
 gwerthuso ac ymestyn gallu disgyblion yn y maes. 
• fod yn atebol am gynnydd disgyblion yn y maes dysgu
• gynnal a chefnogi disgyblaeth a chanmoliaeth disgyblion o fewn y maes dysgu.
• ddefnyddio ystadegau i ddadansoddi cryfderau a gwendidau y ddarpariaeth gyfadrannol a 
 chydweithio â holl staff y gyfadran a`r UDA i addasu yng ngoleuni`r dadansoddiad hwnnw. 
• arfarnu cyrsiau’r adran yn rheolaidd mewn ymgynghoriad â’r athrawon pwnc.
Delio â Thangyflawni
• arwain a chydweithio ag aelodau eraill y gyfadran i gynnal a hybu cymhelliant a delio`n effeithiol 
 â thangyflawni.
• gefnogi, cynnal a datblygu staff yr adran mewn cydweithrediad â’r Tiwtor Proffesiynol.
Rheolaethol
• sicrhau gweinyddiaeth effeithiol.
• sicrhau defnydd effeithiol o adnoddau dynol a chyllidol yr adran.
• baratoi adroddiadau ar waith yr adran yn ôl y galw.
• gyfarfod yn rheolaidd â’r aelod cyswllt o’r Uwch Dim Rheoli a’r Llywodraethwr Cyswllt i drafod 
 materion strategol
• Gweithredu fel Arfarnwr yn y drefn Rheoli Perfformiad lle bo'n cyd-fynd â threfn yr ysgol.
• Cydweithio'n effeithiol gyda'r swyddog arholiadau. 
• gynrychioli’r adran a gwneud cyfraniad ar lefel ysgol gyfan mewn cyfarfodydd yn ôl y galw.
• Cydweithio gydag ysgolion cynradd i sicrhau dilyniant esmwyth wrth drosglwyddo.
 

Pynciau Penodol o fewn yr Adran
Mae’r Adran yn paratoi disgyblion tuag at y cymwysterau canlynol;
• TGAU, Lefel Mynediad a chymwysterau eraill ar y fframwaith cymwysterau
Mae’r adran hefyd yn rhan greiddiol o waith yr ysgol wrth gynllunio i sicrhau medrau rhifeddcadarn ymysg ein disgyblion.

Y cyfrifoldebau penodol sy'n gysylltiedig â’r swydd fel athro/athrawes dosbarth fydd:
• Sicrhau lles a diogelwch pob disgybl. Tynnu sylw’r person priodol at unrhyw broblem.
• Cynnig addysg o’r radd flaenaf i bob disgybl, gan dalu sylw teilwng i oed, gallu a diddordebau’r unigolion.
• Creu a chynnal man gwaith deniadol a phleserus, gan ddefnyddio arddangosfeydd o waith plant a staff yn rheolaidd, ac annog disgyblion i gadw’r ystafelloedd dysgu yn lân ac yn daclus.
• Yn unol ag arweiniad cyfredol yr ysgol, cynllunio rhaglenni gwaith, gan gynnwys paratoi disgyblion ar gyfer profion neu arholiadau mewnol ac allanol yn ôl yr angen.
• Cynllunio a pharatoi gwersi yn ofalus a thrylwyr.
• Paratoi deunyddiau dysgu ac addysgu ar gyfer y gwersi a ddysgir. 
• Sicrhau fod adnoddau/deunyddiau/offer perthnasol ac addas yn barod ymlaen llaw.
• Sicrhau fod gwersi yn cychwyn ac yn gorffen ar amser a bod y disgyblion yn cael eu derbyn i’r dosbarth a’u hanfon allan dan reolaeth a threfn.
• Dysgu â brwdfrydedd gan ymestyn pob disgybl a roddir i’w g/ofal hyd eithaf ei allu.
• Gosod a marcio gwaith y disgyblion.
• Cynnal disgyblaeth yn unol â’r rheolau a gweithdrefnau a fabwysiadwyd gan yr ysgol.
• Cyfrannu at gyfarfodydd, trafodaethau a threfniadau rheolaeth yn ôl y gofyn i ddatblygu a chydlynu gwaith yr ysgol.
• Cyfrannu at drefniadau’r ysgol ar gyfer asesu ac adrodd ar gyflawniad disgyblion.
• Cymryd rhan yn nhrefniadau’r ysgol ar gyfer gwerthuso a rheoli perfformiad.
• Ymroi i ddatblygiad proffesiynol sy’n berthnasol i’r swydd a chyfrifoldebau drwy gydol ei g/yrfa.
• Cynghori, arwain a chydweithio â’r pennaeth ag athrawon eraill yn ôl y gofyn mewn perthynas â darparu a datblygu rhaglenni gwaith, deunyddiau addysgu, dulliau asesu a.y.y.b.
• Mynychu a chyfrannu i gyfarfodydd staff sy’n ymwneud â chwricwlwm yr ysgol, trefniadaeth yr ysgol, gan gynnwys gweithdrefnau bugeiliol.
• Hunanarfarnu safonau ac arferion dysgu - ymyrryd yn bwrpasol i godi safonau.
• Cyflawni dyletswyddau bore, egwyl a phrynhawn yn unol â Pholisi Iechyd a Diogelwch yr ysgol a’r amserlen a gyhoeddir ar ddechrau pob blwyddyn academaidd. 
• Mynychu cyfarfodydd amrywiol ar nosweithiau yn unol â threfniadau’r ysgol. 
• Mynychu nosweithiau rhieni yn ôl y galw er mwyn trafod datblygiadau disgyblion.
• Mynychu cyfarfodydd eraill yn ôl y galw, gan gynnwys y tu allan i oriau arferol yr ysgol o fewn oriau cyfeiriedig.
• Mynychu hyfforddiant mewn swydd yn ôl y galw.
• Hybu blaenoriaethau Cynllun Datblygu Ysgol presennol. 
• Cyfrannu’n bwrpasol i ddatblygu’r ysgol i fod yn ganolfan sy’n cynrychioli’r arferion a’r safonau proffesiynol uchaf. 
• Cydweithio’n effeithiol a pharchus fel aelod o dîm proffesiynol.
• Cyfrannu gyda’r Pennaeth i sicrhau fod yr ysgol yn gwarchod gwerthoedd yr iaith Gymraeg ac yn dilyn Polisi Iaith yr Awdurdod. 
• Ysgwyddo cyfrifoldeb am ei ddatblygiad proffesiynol ei hun. 
• Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
• Gweithredu o fewn polisïau’r cyngor/ysgol yng nghyswllt cyfle cyfartal a chydraddoldeb.
• Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data.
• Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
• Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
• Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin.
Cysylltiadau:
Bydd y sawl sydd yn y swydd yn:
- rhyngweithio ar lefel broffesiynol efo'i gydweithwyr ac yn ceisio sefydlu a chynnal perthynas gynhyrchiol â nhw er hyrwyddo cyd-ddealltwriaeth o bynciau o fewn cwricwlwm yr ysgol gyda golwg ar wella ansawdd y dysgu yn yr ysgol.
- gyfrifol am oruchwylio gwaith cymhorthydd sy'n berthnasol i'w ddyletswyddau.
 
Amgylchiadau Arbennig. . e.e. angen i weithio oriau anghymdeithasol, trefniadau gwaith arbennig, a.y.y.b.
 • Gweithio y tu allan i oriau gwaith arferol yn ôl y gofyn.