Pwrpas y Swydd
•Sicrhau bod pobl Gwynedd yn ganolog i bopeth yr ydym yn ei wneud.
•Cefnogi Tîm Arweinyddiaeth y Cyngor gan gynnwys yr Arweinydd, y Prif Weithredwr a’r Cyfarwyddwyr i gyflawni eu cyfrifoldebau
•Ymgymryd a swyddogaethau penodol o fewn y tîm gweithredol i gefnogi gwaith y tîm arweinyddiaeth 
 
Cyfrifoldeb am Adnoddau. . e.e. staff, cyllid, offer
•- 
 
Prif Ddyletswyddau.
•Darparu cefnogaeth weithredol i dîm arweinyddiaeth y Cyngor gan gynnwys yr Arweinydd a Dirprwy Arweinydd er mwyn eu cynorthwyo i ymarfer eu rôl yn ogystal a gweithredu fel rhan o’r Tim sy’n cefnogi gwaith y Prif Weithredwr a’r Cyfarwyddwyr. O reidrwydd bydd hyn yn golygu ymgymryd ag amrediad eang o ddyletswyddau yn ôl y gofyn. Mae’r dyletswyddau hyn yn cynnwys:
•Gwneud gwaith ymchwil ac adnabod tueddiadau allweddol mewn amrywiol feysydd gan ddarparu cefnogaeth a diweddariadau rheolaidd.
•Llunio cofnodion o gyfarfodydd a chynhyrchu papurau trafod/tystiolaeth yn ôl yr angen
•Cefnogi gyda threfniadau herio perfformiad.
•Edrych ar ymarfer da mewn sefydliadau eraill.
•Cyfrifoldeb am sicrhau cyfathrebu rhagweithiol rheolaidd gyda Aelodau’r Cyngor a phobl Gwynedd.
•Cefnogi’r Tim Arweinyddiaeth mewn cyfarfodydd amrywiol yn ôl y gofyn 
•Cadw trosolwg ar adroddiadau i bwyllgorau’r Cyngor (ac mewn sefydliadau eraill) gan dynnu sylw materion perthnasol i aelodau’r Tim Arweinyddiaeth.
•Ymchwilio a darparu nodiadau briffio i’r Arweinydd/Dirprwy Arweinydd yn ôl y gofyn.
•Cydweithio’n agos gyda budd-ddeiliaid mewn amrywiol feysydd, gan feithrin perthynas effeithiol a dylanwadol gyda phrif swyddogion y Cyngor, yr Aelodau Cabinet a budd-ddeiliaid allanol fel sy’n ofynnol.
•Chwarae rhan llawn wrth i’r gwasanaeth sefydlu yr hyn sy’n bwysig i bobl Gwynedd. 
•Chwarae rhan llawn wrth ddatblygu egwyddorion gweithredu’r tim ynghyd a chyfrifoldeb personol dros gadw atynt.
•Gweithredu’n hyblyg o fewn egwyddorion gweithredu’r Tim i gyflawni yr hyn sy’n bwysig i drigolion Gwynedd.
•Edrych yn barhaus am gyfleoedd i wella’r gwasanaeth gan adnabod materion sy’n rhwystro’r tim rhag cyflawni yn effeithiol ac effeithlon a gweithredu er mwyn eu datrys.
•Sicrhau fod y wybodaeth sydd ei angen er mwyn profi pa mor dda yr ydym yn cyflawni’r hyn sy’n bwysig yn cael ei gadw gan ddefnyddioi’r wybodaeth honno i wella gwasanaeth. 
•Cyfrannu a chymryd penderfyniadau priodol er mwyn cyflawni’r hyn sy’n bwysig i bobl Gwynedd 
•Cynorthwyo timau eraill i gyflawni’r hyn sy’n bwysig i bobl Gwynedd
•Gweithredu mewn ffordd rhagweithiol; bod yn agored i feddwl yn wahanol; yn egnïol ac ymroddedig gydag integriti personol er mwyn cyflawni’r swyddogaethau uchod.
•Bod yn gyfrifol am ddatblygiad personol er mwyn medru cyflawni’r swydd.
•Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
•Gweithredu o fewn polisïau’r Cyngor yng nghyswllt cyfle cyfartal a chydraddoldeb.
•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
•Ymrwymiad i leihau allyriadau carbon y Cyngor yn unol â’r Cynllun Rheoli Carbon ac i annog eraill i weithredu’n gadarnhaol tuag at leihau ôl-troed carbon y Cyngor.
•Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
•Cyfrifoldeb i adrodd ar bryder neu amheuaeth bod plentyn neu oedolyn bregus yn cael ei gam-drin.
Amgylchiadau Arbennig. . e.e. angen i weithio oriau anghymdeithasol, trefniadau gwaith arbennig, a.y.y.b.
•Gorfod gweithio oriau anghymdeithasol yn achlysurol